თბილისის მერია მიკროავტობუსების შესაძენად ტენდერი გამოაცხადა. დედაქალაქის მთავრობა მასში 29 მლნ ლარის დახარჯვას გეგმავს. საუბარი ეხება 300 ერთეული М2 კატეგორიის ავტობუსის შეძენას.

სატენდერო პირობების თანახმად, წინადადებების მიღება 9 აპრილს დაიწყება და 14 აპრილს დასრულდება.

ტენდერში აღნიშნულია, რომ მიკროავტობუსი უნდა იყოს ლურჯი ,,მეტალიკის" ფერი. ასევე ხაზგასმულია, რომ იგი გათვლილი უნდა იყოს 17 მგზავრზე.