10 votes
0 comments
1 shares
Save
ქუთაისში შშმ პირებს პროდუქტებს ურიგებენ
929 views
Kutaisi Daily
Kutaisi · 3 months ago
სტატიის წასაკითხად დააჭირე გაგრძელებას
or
By continuing you agree to Feedc’s Terms of use and Privacy Policy

პროდუქტი ქალაქის მერმა გიორგი ჭიღვარიამ თავის მოადგილეებთან ერთად დააარიგა და განაცხადა, რომ რთულ პერიოდში მოსახლეობა სახელმწიფოსგან ზრუნავს უნდა გრძნობდეს:

“რთულ პერიოდში განსაკუთრებულად უჭირთ იმ ადამიანებს, რომლებთაც შეზღუდული შესაძლებლობები აქვთ. დღეს ჩვენ მათ სახლებში მივუტანეთ ნობათები და ამით გარკვეულწილად შევუმსუბუქეთ მდგომარეობა. ამავე დროს, მნიშვნელოვანია, ადამიანები ხედავდნენ და გრძნობდნენ, რომ სახელმწიფო მათზე ზრუნავს,“- ამბობს ის.

#შშმპირი #ქუთაისი #KUTAISIDAILY
Kutaisi Daily
Kutaisi · 3 months ago
Similar Posts
Kutaisi Daily
Kutaisi, Georgia · 3 months ago
კომენდატის საათის დროს ქუთაისში ქურდობა მოხდა
ქუთაისში, კომენდანტის საათის დროს, ასათიანის ქუჩაზე, ბენზინგასამართი სადგურის წინ, სწრაფი ჩარიცხვის აპარატი მოიპარეს. ფაქტი თანამშრომლებმა დილით აღმოაჩინეს, რის შემდეგაც ვიდეოკამერების ჩანაწერები შეამოწმეს. როგორც კადრებზე ჩანს, აპარატი რამენიმე პირმა ხელის ურიკით წაიღო. top.news.com.ge-ის ინფორმაციით, შემთხვევა ღამის ოთხ საათზე მოხდა.#ქურდობა #აპარატი #კორონავირუსი #kutaisidaily
Marneuli Daily
Kachaghani, Georgia · 2 months ago
5 დღე კორონოვირუსის გარეშე
18 აპრილიდან დღემდე, მარნეულში კორონავირუსის არცერთი შემთხვევა არ დაფიქსირებულა. მარნეულის „ჯეო ჰოსპიტალსის“ სამედიცინო ცენტრის კლინიკურმა დირექტორმა, ტატა შენგელაიამ განაცხადა , რომ 21 აპრილს კლინიკიდან ლუგარის ლაბორატორიაში კორონავირუსის 4 ტესტი გააგზავნეს. დღეს ოთხივე ტესტზე უარყოფითი პასუხი მიიღეს. მარნეულის მუნიციპალიტეტში, საერთო ჯამში, კორონავირუსით ინფიცირების 15 შემთხვევა ფიქსირდება, მათგან 7 უკვე გამოჯანმრთელებულია. წყარო : რადიო მარნეული#მარნეული# კორონოვირუსი# MarneuliDaily
Kutaisi Daily
Kutaisi, Georgia · 2 months ago
წულაიამ პარლამენტის ყოფილ შენობასთან სააღდგომო კვერცხი გააგორა
პოლიტიკოსმა გოგი წულაიამ დღეს ქუთაისში საქართველოს პარლამენტის ყოფილ შენობასთან მცირე პერფომანსი მოაწყო. მან შენობის წინ წითელი კვერცხები გააგორა, პასკაზე სანთელიც აანთო და ჭიქა ღვინით შესანდობარიც თქვა. ამის შესახებ ინფორმაციას ინტერნეტ-ტელევიზია "მეგატივი" ავრცელებს.#წულაია #აღდგომა #ქუთაისისპარლამენტისშენობა #kutaisidaily
Kutaisi Daily
Kutaisi, Georgia · 2 months ago
ქუთაისის ინფექციურ საავადმყოფოფოში 1 პაციენტი მიიყვანეს
ახალი კორონავირუსის დიაგნოზით ქუთაისის ინფექციურ საავადმყოფოფოში კარანტინიდან კიდევ ერთი პაციენტი გადაიყვანეს. ახალგაზრდა მამაკაცს თურქეთში მოგზაურობის ისტორია აქვს. ამჟამად, ქუთაისის ინფექციურ საავადმყოფოფოში ვირუსს 24 ადამიანი ებრძვის, მათგან 4-ის მდგომარეობა მძიმეა. ქუთაისის ინფექციური საავადმყოფო ბოლო რამდენიმე დღის განმავლობაში 5-მა გამოჯანმრთელებულმა პაციენტმა უკვე დატოვა. #კორონავირუსი #ქუთაისისინფექციურისაავადმყოფო #kutaisidaily
Kutaisi Daily
Kutaisi, Georgia · 2 months ago
როდის გაიხსნება ბაზრები და რას გულისხმობს ახალი სტანდარტები?
მომდევნო კვირიდან იმერეთის ბაზრები იხსნება. ამის შესახებ განცხადება იმერეთში სახელმწიფო რწმუნებულმა ზვიად შალამბერიძემ გააკეთა. მისივე თქმით, ბაზრები ჩვეული რეჟიმისგან განსხვავებულად იმუშავებენ. ამასთან დაკავაშირებით ბაზრის მეპატრონეები ინფორმილებულნი არიან და მათ რეგულაციით გათვალისწინებული ყველა სტანდარტის დაცვა მოუწევთ: „ჩვენ გამოვიკვლიეთ და მთლიანად აღვრიცხეთ ყველა ის ფერმერი, ვისაც სხვადასხვა კულტურა მოჰყავს. ძირითადად, საქმის კურსში ვართ, ვის, რა სჭირდება და სარეალიზაციო არხებში ვეხმარებით. გარდა ამისა, ჯერჯერობით ჩვენ კრიტიკული სიტუაცია არ გვაქვს, როგორიც პირობითად, მარნეულში შეიქმნა და ვცდილობთ, არც იყოს. ახლა ვცდილობთ, იმერეთში ყველა ბაზარი გავხსნათ, რომ ჩვენს ფერმერებს რეალიზაცია გაუიოლდეთ. ვმუშაობთ ბაზრის მეპატრონეებთან, რომ იმ შესაბამისი სტანდარტებით გაიხსნას ბაზარი, რა სტანდარტებიც ახალი რეგულაციებით დაწესებულია. ვფქირობ, იმ კვირაში, იმერეთში, ბაზრების უმეტესობა უნდა გავხსნათ“, - განაცხადა შალამბერიძემ. #აგრარულიბაზრები #შალამბერიძე #kutaisidaily
Kutaisi Daily
Kutaisi, Georgia · 2 months ago
თეთრი ხიდი, როგორც სიყვარულის ხიდი - რატომ აეკრძალათ წყვილებს ბოქლომების შებმა?
თეთრი ხიდი უძველესი კულტურული მემკვიდრეობის ძეგლი და ქუთაისის ერთ-ერთი ყველაზე მიმზიდველი ადგილია, თუმცა მას წლების წინ მეტად მნიშვნელოვანი ფუნქციაც ჰქონდა - ხიდზე შეყვარებულები ემოციურ რიტუალს ასრულებდნენ და ბოქლომებს აბამდნენ, გასაღებს კი მდინარეში ისროდნენ. ეს მათი მარადიული სიყვარულის სიმბოლოდ ითვლებოდა. მსგავსი ტრადიცია არაერთი ქვეყნის დიდ ქალაქშია. ასეთი ხიდი არის თბილისშიც, თუმცა სამწუხაროდ, თეთრი ხიდის რეაბილიტაციის შემდეგ წყვილებს აქ ბოქლომების შებმა აეკრძალათ და დამაგრებული ბოქლომებიც ჩამოიხსნა. ამის შესახებ ორი წლის წინ თეთრი ხიდის პროექტის ავტორმა გია ხუჯაძემ kutaisipost-თან განაცხადა: "პროექტი არ ითვალისწინებს ხიდზე ბოქლომების განთავსებას, პირიქით, რაც უკვე არის, ისინიც ჩამოიხსნება," - განმარტა მან. ჯერჯერობით, ეს ფუნქცია ქუთაისლებს სხვა ხიდისთვის არ მოურგიათ. სიყვარული რომ მსგავსი სიმბოლოებით არ მტკიცდება, ფაქტია, მაგრამ ისიც ცხადია, რომ ეს რიტუალი მსოფლიოში დიდი პოპულარობით სარგებლობს და ახალგაზრებისთვის ეს ერთგვარი ფიცის დადების ტოლფასია.#სიყვარულისხიდი #თეთრიხიდი #kutaisidaily
Kutaisi Daily
Kutaisi, Georgia · 4 months ago
"ვირუსმა ჩვენამდე რომ მოაღწიოს, ვის უნდა მივმართოთ?!“- ქუთაისელი ემიგრანტი
"ვირუსმა ჩვენამდე რომ მოაღწიოს, ვის უნდა მივმართოთ?!“ - ქუთაისელი ემიგრანტის ემოციური წერილი და იტალიის საელჩოს პასუხი ქუთაისელი ემიგრანტი ლელა თოლორდავა სოციალურ ქსელში ემოციურ წერილს აქვეყნებს, რომლითაც პრემიერ-მინისტრ გიორგი გახარიას მიმართავს. თოლორდავა წელიწადი და რვა თვეა, რაც იტალიაში არალეგალად ცხოვრობს და როგორც წერილში ვკითხულობთ, ახალი კორონავირუსის გამო ის თავს დაუცველად გრძნობს. „იტალიის ხელისუფლება სრულ მზადყოფნას აცხადებს საკუთარი მოქალაქეების დასაცავად. საქართველოს ხელისუფლებაც მზადაა დაიცვას მოსახლეობა . მაგრამ ვინ დაგვიცავს ჩვენ , იტალიაში არალეგალურად მცხოვრებ და დასაქმებულ ათიათასობით საქართველოს მოქალაქეს?! მით უფრო, როცა იტალიის ხელისუფლებამ ჩვენი არსებობაც კი არ იცის, ოფიციალურად . საქართველოს ხელისუფლებისთვის ჩვენ სავიზო რეჟიმის დამრღვევ მოქალაქეებად მოვიაზრებთ და შინ დაბრუნების შემთხვევაში, ჯარიმითაც გვემუქრება. ბატონო გიორგი, კორონა ვირუსმა ჩვენამდე რომ მოაღწიოს, ვის უნდა მივმართოთ?!“, - წერს ის. ამავე შეკითხვით KUTAISI DAILY-მა საგარეო საქმეთა სამინისტროს მიმართა, თუმცა მათგან ამომწურავი პასუხი ვერ მიიღო: „ძალიან ბევრი განცხადება გვაქვს გამოქვეყნებული, მათ შორის საქართველოს საელჩოს ვებ-გვერდსა და სოციალურ ქსელებში საელჩოს გვერდზე, მათ შორის ცხელი ხაზის ნომრებით. ასევე გამოქვეყნებულია რეკომენდაციები თუ როგორ უნდა მოიქცნენ და ვის მიმართონ“, - განაცხადეს პრესსამსახურში. თოლორდავას თქმით კი, რეკომენდაციები მხოლოდ ლეგალურად მცხოვრებ მოქალაქეებს შეეხებათ. „აქ არაფერია ნათქვამი არალეგალებზე, მე სწორედ ამ პრობლემაზე ვწერ.“, - ამბობს თოლორდავა. დღის ბოლოს იტალიაში მყოფი საქართველოს მოქალაქეების საყურადღებოდ განცხადება გააკეთა იტალიის საელჩომ: „იტალიაში მყოფი საქართველოს მოქლაქეების საყურადღებოდ: გადაუდებელი აუცილებლობის დროს ან საგანგებო ვითარების პერიოდში იტალიის ჯანდაცვის სისტემით სარგებლობა შეუძლია ყველას, ვინც ამ ქვეყანაში იმყოფება, განურჩევლად მისი სამართლებრივი სტატუსისა. საქართველოს საკონსულოსთვის ან ადგილობრივი ჯანდაცვის სისტემისთვის მიმართვის შემთხვევაში საქართველოს მოქალაქე მიიღებს კანონით დადგენილ ყველა დამხმარებას და მომსახურებას, განურჩევლად ადგილსამყოფელ ქვეყანაში მისი სტატუსისა. ამასთან, საზღვარაგრეთ მყოფმა საქართველოს მოქალაქეებმა უნდა გაითვალისწინონ, რომ მნიშვნელოვანია საკონსულო აღრიცხვაზე დადგომა, რაც დაეხმარება საქართველოს საკონსულო დაწესებულებას მათთან ეფექტიან და დროულ კომუნიკაციაში საჭირო დახმარების გასაწევად.“, - ნათქვამია განცხადებაში. საკონსულო აღრიცხვაზე დასადგომად გთხოვთ მიჰყვეთ ბმულს: აქვე, ლელა თოლორდავას პოსტი:#ქუთაისი #ემიგრანტები #კორონავირუსი #იტალია #პრობლემა #საგარეოსაქმეთასამინისტრო #kutaisidaily
Kutaisi Daily
Kutaisi, Georgia · 3 months ago
ჭიღვარიას მრჩეველთა საბჭო პასუხებს სთხოვს - სინამდვილეში, რატომ გადადგა ქალაქის მერი?
ქუთაისის მერის გიორგი ჭიღვარიას მოულოდნელ გადადგომასთან დაკავშირებით მისი მრჩეველთა საბჭო განცხადებას ავრცელებს და მოუწოდებს, განმარტოს წასვლის მიზეზები. საბჭო ეჭვქვეშ აყენებს იმ ფაქტს, რომ გადაწყვეტილება გადადგომასთან დაკავშირებით მერმა თვითნებურად მიიღო. საბჭო ჭიღვარიას მოუწოდებს დღეს, 10 აპრილს დაგეგმილ რიგგარეშე სხდომაზე გამოცხადდეს და რიგგარეშე ანგარიში წარადგინოს. უცვლელად გთავაზობთ განცხადებას: “სამოქალაქო მრჩეველთა საბჭოს საჯაროობის პრინციპიდან გამომდინარე და ასევე როგორც მუნიციპალიტეტის უმაღლესი არჩევითი თანამდებობის პირის სათათბირო ორგანო, ვალდებულად მივიჩნევთ გამოვეხმაუროთ ქალაქ ქუთაისის მუნიციპალიტეტის მერის- გიორგი ჭიღვარიას გადადგომის საკითხს და გამოვხატოთ ჩვენი გაკვირვება აღნიშნულ ფაქტთან დაკავშირებით. მოგეხსენებათ, 2018 წლის 19 ივნისს, ქალაქ ქუთაისის მუნიციპალიტეტის მერის გიორგი ჭიღვარიას ბრძანების #1348 საფუძველზე შეიქმნა ქალაქ ქუთაისის მუნიციპალიტეტის სამოქალაქო მრჩეველთა საბჭო, რომელიც არის მერის სათათბირო ორგანო. ქალაქ ქუთაისის მუნიციპალიტეტის მერის სამოქალაქო მრჩეველთა საბჭო, კანონითა და საბჭოს დებულებით განსაზღვრული უფლებამოსილების ფარგლებში აქტიურად მუშაობდა ქალაქის მერთან გიორგი ჭიღვარიასთან, მის მოადგილეებთან, მერიის ადმინისტრაციასთან და სამსახურებთან. სამოქალაქო მრჩეველთა საბჭოს ფორმატში არაერთი მნიშვნელოვანი დოკუმენტი თუ საკითხი იქნა განხილული, რაზედაც შესაბამისი რეკომენდაციები იქნა შემუშავებული და წარდგენილი. საგულისხმოა, მერის აქტიური ჩართულობა საბჭოს საქმიანობის პროცესში და მისი მაღალი მოტივაცია აქტიურად გაეგრძელებინა მუშაობა 2020 წელში დაგეგმილ ინფრასტრუქტურულ და სხვა პროექტებზე, რომლებიც მან საბჭოს დეტალურად გააცნო 2019 წლის ანგარიშის წარდგენის დროს. ყოველივე ეს არ ქმნიდა გონივრულ ეჭვსაც კი, რომ მერი “საკუთარი” გადაწყვეტილებით გეგმავდა დაკავებული თანამდებობის დატოვებას. გამომდინარე იქიდან, რომ ქალაქის მერი მუნიციპალიტეტის უმაღლესი პოლიტიკური თანამდებობის პირია, რომელსაც, პირდაპირი წესით არჩევის გამო, ქალაქის მოსახლეობისგან მაღალი ლეგიტიმაცია აქვს მინიჭებული ქალაქ ქუთაისის მერის სამოქალაქო მრჩეველთა საბჭოს წევრები მოვუწოდებთ: ქალაქ ქუთაისის მუნიციპალიტეტის მერმა გიორგი ჭიღვარიამ გააკეთოს მკაფიო განცხადება და მოახდინოს ქუთაისის მოსახლეობის ინფორმირება გადადგომის მიზეზებთან და პოლიტიკიდან წასვლასთან დაკავშირებით; ქალაქ ქუთაისის მუნიციპალიტეტის საკრებულოს თავმჯდომარის მოვალეობის შემსრულებელ ირაკლი შენგელიას მოიწვიოს ქალაქ ქუთაისის მუნიციპალიტეტის მერი გიორგი ჭიღვარია 10 აპრილს ქუთაისის მუნიციპალიტეტის საკრებულოს დაგეგმილ რიგარეშე სხდომაზე რიგარეშე ანგარიშის წარსადგენად. აგრეთვე, ქალაქ ქუთაისის მუნიციპალიტეტის მერის სამოქალაქო მრჩეველთა საბჭოს წევრები მივიჩნევთ, რომ: დღეს არსებულ ვითარებაში, როდესაც ქალაქის მერი გიორგი ჭიღვარია ამავე დროს არის საგანგებო შტაბის ხელმძღვანელიც მისი მოულოდნელი გადადგომა ამძიმებს ქალაქის წინაშე არსებულ საორგანიზაციო და ლოგისტიკურ მდგომარეობას, რაც ამ ვითარებაში სწრაფ მართველობით გადაწყვეტილებებს მოითხოვს; სასურველი იყო ქალაქ ქუთაისის მერს ასეთ მნიშვნელოვანი გადაწყვეტილების მიღებისას (განსაკუთრებით მოცემულ ვითარებაში) ემსჯელა საბჭოსთან,”-ნათქვამია საბჭოს მიერ გავრცელებულ განცხადებაში. ცნობისთვის, ქუთაისის მერმა განაცხადა, რომ ის პოლიტიკიდან მიდის, თუმცა ქუთაისში და ქუთაისის გულშემატკივრად რჩება.", - ვკითხულობთ განცხადებაში. #ჭიღვარია #ქუთაისისმერი #KUTAISIDAILY
Kutaisi Daily
Kutaisi, Georgia · 2 months ago
რა მდგომარეობაა იმერეთში სასაფლაოებზე და როდის მოიხსნება შეზღუდვა?
წელს საქართველო აღდგომის ბრწყინვალე დღესასწაულს უჩვეულო გარემოში ხვდება. იმერეთში დაკეტილია სასაფლაოები და მას პოლიციელები აკონტროლებენ. დღეს იმერეთში სახელმწიფო რწმუნებულმა ზვიად შალამბერიძემ სხვადასხვა უბნისა და მუნიციპალიტეტის სასაფლაოებზე მონიტორინგს აწარმოა. შეგახსენებთ, რომ მთავრობის გადაწყვეტილებით საგანგებო მდგომარეობის ფარგლებში, 17 აპრილიდან სასაფლაოები დაიკეტა. ამჟამინდელი ინფორმაციით, შეზღუდვა 10 დღითაა დაწესებული.#აღდგომა #ზვიადშალამბერიძე #kutaisidaily
Kutaisi Daily
Kutaisi, Georgia · 4 months ago
“ქუთაისის ნიშა” - ფოტოგრაფი ილო. ილო ხახიაშვილს ყველა თაობის ქუთაისელი იცნობს. იგი ქალაქის კოლორიტი და იმ დიდი ისტორიის ნაწილია, რომელსაც რამოდენიმე ათწლეულის განმავლობაში თავადაც დიდი სიყვარულით ქმნიდა. ილო 1935 წელს, 16 აგვისტოს დაიბადა. სამწუხაროდ მისი ბიოგრაფიიდან მხოლოდ მცირედი ნაწილია ცნობილი. ვიცით, რომ იგი ძველი ებრაელი ფოტოგრაფის შეგირდი იყო. სამხედრო მოვალეობის მოხდის შემდეგ ქუთაისში დაბრუნებულმა 1970-80-იან წლებში ფოტოგრაფის კარიერას მოჰკიდა ხელი. ახლად დაღვინებული ფოტოგრაფი ქუთაისში დიდი პოპულარობით სარგებლობდა. მაშინდელი ელიტარული საზოგადოების წევრები, პოეტები, მწერლები, მომღერლები და მსახიობები ფოტოგრაფის სტუდიაში ხშირად იკრიბებოდნენ. მათი ერთად ყოფნის სიამოვნებას კი მეტ ხიბლს სძენდა ილოს სხარტი და სახასიათო იუმორი, რომელსაც თავისთავად არგებდა ხოლმე შექმნილ სიტუაციებს. მისი კაცთმოყვარეობა არ ეფუძნებოდა წოდებას, ილო ყველა სოციალური ფენის წარმომადგენელს ერთნაირი სიყვარულითა და სითბოთი ეგებებოდა. ჩვევად ჰქონდა განსაკუთრებულად ყურადღებიანი მომსახურება. ის ძირითადად პორტრეტებს ქმნიდა. დღეისთვის, მის მიერ აღბეჭდილი ფოტოები ბევრი ქუთაისელის ძველ ფოტო-ალბომს ამშვენებს. თუმცა, ცოტამ თუ იცის როგორ ირჯებოდა ილო მათ შესაქმნელად. დიდხანს ურჩევდა გადასაღებ ობიექტს შესაბამის პოზას, გადააადგილებდა განათებას. განსაკუთრებით აწვალებდა ფოტოაპარატის წინ მყოფებს, რომელთა მიმიკების გამოძერწვაც მისთვის ხელოვნების ცალკე სახეობა იყო. ბევრი კლიენტი მწყობრიდანაც კი გამოუყვანია თავისი პერფექციონისტული ახირებებით, თუმცა, მის საშემსრულებლო ოსტატობაში ეჭვი არასდროს შეუტანიათ. მნიშვნელოვანია ის ფაქტი, რომ კარიერის დასრულებამდე იმ ძველი აპარატით მუშაობდა, რომელზეც ჯერ კიდევ სიყმაწვილეში ისწავლა ფოტოგრაფობა. თუმცა კი, ეს არასდროს ყოფილა ხელისშემშლელი ფაქტორი მისი შედევრების აღბეჭდვისთვის. პირიქით, ილოს ფოტოები რადიკალურად განსხვავდებოდა იმდროინდელი ფოტოგრაფების ნამუშევრებისგან. ილოს საკუთარი ოჯახი არასდროს ჰყოლია. ხმებიც დადიოდა, რომ რამდენჯერმე წაუყვანიათ სასიძოდ “გადასამოწმებლად”, თუმცა, უღელისაგან თავის დახსნისთვის ახალგაზრდა ფოტოგრაფი ხან თვალებს აელამებდა, ხანაც სხვა ხრიკებით იძვრენდა თავს. საბოლოოდ, მიხვდნენ, რომ მისი დამორჩილების მცდელობას აზრი არ ჰქონდა და თავიც გაანებეს. ილო ფოტოგრაფი 2002 წელს გარდაიცვალა. ერთი წლის შემდეგ რუსთაველის გამზირზე მდებარე მის სახელოსნოში მისივე სახელობის მუზეუმი გახსნეს. დღეს იგივე დაწესებულება ხანძრისგან მიყენებული დაზიანებების გამო აღარ ფუნქციონირებს. სამაგიეროდ, ქალაქს კვლავ ამშვენებს “მელიტონ ბალანჩივაძის სახელობის ოპერისა და ბალეტის თეატრისა” და ქალაქის გალერიის გზაგასაყარზე არსებული ძეგლი, საიდანაც ილო ხახიაშვილი ძველებური კეთილი მზერით ისევ თავაზიანად ესალმება გამვლელს. #ქუთაისი #ლეგენდები #ისტორიები #კოლირიტი #ფოტოგრაფი #ილო #ხახიაშვილი #ისტორია #kutaisidaily Kutaisi