ყველაფერს ვაკეთებთ იმისთვის, რომ რაც შეიძლება სწრაფად გავათავისუფლოთ ტყვეობისაგან მამაკაცი და მის ჯანმრთელობას შემდგომში საფრთხე არ შეექმნას , -ამის შესახებ შერიგებისა და სამოქალაქო თანასწორობის საკითხებში სახელმწიფო მინისტრის მოვალეობის შემსრულებელმა ლია გიგაურმა განაცხადა.გიგაურის განცხადებით, საოკუპაციო ძალების მიერ მამაკაცის უკანონოდ დაკავებასთან დაკავშირებით ამოქმედებულია ცხელი ხაზი, ინფორმირებულია ევროკავშირის სადამკვირვებლო მისია, საერთაშორისო პარტნიორები და ჟენევის თანათავმჯდომარეები.

„მაქსიმალურად ვეცდებით, რომ შემდეგი კვირიდან ადგილობრივი წარმოების პირბადეები, სააფთიაქო ქსელებში გამოჩნდეს ჩვეულებრივ გაყიდვაში. იქიდან გამომდინარე, რომ ეს არის სახელმწიფო, მე ვიტყოდი, სახალხო პროექტი, პირბადეების ფასი იქნება ხელმისაწვდომი. რაც შეეხება რაოდენობას, პირველ ეტაპზე, შეიძლება სრულად ვერ დავაკმაყოფილოთ მოთხოვნები, რადგან დამოკიდებული ვართ ნედლეულის მოწოდებაზე, რაც არ არის მარტივი საქმე, თუმცა, ყველაფერს გავაკეთებთ, რომ არ გვქონდეს ქვეყანაში პირბადეების დეფიციტი, მითუმეტეს, რომ საქართველოში იკერება პირბადეები არამხოლოდ ჩვენი პროგრამის ფარგლებში“ - ამის შესახებ ნათია თურნავამ მთავრობის ადმინისტრაციაში გამართულ ბრიფინგზე განაცხადა. მინისტრის ინფორმაციით, უკვე რამდენიმე რამდენი მსხვილი და წვრილი სამკერვალო კომპანიაა ჩართული პირბადეების ადგილობრივი წარმოების პროგრამაში, რომელიც დაახლოებით ორი კვირის წინ დაიწყო. „ამ ეტაპზე, როდესაც ჩვენ მეტ-ნაკლებად სტაბილურად ავაწყვეთ ნედლეულის მოწოდება, რაც არ არის მარტივი, რადგან დოლბანდი, რომელსაც ვიყენებთ, არ იწარმოება საქართველოში, ეს არის შემოსატანი ნედლეული და ქვეყნებს ამასთან დაკავშირებით გარკვეული შეზღუდვები დაწესებული. თუმცა, ჩვენი დიპლომატიური კორპუსის დახმარებით უკვე უზრუნველყოფილია ნედლეულის მეტ-ნაკლებად სტაბილური მიწოდება“ - აღნიშნა ნათია თურნავამ. როგორც ეკონომიკის მინისტრმა განმარტა, პირბადეების გარდა, სახელმწიფოს თანადგომით საქართველოში ასევე იწარმოება სხვადასხვა დანიშნულების სამედიცინო, დამხმარე საშუალებებიც „დღეს ვგეგმავ ვიზიტს ერთ-ერთ ქართულ საწარმოში, რომელიც პროგრამის „აწარმოე საქართველოში“ დახმარებით აფართოებს სამედიცინო ხალათებისა და დამცავი სკაფანდრების კერვას, რა მისაბაძი მაგალითია და ყველა ასეთ წარმოებას დავეხმარებით“ - განაცხადა ეკონომიკისა და მდგრადი განვითარების მინისტრმა.

ახალ კორონავირუსზე ჩატარებული ყველა ტესტის პასუხი, რომელიც ჩვენთან მყოფ პაციენტებს ჩაუტარდა, უარყოფითი აღმოჩნდა, - ამის შესახებ ბოჭორიშვილის სახელობის საავადმყოფოს კლინიკურმა დირექტორმა, კახა იშხნელმა განაცხადა. მისი თქმით, კლინიკიდან უკვე გაეწერა ორი პაციენტი. საავადმყოფოში მოთავსებული ორი ბავშვის ჯანმრთელობის მდგომარეობა კი, სტაბილურია. „ყველა ტესტი, რომელიც ჩვენთან მყოფ პაციენტებს ჩაუტარდა, აღმოჩნდა უარყოფითი. ორი პაციენტი უკვე გავწერეთ, კიდევ ველოდები შევსებას. ორივე ბავშვის, მცირეწლოვნების მდგომარეობა სტაბილურია, გრძელდება მკურნალობა დანიშნულების მიხედვით, დანარჩენი პაციენტების მდგომარეობაც. სწრაფ ტესტირებას აქვს თავისი ადგილი. ეს ვერ შეცვლის ვერავითარ შემთხვევაში იმ „ოქროს სტანდარტს“, რასაც „პისიარს“ ვუწოდებთ, მაგრამ აქვს თავისი ადგილი გამოკვლევებში. ეს არ არის საყოველთაოდ გამოსაკვლევი ტესტი, მინდა, ეს ხაზგასმით ვთქვა საზოგადოებისთვის. ეს სუფთად სამედიცინო, ჩვენთვის, ინფექციონისტებისთვის და ეპიდემიოლოგებისთვის საინტერესო ტესტია," - განაცხადა იშხნელმა.

ე.წ კომენდანტის საათის დროს მორწმუნე უნდა იყოს სახლში, თუმცა ჩვენ სააღდგომოდ ველოდებით, რომ სიტუაცია განიმუხტება , - ამის შესახებ საპატრიარქოს პრესსამსახურის ხელმძღვანელმა, დეკანოზმა ანდრია ჯაღმაიძემ „პალიტრანიუსის“ გადაცემაში „პოლიტ-ქალაქი“ განაცხადა. დეკანოზის თქმით, აღდგომის წინა პერიოდში ხელისუფლებასთან "აუცილებლად ექნებათ საუბარი". „ჩვენ სააღდგომოდ არ გვაქვს მიღებული გადაწყვეტილება, როგორ შევძლებთ მსახურება სრულფასოვნად, მრევლთან ერთად აღესრულოს და ამავდროულად არ დაირღვეს კომენდანტის საათი. მორწმუნემ მხედველობაში უნდა მიიღოს ის რეკომენდაციები, რაც ხელისუფლებიდან და ჯანდაცვის მესვეურთაგან მოდის. ეს ხალხი ნდობას იმსახურებს იმიტომ, რომ მათი მუშაობა ეფექტურია და შეგვიძლია, ვენდოთ მას. ე.წ კომენდანტის საათის დროს მორწმუნე უნდა იყოს სახლში, თუმცა ჩვენ სააღდგომოდ ველოდებით, რომ სიტუაცია განიმუხტება. უნდა შევხედოთ, რა ვითარება იქნება იმ დროისათვის. ჩვენ ხელისუფლებასთან ამაზე აუცილებლად გვექნება საუბარი. რა შეიძლება შევთავაზოთ ხელისუფლებას და რას შეიძლება ველოდოთ მათგან სიტუაციის მიხედვით“, - აღნიშნა ანდრია ჯაღმაიძემ.#ეკლესია #აღდგომა #კორონავირუსი #იზოლაციაა

აშშ-ის პრეზიდენტის, დონალდ ტრამპის განცხადებით, ის გაოცებულია გენერალური პროკურორის, უილიამ ბარის განცხადებით იმის თაობაზე, რომ ბარაკ ობამას ან ჯო ბაიდენის წინააღმდეგ სისხლის სამართლის საქმის აღძვრა არ იგეგმება. „მე რომ ვყოფილიყავი, საქმეს აღძრავდნენ. გაოცებული ვარ, ვინაიდან ობამამ ყველაფერი იცოდა, თუ რა ხდებოდა. ვფიქრობ, ეს ორმაგი სტანდარტატების გაგრძელებაა. ძალიან გაოცებული ვარ. ეჭვი არ მეპარება იმაში, რომ ობამა და ბაიდენი ჩართულები იყვნენ ამ საქმეში“, - განაცხადა დონალდ ტრამპმა. აშშ-ის გენერალური პროკურორის, უილიამ ბარის განცხადებით, 2016 წლის არჩევნებში შესაძლო ჩარევის შესახებ გამოძიების ფედერალური ბიუროს მიერ ჩატარებული გამოძიების გადასინჯვა, რომელსაც სპეცპროკურორი ჯონ დარემი ხელმძღვანელობს, ბარაკ ობამას ან ჯო ბაიდენის წინააღმდეგ სისხლის სამართლის საქმის აღძვრას არ გამოიწვევს. 14 მაისს, აშშ-ის პრეზიდენტი, დონალდ ტრამპი ყოფილი პრეზიდენტის, ბარაკ ობამას წინააღმდეგ მწვავე კრიტიკით გამოვიდა და „რესპუბლიკელ“ კანონმდებლებს მოუწოდა, ბარაკ ობამა ჩვენების მისაცემად გამოიძახონ. „სენატორი ან კონგრესმენი რომ ვიყო, პირველი ადამიანი, ვისაც ჩვენების მისაცემად გამოვიძახებდი აშშ-ის ისტორიაში ყველაზე დიდ პოლიტიკურ დანაშაულსა და სკანდალთან დაკავშირებით, ბარაკ ობამა იქნებოდა. მან ყველაფერი იცოდა“, - დაწერა დონალდ ტრამპმა Twitter-ზე.

უხანელი ექიმი აი ფენი, იყო ერთ-ერთი პირველი ექიმი, რომელიც ახალი კორონავირუსის აფეთქების შესახებ ალაპარაკდა. მან ჩინურ სოციალურ ქსელში კორონავირუსით დაინფიცირებული ადამიანის ისტორიის ფოტო გაავრცელა, რის შემდეგაც უხანის საავადმყოფომ, მას მკაცრი შენიშვნა მისცა. ახლახან აი ფენმა მისცა ინტერვიუ, რომელშიც ამბობდა, რომ ხელისუფლებამ მას და სხვა ექიმებს მომასწავებელი საშიშროების შესახებ ინფორმაციის გავრცელების საშუალება არ მისცეს. მისი თქმით, მისი ოთხი კოლეგა დაინფიცირდა და გარდაიცვალა. ამ ინტერვიუს შემდეგ, ქალი გაუჩინარდა. Weibo-ში, მის სოციალურ ქსელში კი გამოჩნდა წერილი: „მდინარე. ხიდი. გზა. საათი“, – წერს RFA. გამოცემის ცნობით, საზოგადოება ფიქრობს, რომ ექიმი ამჟამად დაკავებულია. #china #coronavirus #covid19 #doctor

პრეპარატს, რომლითაც საქართველოში ინფექციონისტები პაციენტებს კორონავირუსისგან მკურნალობენ, მალე ამერიკაც მოიხმარს. ინფექციური საავადმყოფოს დირექტორის, თენგიზ ცერცვაძის ინფორმაციით, შესაბამისი ბრძანება აშშ-ის პრეზიდენტმა, დონალდ ტრამპმა გუშინ გასცა. ამ წამალს იყენებენ საფრანგეთში, რაც ე.წ. მარსელის გაიდლაინში არის აღნიშნული. „გუშინ გამოქვეყნდა საფრანგეთის რეკომენდაციები, რომლებშიც ფრანგები „პლაქვენილს“ ერთ-ერთ სამკურნალო საშუალებად ასახელებენ. დონალდ ტრამპმა განაცხადა, რომ ვერ დაელოდება FDA-ის ოფიციალურ რეკომენდაციას და ექსპერტების რჩევის საფუძველზე როგორც პრეზიდენტი იღებს გადაწყვეტილებას, რომ ამ პრეპარატის გამოყენება ლეგიტიმური გახდეს. ამის გამო სამსახურში მცირე ზეიმიც კი გვქონდა, იმიტომ რომ, იმას, რაც ტრამპმა თქვა გუშინ, ჩვენ თვენახევარია ვაკეთებთ“, - განაცხადა ცერცვაძემ.#covid19 #კორონავირუსი #კორონა