დაინიშნა "აფსნიპრეს"-ის დირექტორი

აფხაზეთის ე.წ პრემიერ-მინისტრმა ალექსანდრე ანქვაბმა ხელი მოაწერა ბრძანებას "აფსნიპრეს"-ის დირექტორის დანიშვნის შესახებ. ინფორმაცია გავრცელდა კაბინეტის ვებსაიტის მეშვეობით. მანანა გურგულია 2003-2014 წლებში ხელმძღვანელობდა აფსნიპრესს. 2016 წლიდან, ის აფხაზეთის საინფორმაციო სააგენტოს აღმასრულებელი დირექტორი გახლდათ. მანანა გურგულია დაიბადა 1957 წლის 6 თებერვალს, ოჩამჩირეში. 1979 წელს დაამთავრა როსტოვის სახელმწიფო უნივერსიტეტის ფილოსოფიის ფაკულტეტი. 1979 წლიდან 2002 წლამდე იყო პედაგოგი, შემდეგ კი აფხაზეთის სახელმწიფო უნივერსიტეტის ფილოსოფიის კათედრის უფროსი მასწავლებელი. 1993 წლის მაისიდან 1995 წლის მარტამდე მუშაობდა რეფერენტად, შემდეგ კი აფხაზეთის ე.წ საგარეო საქმეთა სამინისტროს ინფორმაციისა და ანალიტიკური დეპარტამენტის უფროსად. 1995 წლიდან 2003 წლამდე მას ეკავა "სახელმწიფო" საინფორმაციო სააგენტოს "აფსნიპრესის" დირექტორის მოადგილის პოსტი. 2003 წლის ივნისიდან 2014 წლის ოქტომბრამდე იგი ხელმძღვანელობდა სააგენტოს. 2014 წელს მან დააარსა აფხაზეთის ინფორმირების სააგენტო. 1994 წლიდან 2002 წლამდე ის იყო სამოქალაქო ინიციატივის და მომავლის ფონდის ადამიანი, საზოგადოებრივი ორგანიზაციის თანათავმჯდომარე, 2003 წლიდან 2012 წლამდე ხელმძღვანელობდა სოხუმის მედია კლუბს, ჟურნალისტთა საზოგადოებრივ ორგანიზაციას. ე.წ სახელმწიფო ახალი ამბების სააგენტო "აფსნიპრესი" დაარსდა 1995 წელს. #აფხაზეთი #პოლიტიკა #პრესა #sokhumidaily