დღეს იუსტიციის მინისტრმა თეა წულუკიანმა ხარაგაულში საზოგადოებრივი ცენტრი გახსნა. ღონისძიებას ესწრებოდნენ: ხარაგაულის და ბაღდათის მაჟორიტარი დეპუტატი კობა ლურსმანაშვილი, იმერეთის სახელმწიფო რწმუნებული ზვიად შალამბერიძე, იუსტიციის სახლის აღმასრულებელი დირექტორი სოსო გიორგაძე და ხარაგაულის მუნიციპალიტეტის მერი ნიკოლოზ თოფურიძე. ხარაგაულის საზოგადოებრივი ცენტრი იმერეთის რეგიონში რიგით მეთექვსმეტე იქნება. ცენტრები ფუნქციონირებენ საწირეში, ზედა საზანოში, გეგუთში, შორაპანში, ზეინდარში, მეორე სვირში, ღორეშაში, კიცხში, ხევში, კორბოულში, ხრეითში, დიდ ჯიხაიშში, უსახელოში, ტყიბულსა და საჩხერეში. საზოგადოებრივი ცენტრი ხარაგაულისა და მიმდებარე სოფლების – ჯაფაროულის, ბაზალეთის, ფარცხნალის, ისლარის, საღანძილის, ზარანის, დიდვაკის, ღარიხევის, წიფისა და სხვათა – 24 000-ზე მეტ მცხოვრებს მოემსახურება. თანამედროვე სტანდარტების შესაბამისი შენობა ხარაგაულში სპეციალურად საზოგადოებრივი ცენტრისთვის აშენდა. დღეიდან ადგილობრივი მოსახლეობა შეძლებს, კომფორტულ გარემოში სწრაფად, ადგილიდან გაუსვლელად ისარგებლოს სახელმწიფო და კერძო სექტორის 200-ზე მეტი მომსახურებით. მომხმარებელს ე.წ. ერთი ფანჯრის პრინციპით შეუძლია, აიღოს პასპორტი/პირადობის მოწმობა, განახორციელოს უძრავი ქონების რეგისტრაცია, მიიღოს საკადასტრო გეგმა თუ საარქივო მომსახურება და სხვ. ადგილობრივი მოსახლეობის სამოქალაქო ჩართულობის სტიმულირებისთვის ცენტრში თანამედროვე ტექნიკით აღჭურვილი შეხვედრების დარბაზია მოწყობილი, სადაც სხვადასხვა შინაარსის საინფორმაციო-საგანმანათლებლო შეხვედრის, პრეზენტაციისა და დისტანციური სწავლების ჩატარებაა შესაძლებელი. როგორც სხვა საზოგადოებრივ ცენტრებში, ხარაგაულის ცენტრშიც განთავსებულია კერძო კომპანიების − „მაგთიკომისა“ და „ლიბერთი ბანკის“ − ფილიალები. მოსახლეობას შეუძლია, ასევე, ცენტრებში 24-საათიანი უკაბელო უფასო ინტერნეტითა და სკაიპის ოთახით ისარგებლოს. ზვიადშალამბერიძე kutaisidaily

ხარაგაულის სოფელ ლეღვანში საჯარო სკოლისკენ გადასასვლელი ახალი ხიდი აშენდა. ამ ტერიტორიაზე გასულ წელს მომხდარმა სტიქიამ ძველი ხიდი იმდენად დააზიანა, რომ ახალი ხიდის აშენება გახდა საჭირო. ახალი საავტომობილო ხიდის სიგრძე 24 მეტრია, სიგანე - 5,6 მეტრი. მას, ასევე ლითონის ბორდიურით გამოყოფილი საფეხმავლო ტროტუარი აქვს . ხიდის მშენებლობა სტიქიის ფონდიდან 419 973 ლარით დაფინანსდა. ხარაგაული მშენებლობა kutaisidaily

ხარაგაულში სტიქიამ სოფლები ხუნევი და ვეტყვიჭალა დააზარალა. ხშირი წვიმების შემდეგ მდინარე ძირულა კალაპოტიდან გადმოვიდა. დაიტბორა ნაკვეთები და მოსახლეობის ნაწილს მოსავალი გაუნადგურდა. წყალდიდობამ სოფლებში გზებიც დააზიანა. თუმცა გაწმენდითი სამუშაოები დასრულდა და მოძრაობა აღდგენილია. #ხარაგაული #სტიქია #ხუნევი #Tbilisidaily #Dailynews

#მოგზაურობა #ახალიამბები #სპორტი #ხელოვნება #პოლიტიკა #news

მას შემდეგ, რაც სენატორთა ორპარტიულმა ჯგუფმა, მანამდე კი კონგრესმენებმა შეშფოთება გამოხატეს შეერთებული შტატების გლობალური მედია სააგენტოს (USAGM) ახალი ხელმძღვანელის საკადრო და საბიუჯეტო გადაწყვეტილებების გამო, მაიკლ პეკმა, ორგანიზაციის ხელმძღვანელმა, საკუთარი ნაბიჯი განმარტა. პეკი აცხადებს, რომ სააგენტოს მართვაში არსებული პრობლემების "მკვეთრი და შინაარსიანი" მეთოდებით მოგვარების ერთგულია. პრეზიდენტ დონალდ ტრამპის მიერ ნომინირების შემდეგ, მაიკლ პეკი გლობალური სააგენტოს მთავარი აღმასრულებელი ოფიცრის პოსტზე კონგრესმა 10 ივნისს დაამტკიცა. თანამდებობის დაკავებისთანავე, მან სააგენტოში შემავალი ორგანიზაციების ხელმძღვანელები გაათავისუფლა. სენატორებმა პეკის ქმედება გააკრიტიკეს, რადგან მან დრამატული ნაბიჯები კონგრესთან კონსულტაციის და შეთანხმების გარეშე გადადგა და თქვეს, რომ ეს "სერიოზულ კითხვებს აჩენს". ფედერალური სააგენტო 5 მაუწყებელს ზედამხედველობს: "ამერიკის ხმა" (VOA), "რადიო თავისუფალი ევროპა/რადიო თავისუფლება"(RFE/RL), "კუბის მაუწყებლობის ოფისი" (OCB), "რადიო თავისუფალი აზია" (RFA) და "ახლო აღმოსავლეთის სამაუწყებლო ქსელი" (MBN). პასუხად, მაიკლ პეკი ამბობს, რომ მას "მკვეთრი და შინაარსიანი ცვლილებების" განხორციელება პრეზიდენტმა, ამერიკელმა ხალხმა და სენატმა დაავალა. "რა თქმა უნდა, [პოსტზე] დამტკიცების პროცესში, თანამდებობის დაკავების შემდგომი კვირების მანძილზე, მე გარკვევით განვაცხადე მართვაში არსებული, ფართოდ ცნობილი პრობლემების გამოსწორების მიმართ მტკიცე ერთგულების შესახებ, რომელიც შეერთებული შტატების გლობალურ სააგენტოში და მის უწყებებში იყო გამეფებული" - ამბობს ორგანიზაციის ხელმძღვანელი. ამასთან, მაიკლ პეკი იმასაც ხაზს უსვამს, რომ მან დამტკიცების პროცესში, სააგენტოში მომუშავე ჟურნალისტების დაცვის პირობა დადო. "მე ამ პირობის ერთგული ვრჩები... ასევე მსურს, რომ გავიმეორო ჩემი მტკიცე ერთგულება, პატივი ვცე ამერიკის ხმის ქარტიას და ხელი შევუწყო შეერთებული შტატების გლობალური მედია სააგენტოს მაუწყებლობების მისიას და გმირ ჟურნალისტებს მსოფლიოს გარშემო" - აცხადებს მაიკლ პეკი. სენატორების შეშფოთებას შეუერთდა წარმომადგენელთა პალატის 11 დემოკრატი წევრიც. "ღრმად ვართ შეშფოთებული კვალიფიცირებული ლიდერების სამსახურიდან დათხოვნით" და "ცნობებით იმის შესახებ, რომ შეერთებული შტატების გლობალურმა მედია სააგენტომ გაყინა სახსრები და გრანტები პროგრამებისთვის", რომელიც მიზნად ისახავდა წინ აღდგომოდა ცენზურას და ინტერნეტის თავისუფლების შეზღუდვისკენ მიმართულ ნაბიჯებს ჰონგ-კონგში და სხვაგან - ნათქვამია კანონმდებელთა განცხადებაში. სენატორები და კონგრესმენები, რომლებიც ამერიკის კონსტიტუციის მიხედვით, ფედერალური სააგენტოს ბიუჯეტს ამტკიცებენ, მხოლოდ ორგანიზაციის პერსონალის დათხოვნის და საბიუჯეტო საკითხებით არ არიან შეწუხებულები. ისინი ასევე შეშფოთებას გამოხატავენ იმის გამო, რომ ამ ნაბიჯებით შესაძლოა "სიმართლეზე დაფუძნებული" ჟურნალისტური პროდუქტები და სააგენტოს სარედაქციო დამოუკიდებლობა შეიზღუდოს.#მთავარი_#ახალი_ამბები#აშშ

გუშინ გავისეირნე ქუჩებში, რამდენიმე პარკში და ვნახე, რომ სამწუხაროდ, ჩვენი თანამოქალაქეების უმრავლესობა არ იცავს არც დისტანციას და არც პირბადეს იყენებს, - ამის შესახებ დაავადებათა კონტროლისა და საზოგადოებრივი ჯანმრთელობის ეროვნული ცენტრის ხელმძღვანელმა, ამირან გამყრელიძემ კორონავირუსთან დაკავშირებით შექმნილი უწყებათაშორისი საკოორდინაციო საბჭოს სხდომის დასრულების შემდეგ განაცხადა. გამყრელიძემ კიდევ ერთხელ მოუწოდა საზოგადოებას, პირბადე არა მარტო საზოგადოებრივ ტრანსპორტში, გარე სივრცეში ყოფნის დროსაც გამოიყენონ. მისივე თქმით, ინფექციის გავრცელების საშიშროება და ალბათობა არ მოხსნილა. „თითოეულმა ჩვენგანმა უნდა დავიცვათ რეკომენდაციები. ძალიან კარგია, რომ აქ ყველას გაქვთ პირბადეები. ეს კარგია, რომ პირბადეს იყენებთ და სწორად გიკეთიათ. ყველას მოვუწოდოთ, რომ გაიკეთონ პირბადე. საზოგადოებრივი ტრანსპორტი ამუშავდა, მობილობა სერიოზულად გაიხარდა ქვეყანაში - მეტროში, ავტობუსში, სამარშრუტო მიკროავტობუსში და ა.შ. აუცილებელია პირბადის გამოყენება. თუ მე ვარ ინფიცირებული და მიკეთია პირბადე, ჩემთან ერთად მყოფ ჯანმრთელ ადამიანსაც უკეთია პირბადე, ალბათობა იმისა, რომ არ გადაგედოთ ინფექცია არის 95% ანუ მაღალი დაცულობა აქვს პირბადეს. თუ ერთს გვიკეთია და მეორეს არა, მაშინ ეს ალბათობა დაიწევს 50%-მდე. ამიტომ ეს მარტივი თვითდაცვის საშუალება ძალიან გთხოვთ, ყველამ ვატაროთ. მესმის, რომ რთულია სიცხეში. გუშინ გავისეირნე ქუჩებში, რამდენიმე პარკში და ვნახე, რომ სამწუხაროდ, ჩვენი თანამოქალაქეების უმრავლესობა არ იცავს არც დისტანციას და არც პირბადეს იყენებს. ჩვენ ადრე ვამბობდით, რომ გარეთ პირბადე არ უნდა გამოვიყენოთ, მაგრამ როდესაც ერთად ვიკრიბებით 5,6,7,10 ადამიანი, გარე სივრცეშიც აუცილებელია პირბადის გამოყენება, იმიტომ, რომ ინფექცია ჯერჯერობით ქვეყანაში არის და მისი გავრცელების საშიშროება და ალბათობა არ მოხსნილა“, - განაცხადა გამყრელიძემ.