3 votes
0 comments
0 shares
Save
გორელ მამაკაცს კორონავირუსი სომხეთში დაუდგინდა
111 views
Primetime
Tbilisi · 3 months ago

ახალი კორონავირუსით ინფიცირებული ერთ-ერთი მამაკაცი გორის რაიონის მაცხოვრებელია. ინფიცირებული 53 წლისაა, იგი სატვირთოს მძღოლია და ვირუსული ინფექცია Covid 19 ტვირთის გადაზიდვისას, სოხეთში დაუდგინდა. ჯერჯერობით უცნობია სად მოხდა პაციენტის ინფიცირება – საქართველოში თუ სომხეთში.

გორის მუნიციპალიტეტის საზოგადოებრივი ჯანდაცვის სამსახურის ხელმძღვანელის, მარი გიუნაშვილის ინფორმაციით, დადგენილია ინფიცირებულ მამაკაცთან კონტაქტში მყოფი ყველა პირი. პაციენტი ამჟამად სომხეთის ერთ-ერთი კლინიკის სტაციონარშია მოთავსებული.

,,აღნიშნული პირი, საქართველოს მოქალაქე, 1967 წელს დაბადებული მამაკაცი ტრაილერის მძღოლია. მას ტემპერატურა დაუფიქსირდა სომხეთის საზღვარზე შესვლისას, გადაიყვანეს კლინიკაში სადაც ჩაუტარდა ტესტი და დაუდასტურდა კორონავირუსული ინფექცია. ამჟამად მამაკაცი მოთავსებულია სომხეთის ერთ-ერთ კლინიკაში სადაც მკურნალობა უტარდება.

აღნიშნული პირი სომხეთში მანამდეც იმყოფებოდა, შესაბამისად ამ ეტაპზე რთულია იმის დაზუსტებით თქმა, სად მოხდა მისი ინფიცირება. დადგენილია კონტაქტში მყოფთა წრე და ყველა მათგანი – ოჯახის წევრებიც და კონტაქტში მყოფი სხვა პირებიც იმყოფებიან თვითიზოლაციაში“, – განაცხადა მარი გიუნაშვილმა.

„პრაიმტაიმის“ ინფორმაციით, ინფიცირებულის შვილს ტესტი ჩაუტარდა და მისი პასუხი უარყოფითია, ახლა ექიმები სატვირთოს მძღოლის მეუღლის ტესტის პასუხს ელოდებიან.

https://primetime.ge/gorel-mamakatss-koronavirusi-koronavirusi-somkhetshi-daudginda/


გორელ მამაკაცს კორონავირუსი სომხეთში დაუდგინდა - Primetime
primetime.ge
Primetime
Tbilisi · 3 months ago
Similar Posts
Tbilisi Daily
Tbilisi, Georgia · 1 month ago
„ემბავუდის“ მენეჯერს კორონავირუსი დაუდასტურდა
გორში ახალი კორონავირუსის კიდევ ერთი შემთხვევა დადასტურდა. „კოვიდ-19“ „ემბავუდის“ მაღაზიათა ქსელის გორის ფილიალის მენეჯერს დაუდასტურდა. ახალგაზრდა ქალი კლინიკაში 10 დღის წინ შეიყვანეს ვირუსული ინფექციის სიმპტომებით, თუმცა კლინიკაში შეყვანისას ჩატარებული ტესტირებისას კორონავირუსი არ დაფიქსირდა. გორის მუნიციპალიტეტის მერიის საზოგადოებრივი ჯანდაცვის ცენტრის ხელმძღვანელის, მარი გიუნაშვილის განცხადებით, ინფიცირებულთან კონტაქტში მყოფი ყველა პირი გადაყვანილია თვითიზოლაციაში და ტარდება შესაბამისი ღონისძიებები. „ინფიცირებულია გორში მცხოვრები ერთი პირი, ახალგაზრდა ქალი, რომელსაც თავდაპირველად კორონავირუსული ინფექცია არ დაუდასტურდა, თუმცა დღეს ცნობილი გახდა, რომ ტესტირებამ დადებითი შედეგი აჩვენა. აღნიშნულ ინფიცირებულთან კონტაქტში მყოფი ყველა პირი, როგორც ოჯახის წევრები, ასევე, თანამშრომლებიც გადაყვანილები არიან თვითიზოლაციაში და ყველა მათგანს უტარდება ტესტირება“,- განაცხადა „ინტერპრესნიუსთან“ საუბრისას მარი გიუნაშვილმა. „ემბავუდის“ გორის ფილიალი დღეს დილით დაიკეტა.
Tbilisi Daily
Tbilisi, Georgia · 1 month ago
რუხის კლინიკიდან COVID 19-ით ინფიცირებული ქალი თბილისის ინფექციურში გადაიყვანეს
covid -19 ინფიცირებული ერთი პაციენტი რუხის კლინიკიდან თბილისში, ინფექციურ საავდმყოფოში გადაიყვანეს. საავადმყოფოს ადმინისტრაციის ცნობით, რეფერირების მიზეზი პაციენტის ჯანმრთელობის მდგომარეობის გაუარესება გახდა. "დამატებითი კვლევებია საჭირო. პაციენტი მისი ლაბორატორიული მაჩვენებლები მკვეთრად გაუარესდა, მკურნალობასა და კვლევებში დამატებითი ჩარევაა საჭირო, რაც თბილისის ინფექციურისთვის გაცილებით იოლად მოგვარებადია“, - ამბობენ რუხის კლინიკაში. კოვიდ19-ით ინფიცირებული ასაკოვანი ქალი ტრაილერის მღოლის კლასტერს მიეკუთვნება, რომელსაც ვირუსი გასულ კვირაში დაუდგინდა. რაც შეეხება ზოგად სურათს, ზუგდიდის ინფექციურ საავადმყოფოში ახალ კორონავირუსზე 94 პირის ანალიზი გამოიკვლიეს. არცერთ მათგანს ვირუსი არ დაუდასტურდა. მათ შორის იყვნენ სამედიცინო დაწესებულებაში საეჭვო სიმპტომებით მოთავსებული პაციენტები, საკარანტინო ზონაში და თვითიზოლაციაში მყოფი პირები, ასევე ტრაილერის მძღოლის 2 კონტაქტი. შეისწავლეს მედპერსონალის ბიოლოგიური მასალაც. ყველა მათგანზე პასუხი უარყოფითია. ამასთან სახელმწიფო რწმუნებულის ადმინისტრაციის ინფორმაციით, გადაამოწმეს რუხის საავადმყოფოს ერთ-ერთი პაციენტის ანალიზიც, რომელმაც მკურნალობის 14 დღიანი კურსი გაიარა. მას ჯერ კიდევ უფიქსირდება ახალი კორონავირუსი და შესაბამისად მკურნალობას აგრძელებს. პაციენტი შუა ხნის ქალია, რომელიც მანამდე ანაკლია-განმუხურის საკარანტინე სივრცეში იმყოფებოდა. ის აღმოსავლეთ საქართველოს ერთ-ერთ მუნიციპალიტეტის მკვიდრია.
Tbilisi Daily
Tbilisi, Georgia · 1 month ago
კახეთში სატვირთოს მძღოლს კორონავირუსი დაუდასტურდა
დედოფლისწყაროში სატვირთო მძღოლს კორონავირუსი დაუდგინდა. დედოფლისწყაროს მუნიციპალიტეტის საზოგადოებრივი ჯანდაცვის სამსახურის უფროსის, მარიეტა გონაშვილის განცხადებით, კახეთში კორონავირუსი ერთ პირს დაუდასტურდა, რომელიც საქართველოში რუსეთიდან შემოვიდა. როგორც საზოგადოებრივი ჯანდაცვის სამსახურში აცხადებენ, აღნიშნული პირი სატვირთო ავტომობილის მძღოლია. „ეს პიროვნება არის ტრაილერის მძღოლი, ჩვენი მკვიდრია, ცხოვრობს ქალაქ დედოფლისწყაროში. მოსკოვში იყო და მოსკოვიდან მოდიოდა. 22-ში არის საქართველოში ჩამოსული. გზად რომ მოდიოდა, ჩვენი რაიონის სოფელ ოზაანის მცხოვრები წამოიყვანა, რომელიც ასევე იყო მოსკოვში. როდესაც გადმოკვეთეს საზღვარი, მგზავრი ჩამოსვეს, კარანტინში გადაიყვანეს, გაუკეთეს სწრაფი ტესტი და აღმოჩნდა დადებითი. შემდეგ ჩაუტარდა მეორე ანალიზი უკვე „პისიარ“-ზე. იქაც დაუდასტურდა კორონავირუსი ოზაანელ პირს. ტრაილერის მძღოლმა არ იცოდა, რომ ოზაანელს დაუდასტურდა კორონავირუსი, იმყოფებოდა თვითიზოლაციაში“, – განაცხადა მარიეტა გონაშვილმა. დედოფლისწყაროს მუნიციპალიტეტის საზოგადოებრივი ჯანდაცვის სამსახურის უფროსის ინფორმაციით, სატვირთო ავტომობილის მძღოლის ყველა კონტაქტი ცნობილია და ანალიზები გამოსაკვლევად ლუგარის ლაბორატორიაში გაგზავნილია.
Marneuli Daily
Marneuli, Georgia · 4 weeks ago
37 წლის კირაჩ-მუღანლოელ ინფიცირებულ ქალს არ სჯერა , რომ კორონოვირუსი აქვს.
37 წლის კირაჩ-მუღანლოელი ქალი, რომელსაც კორონავირუსი 8 ივნისს დაუდასტურდა, აცხადებს, რომ მას ვირუსის სიმპტომები არ აქვს. ინფიცირებული მედიასთან საუბრისას ამბობს, რომ თავს კარგად გრძნობს და ამჟამად თბილისში, თანამშრომელთან ერთად, მკურნალობას გადის. მისი თქმით, საავადმყოფოში გადაყვანამდე ორი დღით ადრე წითელი ხიდის სასაზღვრო გამშვებ პუნქტზე, სადაც ინფიცირებული მუშაობს, კორონავირუსის ტესტირებები აიღეს და მისი ტესტის პასუხი დადებითი იყო. „კორონავირუსის დადასტურებამდე ერთი-ორი დღით ადრე ტესტირება ჩაატარეს. მერე, ერთ დღეს სამსახურში საჭმელად დავჯექით და ამ დროს ზარი შემოვიდა, მარნეულიდან დამირეკეს და მითხრეს, რომ სასწრაფოდ სახლში წავსულიყავი, კიდევ უნდა ჩაეტარებინათ ანალიზები. მივედით სახლში და სასწრაფო მოვიდა და გვითხრა, თბილისში უნდა წაგიყვანოთო, მაგრამ ჩვენ ტემპერატურა ან სხვა პრობლემები არ გვქონია. აქ სულ სიცილით წამოვედით“ - ამბობს ინფიცირებული ინფიცირებული ამბობს, რომ საავადმყოფოში ანალიზებს ყოველდღიურად უტარებენ, მაგრამ ექიმები პასუხების შესახებ ინფომრაციას არ აწვდიან. „ამჟამად საავადმყოფოში ვარ. ანალიზების პასუხებზე არაფერს გვეუბნებიან. დღეში ერთხელ გადასხმას აკეთებენ და ერთ ნემსს გვიკეთებენ. სხვა წამლებს არ ვსვავთ. ალბათ, არაფერი არ გვჭირს, არაფერს რომ არ აკეთებენ. ვეკითხებით, ანალიზის პასუხები როგორია, გვეუბნებიან, რომ ყველაფერი კარგადაა. ქართულიც იმ დონემდე არ ვიცი, რომ რამე დამატებით ვკითხო“ 37 წლის ქალს არ სჯერა, რომ ის და მისი თანამშრომელი ინფიცირებულია. ამბობს, რომ თავისუფლად სუნთქავს, ხველა არ აწუხებს და სიცხე არ აქვს. "საკვები ნორმალურია. არც სიცხე გვაქვს, არც ხველა. არაფერი გვტკივა. ინფიცირებულს ყელის ტკივილი ან ტემპერატურა უნდა ჰქონდეს, ჩვენ არაფერი არ გვაწუხებს. ყოველდღე ტემპერატურას ამოწმებენ და 36-ზე მეტი არ მაქვს" ინფიცირებული აცხადებს, რომ კორონავირუსზე ტესტირებები მისი ოჯახის წევრებსაც ჩაუტარდათ და რამდენიმე მათგანს კორონავირუსი დაუდასტურდა. დანარჩენი ადამიანები კი, ვისთანაც მას კონტაქტი ჰქონდა, კარანტინში არიან გადაყვანილი. ამბობს, რომ მისი შვილები რუსთავში ერთ-ერთ სასტუმროში გადაიყვანეს, მაგრამ არ იცის თუ სად გადაიყვანეს მისი დედა. მედიასთან საუბრისას პირველი საუნივერსიტეტო კლინიკის ექიმმა-ეპიდემიოლოგმა ნინო ვარდიძემ თქვა, რომ გარკვეულ შემთხვევებში კორონავირუსი შესაძლოა უსიმპტომო იყოს, მაგრამ ეს არ ნიშნავს, რომ ადამიანს ვირუსი არ აქვს. „ძირითადი სიმპტომებია ტემპერატურა, მშრალი ხველა, შესაძლოა იყოს ფაღარათი, შესაძლოა იყოს გემოს და სუნის დაქვეითება, წნევის თამაშები, თავის ტკივილი. ძირითადად წამყვანი სიმპტომებია სიცხე და ხველა. ასევე, შესაძლებელია პაციენტებს ეს მდგომარეობა მიმდინარეობდეს უსიმპტომოდაც“ - გვითხრა ნინო ვარდიძემ პირველი საუნივერსიტეტო კლინიკის ექიმ-ეპიდემიოლოგმა გვითხრა, რომ მათაც ჰყავდათ კორონავირუსით ინფიცირებული პირი, ვისაც სიმპტომები არ უფიქსირდებოდა, მაგრამ მას გასული დღეების განმავლობაში ჰქონდა თავის ტკივილები და წნევის თამაშები. „გააჩნია რა სისუსტე აქვს ადამიანს. თუ ადამიანს წნევებისადმი, გულსისხლძარღვთა სისტემისადმი ან რევმატული ფაქტორებისადმი აქვს მიდრეკილება, ამ დროს კორონავირუსი სიმპტომებს ამ მიმართულებით უფრო აძლიერებს“ - ამბობს ნინო ვარდიძე ექიმ-ეპიდემიოლოგი ამბობს, რომ იმ შემთხვევაში, როდესაც პაციენტი კლინიკაში კორონავირუსის დადასტურებული შემთხვევით შედის, საავადმყოფო ვალდებულია ის იქამდე დატოვოს კლინიკაში სანამ კორონავირუსზე 24 საათის განმავლობაში ორჯერადი „პისიარ“ კვლევა არ ჩაუტარდება და ორივე პასუხი უარყოფითი არ იქნება. „ხშირ შემთხვევაში პაციენტები იმაზე მეტხანს ყოვნდებიან ჩვენთან ვიდრე საჭიროა. იყო შემთხვევები, როდესაც პაციენტს აღარ აწუხებდა არაფერი, მაგრამ ორჯერადი კვლევის შემთხვევაში ერთხელ მაინც უფიქსირდებოდა კორონავირუსი. მათ შეეძლოთ მკურნალობის სახლის პირობებში გავლა და გარკვული პერიოდულობის განმავლობაში კლინიკაში შესამოწმებლად მისვლა, მაგრამ სახელმწიფოსგან არ გვაქვს კონკრეტული რეკომენდაცია, რომ თუნდაც ერთჯერადი პასუხით გავწეროთ პაციენტი“ - განაცხადა ნინო ვარდიძემ პირველი საუნივერსიტეტო კლინიკის ექიმი-ეპიდემიოლოგი აცხადებს, რომ იმ შემთხვევაში, თუ კორონავირუსზე ჩატარებული ორჯერადი ტესტის პასუხი უარყოფითია ნიშნავს, რომ ამ ადამიანს კორონავირუსის გადამდებლობა არ აქვს. ხოლო იმ შემთხვევაში, თუ პაციენტს არ აქვს სიმპტომები ის მაინც შეიძლება იყოს საშიში ვირუსის გავრცელების თვალსაზრისით. წყარო ; რადიო მარნეული#Covid-19 #კირაჩ-მუღამლო #მარნეული #marneulidaily#ახალიამბები
Mediamall
Tbilisi, Georgia · 3 months ago
ბათუმიდან სომხეთში მიმავალ სატვირთო ავტომობილის მძღოლს საზღვარზე კორონავირუსი დაუდგინდა
ბათუმში მცხოვრებ მოქალაქეს, რომელიც ფოთის გავლით სომხეთში მიდიოდა, საზღვარზე კორონავირუსი დაუდგინდა და ის ახლა სომხეთის ერთ-ერთ კლინიკაში იმყოფება, – ამის შესახებ საქართველოს პირველ არხს ფოთის საზოგადოებრივი ჯანდაცვის ცენტრის ხელმძღვანელის მოადგილე ზიზი გაგუამ განუცხადა. როგორც ირკვევა მამაკაცი სატვირთო ავტომობილის მძღოლია და ის გზად რამდენიმე ხნით ფოთში, ავტომობილის შემკეთებელ პუნქტში გაჩერდა. ფოთში არსებული საკოორდინაციო შტაბის ხელმძღვანელის, კესო გელენიძის თქმით, უკვე მოძიებული არიან პირები, რომელთანაც ინფიცირებულს ფოთში კონტაქტი ჰქონდა და ხუთი ადამიანი ფოთიდან ბათუმში არსებულ კარანტინის სივრცეში გადაიყვანეს. „ჩვენთან შემოვიდა შეტყობინება, რომ ბათუმელი მძღოლი, რომელმაც გაიარა ფოთი და ჰქონდა მანქანის ტექნიკური პრობლემა, გაჩერდა ტექდათვალიერების ერთ-ერთ ჯგუფთან. მოგვიანებით მძღოლს კორონავირუსი დაუდასტურდა. ეპიდემიოლოგიური სამსახურის მიერ მოძიებულ იქნენ პირები, რომელთანაც მას კონტაქტი ჰქონდა, ასეთი ხუთი აღმოჩნდა. ჩვენი სამსახურის მიერ კოორდინირებული მუშაობით, საგანგებო სიტუაციებისა და გადაუდებელი სამსახურის ცენტრთან შეთანხმებით, მოქალაქეები ბათუმის საკარანტინო სივრცეში არიან გადაყვანილი“, – განაცხადა კესო გელენიძემ.#armenia #batumi #georgia #covid19 #coronavirus
Primetime
Tbilisi, Georgia · 3 months ago
პოლიციის და სამხედრო ძალები, ბლოკ-პოსტები და გაჩერებული ტრანსპორტი – რა ხდება სამეგრელოში?
ყველანაირი საზოგადოებრივი ტრანსპორტი, რომელიც მოძრაობდა ჩვენს რეგიონში მთლიანად შეწყვეტს მოძრაობას. შეიქმნება მობილური ჯგუფები, რომლებიც წარმოდგენილი იქნებიან ჯანდაცვის სფეროს, პოლიციის და სამხედრო ძალის წარმომადგენლებით. ჯგუფები მუშაობას დაიწყებენ უახლოეს დღეებში, შეიქმნება ბლოკ-პოსტები მუნიციპალიტეტების შესასვლელ-გასასვლელებთან – დღეიდან უსაფრთხოების ზომები სამეგრელო – ზემო სვანეთში მკაცრდება, ინფორმაციას ამის შესახებ სამეგრელო-ზემო სვანეთის სახელმწიფო რწმუნებული ალექსანდრე მოწერელი ადასტურებს. ალექსანდრე მოწერელი საზოგადოების გადაადგილების გამკაცრებულ ზომებზეც საუბრობს, ზუგდიდში დღეიდან ყველა ავტომობილს გააჩერებენ, სადაც 3-ზე მეტი ადამიანი იქნება. „ყველა ავტომობილი, სადაც იქნება 3 პიროვნებაზე მეტი აუცილებლად შეჩერებული იქნება. მანქანებში ყველა უნდა იჯდეს პირბადით, ჩვენ ყველა მოქალაქეს გავაცნობთ რეკომენდაციებს. ჯგუფები გააკონტროლებენ იმ მოქალაქეებს, რომლებიც არ იცავენ რეკომენდაციებს, გადაუდებელი შემთხვევის გარდა არავინ არ უნდა მოძრაობდეს ქალაქსა თუ სოფლად! ჩვენ ამ ზომებს ვიღებთ იმის გამო, რომ არსებობს მოსალოდნელი რისკები. ჩვენ გვყავს ერთი დადასტურებული პაციენტი ზუგდიდში, თუმცა ყოველდღე, ყოველ წუთს ჩვენ ველოდებით სხვა ახალ შემთხვევებს, იმდენად რამდენადაც ფაქტიურად იმ, ინფორმაციის ფლობა თუ ვინ არის დაინფიცირებული, სხვას ვის გადასდებს – ამის პროგნოზირება ამ წუთს რთულია. ამდენად, ერთადერთი ძლიერი ინსტრუმენტი ვირუსთან საბრძოლველად, რომ არ გავრცელდეს ეპიდემია სწრაფი ტემპით არის ის, რომ დაიცვან ჩვენმა მოქალაქეებმა ყველა ის მოწოდება და რეკომენდაცია რაც გავეცით, აქედან უმთავრესია ჩვენი მოქალაქეები დარჩნენ სახლში და გადაუდებელი შემთხვევის გარდა არ გამოვიდნენ სახლიდან. არსებობს საფრთხეები, ეს საფრთხეები ძალიან დიდია, ამავე დროს არ დაგვავიწყდეს, ჩვენ ვართ საოკუპაციო ხაზთან ძალიან ახლოს. სამწუხაროდ ის ინფორმაცია რაც ჩვენ იქიდან გვქვს არ არის სახარბიელო, მოსალოდნელია ჩვენი თანამოქალაქეების ვინც აფხაზეთში ცხოვრობს ჩვენს რეგიონში სამკურნალოდ გადმოსვლა, ყველა მოქალაქეს შესაბამისი დახმარება გაეწევა. ამისათვის მზად უნდა იყოს ინფრასტრუქტურა, ასევე მთლიანად გამართულად უნდა მუშაობდეს ყველა სამსახური.“- განაცხადა „მაესტროს“ ეთერში ალექსანდრე მოწერელმა. სამეგრელო-ზემო სვანეთის სახელმწიფო რწმუნებული ალექსანდრე მოწერელია აცხადებს, რომ ზუგდიდში ერთი კორონავირუსით ინფიცირებული პაციენტის ისტორია უსაფრთხო არ არის. რაც შეეხება, გამკაცრებულ ზომებს რწმუნებული აღნიშნავს, რომ ეს არ იქნება მარნეულის მსგავსი. „ასევე მოგახსენებთ, იმ დადასტურებული შემთხვევის შესახებ, რაც ზუგდიდში გვაქვს – მიუხედავად იმისა, რომ აღნიშნული პიროვნება თვითიზოლაციის პირობებში იმყოფებოდა, ჩვენ ვერ დავრჩებით ამის იმედად. ყველა მისი გადაადგილება თურქეთიდან სახლამდე არ იყო უსაფრთხო, შესაბამისად ყველა ის მოქალაქე, ვისთანაც მას კონტაქტი ჰქონდა ვიკვლევთ. ჩვენ მაქსიმალურად ვცდილობთ მივიღოთ ყველა ის ზომები, რომ შევანელოთ ეპიდემიის გავრცელება. მინდა განვმარტო, ეს ზომები არ არის ანალოგიური მარნეულის ვითარებისა. მარნეულში კომენდანტის საათია, პრაქტიკულად დაკეტილია მთლიანად ქალაქი, ჩვენ ამ ზომას არ მივმართავთ, მაგრამ ეს იმას არ ნიშნავს, რომ იმედიანად ვიყოთ, როგორც ეს მოხდა დღეს, როდესაც გაირკვა, რომ საბედნიეროდ ოთხ ადამიანს არ დაუდასტურდა ვირუსი – ამ ფაქტის შემდეგ ჩვენ დღეს ვნახეთ, რომ ქალაქში და რაიონში მოძრაობამ მოიმატა. ჩვენ, იძულებულები ვართ, გავატაროთ ეს ზომები, ჩვენი თანამოქალაქეები ამას გაიგებენ. ჯობია ახლა გავამკაცროთ და მივიღოთ მაქსიმალური ზომები, დავიცვათ სიფრთხილე, ვიდრე ხვალ და ზეგ გვქონდეს უმართავი პროცესები.“ – განაცხადა „მაესტროს“ ეთერში ალექსანდრე მოწერელიამ.
Zugdidi Daily
Zugdidi, Georgia · 1 month ago
ზუგდიდში კორონავირუსი შუახნის მამაკაცს დაუდასტურდა.
ზუგდიდში, კორონავიურუსზე მიმდინარე გამოკვლევის შედეგად, 146 პირიდან ერთ-ერთს, 42 წლის მამაკაცს კორონა ვირუსი დაუდასტურდა. მამაკაცი ტრაილერის მძღოლია. პაციენტი ზუგდიდის მკვიდრია. ის თვითიზოლაციაში იმყოფებოდა. მისი კონტაქტების დადგენაზე ეპიდემიოლოგები მუშაობენ. კომენტარს აკეთებს ზუგდიდის საზოგადოებრივი ჯანდაცვის ცენტრის დირექტორი ნანა ოდიშარია : „ის ახალგაზრდა მამაკაცია. ამჟამად მოთავსებულია რუხის კლინიკაში და იქ გადის მკურნალობას. რაც შეეხება პაციენტის კონტაქტებს, მისი ნაწილი გამოკვლეულია და ისინი გადაყვანილები არიან საკარნტინე სივრცეში“ ამ დროისთვის საავადმყოფოში ახალი კორონავირუსით ინფიცირებული სულ 5 პაციენტი მკურნალობს.#ზუგდიდი #კორონავირუსი #დადასტურებულიშემთვევა #რუხი #თვითიზოლაცია #კლინიკა #zugdididaily
Primetime
Tbilisi, Georgia · 3 months ago
ინგოროყვას კლინიკის მედპერსონალი თვითიზოლაციაშია! – ერთ-ერთ თანამშრომელს ტესტი დღეს გაუკეთდება
ინგოროყვას კლინიკის მედპერსონალი თვითიზოლაციაშია! - ერთ-ერთ თანამშრომელს ტესტი დღეს გაუკეთდება - Primetime
ინგოროყვას კლინიკის მედპერსონალი თვითიზოლაციაშია! - ერთ-ერთ თანამშრომელს ტესტი დღეს გაუკეთდება - Primetime
ინგოროყვას კლინიკის მედპერსონალი თვითიზოლაციაშია! - ერთ-ერთ თანამშრომელს ტესტი დღეს გაუკეთდება - Primetime
Pirveliradio Ge
Tbilisi, Georgia · 2 months ago
ფოთში კორონავირუსის პირველი შემთხვევა დაფიქსირდა. ინფიცირებული მამაკაცი 70 წელს გადაცილებული ექიმია
ფოთში კორონავირუსის პირველი შემთხვევა დაფიქსირდა. ინფიცირებული მამაკაცი 70 წელსაა გადაცილებული. იგი ფოთის მკვიდრია და ქობულეთის ერთ-ერთი კლინიკაში ექიმად მუშაობს. ფოთის საზოგადოებრივი ჯანდაცვის ცენტრის ხელმძღვანელის ნანა მხეიძის თქმით, ინფიცირებული ექიმი ქობულეთის კლასტერიდანაა. მისივე თქმით, ფოთში დღეს დამატებით 6 საეჭვო პაციენტზე ელოდებიან პასუხს ლუგარის ლაბორატორიიდან. "პირველი შემთხვევაა ფოთში. დაუდასტურდა ექიმს, რომელიც არის ქობულეთის კლასტერიდან. პირველ რიგში ვიკვლევთ ოჯახის წევრებს, შემდეგ გავაგრძელებთ კვლევას. პაციენტი თვითიზოლაციაში იმყოფებოდა. ველოდებით 6 პაციენტის პასუხს. რაც შეეხება დადასტურებულ შემთხვევას, მისი ოჯახის წევრებს აეღოთ ანალიზი და მიმდინარეობს დაკვირვება," - განაცხადა მხეიძემ. საგანგებო სიტუაციების კოორდინაციისა და გადაუდებელი დახმარების ცენტრის ინფორმაციით, იგი ბათუმის ინფექციურ საავადმყოფოში გადაჰყავთ. „გუშინ მივიღეთ ინფორმაცია, რომ ფოთის მკვიდრს დაუდასტურდა ინფექცია. დღეს გავაგზავნეთ მასთან ჯგუფი და გადაყვანილია ბათუმში“, – განაცხადა საგანგებო სიტუაციების კოორდინაციისა და გადაუდებელი დახმარების ცენტრის დირექტორმა, კესო გელენიძემ. მისივე ინფორმაციით, ინფიცირებული ოჯახის წვრებისგან იზოლირებულად იმყოფებდა. „მე როგორც მაქვს ინფორმაცია, ოჯახის წევრები აბსოლუტურად იზოლირებული იყვნენ პაციენტისგან. მოხდა ადმინისტრაციული საკითხების მოგვარება და გადავიყვანეთ. პაციენტის და მისი ოჯახის წევრების ჯანმრთელობის მდგომარეობა დამაკმაყოფილებელია“, – აღნიშნა კესო გელენიძემ.
Primetime
Tbilisi, Georgia · 3 months ago
ლენტეხში მცხოვრებ მამაკაცს ახალი კორონავირუსი დისგან გადაედო
ლენტეხში მცხოვრებ მამაკაცს ახალი კორონავირუსი დისგან გადაედო - Primetime
ლენტეხში მცხოვრებ მამაკაცს ახალი კორონავირუსი დისგან გადაედო - Primetime
ლენტეხში მცხოვრებ მამაკაცს ახალი კორონავირუსი დისგან გადაედო - Primetime