სასამართლომ დააკმაყოფილა „რესპუბლიკელების“ სარჩელი - პარტია არჩევნებზე რეგისტრირდება

„რესპუბლიკური პარტიის“ თავმჯდომარის ხათუნა სამნიძის ინფორმაციით, სასამაართლომ დააკმაყოფილა სარჩელი და პარტია არჩევნებზე რეგისტრირდება. ამის შესახებ სამნიძემ „ფეისბუკზე" დაწერა. პარტიამ სასამართლოს, მას შემდეგ მიმართა, რაც ცესკო-მ მას რეგისტრაციაზე უარი განცხადების ვადის გადაცილებით წარდგენის მიზეზით უთხრა. „არ იქნა წარმოდგენილი საქართველოს ორგანული კანონის „საქართველოს საარჩევნო კოდექსი“ 197-ე მუხლით დადგენილ ვადაში, 2020 წლის 15 ივლისამდე, რაც წარმოადგენს საარჩევნო რეგისტრაციაზე უარის თქმის საფუძველს“, - ნათქვამია ცესკო-ს განკარგულებაში. „რესპუბლიკელებმა“ არ გაიზიარეს ცესკო-ს გადაწყვეტილება და სასამართლოს მიმართეს. როგორც მათ განმარტეს, განცხადება ვადის დაცვით წარადგინეს - 14 ივლისს ფოსტით გააგზავნეს.   https://www.radiotavisupleba.ge/a/30737701.html #ახალი_ამბები #twitter