საქსტატმა გამოაქვეყნა ყოველთვიური და წლიური ინფლაციის მაჩვენებლები, რომლის მიხედვითაც 2020 წლის თებერვალში წინა თვესთან შედარებით ინფლაციის დონემ საქართველოში 0.3 პროცენტი, ხოლო წლიური ინფლაციის დონემ 6.4 პროცენტი შეადგინა. საქსტატის ახალი მონაცემების თანახმად, ერთ წელიწადში მნიშვნელოვნად გაიზარდა სურსათისა და უალკოჰოლო სასმელების ფასი: ხილი ფასი 25.1%-ით, რძე, ყველი და კვერცხი 19.2%-ით, ხორცი და ხორცის პროდუქტები 15.1%-ით. ამასთან, შაქრის, ჯემისა და სხვა ტკბილეულის ფასი 11.2%-ით გაძვირდა, ბოსტნეული და ბაღჩეული – 11.1%-ით, თევზეული –10,3%-ით, უალკოჰოლო სასმელები – 8.7%-ით, ზეთი და ცხიმი – 7.4%-ით, პური და პურპროდუქტებიკი – 5.6%-ით.#საქსტატი #ინფლაცია #პროდუქტები #გაზრდილიფასები #tbilisidaily

ლუდი "აია" დაბრუნდა. ლუდი, რომელიც რამდენიმე წლის წინ გაუჩინარდა, ისევ გაყიდვაშია. "აია" ერთგულ მომხმარებელთან ერთად მზადაა უალკოჰოლო სასმელების ბაზარზე საკუთარი სიტყვა თქვას და პოზიციები აღიდგინოს. ლუდის დაბრუნების აღნიშვნა კი მის "სამშობლოში", ქუთაისში, "ოქროს ჩარდახის" ეზოში მოეწყო. ქუთათურებისთვის ეს წარსულთან შეხვედრა და მონატრებული გემოს დაბრუნება იყო. დღეს "აიას" ბრენდის მფლობელი სს "ქართული ლუდის კომპანიაა", რომელსაც ამ არაალკოჰოლური სასმელების წარმოების სეგმენტში საკმაოდ დიდი და წარმატებული გამოცდილებაც აქვს. "ქართული ლუდის კომპანიის" ქოლგის ქვეშ, დღეს ბევრი ცნობილი ლუდის ბრენდია და ამიერიდან მათ ჩამონათვალს "აიაც" დაემატა. როგორც სს "ქართული ლუდის კომპანიის" კომერციული დირექტორი შალვა ჩოჩელი განმარტავს, ბრენდ "აიას" აღდგენაზე მუშაობა 2 წლის წინ დაიწყო. "დღესაც კი მომხმარებელი "აიაზე" საუბრობს, როგორც ცოცხალ ორგანიზმზე, ხშირად როგორც ადამიანზე, რაც იმას ნიშნავს, რომ ბრენდი პერსონიფიცირებულია, ხოლო "აიას" ბაზარზე დაბრუნების პერსპექტივისადმი განწყობები მხოლოდ დადებითია. ბრენდისადმი არსებული ნოსტალგია აჩენს ძლიერ და პოზიტიურ სამომხმარებლო მოლოდინს. გამოკითხულ რესპოდენტთა აზრით, "აიას" დაბრუნება შეიძლება გავდეს ძველ ნაცნობთან შეხვედრას. ძლიერი ემოციური მემკვიდრეობა, შენარჩუნებული ემოციური მიჯაჭვულობა, პროდუქტისა და ბრენდის მეხსიერება, რეპუტაციული ერთგვაროვნება, უკონკურენტო ატრიბუტი ქართული ლუდების სივრცეში: „ნამდვილი-ნაღდი“ ლუდი, ვის თუ არა ჩვენ გუნდს უნდა გაეცოცხლებინა ეს ბრენდი. ვიცით, რომ მოგენატრათ, ერთად გავაგრძელოთ, ლუდი "აია" დაბრუნდა.“ "აია" საკმაოდ საინტერესო ქართული ლუდია, რომელის წარმოებას თავდაპირველად ქუთაისში მოღვაწე მეწარმე რევაზ დვალიშვილმა დაიწყო, რომელიც კომპანია „დვალიშვილის წყლების“ დამაარსებელი იყო. ლუდის პირველი ქართული ბრენდი „ აია“ თავისი გამორჩეული ფერებითა და ფორმით მოკლე დროში ჯერ ქუთაისის და შემდეგ მთელი იმერეთის საყვარელ ბრენდად ჩამოყალიბდა. გაჩნდა სახალხო სლოგანები – იმერული კილოთი ნათქვამი ფრაზები, რომლებიც ბრენდს ქვეყნის მასშტაბით კიდევ უფრო პოპულარულს ხდიდა: „ზაფხულის სიცხე რაია?! როცა გაქვს ლუდი აია?!“, „ნაღდი ლუდი რაია, ნაღდი ლუდია აია!“, „ აია – ძააან კაია“, როგორც ამბობენ, მის დასალევად დედაქალაქიდანაც ხშირად დადიოდნენ, ხოლო გერმანელი და ჩეხი სტუმრებისთვის მისი დაგემოვნება აუცილებელიც კი ყოფილა. „აია“ დღემდე პოპულარული ბრენდია. “ქუთაისური ლუდი „აია“ ჩემს ყველაზე საყვარელ ასაკს და პერიოდს უკავშირდება. მე-3 სკოლაში ვსწავლობდით. ჩვენს წინ კაფეტერია იყო, სადაც ჩამოსასხმელი ლუდი „აია“ იყიდებოდა. მე-10 კლასში ვიქნებოდით, როცა ბიჭები ჩუმ ჩუმად ვეპარებოდით „აკრძალულ ხილს“, უხ ისე გემრიელად მახსოვს...თან ეს ჩემი პირველი შეხება იყო ლუდთან და ერთგვარ თავისუფლების სიმბოლოს წარმოადგენდა ჩემთვის. შემდეგ გავიზარდეთ. ქუთაისში როკ-მუსიკის კონცერტებზე დავდიოდით. მაშინ უკვე „აია“ ჩვენი ახალგაზრდობის ალკოჰოლი იყო. სხვათა შორის უწყინარი ალკოჰოლი, არავინ არაფერს არ აფუჭებდა მისი დალევის შემდეგ. ახლა მეუბნებიან, რომ კვლავ ჩამოასხამენ „აიასო“- ეს ერთგვარად ჩემი ბავშვობის და სიყმაწვილის დაბრუნებაც იქნება”, ასე იხსენებს „აიას“მომღერალი, ჯგუფ „ფრანის“ წევრი გაგა ჩიხლაძე. „90 -იან წლებში ჩემს სახლში ელექტრონული მუსიკის პიონერები იკრიბებოდნენ. თამამად შემიძლია ვთქვა რომ ჩემს თვალწინ იქმნებოდა ელექტრონული მუსიკა. მამა, იგივე „სომალი“, როგორც მას მთელი ქუთაისი იცნობს, ძალიან გახსნილი ადამიანი იყო ახალგაზრდობიდან, ასე რომ ჩვენი სახლიც უამრავი ნიჭიერი მუსიკოსისთვის ღია იყო. აი სად მახსოვს „აიას“ ცარიელი ბოთლები ჩამწკრივებული. ამ ბოთლებში ჩუმად ვიყურებოდი, პატარა ვიყავი და მაინტერესებდა რა იყო აქ ისეთი რაც მერე ამ ბიჭებს საოცარ მუსიკას აწერინებდა. სულ მინდოდა მისი დალევა. ნეტა როდის გავიზრდები მეც რომ თამამად დავეწაფო ამ სითხესთქო ვფიქრობდი. გავიზარდე...მუსიკოსი გავხდი, მაგრამ ის „აია“ აღარსად იყო. რა მაგარი ამბავი გავიგე- ქუთაისური ლუდი ბრუნდება ჩვენს ქალაქში. აუცილებლად ავიხდენ ბავშვობის სურვილს”, ამბობს მომღერალ ქეთი თურქაძე. “ჩვენთან თეატრში ლუდი თითქმის ყველას გვიყვარს. მოკლედ, ქუთაისის ლუდთან დაკავშირებით, შემიძლია ვთქვა, რომ 1980-იანი წლების მეორე ნახევარში, 0.33-იან, ყავისფერ ბოთლებში ჩამოსხმულ ,,აია"-ს ლუდს, დღესაც თვალდახუჭული გამოვიცნობ ორ-სამ ყლუპში... ქართულ ლუდებში, რეალურად საუკეთესო გემო ქონდა. პახმელიაზე, 2 ბოთლს ვსვამდი ზალპით და მომდევნო ორ ბოთლს, წრუპვით ვაგემოვნებდი... ანუ, პირველი ორი ბოთლი იყო სამაშველო რგოლი წყალში გადავარდნილი ადამიანისთვის და დანარჩენი, გასაბერი ლეიბივით იყო, რომ უნდა წამოწვე და ტალღებზე ინებივრო ისეთი.. აი ეს იყო ჩემთვის „აია“... და კიდევ ერთი, დღემდე მხოლოდ ორადორ ლუდს ვცნობ გემოზე: ირლანდიურ „ელს“ და ქუთაისურ „აიას“, ასე იხსენებს „აიას“ მსახიობი დავით გაჩეჩილაძე.

საქსტატმა დღეს 2020 წლის მარტის ინფლაციის ამსახველი ანგარიში გამოაქვეყნა. დოკუმენტის მიხედვით, გასული თვის განმავლობაში წლიური ინფლაცია (სამომხმარებლო ფასების დონის ცვლილება წინა წელთან მიმართებით) 6.1%-ს შეადგენდა. ცალკეული ჯგუფებიდან ყველაზე მეტად ფასი სურსათსა და უალკოჰოლო სასმელებზე გაიზარდა, სადაც ფასების მატება 13.4%-ს შეადგენს. ცალკეული სექტორების მიხედვით, ფასების ცვლილება ასეთია: სურსათი და უალკოჰოლო სასმელები: ჯგუფში ფასები გაიზარდა 13.4 პროცენტით, რაც წლიურ ინფლაციაზე 4.18 პროცენტული პუნქტით აისახა. ფასები მომატებულია შემდეგ ქვეჯგუფებზე: ხილი და ყურძენი (29.7 პროცენტი), რძე, ყველი და კვერცხი (18.9 პროცენტი), შაქარი, ჯემი და სხვა ტკბილეული (14.8 პროცენტი), ხორცი და ხორცის პროდუქტები (14.7 პროცენტი), ბოსტნეული და ბაღჩეული (12.5 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (10.2 პროცენტი), ზეთი და ცხიმი (9.1 პროცენტი), თევზეული (8.0 პროცენტი), პური და პურპროდუქტები (7.0 პროცენტი), ყავა, ჩაი და კაკაო (5.4 პროცენტი); სასტუმროები, კაფეები და რესტორნები: მოცემულ პერიოდში ფასები გაიზარდა 8.9 პროცენტით, შესაბამისად, ჯგუფის წვლილმა წლიურ ინდექსში შეადგინა 0.4 პროცენტული პუნქტი. ფასების ზრდა დაფიქსირდა საზოგადოებრივ კვებაზე (10.3 პროცენტი), ამასთან, ფასები შემცირდა ღამის გასათევით მომსახურებაზე (-2.1 პროცენტი); სხვადასხვა საქონელი და მომსახურება: ჯგუფში დაფიქსირდა ფასების 6.8 პროცენტიანი მატება, რაც 0.36 პროცენტული პუნქტით აისახა მთლიან ინდექსზე. ფასების ზრდა დაფიქსირდა ქვეჯგუფებზე: პირადი ნივთები, სხვა კატეგორიებში ჩაურთველი (22.7 პროცენტი) და პირადი ჰიგიენა (6.5 პროცენტი).

სტატისტიკის ეროვნული სამსახურის ინფორმაციით, 2020 წლის ივნისში წინა თვესთან შედარებით ინფლაციის დონემ საქართველოში -1.4 პროცენტი, ხოლო წლიური ინფლაციის დონემ 6.1 პროცენტი შეადგინა. რაც შეეხება საბაზო ინფლაციას, აღნიშნულმა მაჩვენებელმა 2020 წლის ივნისში, გასული წლის შესაბამის პერიოდთან შედარებით 6.6 პროცენტი შეადგინა, ხოლო თამბაქოს გარეშე წლიური საბაზო ინფლაციის მაჩვენებელი 6.2 პროცენტით განისაზღვრა. საქსტატის ცნობით, ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები – ჯგუფში ფასები შემცირდა 4.8 პროცენტით, რაც თვის ინფლაციაზე -1.6 პროცენტული პუნქტით აისახა. ფასები შემცირდა შემდეგ ქვეჯგუფებზე: ბოსტნეული და ბაღჩეული (-28.7 პროცენტი), ხილი და ყურძენი (-6.2 პროცენტი), რძე, ყველი და კვერცხი (-5.2 პროცენტი) და თევზეული (-1.2 პროცენტი); ტრანსპორტის ჯგუფში დაფიქსირდა ფასების 3.4 პროცენტიანი კლება, რაც -0.37 პროცენტული პუნქტით აისახა მთლიან ინდექსზე. ფასები შემცირდა სატრანსპორტო საშუალებების შეძენაზე (-7.6 პროცენტი) და პირადი სატრანსპორტო საშუალებების ექსპლუატაციაზე (-4.3 პროცენტი); ტანსაცმელი და ფეხსაცმელი – ჯგუფში ფასები გაიზარდა 5.6 პროცენტით. შესაბამისად, ჯგუფის წვლილმა თვის ინდექსში 0.19 პროცენტული პუნქტი შეადგინა; ფასები გაიზარდა როგორც ტანსაცმლის (2.8 პროცენტი), ისე ფეხსაცმლის (11.0 პროცენტით) ქვეჯგუფზე; ჯანმრთელობის დაცვა – ფასები გაზრდილია 2.2 პროცენტით. შესაბამისად, ჯგუფის წვლილმა თვის ინდექსში 0.17 პროცენტული პუნქტი შეადგინა. ფასების ზრდა დაფიქსირდა ამბულატორიულ სამედიცინო მომსახურებაზე (7.1 პროცენტი). ამასთან, წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: სურსათი და უალკოჰოლო სასმელები – ჯგუფში ფასები გაიზარდა 13.6 პროცენტით, რაც წლიურ ინფლაციაზე 4.15 პროცენტული პუნქტით აისახა. ფასები მომატებულია შემდეგ ქვეჯგუფებზე: ხილი და ყურძენი (46.5 პროცენტი), რძე, ყველი და კვერცხი (17.2 პროცენტი), თევზეული (15.8 პროცენტი), ყავა, ჩაი და კაკაო (14.8 პროცენტი), ზეთი და ცხიმი (13.5 პროცენტი), ხორცი და ხორცის პროდუქტები (13.1 პროცენტი), შაქარი, ჯემი და სხვა ტკბილეული (12.6 პროცენტი), პური და პურპროდუქტები (10.0 პროცენტი), მინერალური და წყაროს წყალი, უალკოჰოლო სასმელები და ნატურალური წვენები (9.3 პროცენტი); ჯანმრთელობის დაცვა – ფასები გაზრდილია 7.5 პროცენტით. შესაბამისად, ჯგუფის წვლილმა წლიურ ინდექსში 0.61 პროცენტული პუნქტი შეადგინა. ფასების ზრდა დაფიქსირდა ამბულატორიული სამედიცინო მომსახურების (11.6 პროცენტი) და სამედიცინო პროდუქციის, აპარატურის და მოწყობილობის (10.2 პროცენტი) ქვეჯგუფებზე; ტრანსპორტი: მოცემულ პერიოდში ფასები შემცირდა 8.6 პროცენტით, რის შედეგადაც ჯგუფის წვლილმა წლიურ ინდექსში -1.08 პროცენტული პუნქტი შეადგინა. ფასების კლება დაფიქსირდა პირადი სატრანსპორტო საშუალებების ექსპლუატაციაზე (-11.8 პროცენტი).

FAO-ს ფასების ინდექსი, რომელიც სამომხმარებლო კალათის 5 ძირითადი პროდუქტის (რძე, მარცვლეული, მცენარეული ზეთი, შაქარი, ხორცი) საერთაშორისო ფასების ცვალებადობას ასახავს, ივნისში, ბოლო სამი თვის მანძილზე პირველად, 2.4%-ით გაიზარდა და 93.3 ქულა შეადგინა. ამის შესახებ ინფორმაციას გაეროს სურსათისა და სოფლის მეურნეობის ორგანიზაცია ავრცელებს. როგორც FAO-ში განმარტავენ, აღნიშნულის მიუხედავად, COVID-19-ით გამოწვეული პანდემიის გამო კალათის ზოგიერთ პროდუქტზე, მათ შორის მარცვლეულსა და ხორცზე, ფასები შემცირდა. „ოთხთვიანი უწყვეტი კლების შემდგომ, ივნისში, მცენარეულის ზეთზე ფასები 11.3%-ით გაიზარდა. ფასების ზრდის მიზეზად პალმის ზეთზე გაზრდილი მოთხოვნა სახელდება, რომელსაც საფუძვლად უდევს - მსოფლიოს მრავალ ქვეყანაში საგანგებო მდგომარების მოხსნა ან შემსუბუქება. ამავდროულად, ფასების ზრდას ხელი შეუწყო პროდუქტის საწარმოო პროცესის შეფერხებამ, რაც მუშა ხელის ნაკლებობას უკავშირდება. მცენარეულ ზეთთან ერთად მომატებულია სიოს, მზესუმზირისა და რაფსის ზეთის ფასებიც. FAO-ს შაქრის ფასების ინდექსი მაისის თვესთან შედარებით 10.6%-ითაა მომატებული. ნედლი ნავთობის ფასების მატებამ, მნიშვნელოვნად შეუწყო ხელი შაქრის ფასების ზრდას. ეთანოლი, რომელიც ნედლი ნავთობის წარმოებაში გამოიყენება შაქრის ლერწმისაგან მიიღება, შესაბამისად, ეთანოლზე გაზრდილი მოთხოვნის ფონზე, შაქრის ექსპორტიორმა ქვეყნებმა, მათ შორის ბრაზილიამ, უფრო მეტი ეთანოლი აწარმოა ვიდრე შაქარი, რამაც ბაზარზე პროდუქტის დეფიციტი შექმნა. 4.0%-ითაა გაზრდილი რძისა და რძის პროდუქტების ფასების ინდექსი. ფასების ზრდა გამოიწვია რძისა და რძის პროდუქტებზე გაზრდილმა მოთხოვნამ ახლო აღმოსავლეთსა და ცენტრალურ აზიაში, რასაც თან დაერთო პროდუქტის შემცირებული მარაგები ევროპაში და ოკეანეაში. წინა წლის ამავე პერიოდთან შედარებით, 0.6%-ითაა შემცირებული ხორცის ფასების ინდექსი. საქონლისა და ფრინველის ხორცზე ფასის ვარდნის მთავარი მიზეზად პროდუქტის უხვი მარაგები სახელდება. ამის საპირისპიროდ, მცირედით გაზრდილია ღორის ხორცის ფასი, ძირითადად ევროპაში, რაც ასევე საგანგებო მდგომარეობის მოხსნას უკავშირდება. FAO-ს მარცვლეულის ფასების ინდექსი ივნისში 0.6%-ით შემცირდა. ფასების ვარდნის მიზეზი ჩრდილოეთ ნახევარსფეროში ხორბლის მოსავლის ახალი მარაგები და შავი ზღვის რეგიონის ქვეყნებში, ხორბლის მოსალოდნელი უხვი მოსავალია“, - ნათქვამია FAO-ს მიერ გავრცელებულ პრესრელიზში.

კორონავირუსი გლობალური გამოწვევაა, რომელმაც პირველ რიგში ეკონომიკას დაარტყა. ჩვენ ირგვლივ, სამეზობლოში, ასევე სხვა ქვეყნებში, ეროვნული ვალუტები სწრაფად უფასურდება, არასწორი და უპასუხისმგებლო იქნება მტკიცება, რომ ჩვენ შევძლებთ, მსოფლიო ტენდენციას შევეწინააღმდეგოთ, ვერ შევძლებდით, – ამის შესახებ ეკონომიკისა და მდგრადი განვითარების მინისტრმა, ნათია თურნავამ განაცხადა ლარის კურსთან დაკავშირებით დასმული კითხვის პასუხად. მისი თქმით, საერთო დინამიკას საქართველოს ეროვნული ვალუტაც აჰყვა. „ლარიც აჰყვა ამ საერთო დინამიკას და როგორც მთელს მსოფლიოში ხდება ეროვნული ვალუტების გაუფასურება იმის გამო, რომ ვაჭრობა, ტურიზმი შეწყდა, ეს აისახა ლარის კურსზეც. რაც შეგვიძლია და ვაკეთებთ კიდეც, ეს არის მოსახლეობის სხვადასხვა კატეგორიისთვის ლარის კურსის გაუფასურების ზემოქმედების შემცირება. იცით, რომ პირველ რიგში, ჩვენ ცხრა დასახელების სასურსათო საქონელი შევარჩიეთ, რომლის ფასების ზრდა გადავაზღვიეთ, არ ხდება და ამას ვამონიტორინგებთ. ამ შემთხვევაში, ამ პროდუქტის ფასებზე ლარის გაუფასურება არ აისახება. ბუნებრივია, არ შეგვიძლია, ამ პროდუქტების დასახელება 100-მდე გავზარდოთ. ეს სერიოზულ რესურსებთან იქნება დაკავშირებული, – განაცხადა ნათია თურნავამ. მინისტრი აღნიშნავს, რომ მოცემულ ვითარებაში, საქართველოს მთავრობამ სწორი პრიორტეტი შეარჩია. „ჩვენ სწორი პრიორიტეტები შევარჩიეთ, ეს ცხრა პირველადი მოხმარების სასურსათო საქონელი, რომელიც სასურსათო კალათაში ძალიან მნიშვნელოვანია, მათზე ფასები არ გაიზრდება“, – განაცხადა მინისტრმა. ამასთან, მისი თქმით, ეკონომიკური გუნდი და ეროვნული ბანკი პერიოდულად სხვადასხვა ღონისძიებას ატარებენ, მათ შორის სოლიდური ინტერვენციებით დოლარში. „ბუნებრივია, ამ ეტაპზე რთულია უკან წამოვიყვანოთ ეს დინამიკა და დავუბრუნოთ ერთი თვის წინანდელ ნიშნულს. გახსოვთ, რამდენად ჯანსაღად იქცეოდა ლარი მაშინ. ეროვნული ბანკის შემაკავებელი სტრატეგია ამ შემთხვევაშიც ეფექტს მოახდენს და ზრდის ტემპი იქნება იმაზე ნაკლები, ვიდრე ამის გარეშე იქნებოდა. მომავალშიც ვიზრუნებთ, რომ ზემოქმედება ლარის კურსის ცვლილებებიდან გამომდინარე იყოს შერბილებული“, – განაცხადა თურნავამ. მინისტრი იმპორტიორებს მოუწოდებს, ნუ იჩქარებენ განცხადებების გაკეთებას, რათა არ შექმნან უფრო მეტად ნეგატიური მოლოდინები. „ძალიან მნიშვნელოვანია, რომ არ შევქმნათ იმაზე მეტი მოლოდინები, რაც უკვე შექმნილია ობიექტური მიზეზებიდან გამომდინარე, რომ ტურიზმი არ მუშაობს და ექსპორტი არის გართულებული. ამის ზევით არის წმინდა წყლის ნეგატიური მოლოდინების ესკალაცია და ამაში თავის შენატანს ნუ გააკეთებენ, რადგან ჩვენ მათთან ერთად ვმუშაობთ და თუ დავინახავთ, რომ რისკი ექნება პირველადი მოხმარების საქონელს, რეაგირებას მოვახდენთ. აქედან გამომდინარე მინდა, რომ ყველა მეტნაკლებად მშვიდად იყოს ამ მიმართულებით“, – განაცხადა ნათია თურნავამ.#georgia #government #stopcovid19 #covid19 #coronavirus

· ნიორი - 273,0%-ით · ლიმონი - 66,85%-ით · წიწიბურა - 63,1%-ით · ვაშლი - 61,55%-ით · საზამთრო- 58,0%-ით · ჭარხალი - 34,5%-ით · ატამი - 33,71%-ით · კარტოფილი - 32,87% · ყურძენი - 32,51% · კივი - 31,5% სტატისტიკის ეროვნული სამსახურის ინფორმაციით 2020 წლის მარტში ფასები ყველაზე მეტად ზემოთმითითებულ პროდუქტებზე გაიზარდა. (წყარო: საქსტატი)#პანდემია #საქსტატი #გაძვირებულიპროდუქტები #tbilisidaily

სიღარიბე იმაზე მეტად გაიზრდება, ვიდრე ლარის სტაბილურობის შემთხვევაში - წერს სოციალურ ქსელში, "ევროპული საქართველოს“ წევრი, დეპუტატი და ჯანდაცვის ყოფილი მინისტრი, ზურაბ ჭიაბერაშვილი. "თუ ლარი გაიქცა, - არანაირ "სამთავრობო დახმარებას" აზრი არ ექნება - გადავადებული სესხები უფრო დამძიმდება - ფასები სასურსათო მაღაზიებსა და აფთიაქებში მიუწვდომელი გახდება ათასობით ადამიანისთვის - სიღარიბე იმაზე მეტად გაიზრდება, ვიდრე ლარის სტაბილურობის შემთხვევაში ამიტომ - ეროვნულმა ბანკმა საპროცენტო განაკვეთი არ უნდა დაწიოს მაინც, თუ არ აწევს - მთავრობამ გადასახადები დაწიოს, ფული ჩატოვოს ხალხში (თუ ერბანკი საპროცენტო განაკვეთს ზრდის, ისედაც მცირდება ფულის მიწოდება) და თვითონ დახარჯოს უფრო ცოტა მთავრობის მიერ ამოღებული და მერე განაწილებული ფული უფრო ძნელად იპოვის თავის სამიზნეს, ვიდრე ადამიანთა შორის თავისუფალ მიმოცვლაში ჩატოვებული. მთავრობა ფიქრობს, იმაზე მეტი შეღავათი არ გაუკეთოს ხალხს, ვიდრე ეს საჭიროა. სინამდვილეში საქმე პირიქითაა: რაც უფრო ნაკლებ შეღავათებს გაუკეთებს მთავრობა გადასახადის გადამხდელებს დღეს, მით მეტად დამძიმდება სიტუაცია ხვალ. "ევროპული საქართველოს" შეთავაზება გადასახადების დაწევაზე მილიარდამდე ლარს ჩატოვებდა ხალხში. დღეს ამას დავუმატეთ ინიციტივა, რომელიც დაგროვებითი საპენსიო გადასახადის 8 თვით შეჩერებას და კიდევ 200 მლნ ლარზე მეტის ჩატოვებას ითვალისწინებს. ყოველი დღე მნიშვნელოვანია. არა მარტო ვირუსის, არამედ ეკონომიკური ვარდნის შეკავებაში." - წერს ჭიაბერაშვილი სოციალურ ქსელში.

2020 წლის ივნისში საქართველოში წლიური ინფლაციის დონემ 6.1 % შეადგინა - ამის შესახებ საქსტატის მიერ დღეს გამოქვეყნებული ანგარიშიდან ირკვევა. გთავაზობთ ტოპ 10 პროდუქტს, რომლებზეც ყველაზე მეტად გაიზარდა ფასები 2020 წლის ივნისში (წინა წლის შესაბამის თვესთან შედარებით, საქსტატის მონაცემებით): 1. წიწიბურა - ფასი გაიზარდა 122,8%-ით 2. ვაშლი - 95,6%-ით 3. საქალაქთაშორისო ტელეფონის გადასახდელი - 68,3%-ით 4. ლიმონი - 49,8%-ით 5. მწვანე ლობიო - 48,9 6. ქორწინების 958 სინჯის ოქროს ბეჭედი - 48,1%-ით 7. ნიორი - 47,4%-ით 8. ფორთოხალი - 44,4%-ით 9. ყურძენი - 40,6%-ით 10. კივი - 40,0%-ით ასევე გთავაზობთ 10 პროდუქტს, რომლებზეც ყველაზე მეტად შემცირდა ფასები 2020 წლის ივნისში (წინა წლის შესაბამის თვესთან შედარებით, საქსტატის მონაცემებით): 1. თვითმფრინავით მგზავრობა - ფასი შემცირდა 55,4%-ით 2. ხახვი - (-29,4)% 3. ბენზინი - (-25,6)% 4. დიზელის საწვავი - (-25,1)% 5. ტურისტული მოგზაურობა ქვეყნის გარეთ - (-15,2)% 6. სასტუმროს მომსახურების ღირებულება - (-12,1)% 7.კარტოფილი - (-11,1)% 8. გაზის საწვავი - (-9,6)% 9. სტაფილო - (-8,6)% 10. კომბოსტო - (-6,8)%