აშშ-ის ვიცე-პრეზიდენტმა მაიკ პენსმა ნაწილობრივ ახალგაზრდებსაც დააკისრა პასუხისმგებლობა ქვეყანაში კორონავირუსის შემთხვევების ბოლოდროინდელ ზრდაზე. „ამერიკის ხმის“ ინფორმაციით, CBS-თან ინტერვიუში პენსმა თქვა, რომ ინფიცირების ახალ-ახალი შემთხვევების გამოვლენას ხელს მნიშვნელოვნად უწყობს ტესტირების მასშტაბის გაზრდა დღეში 500 ათასამდე. თუმცა, პენსის განცხადებით, ეს არ არის ერთადერთი მიზეზი, რადგან როგორც ჩანს, ახალგაზრდა ამერიკელები ერთად შეკრებისას წესებს არღვევენ. ბოლო დღეებში აშშ-ში მკვეთრად მოიმატა კორონავირუსით ინფიცირებულთა რიცხვმა. განსაკუთრებით ფლორიდაში, ტეხასსა არიზონაში. ვიცე-პრეზიდენტ პენსის განცხადებით, ის და პრეზიდენტი ტრამპი მხარს უჭერენ ამ შტატების გუბერნატორებს, რომლებმაც ისევ დახურეს ბარები და ხალხს აღარ მისცეს სოციალური დისტანციის დარღვევით, ნიღბების გარეშე შეკრების შესაძლებლობა. აშშ მსოფლიოში პირველ ადგილზე რჩება კორონავირუსით ინფიცირებულების და გარდაცვლილების რიცხვით. ქვეყანაში უკვე დაავადდა 2,5 მილიონზე მეტი ადამიანი. COVID-19-ით გარდაცვლილთა რიცხვი 125 ათასს აჭარბებს.#ახალი_ამბები#twitter

აშშ-ში კორონავირუსით ინფიცირებულთა სარეკორდო ზრდა აღინუსხა 26 ივნისს. 40 ათასი ახალი შემთხვევა, რაც სარეკორდო ზრდაა, აიძულებს ბევრი შტატის ხელისუფლებას შეაჩერონ შეზღუდვების და აკრძალვების გაუქმება. ტეხასის შტატის გუბერნატორმა განკარგულება გასცა დაიხუროს ყველა ბარი, რადგან ამ შტატში 17 ათასი ახალი შემთხვევა დაფიქსირდა ბოლო სამი დღის განმავლობაში. ფლორიდის შტატში ბარებში აიკრძალა ალკოჰოლის მოხმარება. იქ ახალ შემთხვევათა რაოდენობა დღიურად ცხრა ათასს მიუახლოვდა. ეს ორი შტატი მიეკუთვნება რეგიონებს, სადაც ეკონომიკის გახსნა შეჩერდა კორონავირუსის შემთხვევათა ზრდის გამო. ზოგიერთი მოსაზრებით, რაოდენობის სწრაფ ზრდას განაპირობებს ტესტირების გაფართოება, მაგრამ ზოგიერთ არეალში იზრდება ტესტირების შედეგად დადგენილი დადებითი პასუხების რიცხვი. ტეხასსა და ფლორიდაში იზრდება ასევე ჰოსპიტალიზებულთა რიცხვიც. ოფიციალური პირები აცხადებენ, რომ ინფიცირებულთა რაოდენობის ზრდას ხელს უწყობს ეკონომიკის კვლავ გახსნა და ხალხის მიერ ნიღბების ტარების, ასევე სოციალური დისტანცირების რეკომენდაციების უარყოფა. ტეხასის შტატის გუბერნატორმა, გრეგ აბოტმა, რომელიც აშშ-ში შეზღუდვების სწრაფად გაუქმების ყველაზე აქტიური მომხრე იყო, განაცხადა, რომ ახალ შემთხვევებს ხელს უწყობს „ტეხასელების ჩვევა ბარებში შეიკრიბონ“. ვაშინგტონში, თეთრ სახლში კორონავირუსის სამუშაო ჯგუფი შეიკრიბა პირველად ბოლო თითქმის ორ თვეში, რათა კოვიდ-19-ის აფეთქების საპასუხო ზომებზე ემსჯელათ. ჯგუფს თავმჯდომარებს ვიცე-პრეზიდენტი, მაიკ პენსი ხელმძღვანელობს.#ახალი_ამბები#twitter

საფეხბურთო კლუბ „მილანისა“ და იტალიის ნაკრების ყოფილ კაპიტანს პაოლო მალდინის კორონავირუსით ინფიცირება დაუდგინდა. როგორც იტალიური მედია წერს, პაოლო მალდინისთან ერთად ასევე დაინფიცირებულია მისი შვილიც, დანიელ მალდინი. ორივენი თავს კარგად გრძნობენ და კარანტინში იმყოფებიან. ბოლო 24 საათის განმავლობაში იტალიაში კორონავირუსით 793 ადამიანი გარდაიცვალა, 4821 დაინფიცირდა, ხოლო 943 განიკურნა. #news #politics #კორონავირუსი #covid19 # #photo #coronavirus

მადრიდის „რეალის“ ყოფილი ვიცე-პრეზიდენტი კორონავირუსით გარდაიცვალა. ამადორ სუარეს ვილია 76 წლის იყო. ამის შესახებ Marca წერს. ის სამეფო გუნდში 2006 წლიდან 2009 წლამდე მუშაობდა, როდესაც კლუბის პრეზიდენტი რამონ კალდერონი იყო. #ფეხბურთი #მადრიდისრეალი #კორონავირუსი #covid19 #tbilisidaily

საფეხბურთო კლუბ „საბურთალოს“ ასაკობრივი გუნდის ფეხბურთელს, გიორგი შაქარაშვილს ორი დღეა ეძებენ. ინფორმაცია ამის შესახებ Facebook-ზე გავრცელდა. როგორც imedinews-ს შინაგან საქმეთა სამინისტროში განუცხადეს, გიორგი შაქარაშვილის სამაშველო ოპერაციაში 60 მაშველი და 6 მყვინთავია ჩართული. „19 ივნისს, დაახლოებით 11:00 საათზე შინაგან საქმეთა სამინისტროს გიორგი შაქარაშვილის ოჯახმა მისი დაკარგვის შესახებ მიმართა. პოლიციამ სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები, რომელიც მთელი დღის განმავლობაში აქტიურად მიმდინარეობდა და ამ დრომდე გრძელდება. ნარეკვავის დასახლებაში სამაშველო ღონისძიებები გრძელდება, მათ შორის მდინარე არაგვსა და მტკვარზე. ღონისძიებაში ჩართული არიან განსაკუთრებულ სიტუაციებზე რეაგირების მაშველები და მყვინთავები. სამაშველო ოპერაციაში ჩართულია 60 მაშველი და 6 მყვინთავი“, - აცხადებენ უწყებაში.

SARS-CoV-2 ვირუსის სახით კაცობრიობას ახალი და დაუნდობელი „დამპყრობელი“ მოევლინა. რეალურად, დღეს ჩვენ მსოფლიო ომის მდგომარეობაში ვიმყოფებით ვერაგი მტრის წინააღმდეგ, რომლის თაობაზეც, ჯერჯერობით, ბუნდოვანი წარმოდგენა გვაქვს. სამწუხარო ფაქტია, მაგრამ მარსის კოლონიზაციის პროექტით შეპყრობილი ყოვლისშემძლე ცივილიზაცია, დღეს ხელის დაბანით და სოციალური იზოლაციით „ებრძვის“ 120 ნანომეტრიან (1 ნანომეტრი = 10-9მ) „მონსტრს“. „ესპანური გრიპის“ (1918 წლის იანვარი - 1920 წლის დეკემბერი) პანდემიის გამოცდილების (500 მილიონამდე ინფიცირებული და 50 მილიონზე მეტი სიკვდილი) ფონზე, ახალი კორონავირუსის გავრცელების „მოკრძალებული“ მასშტაბები შეშფოთებას არც უნდა იწვევდეს, რომ არა ერთი გარემოება - განსხვავება H1N1-ის პირველი პანდემიის დროინდელ და XXI საუკუნის მედიცინას შორის. ახალმა კორონავირუსმა მთელ მსოფლიოს დაანახა, რომ ფანტასტიკური მიღწევების მიუხედავად, თანამედროვე ცივილიზაცია არც თუ ისე თავდაჯერებულად გამოიყურება გლობალური საფრთხის წინაშე; რომ ამ საფრთხესთან ბრძოლა მხოლოდ მედიცინის საქმე არ არის და მოითხოვს საყოველთაო სახელმწიფოებრივ/ საზოგადოებრივ ჩართულობას. დარწმუნებული ვარ, რომ ერთიანი ძალისხმევით, ახლო მომავალში შევძლებთ ამ უდიდესი გამოწვევის გამკლავებას. მაგრამ დღეს ჩვენ ომში ვართ ჩართულები და ჩვენი მოვალეობა არა მოლოდ პანდემიაზე ფოკუსირება, არამედ მისი თანმდევი პრობლემების გადაჭრა და პრევენციაა, რომელთაგან უმთავრესი ყალბი ან დაუსაბუთებელი ინფორმაციის გავრცელება და არაადეკვატური ინტერპრეტაცია გახლავთ. არაჯანსაღ აჟიოტაჟს, რომელზედაც მინდა ჩვენი მკითხველის ყურადღება გავამახვილო, სათავე დაუდო ავტორიტეტული სამედიცინო ჟურნალის “The Lancet Respiratory Medicine” 11 მარტის სტატიამ სენსაციური სათაურით: „არიან თუ არა ჰიპერტენზიით და შაქრიანი დიაბეტით დაავადებული პაციენტები COVID-19-ით ინფიცირების მაღალი რისკის ქვეშ?“ („Are patients with hypertension and diabetes mellitus at increased risk for COVID-19 infection?“). სტატიის ავტორთა ჰიპოთეზა ეფუძნება ახალი კორონავირუსის მიერ ადამიანის უჯრედების დაზიანების მექანიზმზე დაკვირვებას, რომლის მიხედვითაც SARS-CoV-2 ვირუსი ადამიანის უჯრედში შეღწევისთვის იყენებს სპეციფიკურ ენზიმურ (ფერმენტულ) ცილას -ანგიოტენზინ-გარდამქმნელ ფერმენტ 2-ს (ACE 2). აღნიშნული მექანიზმის გათვალისწინებით, Lei Fang-მა და თანაავტორებმა გამოთქვეს მოსაზრება, რომ გულ-სისხლძარღვთა და მეტაბოლური დაავადებების მქონე პაციენტებში, რომლებიც იღებენ რენინ-ანგიოტენზინის სისტემაზე მოქმედ მედიკამენტებს (ანგიოტენზინ-გარდამქმნელი ფერმენტების ინჰიბიტორები ან ანგიოტენზინ II რეცეპტორის ბლოკერები) და რომლებშიც აღნიშნული პრეპარატების მიღება განაპირობებს ზემოთ ხსენებული ცილის - ანგიოტენზინ-გარდამქმნელ ფერმენტი 2-ის (ACE 2) დონის მატებას, შეიძლება მაღალი იყოს ახალი კორონავირუსით ინფიცირების რისკი. საუბედუროდ, ინფორმაცია მყისიერად ატაცებულ და ტირაჟირებულ იქნა სოციალური მედიის მიერ, შესაბამისი ფატალური რისკის შემცველი რეაქციით - პაციენტებმა გლობალურად შეწყვიტეს ან შეაჩერეს აგფ ინჰიბიტორების/არ ბლოკერების მიღება! ინფორმაციის წყაროს მაღალი ავტორიტეტის გამო, სკეფსისი, სამწუხაროდ, გაჩნდა პროფესიულ სამედიცინო წრეებშიც. კატასტროფული რისკის შემცველ სიტუაციაზე, თავისი პოზიცია დროულად დააფიქსირა ევროპის კარდიოლოგთა საზოგადოების ჰიპერტენზიის საბჭომ. აღნიშნული დანაყოფის თავმჯდომარემ, პროფესორმა ჯოვანი დე სიმონემ ხაზგასმით აღნიშნა, რომ Lei Fang-სა და თანაავტორების სპეკულაციებს COVID-19-თან მიმართებაში აგფ ინჰიბიტორებით/არ ბლოკერებით მკურნალობის უსაფრთხოების შესახებ, არ გააჩნია სამეცნიერო, მტკიცებითი საფუძველი. ჰიპერტენზიის საბჭოს კონტრარგუმენტად მოჰყავს ცხოველური ექსპერიმენტების შედეგები COVID-19 ინფექციის დროს აღნიშნული მედიკამენტების პროტექტორული (დაცვითი) ეფექტების შესახებ, თუმცა იქვე დასძენს, შემდგომი კვლევების აუცილებლობის თაობაზე. ევროპის კარდიოლოთა საზოგადოების ჰიპერტენზიის საბჭო მკაცრად მიუთითებს ანგიოტენზინ-გარდამქმნელი ფერმენტების ინჰიბიტორებით ან ანგიოტენზინ II რეცეპტორის ბლოკერებით მკურნალობის გაგრძელების აუცილებლობაზე!!! ამდაგვარად, კორონავირუსით ინფიცირების პრევენციის ზოგად ჰიგიენურ რეკომენდაციებს გულ-სისხლძარღვთა დაავადებების მქონე პირთათვის, დაემატა კიდევ ერთი მანდატორული მითითება: გააგრძელეთ კარდიოლოგის მიერ დანიშნული მედიკამენტების მიღება!!! პროფესორი კახაბერ ჭელიძე თსსუ შინაგან დაავადებათა დეპარტამენტის ხელმძღვანელი თსსუ პირველი საუნივერსიტეტო კლინიკის თერაპიის მიმართულების ხელმძღვანელი საქართველოს შინაგან დაავადებათა კოლეგიის ვიცე-პრეზიდენტი საქართველოს გულ–სისხლძარღვთა დაავადებების პრევენციისა და რეაბილიტაციის ასოციაციის ვიცე–პრეზიდენტი საქართველოს კარდიოლოგთა საზოგადოების წევრი ევროპის კარდიოლოგთა საზოგადოების პროფესიული წევრი საქართველოს რესპირაციული ასოციაციის წევრი

საფეხბურთო კლუბ “საბურთალოს” ფეხბურთელის, გიორგი შაქარაშვილის გარდაცვალების საქმე ჯერ კიდევ გაურკვეველია. ტრაგედიას წინ უძღოდა დაბადების დღის წვეულება, სადაც შელაპარაკება მუსიკალურ დიჯეისთან მოხდა, რომელიც საღამოს მუსიკალურად აფორმებდა. ახალგაზრდების დაპირისპირებამ დაბადების დღიდან, ცენტრალურ მაგისტრალზე გადაინაცვლა, რის შემდეგაც ფეხბურთელი გიორგი შაქარაშვილი გაუჩინარდა და ოთხდღიანი ძებნის შემდეგ, მდინარე არაგვში იპოვეს გარდაცვლილი. პოლიციამ მომხდარზე 17 ადამიანი დააკავა და სასამართლომ გუშინ ყველა მათგანი პატიმრობაში დატოვა. გაიზრდება თუ არა დაკავებულთა რიცხვი, ეს გამოძიების მიმდინარეობის პროცესში გაირკვევა. გიორგი შაქარაშვილი იუბილარის ანი გაბეჩავას მეგობარი გახლდათ, სადაც მასთან ერთად სხვა თანატოლებიც იმყოფებოდნენ. გავრცელებული ინფორმაციით, მცხეთაში, სოფელ ნარეკვავში, ნაქირავებ სახლში ერთმანეთისთვის უცნობი ახალგაზრდები შეიკრიბნენ. მედიაში გავრცელებული ინფორმაციით, ანი გაბეჩავამ დაბადების დღის ბილეთები გაყიდა. მას ჩვენება ჯერ არ მიუცია, თუმცა ადვოკატმა ლიკა ბითაძემ მისი მონათხრობი გადმოგვცა. „დაბადების დღეზე ბილეთები არ გაუყიდია, ეს იყო მთლიანად ოჯახის სახსრები“, – ამბობს ადვოკატი მისი დაცვის ქვეშ მყოფზე დაყრდნობით. – როგორია ახლა მისი მდგომარეობა? – ძალიან ცუდ მდგომარეობაშია, სტრესშია და დიდი ტრაგედია ტრიალებს მის ოჯახში. ანი და გიორგი მეგობრობდნენ, ამიტომაც დაპატიჟა დაბადების დღეზე, ისეთ სტრესშია ჩვენება ვერ მისცა, დამშვიდდება და შემდეგ ვნახოთ. მასთან ფსიქოლოგი მუშაობს, ყველა ჩართულია. წყარო: პრაიმტაიმი

საფეხბურთო კლუბ ''საბურთალოს'' პრეზიდენტმა ტარიელ ხეჩიკაშვილმა გადაცემა ''360 გრადუსში'' ტრაგიკულად გარდაცვლილი 19 წლის ფეხბურთელის, გიორგი შაქარაშვილის შესახებ ისაუბრა. ტარიელ ხეჩიკაშვილი: ''ყველაზე მძიმე დღე იყო, როცა გიორგის პირდაპირ ეთერში მოვუწოდებდი გამოჩენილიყო, თუმცა ტრაგედიის შესახებ მაცნობეს. მას შემდეგ მედიასთან არ მისაუბრია. ეს შეგნებულად გავაკეთე, არ მინდოდა პოლიტიკური ელფერი შესძენოდა ან რაღაც განცხადებები გამეკეთებინა. ჩემს შვილზე, ''შაქარაზე'' ძალადობაში მონაწილეობა თავიდანვე გამოვრიცხე. ჩვენ გვყავს ფეხბურთელები, რომლებიც მოედანზეც ჩხუბობენ და გვეშინია ხოლმე წითელი ბარათი არ მიიღონ, მაგრამ ''შაქარა'' ასეთი არ იყო. ხშირად მითქვამს, იშვიათია კაცი თავის გვარს ასე ამართლებდეს. მიუხედავად იმისა, რომ მცველი იყო, მე არ მახსოვს მისი უხეში თამაში. შვლის ნუკრივით იყო, მეტოქეც პატივისცემით ეპყრობოდა. შესაძლოა, იმ ტრაგიკულ ღამეს ალკოჰოლი მიიღო, მაგრამ ეჭვი არ მეპარება, რომ ეს ძალიან მცირე დოზით იქნებოდა.'' შეგახსენებთ, რომ 19 ივნისს, დაახლოებით 11 საათზე გიორგი შაქარაშვილის დაკარგვის შესახებ ოჯახმა შინაგან საქმეთა სამინისტროს მიმართა. პოლიციამ სამაშველო სამსახურთან ერთად, შეტყობინების მიღებისთანავე დაიწყო სამძებრო სამუშაოები. მისი ცხედარი ოთხდღიანი უწყვეტი საძიებო სამუშაოების შედეგად მყვინთავებმა წყალში იპოვეს. გიორგი შაქარაშვილის სიკვდილის საქმეზე 17 პირია დაკავებული. შაქარაშვილი ''საბურთალოს'' აღზრდილი გახლდათ. კოხრეიძისა თუ ლაკვეხელიანის მსგავსად შაქარაშვილმაც ''საბურთალოში'' ყველა ასაკობრივი გუნდი გაიარა და ბოლოს სარეზერვო გუნდის მოთამაშე იყო.

გერმანული საფეხბურთო კლუბ „შალკეს“ ყოფილი მცველი, ჰიანიკ კამბა, რომლის გარდაცვალების შესახებ ინფორმაცია 2016 წელს გავრცელდა, ცოცხალი აღმოჩნდა. როგორც გამოცემა Bild-ი წერს, ის რურის რეგიონში ოჯახთან ერთად ცხოვრობს. გავრცელებული ინფორმაციით, სპორტსმენმა დაზღვევის თანხის მიღების მიზნით, საკუთარი სიკვდილის ინსცენირება მოაწყო. გამოძიების მთავარი ფიგურანტი ფეხბურთელის ცოლია. როგორც გაირკვა, ქალმა ქმრის ავტოკატასტროფაში გარდაცვალების შესახებ სადაზღვევო კომპანიას ყალბი დოკუმენტები წარუდგინა. #სპორტი #ფეხბურთი #dailytbilisi