COVID-19-ით დაინფიცირების ქვეყნის მასშტაბით 44-ე ხოლო ბათუმში მეორე ფაქტი რამდენიმე წუთის წინ ბათუმის ინფექციურ საავადმყოფოში დადასტურდა. დაინფიცირებულის მდგომარეობა სტაბილურია. აჭარის ჯანდაცვის მინისტრის თქმით პაციენტის ყველა შესაძლო კონტაქტი შესახებ უკვე ცნობილია. "როგორც მოგეხსენებათ, საკარანტინო ზონიდან მინიმალური ნიშნების მქონე ადამიანები გადაგვყავს ინფექციურ საავადმყოფოში. დღეს დილით 7 ადამიანი გადავიყვანეთ და ჩავუტარეთ ტესტირება, აქედან 6 უარყოფითი პასუხი ამოვიდა, ხოლო ერთს დაუდასტურდა. როგორც იცით, ბათუმში გვქონდა ერთი დადასტურებული შემთხვევა, ეს არის უკვე მეორე შემთხვევა." - ციტირებს ზაალ მიქელაძის სიტყვებს აჭარის საზოგადოებრივი მაუწყებელი. #politics #news #კორონავირუსი #coronavirus

COVID-19-ისგან გამოჯანმრთელებულების რიცხვი ყოველდღიურად მატულობს. Worldometr-ის ბოლო მონაცემებით მსოფლიოში ახალი კორონა ვირუსგან 172 239 ადამიანი განიკურნა. ყველაზე მეტი გამოჯანმრთელებული ჩინეთს ჰყავს. მეორე ადგილზე კი ესპანეთია, სადაც ვირუსი თითქმის 20 000 პაციენტს აღარ უდასტურდება. გამოჯანმეთელებულთა რიცხვი იზრდება კორონავირუსის ეპიცენტრ იტალიაშიც, სადაც ვირუსი უკვე 14 ათასზე მეტმა ადამიანმა დაამარცხა. #politics #news #კორონავირუსი #დარჩისახლში #coronavirus

გუშინ COVID-19-ზე ჩატარებულმა ტესტმა საქართველოში, პირველი პაციენტის მსგავსად, კორონავირუსით დაინფიცირებულ მეორე პირსაც უარყოფითი შედეგი უჩვენა - ინფექციური საავადმყოფოს დირექტორის სიტყვებს ნეტგზატეთი ციტირებს. მარინა ეზუგბაიას თქმით პაციენტი, რომელსაც ირანში მოგზაურობის ისტორია აქვს, გუშინ ჩატარებული ტესტიდან 24 საათიან ინტერვალში კორონავირუსზე განმეორებით შეამოწმებენ, რის შემდეგაც მისი გამოჯანმრთელების შესახებ საკითხი საბოლოოდ გახდება ცნობილი. #politics #news #კორონავირუსი #coronavirus