საფრანგეთში ახალი კორონავირუსის ეპიდემიის გამო 6 266 პატიმარი გაათავისუფლეს. ინფორმაციას ამის შესახებ ფრანგული მედია იუსტიციის სამინისტროზე დაყრდნობით ავრცელებს. პირველი აპრილის მონაცემებით, საფრანგეთის 188 ციხეში 66 300-ზე მეტი მსჯავრდებული იმყოფებოდა, ახლა მათი რიცხვი თითქმის 10 პროცენტით შემცირდა. საფრანგეთის მთავრობის გადაწყვეტილებით გათავისუფლდნენ ის პატიმრები, რომლებსაც სასჯელის ვადა ეწურებოდათ ან ჯანმრთელობასთან დაკავშირებული პრობლემები ჰქონდათ. საფრანგეთის მთავრობის ოფიციალური მონაცემებით, „კოვიდ-19“ საფრანგეთში 48 პატიმარს დაუდასტურდა.#france #prisoner #stopcovid19 #coronavirus #covid19

ინდოეთში ციხიდან 17 ათასამდე პატიმარს გაათავისუფლებენ ინდოეთში, მაჰარაშტრას შტატში, სადაც კორონავირუსის გავრცელების ყველაზე მაღალი მაჩვენებელი ფიქსირდება, ადგილობრივი ხელისუფლება ციხიდან 17 ათასამდე პატიმარს გაათავისუფლებს. ინფორმაციას ტელეარხი NDTV ავრცელებს. შესაბამისი გადაწყვეტილება ადგილობრივმა ხელისუფლებამ მას შემდეგ მიიღო, რაც შტატის დედაქალაქ მუმბაიში კორონავირუსი 180-ზე მეტ პატიმარს დაუდასტურდა. საერთო ჯამში შტატის ციხეებში სასჯელს 35 ათასამდე პატიმარი იხდის. გათავისუფლებულებს შორის 5 ათასი წინასწარ პატიმრობაში იმყოფებოდა, კიდევ 5 ათასს 7 წლამდე პატიმრობა ჰქონდა მისჯილი, დანარჩენები კი მსუბუქი დანაშაულებისთვის იხდიდნენ სასჯელს. #News#ინდოეთი#კორონავირუსი#ციხე#პატიმრების გათავისუფლება#

ჩინეთში გავრცელებული ახალი კორონავირუსის გამო, მსოფლიოს სხვადასხვა ქვეყნებიდან ტურისტების ნაწილი აზიის მიმართულებით მოგზაურობისგან თავს იკავებს. „ბიზნესპრესნიუსი“ დაინტრესდა, რა სიტუაციაა ქართველ ტურისტებში და ხდება თუ არა ჯავშნების გაუქმება. როგორც ტურ-ოპერატორებმა ჩვენთან საუბრისას განაცხადეს, მღელვარება შეინიშნება, თუმცა ჯავშნებს არ აუქმებენ. როგორც ტურისტულ სააგენტო Good travel-ში განაცხადეს, აზიის მიმართულებით ტურების გაუქმების შემთხვევები არ ქონიათ. „მგზავრები ცოტას ნერვიულობენ და თავს იკავებენ, თუმცა გაუქმების შემთხვევა არ გვქონია. ზოგადად, ამ მიმართულებით ცოტა შემცირებულია, მაგრამ კორონავირუსის გამო არა. იქიდან გამომდინარე, რომ ეს მიმართულებები ძვირია, უფრო ნაკლებად ირჩევენ ხოლმე. თვითონ ვინც იქ ცხოვრობს, ამბობენ, რომ იქ უფრო სიმშვიდეა და პანიკა არ არის. თუმცა ნებისმიერი, ასეთი ფაქტი, რომ ვირუსი არსებობს, ტურიზმის შეფერხების მიზეზია. ევროპა ნებისმიერ პერიოდში ძალიან აქტიურია. ასევე ყოველთვის მოთხოვნადია ეგვიპტე, ასევე ტაილანდიც შეემატება, რადგან პირდაპირი რეისები ემატება“ - განაცხადეს კომპანიაში. oktravel -ის მენეჯერი სალომე ხოშაბაევი „ბიზნესპრენიუსთან“ საუბრისას აცხადებს, რომ კორონავირუსს ტურიზმზე არ უმოქმედია. „ზოგადად, ამ მიმართულებით მოთხოვნა ძალიან მაღალი არ არის. თუმცა ამ პერიოდშიც ტურები იმართება, ჯავშნები არავის არ გაუუქმებია. გვაქვს ინდონეზია, ტაილანდი, შრი ლანკას მიმართულებები. უფრო მეტად შრი-ლანკას ირჩევენ, რადგან შედარებით დაბალბიუჯეტიანი მიმართულებაა, თითქმის ეგვიპტის ტარიფებს უტოლდება“, - განაცხადა ხოშაბაევმა. როგორც Milky way travel -ის ტურ-ოპერატომა მარიამ მახარაძემ „ბიზნესპრენიუსთან“ საუბრისას განაცხადა, ორი შემთხვევა დაფიქსირდა, როცა კორონავირუსის გამო მოგზაურობა გადადეს და თანაც არა აზიის, ევროპის მიმართულებით. „როგორც ინფორმაცია მაქვს, ამ ეტაპზე აბსოლუტურად ყველა ქვეყანა რისკ ქვეყნებში შედის კორონავირუსის გავრცელების გამო. ამიტომ მაინცდამაინც აზიაში გაუქმების შემთხვევა არ გვქონია. გვქონდა შემთხვევა, როცა ვენეციის კარნავალოს ტურზე ორი ადამიანი გამოგვაკლდა. მათ სახლში დარჩენა ამჯობინეს. ზოგადად ჩვენი კლიენტები ძირითადად გოას და ტაილანდით ინტერესდებიან. და ყველაზე აქტიური სეზონი გაზაფხული და შემოდგომაა. ზაფხულში ამ მიმართულებებზე ძირითადად წვიმს“, - აცხადებენ Milky way travel-ში. ავტორი: ლიკა ამირაშვილი P.s.სტატია ჩვენა არ გვეკუთვნის. სტატია გამოქვეყნებულია bpn.ge-ს მიერ. #news

გუშინ, საქართველოს პრეზიდენტმა, სალომე ზურაბიშვილმა გამართა ბრიფინგი და განაცხადა, რომ ოქრუაშვილსა და უგულავას იწყალებს. ყველაზე საინტერესო, რაც ბრიფინგის დროს პრეზიდენტმა წარმოთქვა, იყო ეს ნაწილი „მე ორ ადამიანს ქვეყნის მომავალს ვერ გადავაყოლებ“. საინტერესოა, რას გულისხმობს ტერმინში "ქვეყნის მომავლის გადაყოლება" ? რადგან ნორმალურ სახელმწიფოში, თუ სასამართლოს გამოაქვს განაჩენი და იჭერს დამნაშავეებს, არ ემორჩილება კონკრეტული სუბიექტების ნებას და მოქმედებს მხოლოდ სამართლის პრინციპებით, მაშინ ქვეყნის დემოკრატიული მომავალი ეჭვქვეშ არ დგება. თუმცა მაინც, რას ნიშნავს ქვეყნის ბედი? რატომ შეიწყალა პრეზიდენტმა პატიმრები ? ვინ წყვეტს საქართველოს ბედს ? რას ფიქრობს საზოგადოება ? შევეცდები ამ კითხვებზე პასუხი გაგცეთ. სამწუხაროა, თუმცა ფაქტია, რომ ხელისუფლება ყოელთვის "უხერხემლობას" იჩენს, ხოლო შემდეგ ამ ქმედებებს დემოკრატიულობის ფასადით ამართლებს. საინტერესოა, როდემდე გადატყდება ქვეყნის იმიჯი, მართლმსაჯულება და პოლიტიკური მოვლენები რამოდენიმე ამერიკელის ნებით ? რატომ ჩნდება პრესაში ამერიკელების მითითების მხლოდ ერთი ნაწილი და რატომ არ გვაწვდიან ამ ინფორმაციას სრულად ? საზოგადოებაში ჩნდება ლეგიტიმური ეჭვი, რომ ან ბრალდება იყო "შეთითხნილი" და ისინი მართლაც პოლიტიკური პატიმრები იყვნენ, ან დამნაშავეები მხოლოდ იმიტომ გაათავისუფლებს, რომ "ოკეანის მიღმა" ვიღაცამ ასე ისურვა. ორივე შემთხვევაში ქვეყნის იმიჯი, პრესტიჟი და დემოკრატიულობის ხარისი ეჭვის ქვეშ დგება. ახლა კი, რადგან ამ თემას შევეხეთ, მივუბრუნდეთ თავდაპირველ კითხვას და შევეცადოთ გავცეთ პასუხი თუ რა იგულისხმა ზურაბიშვილმა ზემოთ მოყვანილ ციტატაში. შეგახსენებთ, რომ 2020 წელს ქვეყანაში უნდა ჩატარდეს საპარლამენტო არჩევნები. "გავროლოვის ღამის" აქციების შემდეგ გამოცხადდა, რომ ქვეყანა სრულიად პოპორციულ საარჩევნო სისტემაზე გადავიდოდა, (თუმცა კორონავირუსის გამო ეს დაპირებასც ეჭვქვეშ დადგა.) ამ საკითხთან დაკავშირებით ოპოზიცია ხელისუფლებასთან დიალოგის წარმართვას აპირებდა, თუმცა მალევე დაიჭირეს უგულავა. ამის შემდეგ ატყდა აჟიოტაჟი, ოპოზიცია და ზოგიერთი ხელისუფლების წარმომადგენელიც აცხადებდა, რომ ეს ბრალდება მხოლოდ პოლიტიკური ნიშნით იყო ანგაჟირებული და გიგი პოლიტპატიმარია. ოპოზიციამ უარი განაცხადა ხელისუფლებასთან დიალოგზე და მასიური საპროტესტო აქციები დააანონსა. სალომე ზურაბიშვილი თავის გამოსვლაში აცხადებს, რომ დამნაშავე პოლიტიკოსები ისევ "დამნაშავეებად" რჩებიან. თუ ეს ასეა, მაშინ ვასკვნით, რომ ოპოზიციის მიერ დაანონსებული მასიური აქციებისა და ამერიკელი ოპოზიციონერი თუ ენჯეო სექტორის წარმომადგენლების გამო, ქვეყანაში მოქალაქეები კანონის წინაშე თანასწორნი არ არიან. ამ შემთხვევაში ლოგიკური პროტესტი ჩნდება მოსახლეობის იმ ნაწილში, რომელიც მსგავსი მუხლის გამო ციხეში სასჯელს იხდის. საზოგადოების ნაწილი გიგის გამარჯვებას ულოცავს, თუმცა ჯერ-ჯერობით მისი გამარჯვება ბუნდოვანია, ხოლო მეორე ნაწილი და მათ შორის ისინიც, ვინც სალომე ზურაბიშვილის საარჩევნო კამპანიაში აქტიურად იყვნენ ჩართულები, მას უპრინციპობაში ადანაშაულებენ, რადგან "დამნაშავეთა" გამოშვება არალეგიტიმური და არაკონსტიტუციურია. ხოლო მეორე ნაწილი ამტკიცებს, რომ მათი არა გათავისუფლება, არამედ დაჭერა იყო დიდი დანაშაული. საზოგადოების აზრი ორად გაიყო, თუმცა დასკვა ბოლოს ერთია, პრეზიდენტი, რომელიც არჩევნებამდე 2 კვირით ადრე "უთხარი ნაცებს არა" კამპანიით მოვიდა, ორივე შემთხვევაში, იქნება ეს პოლიტიკური ნიშნით დაპატიმრება თუ "მშვიდობის" გამო გათავისუფლება, დამნაშავეა !#პოლიტიკა #პატიმარი #სამართალი #პრეზიდენტი

სანამ დავიწყებთ მსჯელობას იმის შესახებ, არის თუ არა ერთიანი საქართველო კორონავირუსთან ბრძოლაში, გავიხსენოთ ბოლო ათწლეულში განვითარებული მოვლენები. საქართველო (თუ არ ჩავთვლით 1918-1921 წლებს) როგორც სახელმწიფო სულ რამდენიმე ათწლეულია რაც არსებობს. ამ პერიოდში არჩევნების გზით მხოლოდ ერთი პარტია მოვიდა ხელისუფლებაში. იქამდე იყო გადატრიალებები, აჯანყებები და ვარდების რევოლუცია. რა თქმა უნდა, ამ ყველაფერს უკვალოდ არ ჩაუვლია და შედეგადაც დაქსაქსული და პოლარიზებული საზოგადოება მივიღეთ. საყოველთაო კეთილდღეობისათვის საჭიროა დამოუკიდებელი სასამართლო, არასამთავრობო სექტორი, თვითმმართველობა, მედია, პროფკავშირები თუ სხვა ინსტიტუტები, თუმცა ამის ნაცვლად, ქვეყანაში კონკრეტულ სუბიექტებს აქვთ გადანაწილებული ინსტიტუტების მართვა და ყველგან საკუთარ ნარატივს ავრცელებენ. კორონავირუსის პირველი შემთხვევა საქართველოში 26 თებერვალს დაფიქსირდა, ნელ-ნელა ჩაიკეტა საზღვრები, დაწესდა რეგულაციები, შემოიღეს საგანგებო მდგომარეობა, კარანტინი, კომენდანტის საათი, თუმცა ვერაფერი მოუხერხდა პოლარიზებულ საზოგადოებას და დაქსაქსულ ინსტიტუტებს. ყველა სფერო ცდილობდა, საკუთარი არგუმენტი გაეხადა ლეგიტიმური, ახლა კი დეტალურად განვიხილოთ ეს პროცესები. ლოზუნგმა #დარჩისახლში პირველ რიგში ბიზნეს სექტორს დაარტყა, რადგან საზოგადოებრივი მიმოსვლის გარეშე შეუძლებელია იარსებოს მოგებაზე ორიენტირებულმა ორგანიზაციამ. კერძო პირებმა დანაკარგის პრობლემა თანამშრომლების დათხოვნით აღმოფხვრეს, ზოგს ამანაც არ უშველა და საერთოდ დაიხურა. ბიზნესის მეორე მხარეა ის ქსელური დაწესებულებები, რომლებიც საზოგადოებრივ პასუხისმგებლობას თუ სხვა ინიციატივებს ამოეფარნენ და უხეშად არღვევდნენ თანამშრომლების უფლებებს, მაგალითად მოვიყვან ყველასათვის ცნობილ "სპარს", რომელიც კომენდანტის საათის დაწესების შემდეგ 21:00-06:00 მდე თანამშრომლებს მაღაზიაში, კერძოდ სარდაფში ტოვებდა. ბიზნესის სხვადასხვა სფეროებმა შეიმუშავეს ე.წ ანტიკრიზისული გეგმა, თუმცა საბოლოო ხელწერა ყველგან ერთი იყო. სახელმწიფო უნდა დაეხმაროს ბიზნეს სექტორს გადასახადების დაწევით თუ სხვა ინვესტიციებით, თუმცა საინტერესოა, როგორ შეძლებს ამას სახელმწიფოს შეზღუდული ბიუჯეტი, როდესაც კერძო პირებმა ამდენი ადამიანი გაათავისუფლეს სამსახურებიდან, რითაც ქვეყანაში არსებული ეკონომიკური უფსკრული კიდევ უფრო გააღრმავეს, აქედან გამომდინარე ახლა სწორედ ეს მოწყვლადი ჯგუფი საჭიროებს ყველაზე დიდ დახმარებას. ქვეყანაში არსებული მუდმივი პარტიული დავა არც კორონავირუსს ჩამორჩა. ოპოზიციური პარტიები ხშირად აკრიტიკებდნენ მთავრობას. ხელისუფლება გარკვეული ოპოზიციის არგუმენტებს ითვალისწინებდა, ხოლო ზოგჯერ მათ გამოსვლას, მაგალითად გიორგი ვაშაძის მოთხოვნას სწრაფ ტესტებთან დაკავშირებით პოლიტიკურ პიარსა და აბსურდს აწერდა. ამის საპირწონედ ოპოზიციური პარტიები, აკრძალვის მიღმა ითხოვდნენ რეგულაციების შედეგად მიღებული კრიზისის მოკლე და გრძელვადიან გეგმას, რაც ჯერ-ჯერობით არ აქვს ხელისუფლებას შემუშავებული, თუმცა ერთ-ერთ ყველაზე ხმაურიან განცხადებაში გიორგი გახარიამ განაცხადა, რომ ასეთ დროს, ყველა ვალდებულია მიიღოს თანამოქალაქეთა კეთილდღეობაში მონაწილეობა, ხოლო ვინც ამას არ შეასრულებს, ყველა საკადრის პასუხს მიიღებს. საზოგადოების აბსოლუტური უმრავლესობა ეთანხმება იმ არგუმენტს, რომ ადამიანის სიცოცხლე და ჯანმრთელობა ახლა პირველ ადგილზეა, თუმცა ამ სფეროშიც კი განვითარდა სხვადასხვა ტიპის დავები. პირველ ეტაპზე აღმოჩნდა, რომ საქართველოში ყოველი მეორე ეპიდემიოლოგია და თამამად აკრიტიკებდნენ პაატა იმნაძეს, თუმცა მათი არგუმენტები ეპიდემიოლოგის წინააღმდეგ სუსტი აღმოჩნდა. ამ ფაქტორმა სხვადასხვა ცვლადები შემოიტანა და გაჟღერდა აქამდე დამალული ისტორიები, მაგალითად იმნაძე-სააკაშვილის კონფლიქტის შესახებ. ცალკე აღნიშვნის ღირსია საპატრიარქოს მოქმედებების სერია. სეკულარულ სახელმწიფოში გაფორმებული კონკორდატი საპატრიარქოს საკმაოდ დიდ პრივილეგიებს აძლევს, ამიტომ მათთან დაპირისპირებას სახელისუფლებო პარტიები ყველა დროში ერიდებოდნენ. კორონავირუსთან ბრძოლის გამო დაწესებული რეგულაციები საპატრიარქოს მხოლოდ ირიბად შეეხო. არ შეცვლილა ზიარებისა და საზოგადოებრივ ადგილებში თავშეყრის წესი, მრევლი მხოლოდ დისტანციას იცავდა, ისიც ყოველთვის ვერ ხერხდებოდა ხალხმრავლობის გამო. წინასააღდგომოდ ხელისუფლებამ მიიღო გადაწყვეტილება აეკრძალა ნებისმიერი ტრანსპორტით გადაადგილება. აქედან გამომდინარე შეიქმნა ფონი, თითქოს ეს რეგულაცია აღდგომის დღესასწაულზე ხალხმრავლობის პრევენციის მიზნით იყო მიღებული, თუმცა მეორე დღეს გავრცელდა ინფორმაცია, რომ საპატრიარქოს ეს შეზღუდვა არ ეხება. სახელმწიფომ ინდივიდს გადააბარა მთლიანი პასუხისმგებლობა და ეკლესიის პრივილეგირებულობა კიდევ ერთხელ დაგვანახა. შედეგად საქართველოს ტერიტორიაზე ყველა ეკლესიაში ჩატარდა წირვა-ლოცვა, ხოლო რამდენად სწორი იყო ეს ნაბიჯი ამას დროთა განმავლობაში ციფრები გვიჩვენებს. საერთო ჯამში COVID-19 გამოავლინა, რომ არსებული სისტემა უნდა გადაიხედოს და გათავისუფლდეს ვიწრო წრის კერძო ინტერესებისაგან, რადგან ზემოთ ხსენებული იწვევს პოლარიზაციას, ხოლო ერთიანობა შეუძლებელია ეკონომიკურად შემდგარი, განათლებული და ერთიანი საზოგადოების გარეშე.#კორონავირუსი #სახელმწიფო #ერი #ეპიდემია #ოპოზიცია #TbilisiDaily

რა უნდა იცოდე რიცხვები: 1,6 მილიონზე მეტი შემთხვევა, ჯამში კორონავირუსით და დაიღუპა 96,000 ადამიანი მსოფლიოში. აშშ-ს ცნობით 466,000-ზე მეტი შემთხვევა ფიქსირდება შტატების მასშტაბით. იმედის ნიშნები: აშშ-ს მთავარ მოდელზე მუშაობითა და ახალი სტრატეგიით ახლა ნაკლებად სავარაუდოა სიკვდილის მაჩვენებელი გაიზარდოს. აგვისტოში დაახლოებით 60,000 ადამიანით ნაკლები უნდა დაინფიცირდეს. ხოლო ექიმმა ენტონი ფაუიმ თქვა, რომ ამერიკელებს შეეძლებათ ზაფხულის არდადეგების მიღება, თუკი შემამსუბუქებელი სტრატეგიებით გაგრძელდება მუშაობა. ბორის ჯონსონი: ბრიტანეთის პრემიერ მინისტრი გაათავისუფლეს ინტენსიური თერაპიისდან, სადაც იგი ამ კვირაში კორონავირუსის გამო გადაიყვანეს. წყარო -CNN#coronavirus #covid19 #USA #lastupdate #headline

გაერო სახელმწიფოებს მოუწოდებს, კორონავირუსის პანდემიის გამო, მოწყვლად ჯგუფში შემავალი პატიმრები გაათავისუფლონ. ამის შესახებ განცხადება გაერო-ს ადამიანის უფლებათა კომისარმა, მიშელ ბაჩელეტმა განაცხადა. მისი თქმით, „კოვიდ-19“ არაერთი სახელმწიფოს სასჯელაღსრულების დაწესებულებებში, ასევე მოხუცებულთა თავშესაფრებსა და ფსიქიატრიულ კლინიკებში დაფიქსირდა, რაც დაუცველ ადამიანებს საფრთხეს უქმნის. „მთავრობამ უნდა განიხილოს მოწყვლად ჯგუფში შემავალი, დაუცველი პატიმრების გათავისუფლების საკითხი. საუბარია ასაკოვან, სხვადასხვა დაავადებების მქონე პატიმრებსა და არაძალადობრივ დანაშაულისთვის გასამართლებულ პირებზე“, – აცხადებს ბაჩელეტი. მისივე თქმით, ვირუსის გავრცელებას ხელს უწყობს ის გარემოებაც, რომ ბევრ ქვეყანაში საპატიმროები გადატვირთულია, რაც მსჯავრდებულებთან ერთად ციხის თანამშრომელთა ინფიცირების რისკსაც აჩენს. ბაჩელეტის განცხადებით, მთავრობებს რთულ ვითარებაშიც კი არასდროს უნდა დაავიწყდეთ საპატიმროებში, ფსიქიატრიულ კლინიკებში, მოხუცებულთა თუ მიუსაფარ ბავშვთა თავშესაფრებში მყოფი მოქალაქეები. კორონავირუსის გამო, პატიმართა ნაწილის გათავისუფლების გადაწყვეტილება უკვე მიიღეს გერმანიაში. ჩრდილოეთ რაინ-ვესტფალიაში ციხეებიდან 1000 მსჯავრდებულს გაათავისუფლებენ. ამნისტია შეეხება მათ, ვისაც პატიმრობის ვადა ეწურება, თუმცა ეს არ ითვალისწინებს სექსუალურ თუ სხვა სახის ძალადობაში ბრალდებულებს. 1000-ზე მეტი მსჯავრდებული გაათავისუფლეს კანადაშიც. 1000 პატიმრის გათავისუფლებას გეგმავს ნიუ ჯერსის შტატის ადგილობრივი მთავრობაც. ანალოგიური ნაბიჯები გადადეს დიდ ბრიტანეთში, პოლონეთსა და იტალიაში, თუმცა ხელისუფლება გათავისუფლებული პირების მეთვალყურეობას განაგრძობს. აღსანიშნავია, რომ კორონავირუსის გავრცელებას მსოფლიოს არაერთი ქვეყნის სასჯელაღსრულების დაწესებულებაში პატიმრების ამბოხი და არეულობა მოჰყვა.

გაერო სახელმწიფოებს მოუწოდებს, კორონავირუსის პანდემიის გამო, მოწყვლად ჯგუფში შემავალი პატიმრები გაათავისუფლონ. ამის შესახებ განცხადება გაერო-ს ადამიანის უფლებათა კომისარმა, მიშელ ბაჩელეტმა განაცხადა. მისი თქმით, „კოვიდ-19“ არაერთი სახელმწიფოს სასჯელაღსრულების დაწესებულებებში, ასევე მოხუცებულთა თავშესაფრებსა და ფსიქიატრიულ კლინიკებში დაფიქსირდა, რაც დაუცველ ადამიანებს საფრთხეს უქმნის. „მთავრობამ უნდა განიხილოს მოწყვლად ჯგუფში შემავალი, დაუცველი პატიმრების გათავისუფლების საკითხი. საუბარია ასაკოვან, სხვადასხვა დაავადებების მქონე პატიმრებსა და არაძალადობრივ დანაშაულისთვის გასამართლებულ პირებზე“, – აცხადებს ბაჩელეტი. მისივე თქმით, ვირუსის გავრცელებას ხელს უწყობს ის გარემოებაც, რომ ბევრ ქვეყანაში საპატიმროები გადატვირთულია, რაც მსჯავრდებულებთან ერთად ციხის თანამშრომელთა ინფიცირების რისკსაც აჩენს. ბაჩელეტის განცხადებით, მთავრობებს რთულ ვითარებაშიც კი არასდროს უნდა დაავიწყდეთ საპატიმროებში, ფსიქიატრიულ კლინიკებში, მოხუცებულთა თუ მიუსაფარ ბავშვთა თავშესაფრებში მყოფი მოქალაქეები. კორონავირუსის გამო, პატიმართა ნაწილის გათავისუფლების გადაწყვეტილება უკვე მიიღეს გერმანიაში. ჩრდილოეთ რაინ-ვესტფალიაში ციხეებიდან 1000 მსჯავრდებულს გაათავისუფლებენ. ამნისტია შეეხება მათ, ვისაც პატიმრობის ვადა ეწურება, თუმცა ეს არ ითვალისწინებს სექსუალურ თუ სხვა სახის ძალადობაში ბრალდებულებს. 1000-ზე მეტი მსჯავრდებული გაათავისუფლეს კანადაშიც. 1000 პატიმრის გათავისუფლებას გეგმავს ნიუ ჯერსის შტატის ადგილობრივი მთავრობაც. ანალოგიური ნაბიჯები გადადეს დიდ ბრიტანეთში, პოლონეთსა და იტალიაში, თუმცა ხელისუფლება გათავისუფლებული პირების მეთვალყურეობას განაგრძობს. აღსანიშნავია, რომ კორონავირუსის გავრცელებას მსოფლიოს არაერთი ქვეყნის სასჯელაღსრულების დაწესებულებაში პატიმრების ამბოხი და არეულობა მოჰყვა.#uno #prisoner #stopcovid19 #covid19