5 votes
0 comments
0 shares
Save
17 views
Keti Pirtakhia
Senaki · 1 year ago

“თუკი დოზას გადააჭარბებ, ყველაფერი საწამლავია.”-Proverbe français


Keti Pirtakhia
Senaki · 1 year ago
Similar Posts
Tbilisi Daily
Tbilisi · 3 months ago
კორონავირუსის მსუბუქი შემთხვევების შინ და საკარანტინე ზონებში მკურნალობის პროტოკოლი
საქართველოს ჯანდაცვის სამინისტრომ კორონავირუსის მსუბუქი შემთხვევების შინ და საკარანტინე ზონებში მკურნალობის პროტოკოლი შეიმუშავა. პროტოკოლის თანახმად, კორონავირუსით ინფიცირებული მსუბუქი პაციენტების მართვა პირველადი ჯანდაცვის რგოლს, ოჯახის ექიმებს და თავად პაციენტებს დაეკისრათ. დოკუმენტში კონკრეტულად არის გაწერილი, რა შემთხვევაში უკავშირდება პაციენტი ოჯახის ექიმს და როგორ უნდა მოხდეს პაციენტის თვითიზოლაცია. დოკუმენტში ასვე დეტალურად არის გაწერილი რეკომენდაციები ექიმებისთვისაც. „კერძოდ, თუ მას აქვს ცხელება, ხველა და ქოშინი, ან ასევე სხვა ნიშნები, მაგ.: დაღლილობა (ხშირი) ან შეუძლოდ ყოფნა (პაციენტის გადმოცემით) - 38-69%-ში; ანორექსია (მადის დაქვეითება) - 40%-ში; ნახველის გამოყოფა (ხშირი) - 26-33%-ში; ყელის ტკივილი (ხშირი) - 5-17%-ს - ავადმყოფობის ადრეულ ეტაპზე; დაბნეულობა (იშვიათი) - 9%-ში; თავბრუსხვევა (იშვიათი) - 9%-ში; თავის ტკივილი (იშვიათი) - 6-14%-ში; ცხვირიდან წყალივით გამონადენი (იშვიათი) - 4-5%-ში; ტკივილი გულმკერდის არეში (იშვიათი) - 2-5%-ში; შესაძლოა, პნევმონიის გამო; გასტროინტესტინური სიმპტომები (იშვიათი) - 1-10%-ში; კონიუნქტივის ჰიპერემია (იშვიათი) - 1%-ში. დიაგნოზი; ბრონქული სუნთქვა (იშვიათი) - შესაძლოა, ასახავდეს პნევმონიის არსებობას; ყნოსვისა და გემოს შეგრძნების დაკარგვა (ანოსმია და აგევზია) - ბოლო დროს დაგროვილი კლინიკური გამოცდილებით ეს სიმპტომები ზოგჯერ შესაძლოა, წინაც კი უსწრებდეს ხველისა და ცხელების განვითარებას; ასევე ოჯახის ექიმს პაციენტი ატყობინებს იმ შემთხვევაშიც, თუ ბოლო 14 დღის განმავლობაში ან თავად იყო საზღვარგარეთ ან მჭიდრო კონტაქტი ჰქონდათ უცხოეთიდან ჩამოსულ პირთან; ან ჰქონდა მჭიდრო კონტაქტი გასული 14 დღის განმავლობაში COVID-19–ის დადასტურებული ან შესაძლო შემთხვევის მქონე პირებთან, მათ შორის სამედიცინო დაწესებულებაში მომუშავე პირთან. პაციენტი მსუბუქი სიმპტომებით - ურჩიეთ „დარჩეს სახლში“ და მოახდინოს თვითიზოლაცია 14 დღის განმავლობაში. მიაწოდეთ თვითმოვლის რეკომენდაციები. თუ თვითიზოლაცია შეუძლებელია სამინისტროსთან შეთანხმებით უზრუნველყავით პაციენტის გადაყვანა საკარანტინე სივრცეში ურჩიეთ ტემპერატურის გაზომვა სულ მცირე დღეში ორჯერ (დილა-საღამოს) და მაჩვენებლების დოკუმენტირება შეაფასეთ პაციენტის ბინაზე დარჩენის პირობები: თუ პაციენტს ყავს შესაბამისი მზრუნველი პირები ოჯახში, აქვს იზოლირებული ოთახი, სადაც არ შევლენ ოჯახის სხვა წევრები; აქვს ადეკვატური რესურსი საკვებისა და სხვა საჭიროებების დასაკმაყოფილებლად. რაც შეეხება რეკომენდაციებს, პაციენტმა დღის მანძილზე უნდა მიიღოთ საკმარისი რაოდენობით სითხე, რათა შარდს შეუნარჩუნდეს ღია გამჭვირვალე ფერი. შესაძლებელია მიიღოთ პარაცეტამოლი სიმპტომების გაუმჯობესების მიზნით. მედიკამენტი მიიღეთ ინსტრუქციის შესაბამისად და არ გადააჭარბოთ დოზას. თუ თქვენ ან თქვენი ოჯახის წევრი საჭიროებს დაუყოვნებელ სამედიცინო რჩევებს; დაუყოვნებლივ მიმართეთ ექიმს, თუ თქვენი ან ოჯახის სხვა წევრის მდგომარეობა გაუარესდება. რა შემთხვევაში ახორციელებს შასაძლო ინიფიცირებულთან ექიმი ვიზიტს: თუ სატელეფონო ტრიაჟის საფუძველზე პაციენტი საჭიროებს პირის პირშეფასებას, მაგრამ არ შეუძლია კლინიკაში მოსვლა ინფექციის კონტროლის წესების შესაბამისი დაცვით. სატელეფონო ტრიაჟის საფუძველზე პაციენტის მდგომარეობა განისაზღვრა როგორც მძიმე, მაგრამ პაციენტი 112-ს უარს უცხადებს ჰოსპიტალურ მკურნალობაზე. ბინაზე ვიზიტების დროს აუცილებელია სპეციალური ჩანთების ტარება, სადაც იქნება საფრთხის შემთხვევაში გამოსაყენებელი ყველა საშუალება (შიგთავსის გაკონტროლება უნდა მოხდეს ყოველი გასვლის წინ). დასუფთავება და დეკონტამინაცია უნდა განხორციელდეს სახელმწიფო სტანდარტების შესაბამისად. ამასთან, ექიმს ვალდებულება უჩნდება პაციენტთან მუდმივი მონიტორინგი აწარმოოს. განახორციელეთ სატელეფონო მონიტორინგი მე-3 დღეს; მესამე კომუნიკაცია ხორციელდება არაუგვიანეს მე-6 დღეს, მეოთხე კომუნიკაცია ხორციელდება არაუგვიანეს მე-10 დღეს და მეხუთე კომუნიკაცია არაუგვიანეს მე-14 დღეს; მდგომარეობის გაუარესების შემთხვევაში პაციენტის ჰოსპიტალში გადასაყვანად დაუკავშირდით სსიპ „112“-ს. კორონავირუსზე საეჭვო პაციენტებს, ურჩიეთ, გადადონ თავის ოჯახის ექიმთან, თუ სხვა სპეციალისტთან რუტინულად დანიშნული ვიზიტი და გააუქმონ აღნიშნული წინასწარი ჩაწერა. ყურადღებით და ფრთხილად დაგეგმეთ პაციენტის ვიზიტი ისე, რომ რაც შეიძლება, შემცირდეს მოსაცდელში მისი დაყოვნების ხანგრძლივობა. თუ განცალკევებული დროების გამოყოფა შეუძლებელია, რეკომენდებულია, პაციენტს ურჩიოთ მოიცადოს კლინიკის გარეთ (თუ ის თანახმაა და არ გამოთქვამს უკმაყოფილებას) – თუ შესაძლებელია, ურჩიეთ დაელოდოს საკუთარ ავტომანქანაში, სხვა შემთხვევაში დარჩეს გარეთ და დაიცვას სულ მცირე 2-მეტრიანი დისტანცია, ინფექციის გავრცელების თავიდან არიდების მიზნით. – მოუხმეთ პაციენტს მას შემდეგ, რაც იზოლირებული ოთახი მზად იქნება პაციენტის მისაღებად. თუკი პაციენტის მდგომარეობა მწვავეა, გამოიძახეთ სასწრაფო გადაუდებელი დახმარება, მიაწოდეთ ინფორმაცია ოპერატორს შესაძლო COVID-19-ის შესახებ და განახორციელეთ პაციენტის ჰოსპიტალიზაცია", - ნათქვამია განცხადებებაში#კორონავირუსი #პანდემია #წესები #დარჩისახლში #tbilisdaily
Sokhumi Daily
Sokhumi · 4 weeks ago
რა უნდათ აფხაზებს?
1985 წელს, ბორჯომში ყოფნისას შევესწარი, პროფკავშირის საგზურით სოხუმიდან „დასასვენებლად“ ჩამოსული შუა ხნის აფხაზი ქალი რა გაცხარებით უმტკიცებდა ქართველ მამაკაცს: „Вы у нас отняли алфавит....вы всё у нас отняли!!!......" აფხაზეთიდან რომ ბორჯომში აგზავნიდნენ ადამიანებს „დასასვენებლად“ საბჭოთა პროფკავშირები, ეს კიდევ სხვა თემაა, მაგრამ აქ განსაკუთრებით საინტერესო სწორედ ეს ნარატივია: „ქართველებმა, ყველაფერთან ერთად, ანბანიც წაგვართვითო!“. თავიდან შეიძლება ვერც მიხვდე ადამიანი, რა „ანბანის წართმევას“ გულისხმობდა. ან შეიძლება გეგონოს, რომ (მათი აზრით) ჰქონდათ ანბანი, რომელიც ქართველებმა „წაართვეს“. მაგრამ..... თურმე ნუ იტყვით, რომელიმე სხვა ანბანს კი არ გულისხმობენ, არამედ სწორედ იმ ანბანს რომლითაც ახლა ვწერთ და კითხულობთ. როგორ? „რანაირად“? - სრულიად უსარგებლო კითხვებია: შიზოიდურ ანტიქართულ პარანოიას რაციონალური ახსნა არა აქვს და არც შეიძლება ჰქონდეს. რა თქმა უნდა, იოლი და „თავისდამამშვიდებელია“ ყველაფერი იმით ავხსნათ, რომ ეს მძვინვარე ანტიქართული ნარატივი აფხაზ ნაციონალისტებს (!).....„კრემლმა ჩაუნერგა“ კრემლი რომ იყენებს თავისი იმპერიული მიზნების განსახორციელებლად, ცხადია! მაგრამ „ჩაუნერგა“ მეტისმეტი გაპრიმიტივებაა - თუ ამ ეთნოსის და ქართულ-აფხაზური წინააღმდეგობის ისტორიას გადავხედავთ. საერთოდ, მენტალურად (ეს სწორედ მენტალური პრობლემაა), ძალიან ძნელია ადამიანებს შეასმინო, რომ ქართულ-აფხაზურ საუკუნოვან (!) წინააღმდეგობაში, აფხაზური საზოგადოების მძვინვარე ქართველოფობია, რასაც ისტორიული, სისტემური წინაპირობებია აქვს, პირველადია, ხოლო მისი „ინსტრუმენტალიზება“ მოსკოვის მიერ, მზაკვრული, ანტიქართული, იმპერიული, აგრესიული მიზნების განსახორციელებლად - მაინც მეორადი. . . . . . . . . . . . . . . . . . . . . . . . . . . . . . . . . . . . . . . აქვე უნდა ითქვას, რომ ხშირ შემთხვევაში „ქართული ნარატივი“ აფხაზეთის ისტორიის შესახებ არანაკლებ პრიმიტიული და შიზოიდურია. „...აფხაზები იყვნენ ქართველები....მაგრამ მერე მთიდან ჩამოსახლდნენ აფსუა ტომები და მიითვისეს ქართული ტომის (აფხაზების) ისტორია.....“ ამ ნარატივს ავითარებდნენ თვით ყველაზე „მაღალ ინტელექტუალებად“ მიჩნეული მოღვაწენი. მაგალითად აკაკი ბაქრაძე. ზუსტად ასე, სიტყვა სიტყვით, აღწერა მან აფხაზეთის ისტორია 1989 წლის მიტინგზე. ზვიად გამსახურდიამ კი, იმავე პერიოდში მიტინგზე განაცხადა: „ქრისტიანი აფხაზები იყვნენ ქართველები, ესენი კი აფსუები არიან....“ აქ მაინც ყველაზე საინტერესო ამ ორი ნარატივის აბსოლუტური შეუთავსებლობა და შეურიგებლობაა. ორივე მათგანი შედეგია „ნაციონალიზმის“ ეპოქისათვის დამახასიათებელი დისკურსის და შესაბამის წამოდგენათა ექსტრაპოლირებისა სრულიად სხვა ეპოქაზე. მაგალითად, იგივე „აფხაზთა და ქართველთა სამეფო“. აფხაზური სეპარატიზმის იდეოლოგები მას „აფხაზურ სახელმწიფოდ“ აცხადებენ. ხოლო ჩვენი ისტორიოგრაფია, ბუნებრივია „ქართულ სახელმწიფოდ“. არადა, შუა საუკუნეებში იდენტობა არ განისაზღვრებოდა ჩვენი ეპოქისათვის თვისებრივი „საზრისებითა თუ „კორელანტებით“. იმ ეპოქაში სულ სხვა კრიტერიუმები არსებობდა: „ტახტი“ („გვირგვინი“) ან რელიგია. იმ დროისათვის რელევანტური კითხვა იყო არა „რა ეროვნებისა ხარ?“, არამედ „რომელი ტახტის (გვირგვინისა) ხარ?“ ან „რა რწმენისა ხარ?“ . . . . . . . . . . . . . . . . . . . . . . . . . . . . . . . . . . . . . . მხოლოდ დღევანდელ ანუ „გათანამედროვებულ“ დისკურსში აქვს მნიშვნელობა, რა ენაზე საუბრობდნენ იმ დროს ელიტები, რომელი ენა გამოიყენებოდა (პირობითად) სახელმწიფო, ანუ საქმისწარმოების ენად, რა ენაზე მიმდინარეობდა წირვა-ლოცვა....... რასაკვირველია, ჯერ ბერძნულად, ხოლო X საუკუნიდან - ქართულად. მაგრამ თანამედროვე ქართველთა წინაპრები, რომლებიც ჯერ „აფხაზეთის სამეფოში“, შემდეგ „აფხაზთა და ქართველთა სამეფოში“ ცხოვრობდნენ, ყოფითად საუბრობდნენ ქართულად ან მეგრულად, ხოლო თანამედროვე აფხაზთა წინაპრები - აფსუანურ (ადიღურ) ენაზე. მერედა რა - ამით? ელიტებისა და მასათა მიმართება ისეთ ინსტიტუტებთან, როგორიცაა „დამწერლობა“, „საქმისწარმოება“, „წირვა-ლოცვის ენა“.... მხოლოდ ბევრად გვიან ხდება არსებითი - კლასიკური გაგებით „ნაციონალიზმისა“ და „ნაციონალური მშენებლობის“ ეპოქაში. ანუ, ჩვენს შემთხვევაში XIX საუკუნიდან, როდესაც სულმნათმა ილია ჭავჭავაძემ, ქართველ განმანათლებლებთან ერთად, „ქართველი ერის“, როგორც თანამედროვენაციონალური ერთობის „კონსტრუირება“ დაიწყო და ნებისმიერი ობიექტური, არაანგაჟირებული სპეციალისტი გეტყვით, რომ უკვე მაშინ ანუ XIX-XX საუკუნეთა მიჯნაზე „შეეჯახა“ ეს მცდელობა - ასევე ახლადშობილი „აფხაზური ნაციონალიზმის“ წინააღმდეგობას. . . . . . . . . . . . . . . . . . . . . . . . . . . . . . . . . . . . . . . თუმცა დავუბრუნდეთ ისევ შუა საუკუნეებს: აფხაზებთან დისკუსიის დროს, მათთვის მუდმივად „ჩამჭრელი“ კითხვაა: თუკი „აფხაზთა სამეფო“ იმ გაგებით იყო „აფხაზური სახელმწიფო“, რასაც დღეს გულისხმობენ, მაშინ სად გაქრენ ის აფხაზები? აბა თითქოს როგორ შეიძლება და ხომ ეწინააღმდეგება ელემენტარულ საღ აზრს: თუკი აფხაზებმა შექმნეს „აფხაზური სახელმწიფო“, შემდეგ ეს სახელმწიფო ისე როგორ განვითარდა, რომ „სახელმწიფოთშემოქმედი ერი“ - ეროვნულ-სახელმწიფოებრივი“ (პირობითად) იდენტობის მატარებელი აღარ აღმოჩნდა სულ რაღაც 2 საუკუნის შემდეგ?! ამგვარი მაგალითი მსოფლიო ისტორიაში მოიძევება?......დიახ მოიძევება: მაკედონელები (დიდწილად არაბერძნული ეთნოსი) და მათი როლი საბერძნეთის ისტორიაში! საოცრად ჰგავს ქართულ-აფხაზურ ისტორიას. სხვათა შორის, არ არის შემთხვევითი, რომ დღეს, ჩვენს ეპოქაში, თანამედროვე საბერძნეთი, როგორც შეეძლო ისე ეწინააღმდეგებოდა სლავურ სახელმწიფო „მაკედონიას“, - ამ სახელით გაწევრებულიყო NATO-ში. . . . . . . . . . . . . . . . . . . . . . . . . . . . . . . . . . . . . . . ჩვენ ყოველთვის ვერ ვაცნობიერებთ, რამდენად უნიკალური ფენომენია ქართველი ერი სწორედ იმ აზრით, რომ მან შეითავსა „ეგრთა“ და „სვანთა“ იდენტობა. შოტლანდიელები ან უელსელები „ბრიტანელები“ არიან, მაგრამ არა ინგლისელები! ევროპელისთვის ეს ძნელი გასაგებია და სწორედ ამიტომ იწვევს პროფესორ ჯორჯ ჰიუიტის მაგვართა ანტიქართულ ისტერიას. არ არის გამორიცხული, საქართველოს ისტორია რომ ნორმალურად გაგრძელებულიყო, აფსუა ანუ არაქართული ეთნოსი, დროთა განმავლობაში მართლაც ქცეულიყო „მეოთხე კომპონენტად“ ამ ერთობაში. ოღონდ განვითარების ეს ხაზი შეწყვიტეს იმ ისტორიულმა კატაკლიზმებმა, რაც XIII - XV საუკუნეებში განვითარდა ჩვენს რეგიონში: ჯერ მონღოლთა შემოსევამ და ძალიან ნიშანდობლივმა გადაწყვეტილებამ ერთიანი სამეფოს ორ (დასავლეთ და აღმოსავლეთ) ნაწილად გაყოფის შესახებ; შემდეგ, ნაწილობრივ, თემურ-ლენგის გამანადგურებელმა ლაშქრობებმა, ოსმალთა ექსპანსიამ და, რა თქმა უნდა, რუსეთის იმპერიამ - მისი „დანაწევრების“ სტრატეგიით. პეტერბურგი გეგმაზომიერად ცდილობდა „მეგრულ“ და „სვანურ“ ფენომენთა განცალკევებასაც ერთიანი ქართული მატრიციდან. მაგრამ ვერ მოახერხა. აფხაზებთან მიმართებაში კი მისი მცდელობა წარმატებული აღმოჩნდა. რატომ? იმიტომ, რომ აფხაზეთის შემთხვევაში არსებობდა ისტორიული წინაპირობა, რომელიც ჯერ კიდევ XVIს. ჩამოყალიბდა, როდესაც აფხაზეთი და მთელი დასავლეთ საქართველო ოსმალეთის იმპერიამ დაიპყრო, ხოლო აფხაზურმა ელიტებმა (მეზობელი სამეგრელოსგან და იმერეთისგან განსხვავებით) იმპერიისადმი „ლოიალობის“ ნიშნად დაგმეს ქრისტე და მიიღეს ისლამი. შემდეგ კი ფართოდ გაავრცელეს იგი აფხაზურ მასაში. იმ ეპოქაში კი, როგორც მოგახსენეთ, სწორედ რელიგია განსაზღვრავდა იდენტობას და არა ეთნიკური წარმომავლობა. . . . . . . . . . . . . . . . . . . . . . . . . . .. . . . . . . . . . . . . ზუსტად ამ „ლოიალობის“ წყალობით და ისლამის აღიარების გამო, აფხაზურმა ელიტებმა „მოირთეს ძალა ოსმალთა“ - აგრესიისათვის სამხრეთით და განახორციელეს მეგრული ეთნიკური ელემენტით დასახლებული რეგიონების ოკუპაცია ვიდრე მდინარე ენგურამდე. შემდგომ საუკუნეებში ამას მოჰყვა ეთნიკური იდენტობის ცვლილებაც; ანუ „მეგრელთა - გააფხაზება“: იმ აფხაზთა აბსოლუტური უმრავლესობა, ვინც დღეს, პირობითად თუ ვიტყვით, აფხაზად „იწერება“, თუმცა მეგრული გვარი აქვს და რომლის წინაპარმა (ხშირად მეხუთე-მეექვსე თაობამდე), აფხაზურის გარდა მართლა არც ერთი ენა არ იცოდა, ზუსტად იმ „გააფხაზებულთა“ შთამომავლები არიან! დღეს, მათი სახით, „XVI-XVII საუკუნე“, ოსმალთა იმპერია და მისი ერთგული, აგრესიული ჩაფარი - გამუსლიმებული აფხაზეთი გვიღრენენ იმავე სიძულვილით - ქრისტიან (ანუ ქართველ) ბავშვებს რომ იტაცებდნენ, ანაკლიაში მონათა ბაზრობაზე მიჰყავდათ და მერე სტამბულის ჰარემებში აბარებდნენ. . . . . . . . . . . . . . . . . . . . . . . . . . . . . . . . . . . . . . . აქვე: ისტორიული პარადოქსია, რომ ამჟამად „აფხაზეთის ავტოკეფალიისთვის“ იბრძვიან და ამ გზით საერთაშორისო ლეგიტიმაციის მოპოვებას ცდილობენ სწორედ იმათი ეთნიკური და იდეოლოგიური შთამომავლები, ვინც (ისევ და ისევ მეზობელი სამეგრელოსგან განსხვავებით) XVI საუკუნიდან „ძალა მოირთო“ ქრისტეს გმობითა და ისლამის მიღებით. ახლა კი ჩვენზე დიდი და ჩვენზე ძველი ქრისტიანები ყოფილან თურმე - კონსტანტინეპოლშიც დარბიან და ათონის მთაზეც. XIX საუკუნეში, კავკასია რუსეთმა დაიპყრო. ბუნებრივია, მისი მთავარი მოწინააღმდეგის, ოსმალთა იმპერიის „ჩაფარ-საყრდენებს“ იგი აუცილებლად მოშლიდა. მოშალა კიდეც ეს საყრდენები და აფხაზ-ადიღეველები სამშობლოდან გააძევა. სწორედ მაშინ მოხდა ძალიან მნიშვნელოვანი ისტორიული მოვლენა: აფხაზეთიდან 1870-იან წლებში თითქმის პირწმინდად გაძევებული აფსუა ეთნოსის არსებითი ნაწილი, 20-25 წლის შემდეგ, ესე იგი XX საუკუნის დამდეგს, აფხაზეთში დაბრუნდა, მაგრამ.....მათი თანაეთნოსელი ჩერქეზები „რატომღაც“ ვერ დაბრუნდნენ იქვე - სოჭის მიდამოებში. რატომ? ჩვენში ამას ბრიყვულად ხსნიან იმით, რომ თურმე მაშინ (1900-იანი წლების დამდეგს) იმპერია „წინასწარჭვრეტდა“ 90 წლის შემდეგ საქართველოში „ეროვნულ-განმათავისუფლებელი“ მოძრაობის დაწყებას და ანტიქართული მიზნით „შემოუშვა“ აქ აფსუები მაშინ, როდესაც „არ შემოუშვა“ ჩერქეზები ისტორიულ ჩერქეზეთში. ეს, რასაკვირველია, მითოლოგემაა - ანუ კვლავ და კვლავ „ისტორიული ექსტრაპოლაცია“. სინამდვილეში, მიზეზი ამ სხვაობისა ის იყო, რომ აფსუათა (მათ შორის ისტორიულად გააფხაზებულ მეგრელთა) აფხაზეთიდან გაძევების შემდეგ, ეს ტერიტორია დაიკავა სამეგრელოს მოსახლეობამ, რომელსაც პეტერბურგი ლოიალურად თვლიდა სწორედ ქრისტიანობის გამო. მაშასადამე, კულტურულად, ეთნიკურად, ყოფითად, ეს ტერიტორია მაინც „შეთავსებადი“ გახდა დაბრუნებულ მოჰაჯირებთან; სხვაგვარად თუ ვიტყვით, ისინი „ადაპტირებადნი“ იყვნენ კულტურულად მახლობელ გარემოში მაშინ, როდესაც სოჭის მიდამოებში იმპერიამ ჩერქეზებთან სრულიად „შეუთავსებელი“ და „არაადაპტირებადი“ გარემო შექმნა - კაზაკების ჩასახლებით. ამაზე ერთ რუს ისტორიკოსს დავიმოწმებ: „Возвращающимся Абхазам было выгодно прикидываться грузинами (мэгрелами), которых царская администрация считала лояльными". აფხაზები დღეს ძალიან ღიზიანდებიან, როცა „ფეისბუკ-ბატალიების“ დროს ეუბნები: სწორედ მეგრელებთან (ქართველებთან) კულტურულმა და ყოფითმა სიახლოვემ, მათთან ყოფითმა მსგავსებამ, „შეთავსებადობამ“ და „ადაპტირებადობამ“ გადაგარჩინათ, - დაგაბრუნათ აფხაზეთში, თორემ ისევე ვერ დაბრუნდებოდით, როგორც ჩერქეზები ვერ დაბრუნდნენო! სწორედ ეს იყო მთავარი მიზეზი: ცარისტული ადმინისტრაცია შეცდომით (!) აღიქვამდა ამ ეთნიკურ ელემენტს „უძღები შვილის დაბრუნებად“, რომელიც ისეთივე ლოიალური იქნებოდა, როგორც ქართული, მეგრული ელემენტი. . . . . . . . . . . . . . . . . . . . . . . . . . . . . . . . . . . . . . . იმპერიისადმი „ლოიალურნი“ კი გახდნენ, მაგრამ სულ სხვა საფუძველზე: XX საუკუნის დასაწყისიდან, აფხაზურმა ელიტებმაც დაიწყეს „ნაცია-კონსტრუირების“ პროცესი. ისინი, რა თქმა უნდა, ითვალისწინებდნენ „მეზობელ“ საქართველოში ილია ჭავჭავაძის თაოსნობით დაწყებულ ანალოგიურ პროცესს და წარმატებით ეცადნენ იმპერიისთვის შეექმნათ ანტიქართული „ალტერნატივა“, ოღონდ საკუთარი ინტერესების გათვალისწინებით: ახალ ეპოქაში უკვე აფხაზური ელიტები გახდნენ „ლოიალურნი“ იმპერიის მიმართ, ხოლო ამ ლოიალობის ნიშნად აღიარეს რუსული ენა, რომელიც ისეთივე „კორელანტი“ გახდა ამ მხრივ იმპერიული ლოიალობის და მისი ძალის მორთვისა (საქართველოს წინააღმდეგ), როგორც თავის დროზე ისლამი - ოსმალთა იმპერიის მიმართ. "Мы русскоязычные" (იგულისხმება: არალოიალური და ნაციონალისტი ქართველებისგან განსხვავებით) - იმ დროიდან მომდინარე უცდომელი ნარატივია! სინამდვილეში ეს „ლოიალობაც“, მძვინვარედ ნაციონალისტურ აფხაზურ ელიტებს, სჭირდებოდათ იმ პროცესთა „უკან შესაბრუნებლად“, რაც XIX საუკუნის ბოლოდან დაიწყო, ანუ აფხაზეთიდან ქართველების გამოსაძევებლად! ეს იყო მათი ისტორიული მიზანი. და სამწუხაროდ, 1980-იან წლების ბოლოდან, ქართული ელიტების თუ უპასუხისმგებლო პოლიტიკანების წყალობით, ამ მიზანს მიაღწიეს კიდეც, ანუ, აღისრულეს ისტორიული ოცნება - „გაეწმინდათ“ აფხაზეთი საერთოქართული იდენტობის მატარებელი ელემენტისგან, გაებატონებინათ ამ ტერიტორიაზე ის იდენტობა, რომელიც XIII-XVI საუკუნეთა ისტორიულ კატაკლიზმებში, უპირველესად ოსმალთა იმპერიაში, შემდეგ ცარისტულ ბატონობაში იღებს სათავეს. ამასთან, ანტიქართული „ნაცია-კონსტრუირების“ პროცესში და ახალი ეპოქის „დამოუკიდებელი აფხაზეთის“ შესაქმნელად, ძველი ეპოქის მათთვის ხელსაყრელ ინსტიტუტებსაც მისწვდნენ: მათ შორის „აფხაზთა სამეფოს“ და ქრისტიანობას, რომელიც თავად დაგმეს, როცა სხვა იმპერიისადმი ლოიალობის ნიშნად და მისი „ძალის მოსართავად“ ასე სჭირდებოდათ. . . . . . . . . . . . . . . . . . . . . . . . . . . . . . . . . . . . . . . რა ეშველება ამ ყველაფერს? არაფერი!!! ეს ორი „ეროვნულ-სახელმწიფოებრივი“ პროექტი იმდენად შეუთავსებელია, მათი რაიმე სახით ან ხარისხით „კონვერგენცია“ აბსოლუტურად შეუძლებელია. მით უმეტეს, იმ რეალობაში, რაც ჩამოყალიბდა 1988-1993 წლების „ეროვნულ-გამანადგურებელი“ მოძრაობისა და კატასტროფულ მარცხთა მთელი სერიის შემდეგ, როდესაც იმავე უტვინო და უპასუხისმგებლო პოლიტიკანთა „წყალობით“, ყველაფერი წავაგეთ, ყველაფერი დავკარგეთ, რისი დაკარგვაც შეიძლებოდა ან არ შეიძლებოდა - სამურზაყანოსა და 2008 წელს სამარცხვინოდ, უბრძოლველად ჩაბარებული კოდორის ჩათვლით. ახლა ერთადერთი, რაც დაგვრჩენია და რაც ნამდვილად შეგვიძლია, მხოლოდ ისაა, რომ არავითარ შემთხვევაში არ ვცნოთ ამ ქართველოფობიური სეპარატისტული აპენდიქსის ე.წ. „დამოუკიდებლობა“; შეწყდეს ყოველგვარი მოლაპარაკება, მათ შორის ე.წ. „ჟენევის ფორმატში“, რომელიც მხოლოდ და მხოლოდ ეთნოწმენდის შედეგად წარმოშობილი კვაზისახელმწიფოს „საერთაშორისო გაპრავებას“ ემსახურება; შეწყდეს ბრიყვული „ჰუმანიტარული“, სამედიცინო თუ საზღვრისპირა-სავაჭრო პროექტებით მძვინვარე ანტიქართული საზოგადოების „მოთაფვლის“ ფუჭი, მავნებლური მცდელობა მაშინ, როდესაც ეს საზოგადოება სუნთქავს და საზრდოობს საქართველოს სიძულვილით, - ეს სიძულვილი და შეურიგებლობა მისი არსებობის პირობა და იდენტობის განუყოფელი ნაწილია; და..........დაველოდოთ „ჩვენს“ ისტორიულ დროს. იმ იმედით, რომ მომავალ ეპოქაში მაინც აღმოგვაჩნდება საკმარისად პროფესიული, პასუხისმგებელი ელიტები, რომლებიც ადრინდელ საბედისწერო შეცდომებს არ გაიმეორებენ. წყარო: GHN.GE ავტორი: ნიკა იმნაიშვილი#აფხაზეთი #სოხუმი #ოკუპაცია #sokhumidaily
Tbilisi Daily
Tbilisi · 1 week ago
რას წერს შაქარაშვილის გარდაცვალების საქმის მოწმე ფოტოგრაფის დედა?
ჩემი შვილი ხომ ერთადერთი იყო, ვინც სამართალდამცავებს დახმარებისთვის მიმართა? დაფიქრდით, 19 წლის ბიჭი რომ ასეთ ვითარებაში მოახერხებს უშველოს თავს და დარეკოს პოლიციაში, მერე რატომ წაშლის რამეს, თუკი აქვს გადაღებული? , - ამის შესახებ სოციალურ ქსელში 19 წლის ფეხბურთელის გიორგი შაქარაშვილის გარდაცვალების საქმის ერთ-ერთი მოწმის, ფოტოგრაფ იაკობ ბრეგვაძის დედა წერს. როგორც ფოტოგრაფის დედა აღნიშნავს, ინციდენტის ღამეს ბრეგვაძეს არც მისთვის და არც ნინო გიორგობიანისთვის არ დაურეკავს. იაკობ ბრეგვაძის დედის პოსტს უცვლელად გთავაზობთ. „უპირველესად, მინდა, მივუსამძიმრო გარდაცვლილი გიორგი შაქარაშვილის ოჯახს. მე, 7 შვილის დედა და 6 შვილიშვილის ბებია ვარ, 18 წლის წინ მეუღლე გარდამეცვალა, რომელიც სასულიერო პირი იყო და ამხელა ოჯახს მარტო ვუძღვები. წარმოდგენაც არ მინდა იმ ტკივილის, რასაც ახლა გარდაცვლილის ოჯახი გრძნობს. ეს ენით აღუწერელი ტრაგედიაა და სანუგეშო სიტყვებიც არ მაქვს! არავის ვუსურვებ მსგავს უბედურებას... ამავდროულად, როგორც იაკობის დედა, თავს ვალდებულად ვთვლი, ატეხილი აჟიოტაჟის გარშემო განმარტება გავაკეთო. ამ პოსტს არ ვწერ მათთვის, ვინც ისედაც ტყუილებს ავრცელებს და სიმართლე არ აინტერესებს, ამ დღეებში კი ტყუილი ნამდვილად ბევრი ითქვა. შემაძრწუნებელია, რომ ასეთ ფაქიზ თემას ზოგიერთი მედია ისე აშუქებს, რომ არც გარდაცვლილის ოჯახზე ფიქრობენ, არც დაზარალებული არასრულწლოვნების ფსიქიკაზე და არც ეთიკა გააჩნიათ. არაფერი მაქვს დასამალი და მზად ვარ, ყველა გაჩენილ დამატებით კითხვას ვუპასუხო. უპირველესად, საქართველოში ვცხოვრობთ, სადაც ყველა ყველას ნათესავია. ნინო ჩემი ბიძაშვილია და ეს მეამაყება. რაც შეეხება იმ საბედისწერო ღამეს, იაკობმა არამცთუ ნინოს, მეც არ დამირეკა, მომხდარის შესახებ მხოლოდ რამოდენიმე დღის მერე გავიგე, თუმცა, ასეთ მძიმე ფაქტთან თუ გვქონდა საქმე, ნამდვილად არ ვიცოდი. იცით, რომ ფოტოგრაფი კამერის გარეშე ვერ იმუშავებს და ტელეფონის გარეშე ვერ დაუკავშირდებიან დამკვეთები, არადა, ეს მისთვის დღეს შემოსავლის ერთადერთი წყაროა და თავს შეკვეთებით ირჩენს. ბუნებრივია, ვრეკავდი ყველასთან, ვისთანაც ხელი მიმიწვდებოდა, რომ დაებრუნებინათ ტელეფონი და კამერა , მათ შორის დავრეკე ნინოსთანაც. ნინო ჩამეკითხა, თუ რატომ ჰქონდა ჩემს შვილს ისინი ჩამორთმეული და გაუკვირდა, რომ ამ საქმეში ჩემი შვილი ფიგურირებდა, დიდი ხანია არ შევხმიანებივართ და იაკობისა და მისი საქმიანობის შესახებაც მისთვის არაფერი იყო ცნობილი. მიპასუხა, რომ ტელეფონი და კამერა მნიშვნელოვანი ნივთმტკიცებულებაა და სანამ გამოძიება არ დამთავრდებოდა, ვერავინ ვერაფერს დაგვიბრუნებდა. ამ ფაქტის გადამოწმება ძალიან მარტივად არის შესაძლებელი და ვინც დაინტერესებულია სიმართლით, შეუძლიათ ჩვენი საუბრის ამონაწერიც ამოიღონ, მე ამის პრობლემა არ მაქვს, პირიქით! 112 -ის ჩანაწერებითაც ჩანს, თუ როდის ვის და ვისთან აქვს დარეკილი. რაც შეეხება "დაქირავებულ ფოტოგრაფს"- დაეკითხეთ მოწმეებს, ვინმეს თუ დაუნახავს წვეულებაზე, რომ იაკობს კამერა ეჭირა ხელში და იღებდა? ჩემი შვილი იქ სტუმრად იყო, და დღეს პირიქით, ნანობს კიდეც რომ არაფერი გადაიღო, ნეტა გადამეღოო…იუბილართან მეგობრობს და მან დაპატიჟა, სხვებს არ იცნობდა... ხიდზე, ვიდეოშიც ჩანს, რომ ბიჭები სულაც არ მოელოდნენ საფრთხეს, მშვენიერ ხასიათზე იყვნენ და როდესაც გაჩერდა მანქანა და რკინის ჯოხით გადმოვიდა თავდამსხმელი, მანდ უკვე გადაღებაზე კი არა, სიცოცხლის გადარჩენაზე ფიქრობდა იაკობი. მადლობა ღმერთს, რომ შეძლო იმ შენობისთვის თავი შეეფარებინა, თორემ, რა მოხდებოდა, წარმოდგენაც არ მინდა! ნეტა, გიორგიც გადარჩენილიყო... მრჩება შთაბეჭდილება, რომ ზოგიერთ მედიასაშუალებას მაყურებლის ყურადღება სხვა მიმართულებით შეგნებულად გადააქვს, რომ ნამდვილი დამნაშავე არ გამოიკვეთოს. ვინც ეხლა განსჯის იაკობს და ტყუილებს უვრცელებენ, ვურჩევ, დაფიქრდნენ და გაანალიზონ, ვის აწყობს ეს ყველაფერი და რატომ ატყდა ასეთი ამბავი ერთ ზარზე პოლიციაში? ჩემი შვილი ხომ ერთადერთი იყო, ვინც სამართალდამცავებს დახმარებისთვის მიმართა? დაფიქრდით, 19 წლის ბიჭი რომ ასეთ ვითარებაში მოახერხებს უშველოს თავს და დარეკოს პოლიციაში, მერე რატომ წაშლის რამეს, თუკი აქვს გადაღებული? ის დაზარალებულია და მაინტერესებს, რატომ აძლევენ თავს უფლებას რომ აბულინგონ ჩემი შვილი და მკვლელი ეძახონ? იაკობი გარდა იმისა, რომ ამ საქმის დაზარალებულია, ის დღეს უკვე ზოგიერთი მედიასაშუალებებისა და საზოგადოების ჯგუფების მხრიდან ფსიქოლოგიური ზეწოლის მსხვერპლია... ეს დაუშვებელია! იმედია, ყველაფერი მალე დასრულდება და სიმართლეს ფარდა აეხდება!“- წერს ფოტოგრაფის დედა სოციალურ ქსელში.
Keti Pirtakhia
Senaki · 1 year ago
“Think only of the past as its remembrance gives you pleasure.” Price and prejudice
AstroGeorgia
Tbilisi · 2 weeks ago
29 ივნისის ასტროლოგიური პროგნოზი
ვერძი ამ დღეს განვითარებულ მოვლენებს ღირსეულად შეაფასებთ. ყველაფერი გამოგივათ, თუკი შემოქმედებით აქტიურობას გამოიჩენთ. უცხოელ პარტნიორთან ურთიერთობებს წარმატებით მოაგვარებთ, მთავარია, უსაქმურობა და სიზარმაცე დაივიწყოთ. კურო ეს დღე ბევრ შფოთვასა და ნერვიულობას მოგიტანთ, რადგან მიხვდებით, რომ შეცდომები დაუშვით და არასწორად იმოქმედეთ. ახლობელ ადამიანთან თავს დამნაშავედ იგრძნობთ. სამსახურში ანგარიშის წარმოებისას ნუ ეცდებით პასუხისმგებლობის არიდებას. აღიარეთ შეცდომა და კოლეგებიც სწრაფად გადაგიჭრიან პრობლემას. ტყუპები კარგად შესრულებული სამუშაოსთვის პრემიას დაიმსახურებთ. გაცემულ ვალებს დაიბრუნებთ ან დაკარგულ ნივთს იპოვით. თუკი წარსულში უიღბლობას უჩიოდით, ახლა საწუწუნო არაფერი გექნებათ. საქმემ, რომელზეც ბევრი დრო, ძალისხმევა და ენერგია დახარჯეთ, სასურველი შედეგი ვერ მოგიტანათ, მაგრამ გული ნუ დაგწყდებათ, სამაგიეროდ, მიიღეთ გამოცდილება და ახლა უკვე იცით, როგორ აირიდოთ შეცდომები. კირჩხიბი ზოდიაქოს ამ ნიშნით დაბადებულების უმეტესობას, შესაძლოა, ცხოვრება მონოტონური მოეჩვენოს. რა გაეწყობა, არაორდინარულ კირჩხიბებს მოუწევთ, დაივიწყონ სიამაყე და გახდნენ უფრო თავმდაბლები. რა თქმა უნდა, თქვენთვის რთულია ჩრდილში ყოფნა, თუმცა, მაინც შეეცადეთ, ეს დღე მშვიდ გარემოში გაატაროთ. ლომი სახლშიც და სამსახურშიც სიტუაცია იმგვარად განვითარდება, რომ კომპრომისზე წასვლის სურვილი არავის გაუჩნდება, მაგრამ ლომები მზად არიან, გადაწყვეტილება დამოუკიდებლად მიიღონ, თანაც ისე, რომ საერთოდ არ ჰკითხონ რჩევა ადამიანებს, ვისაც ეს საკითხი უშუალოდ ეხება. გაითვალისწინეთ მოცემული მდგომარეობა და შეძლებისდაგვარად გადადეთ სერიოზული საქმიანობა, რომელიც თქვენგან მოქნილობასა და ლავირებას მოითხოვს. ქალწული ამ დღეს მხოლოდ საკუთარ თავზე იქნებით კონცენტრირებული. ადამიანებს ყურადღებას მხოლოდ იმ შემთხვევაში დაუთმობთ, თუკი მათთან ურთიერთობა თავად დაგაინტერესებთ, სხვა შემთხვევებში აუღელვებლად დააიგნორებთ მათ. ნუ იქნებით ადამიანების მიმართ ზედმეტად მომთხოვნი. ეს ცხოვრების გაუმჯობესებისთვის საუკეთესო გზა ნამდვილად არ არის. სასწორი საქმიანი მივლინება ან კომერციული მიზნით დაწყებული მოგზაურობა წარმატებით დასრულდება. შედეგით კმაყოფილი დარჩებით. თან შესანიშნავი შესაძლებლობა მოგეცემათ, საცხოვრებელი ადგილი შეიცვალოთ. დაივიწყეთ წარსული წყენა - ეს პრობლემების კონსტრუქციული გზით მოგვარებაში დაგეხმარებათ. მორიელი ამ დღეს მოსალოდნელია, სტრესულ სიტუაციაში აღმოჩნდეთ, ამიტომ ვარსკვლავები გირჩევენ, მოერიდოთ უსიამოვნო საზოგადოებაში ყოფნას, ხანგრძლივ მგზავრობას და გარემოს შეცვლას. შეეცადეთ, კარგად გამოიძინოთ. სუფთა ჰაერზე გასეირნება თქვენთვის აუცილებელია, განსაკუთრებით ძილის წინ. მშვილდოსანი დღის პირველ ნახევარში თქვენი პარტნიორული ურთიერთობა ინტენსიურ ხასიათს მიიღებს. შესაძლოა, თქვენს ცხოვრებაში ახალი ადამიანები გამოჩნდნენ, რომლებთანაც თანამშრომლობა თქვენთვის სასიამოვნო აღმოჩნდება. დარწმუნდით, რომ თქვენი რჩეული მზად არის, ღირსეული პარტნიორობა გაგიწიოთ და ცხოვრების ისეთივე აქტიური წესი აირჩიოს, როგორსაც თავად მისდევთ. თხის რქა დიდი ხნის წინათ შესრულებული სამუშაოსთვის, მოულოდნელად ანაზღაურებას მიიღებთ. დავიწყებულ და უიმედო ვალებსაც დაიბრუნებთ და მატერიალური მდგომარეობა საგრძნობლად გაგიუმჯობესდებათ. გახსოვდეთ, რომ ამგვარი დღეები ხშირი არ არის, ამიტომ შეეცადეთ, შემოსული თანხა გამოიზოგოთ. მერწყული საქმიან სფეროში აქტიურობით გამოირჩევით. კარიერულ საფეხურებს წარმატებით დაძლევთ. საქმიან პარტნიორებზე კრეატიული და თავდაჯერებული ადამიანის შთაბეჭდილებას დატოვებთ. დოკუმენტებზე ხელის მოწერამდე, კარგად გაეცანით ტექსტის შინაარსს. ვარსკვლავები გირჩევენ, ხელმძღვანელობასთან არ იკამათოთ და ენერგეტიკული და მატერიალური ვალები გასცეთ. თევზები ვარსკვლავები კრიტიკულ დღეს გიწინასწარმეტყველებენ, რომელიც პესიმისტურ განწყობასა და დეპრესიას უკავშირდება. ამოჩემებული ფობიებისგან თავის დაღწევა გაგიჭირდებათ. ნუ მოეკიდებით ამ დღეს საპასუხისმგებლო საქმეებს. შეეცადეთ, ბევრი დრო გაატაროთ მზეზე, რადგან მზის სხივები დეპრესიის „მკურნალია“.
Tbilisi Daily
Tbilisi · 3 weeks ago
რას იწვევს უძილობა და როგორი უნდა იყოს ძილის რეჟიმი
უძილობა (ინსომნია) ორი ტიპის არსებობს. შესაბამისად მკურნალობის მეთოდიც ორგვარია. თუ ძილთან დაკავშირებული პრობლემები სამ თვეზე მეტხანს არ გაწუხებთ, ეს ნიშნავს, რომ ხანმოკლე (მწვავე) უძილობა გჭირთ. თუ სამი თვის განმავლობაში პრობლემები კვირაში სამჯერ მაინც თავს იჩენს, ეს უკვე ქრონიკული უძილობაა. უძილობა ერთ-ერთი ყველაზე აქტუალური პრობლემაა, რომელიც ქალებს უფრო მეტად ახასიათებთ ვიდრე მამაკაცებს. აუცილებელია მიაქციოთ ყურადღება რა იწვევს უძილობას და აღმოაჩინოთ რა არის უძილობის მიზეზი. თუ ინსომნია დაემთხვა დეპრესიას, ასეთ დროს მკურნალობა ძირითადი პრობლემით იწყება. ძირითადი პრობლემის მოგვარების შემდეგ თუ კვლავ გაგრძელდება უძილობა, მაშინ უნდა დააკვირდეთ და შეისწავლოთ საკუთარი აზრები და ქცევები, რაც შესაძლებელია ხელს უწყობდეს ძილის დარღვევას. როგორ მოქმედებს უძილობა ჩვენს ჯანმრთელობაზე უძილობა იწვევს გულ-სისხლძარღვთა დაავადებებს; ზრდის ინფარქტის რისკის ალბათობას; იზრდება ინსულტის რისკი; ძილის ნაკლებობა უარყოფითად აისახება ტვინის ფუნქციონირებაზე; ზრდის დაღლილობას; მამაკაცებში უძილობის ფონზე მცირდება ტესტოსტერონის დონე; აქვეითებს იმუნურ სისტემას; ზრდასრული ადამიანის ორგანიზმის ნორმალური ფუნქციონირებისათვის აუცილებელია დღე-ღამეში 7-9, ხოლო ასაკოვანი ადამიანებისათვის 7-8 საათიანი ძილი. თინეიჯერებისთვის 10-11 სთ. ძილის ჰიგიენა და პრობლემის მოგვარება საკუთარი შესაძლებლობებით ხანმოკლე უძილობა მალევე აღმოიფხვრება მას შემდეგ, რაც პრობლემა გვარდება ან ადამიანი მოერგება ხოლმე გარემოებებს, რომლებიც მისი უძილობის მაპროვოცირებელი გახდა. ყველაფერი კიდევ უფრო სწრაფად დაბრუნდება ნორმის ფარგლებში, თუკი ეგრეთ წოდებულ ძილის ჰიგიენას დაიცავთ. შეეცადეთ ერთი და იგივე დროს დაიძინოთ და გაიღვიძოთ (დასვენების დღეების ჩათვლით). ამასთან, უკეთესია თუ ძილი მოგერევათ და ისე წახვალთ დასაძინებლად. თუკი 20 წუთის განმავლობაში არ დაგეძინებათ, წიგნის წასაკითხად ან მუსიკის მოსასმენად სხვა ოთახში გადაინაცვლეთ. ასეთ დროს ჩაძინებას და ხანგრძლივ წვალებას შორის ასოციაცია არ გაგიჩნებათ. დასაძინებლად დაბრუნდით მაშინ, როდესაც ძილი მოგერევათ. შეძლებისდაგვარად შეეცადეთ პრობლემები და სანერვიულო თემები მანამდე მოაგვაროთ, ვიდრე ძილს გადაწყვეტთ; დაძინებამდე ცოტა ხნით ადრე, საძინებელში დამამშვიდებელი ატმოსფერო შექმენით დაბალი განათებით და გამორთეთ ტელევიზორი; საწოლი დანიშნულებისამებრ გამოიყენეთ: ძილისთვის და სექსისთვის. მუშაობა, ჭამა და ფილმების ყურება საწოლში არ შეიძლება; არ დალიოთ ალკოჰოლური სასმელი და არ მოწიოთ სიგარეტი დაძინებამდე ცოტა ხნით ადრე; როდესაც გძინავთ, თქვენი სხეული აღადგენს დახარჯულ ენერგიას და ძალებს, ასევე ხელს უწყობს ზრდასა და განვითარებას. ძილის დროს სხეული ატარებს აღდგენით სამუშაოებს ვარჯიშის შემდეგ. როდესაც ბევრს არ ფიქრობთ ძილზე, სწორედ მაშინ შეძლებთ მალე დაძინებას! ავტორი: Prime Time
საბრალდებო დასკვნა
Tbilisi · 3 weeks ago
ფრიდა კალო და ლევ ტროცკი
ლევ ტროცკი მთელი მსოფლიოსათვის უღირს და საძრახის პიროვნებადაა მოხსენიებული თუნდაც იმ მტრული ფაქტების გამო, რაც არასდროს ჩაუდენია, მაგრამ საერთაშორისო პოლიტიკურ სამყაროში ვლადიმერ ლენინის გარდაცვალების შემდგომ უდაოდ ის ყველაზე გამორჩეული და ბრწყინვალე ფიგურაა. ტროცკის გონიერება თავის დროზე მარქსიზმის, პროლეტარიატის, რევოლუციისა და თავად სოციალიზმის საზღვრებსაც სცდებოდა. ფაქტია და საკამათოც არაფერია, რომ ტროცკის ყველაზე დაუნდობელ მოწინააღმდეგეთა წყალობით კონტრრევოლუციონერობა და იმპერიალიზმის აგენტობა დასწამეს. რა სისასტიკეა! ფაშიზმის დაუნდობელი ურჩხული _ ჰიტლერიც კი ტროცკის ისე უფრთხოდა, როგორც მელა მასზე გაცილებით დიდი ზომის ცხოველს. ტროცკიმ და მისმა განუყრელმა მეუღლემ, ნატალია სედოვამ მექსიკაში გენერალ ლასარო კარდენასის მმართველობის ხანაში პოლიტიკური თავშესაფარი მიიღეს. საბჭოთა კავშირიდან განდევნილმა, პატიმრობისა და იზოლაციის, საშინელებათა სერიის მომსწრე ტროცკიმ სახელოვანი მხატვრის, ფერმწერის - დიეგო რივერასა და მისი მარად მოტრფიალე ფრიდა კალოს სახლში დაიდო ბინა. დიეგო რივერას მეუღლე და იმავდროულად ხელოვანი, ფიზიკური ტრამვის შედეგად მარადიული ტკივილისათვის განწირული, გულწრფელობითა და მედგარი ხასიათით გამოირჩეოდა. დრომოჭმული ტრადიციების მოწინააღმდეგე, ზოგჯერ სატირული განწყობით და ხანდახან მოჩხუბარიც, ბრწყინვალე ნიჭის მატარებელი გახლდათ. ფრიდა ქვეყანას ძალადობის ხანაში მოევლინა, გენერლების ემილიანო საპატასა და პანჩო ვილიას რევოლუციური მოძრაობის ეპოქაში. ალბათ ამიტომაც იფეთქა მის ძარღვებში რევოლუციურმა სისხლმა. ნატალია სედოვას კი პირიქით, მექსიკაში ჩასვლისას უკვე რევოლუციის გრძელი გზა ჰქონდა განვლილი პეტროგრადის საბჭოს მომავალ პრეზიდენტთან, საგარეო საქმეთა სახალხო კომისართან, წითელი არმიის დამფუძნებელთან და გამოჩენილ მარქსისტ-თეორეტიკოსთან _ ლევ ტროცკისთან ერთად. ნატალიამ ოქტომბრის რევოლუცია გამოიარა, ტრიუმფითაც დატკბა, იმპერიალისტური გარემოცვის და კონტრრევოლუციონერთა სამოქალაქო ომის წინააღმდეგ ბრძოლებში სუსტი და ძლიერი მხარეებიც დაინახა. გამოსცადა გადასახლების უზომო სიმწარე, ყინვა, შიმშილი, საპატიმრო, შეურაცხყოფა, უმწეობა, სასტიკი მოპყრობა, ცილისწამება და უსამართლობა, გაუსაძლისი ტკივილი შვილების გამო, რომლებიც ტროცკის მტრებმა დახოცეს. მექსიკაში ჩასული ნატალია საკმაოდ ხანშისესული ქალბატონი გახლდათ განსხავებით სასწაულებრივი ნიჭით დაჯილდოვებული ახალგაზრდა ფრიდასაგან. მიუხედავად ამისა, ნატალია შესანიშნავი განათლებისა და ცოდნის პატრონი იყო, რასაც ერთად აღებული ფრიდა და დიეგო რივერა ვერასდროს შესწვდებოდნენ. უდიდესი სხვაობა იყო ამ ორ გამორჩეულ ქალბატონს _ რევოლუციონერსა და ხელოვანს შორის. ნატალია საკმაო უნდობლობით იყო განწყობილი ტროცკის მიმართ, მაშინ როცა ფრიდა სულაც არ ეჭვიანობდა მაესტრო რივერაზე, რაც შემდეგი დასკვნის საფუძველს იძლეოდა: შეუძლებელი იყო ნატალიას დიეგო რივერა შეჰყვარებოდა, ფრიდასგან კი ყველაფერი მოსალოდნელი იყო. ფრიდა კალოს ბიოგრაფები აშკარად მიანიშნებდნენ ტროცკისთან სასიყვარულო ურთიერთობაზე და იმავდროულად მოგვითხრობენ ნატალიას ეჭვიანობის სცენებს უდიდესი პოლიტიკოსის მიმართ. შესაძლოა უარვყოთ კიდეც ეს რომანი და დავასაბუთოთ, რომ ტროცკისთანა შეუვალი და მარჯვე რევოლუციონერი, ფრიად განათლებული პიროვნება სულელურ ბურჟუაზიულ მორალს არ ჩაეჭიდებოდა, მაგრამ არც სამღვდელო პირის მსგავსად დაეყრდნობოდა იმ შეგონებას, რომელიც სიკვდილამდე ურყევ რწმენასა და ცელიბატს ქადაგებს. მარქსის ზოგიერთი ბიოგრაფი აღნიშნავდა, რომ ეს უკანასკნელი მოსამსახურე ქალს ეარშიყებოდა. თუ ეს მართლაც ასე იყო, ვერავინ იფიქრებს, რომ მოსამსახურე ქალი ამ ურთიერთობიდან ხელფასის გაზრდას მოელოდა. ყველას კარგად მოეხსენება, რომ მარქსს არაფრის გადახდა არ შეეძლო, მეტიც, ოჯახის რჩენას ის განუყრელ მეგობარს, ფრიდრიხ ენგელსს უნდა უმადლოდეს. ეს უკანასკნელი გარეგნულად მიმზიდველი, შეძლებული ბრძენკაცი, მეუღლის გარდაცვალებისთანავე საცხოვრებლად რძალთან გადავიდა. ქალბატონი, რომელიც ანალოგიურად შეყვარებული გახლდათ ცნობილ მეცნიერზე, პოლიტიკოსსა და მარქსისტზე. ტროცკის შემთხვევაში საინტერესო პრეცედენტი მოხდა, რაც ფრიდასთან დაკავშირებით სასიყვარულო ურთიერთობის გასაქარწყლებლად შეიძლება იქცეს. კლარისა რაინერი ბოლშევიკური რევოლუციის, წითელი არმიის მებრძოლი, ფრიად განსწავლული და არაჩვეულებრივი მწერალი, გარდა ამისა, რუსეთის რევოლუციონერთა და ბოლშევიკთა რიგებში ულამაზეს ქალბატონად იყო მიჩნეული. ის კარლ რადექსის, რევოლუციის ეპოქის შესანიშნავი ჟურნალისტის საყვარელი გახლდათ. ფაქტია, რომ კლარისამ საყვარელს პირობა წაუყენა: ტროცკისაგან გენიოსი შვილი გაეჩინა. რა დამაჯერებლობაა! ასეთი სილამაზისა და ტალანტის მატარებელი ქალის დაკარგვით დაბნეული და აფორიაქებული რადექსი საყვარელი ქალის წადილს გაუმხელს ტროცკის იმ იმედით, რომ ეს უკანასკნელი ამ წინადადებას უარყოფდა. ტროცკიმ უარი განაცხადა, რამაც სრულიად დაამშვიდა რევოლუციონერი ჟურნალისტი. თუმცა კლარისას დაჟინებული სურვილის შესახებ რადექსი უკვე ვეღარაფერს შეიტყობს, ის ომში იღუპება. არ ვიცი და არც მაინტერესებს, თუ რამდენად ემოციური იყო ფრიდას განვლილი წლები, ან რამდენ სასიყვარულო ისტორიას ითვლის. არც იმ წვრილმანების დაზუსტებას შევეცდები, თუ რამ გადააწყვეტინა ფრიდას დიეგო რივერაზე დაქორწინებულიყო. ვბედავ განვაცხადო, რომ ტროცკისა და ფრიდა კალოს ნამდვილად ჰქონდათ რომანი. თუკი ფრიდას პირველს შეუყვარდა ტროცკი, აქ ფიზიკური სიახლოვე უნდა გამოვრიცხოთ, რამეთუ 27 წლის წარმოსადეგი, ხეიბარი ქალბატონისათვის ტროცკი საკმაოდ ხანშიშესული გახლდათ. თუკი ფრიდას ტროცკი შეუყვარდა, ეს შესაძლოა მხოლოდ რევოლუციონერის გენიალურობის, ტალანტისა და სიბრძნის წყალობით. და ბოლოს, ტროცკი გამორჩეული ფიგურა იყო მთელი თავისი ისტორიული მიღწევებით, სამწერლო და მეცნიერული მოღვაწეობით, სამხედრო სამსახურითაც კი, თუმცა მისმა მტრებმა სრულიად საწინააღმდეგო დაადასტურეს. გარდა ამისა, დამაჯერებლად შეიძლება ითქვას, რომ ფრიდასა და ტროცკის ერთმანეთის გვერდით არ უცხოვრიათ და ეს ურთიერთობა ვნებიან კოცნას არ გასცდებოდა. როგორ მოახერხებდა ტროცკი ნატალიასგან თავის დაღწევას, თავისუფალი დროით ტკბობას და ფრიდასთან სექსუალური ურთიერთობის დამყარებას? არ ვიცი, რას იტყვიან ერთგზის დაქორწინებულნი, თუმცა ვეერაფერი დააკნინებს, ერთის მხრივ, ტროცკის სიდიადეს, მეორეს მხრივ კი ფრიდას ხანმოკლე და წარმავალ, უფრო უტოპიურ, ვიდრე რეალურ რომანს. შესაძლოა, ფრიდას სიყვარული ტროცკისადმი გაცილებით სიურრეალისტური იყო, ვიდრე თავად მისი შემოქმედება. ტროცკის ლტოლვა ფრიდასადმი კი სიბერის ჟამს ყმაწვილობის დროინდელ ანცობას უფრო ჰგავდა. თარგმნა : ნინო მესტვრიშვილმა
ნინო ფიფია
Tsalenjikha · 1 week ago
გაუფრთხილდი და დაიცავი.
"ყველაფერი, რაც მართლა კარგია, უფასოდ გვაქვს. ესაა ჰაერი, წყალი, ნიადაგი, მზე.. ისე მრავლად გვაქვს, რომ შევეჩვიეთ ამ ჩუმ სიკეთეს და აღარ გვახსოვს.. მზე მხოლოდ მაშინ გვენატრება, თუკი გვცივა და ვეძებთ, გათოშილ სახეს მივუშვერთ ხოლმე, ხელებსაც ვიფშვნეტთ და რომ გავთბებით, ეჰ, ვიღას გვახსოვს..'' ✍️ გურამ დოჩანაშვილი♥️ #მოგზაურობა #დაიცავიგარემოშენსგარშემო
Tbilisi Daily
Tbilisi · 1 month ago
ჯადოსნური თუთა, რომელსაც სათანადოდ არ ვაფასებთ
თუთა (ზოგიერთ კუთხეში - ბჟოლა) ჩვენში უძველესი დროიდანაა გავრცელებული. ტკბილი, გემრიელი თეთრი და შავი ნაყოფი ბევრს უყვარს, მაგრამ ვიცით თუ არა მისი სასარგებლო თვისებების შესახებ და ვაფასებთ თუ არა სათანადოდ ამ ჯადოსნურ მცენარეს? თუთის ნაყოფი 88% წყალს შეიცავს და 140 გრამზე მხოლოდ 60 კალორია მოდის. 100 გ თუთა შეიცავს: • 43 კალორია • 88% წყალი • 1.4 გ ცილა • 9.8 გ ნახშირწყლები • 8.1 გ შაქარი • 0.4 გ ცხიმები თუთა მდიდარია ვიტამინებითა და მინერალებით, განსაკუთრებით დიდი რაოდენობით შეიცავს ჩ ვიტამინსა და რკინას. თუთის შემცველობაში შედის: • ვიტამინი C, რომელიც აუმჯობესებს კანსა და სასიცოცხლო ფუნქციებს, მოქმედებს ანთებისა და ალერგიის წინააღმდეგ, აწესრიგებს სტრესის შედეგად გამოწვეულ პრობლემებს, ზრდის ინფექციების მიმართ მდგრადობას. მისი საშუალებით ორგანიზმი უფრო მარტივად ითვისებს კალცსა და რკინას, ხელს უწყობს ორგანიზმიდან ტყვიის, სპილენძისა და ვერცხლისწყლის გამოყვანას. • რკინა - მნიშვნელოვანი მინერალი, რომელსაც არაერთი ფუნქცია აქვს. მათ შორის ყველაზე მთავარი - ორგანიზმში ქსოვილებისთვის ჯანგბადის მიწოდებაზეა პასუხისმგებელი. ასევე, საჭირო რაოდენობის რკინა ორგანიზმში ფარისებრი ჯირკვლის, ტვინისა და სხვა ორგანოთა გამართულ მუშაობას უზრუნველყოფს. • ვიტამინი K1 - ეხმარება ძვლებს სიმტკიცის შენარჩუნებაში, დადებითად მოქმედებს მეხსიერებაზე (განსაკუთრებით, ხანდაზმულებში). • კალიუმი, რომელიც მნიშვნელოვნად ამცირებს გულის დაავადებათა რისკს. • ვიტამინი E - ანტიოქსიდანტი, რომელიც იცავს ნივთიერებებს ზეჟანგვითი ცვლილებებისგან. კარგია ახალგაზრდული იერის შენარჩუნებისთვის, ხელს უწყობს უჯრედების დაბერების პროცესის შენელებას. მოქმედებს, როგორც შარდმდენი საშუალება და შეუძლია სისხლის წნევის დაწევა.თუთის შემცველობაში შედის: • ვიტამინი C, რომელიც აუმჯობესებს კანსა და სასიცოცხლო ფუნქციებს, მოქმედებს ანთებისა და ალერგიის წინააღმდეგ, აწესრიგებს სტრესის შედეგად გამოწვეულ პრობლემებს, ზრდის ინფექციების მიმართ მდგრადობას. მისი საშუალებით ორგანიზმი უფრო მარტივად ითვისებს კალცსა და რკინას, ხელს უწყობს ორგანიზმიდან ტყვიის, სპილენძისა და ვერცხლისწყლის გამოყვანას. • რკინა - მნიშვნელოვანი მინერალი, რომელსაც არაერთი ფუნქცია აქვს. მათ შორის ყველაზე მთავარი - ორგანიზმში ქსოვილებისთვის ჯანგბადის მიწოდებაზეა პასუხისმგებელი. ასევე, საჭირო რაოდენობის რკინა ორგანიზმში ფარისებრი ჯირკვლის, ტვინისა და სხვა ორგანოთა გამართულ მუშაობას უზრუნველყოფს. • ვიტამინი K1 - ეხმარება ძვლებს სიმტკიცის შენარჩუნებაში, დადებითად მოქმედებს მეხსიერებაზე (განსაკუთრებით, ხანდაზმულებში). • კალიუმი, რომელიც მნიშვნელოვნად ამცირებს გულის დაავადებათა რისკს. • ვიტამინი E - ანტიოქსიდანტი, რომელიც იცავს ნივთიერებებს ზეჟანგვითი ცვლილებებისგან. კარგია ახალგაზრდული იერის შენარჩუნებისთვის, ხელს უწყობს უჯრედების დაბერების პროცესის შენელებას. მოქმედებს, როგორც შარდმდენი საშუალება და შეუძლია სისხლის წნევის დაწევა. ამ და სხვა შემადგენელი ვიტამინებისა და მინერალების დამსახურებით, თუთა სასარგებლოა გულის დაავადებების, დიაბეტისა და კიბოს პრევენციისთვისაც. • კვლევებმა აჩვენა, რომ თუთის ექსტრაქტს ქოლესტერინის დონის დაწევა შეუძლია. • მეორე ტიპის დიაბეტის მქონე ადამიანები სისხლში შაქრის სწრაფად მომატების რისკის ქვეშ არიან და ნახშირწყლების მიმართ სიფრთხილე მართებთ. მეცნიერები ფიქრობენ, რომ თუთის მიღება სასარგებლოა ჭამის შემდეგ სისხლში შაქრის მატების შემცირებისთვის. თუმცა კვლევები გრძელდება. • ჩინურ მედიცინაში საუკუნეების განმავლობაში გამოიყენება თუთა, როგორც კიბოს საწინააღმდეგო საშუალება. კვლევის თანახმად, თუთის წვენში არის ისეთი ანტიოქსიდანტები, რომლებსაც შეუძლიათ ოქსიდაციური სტრესის შემცირება - რაც ამცირებს კიბოს განვითარების რისკს. მნიშვნელოვანი ინფორმაცია: რამდენადაც სასარგებლოა თუთა, იმდენად მავნე შეიძლება აღმოჩნდეს, თუკი ერთ ჯერზე დიდი რაოდენობით მიირთმევთ. გახსოვდეთ, რომ ყველაფერი სასარგებლოა მანამ, სანამ დოზებს დავიცავთ და ზომიერად მივირთმევთ.
ამერიკის ხმა
Tbilisi · 2 weeks ago
ამერიკა რემდესივირს იმარაგებს
პრეზიდენტ დონალდ ტრამპის ადმინისტრაცია აცხადებს, რომ ამერიკამ კოვიდ-19-ის საწინააღმდეგო ერთ-ერთი იმ იშვიათი წამლის მთელი ოდენობა შისყიდა, რომელიც დაავადების წინააღმდეგ, ამ დროისთვის, შედარებით ეფექტურად გამოიყენება. ეს კითხვებს აჩენს იმის თაობაზე, თუ როგორ მიუწვდება ხელი დანარჩენ მსოფლიოს ამ მედიკამენტზე. რემდესივირი პირველი წამალია, რომელიც კოვიდ-19-ის მქონე პაციენტებში წარმატებულად გამოიყენეს. მაგრამ ეს წარმატება თუ ეფექტი მაინც მცირეა. კლინიკაში მოთავსებული ის პაციენტები, რომლებსაც ამ მედიკამენტით მკურნალობდნენ, 4 დღით უფრო მალე გამოჯანმრთელდნენ, ვიდრე - სხვები. წინასწარი კვლევის შედეგები არ აჩვენებს, რომ ის ადამიანების გადასარჩენად ეფექტურია, მაგრამ კვლევა გრძელდება. ამერიკის ჯანმრთელობისა და ადამიანური სერვისების დეპარტამენტმა განაცხადა, რომ ის მწარმოებლისგან, ფარმაცევტული კომპანია Gilead-ისგან, დაახლოებით, ნახევარი მილიონი სამკურნალო კურსისთვის საკმარის ანტივირუსულ პრეპარატს გარანტირებულად მიიღებს. მათ შორის იქნება კომპანიის ივლისის წარმოების 100 % და აგვისტოს და სექტემბრის წარმოების - 90 %. "პრეზიდენტმა ტრამპმა მიაღწია არაჩვეულებრივ შეთანხმებას იმისთვის, რომ ამერიკელებს ჰქონდეთ წვდომა პირველ ავტორიზებულ წამალზე კოვიდ-19-ის წინააღმდეგ", - განაცხადა ჯანდაცვის მდივანმა ალექს აზარმა. Gilead-მა ხელი მოაწერა სალიცენზიო შეთანხმებებს ჯენერიკ მწარმოებლებთან ინდოეთში, პაკისტანსა და ეგვიპტეში, რომ რემდესივირით 127 მცირე და საშუალო შემოსავლიანი ქვეყნანა მოამარაგოს. მაგრამ ეს ლიცენზია არ გულისხმობს ისეთ 70 დიდ, და საშუალო შემოსავლიან ქვეყანას, როგორებიცაა მაგალითად ბრაზილია, მექსიკა თუ ჩინეთი. "ეს მსოფლიოს მოსახლეობის ნახევარია", - ამბობს პეტერ მეუბარდუკი, აქტივისტთა გაერთიანება "საჯარო მოქალაქის" მედიკამენტებზე წვდომის პროგრამის დირექტორი. "თუკი ამერიკის მთავრობამ შეისყიდა წამლის სრული მარაგი, არ ვიცი საიდან მიიღებენ ისინი [სხვები] ამ წამალს", ამბობს ის. ჯერჯერობით ისიც არაა ცნობილი, თუკი ამ 127 ქვეყნის საჭიროების დაკმაყოფილება მოხერხდება, რადგან ამ დროისთვის მხოლოდ 2-მა ინდურმა მწარმოებელმა კომპანიამ დაიწყო წამალზე მუშაობა. "Gilead-ს როგორც ჩანს, არ აქვს გეგმა თუ როგორ დააკმაყოფილოს დაბალ და საშუალო-შემოსავლიანი ქვეყნები ამ გარდამავალ პერიოდში, სანამ სხვა მწარმოებლების შექმნილი პრეპარატები ჩაეშვება. გარდა ამისა, ჩანს, რომ კოპმანია მეტადაა ფოკუსირებული იმ მაღალშემოსავლიანი ქვეყნების ბაზარზე, სადაც მას მეტი ფულის გაკეთება შეუძლია", - განმარტავს ჯესიკა ბარი, წვდომის კამპანიის ფარმაცევრი სამედიცინო ჰუმანიტარული ჯგუფიდან "ექიმები საზღვრებს გარეშე". ამ წამლით მკურნალობის ერთი კურსი შეერთებულ შტატებში, დაახლოებით, $3 200 ეღირება. ინდოელი მწარმოებელი Cipla აცხადებს, რომ ის წამალს $66-ად გაყიდის. თუმცა "კლინიკური და ეკონომიკური კვლევის ინსტიტუტში" აცხადებენ, რომ Gilead-ის ფასი გონივრულია, რადგან წამალი აჩვენებს, რომ მას სიცოცხლის გადარჩენა შეუძლია. Gilead-მა პირველი 1.5 მილიონი დოზა მსოფლიოში უფასოდ დაარიგა. ჯანდაცვის სიახლეების ვებგვერდის "სტატის" თანახმად, შეერთებულმა შტატებმა აქედან 900 000 დოზა მიიღო. "ჩრდილო-აღმოსავლეთ უნივერსიტეტის" პროფესორი ბრუკ ბეიკერი ჯანდაცვის გლობალური ხელმისაწვდომობის პროგრამის უფროსი ანალიტიკოსი ამბობს, რომ თავდაპირველად ამერიკა ისედაც იყო ამ დონაციის პირველ რიგებში, ახლა კი ამერიკა სექტემბრის ბოლომდე ასევე პირველი იქნება რიგში შემდეგი ნახევარი მილიონი დოზის მისაღებად. "არ არსებობს სხვა ახსნა, გარდა იმისა, რომ ვთქვათ, ამერიკის მთავრობასა და კომპანია Gilead-ს შორის არის ფარული შეთანხმება, რომ გაუგებარი მიზეზით, ამერიკელები უნდა იყვნენ პირველები", - ამბობს ბეიკერი. Gilead-ი ამბობს, რომ ყველაფერი კეთდება იმისთვის, რომ რემდესივირი მასზე გაზრდილი მოთხოვნის საპასუხო ოდენობით ხელისაწვდომი იყოს. მისი განცხადებით, დაჩქარებული წარმოების პირობებში დეკემბრისთვის 2 მილიონი სამკურნალო კურსისთვის საჭირო მედიკამენტი იქნება მზად. #ახალი_ამბები#ყველაფერი_კორონავირუსზე