4 votes
0 comments
1 shares
Save
რატომ არ კეტავენ ფოთში ბაზრობას
1660 views
Zugdidi Daily
Zugdidi · 3 months ago
სტატიის წასაკითხად დააჭირე გაგრძელებას
or
By continuing you agree to Feedc’s Terms of use and Privacy Policy

რატომ არ კეტავენ ფოთში ბაზრობას

ცნობილია, რომ სამეგრელო-ზემო სვანეთის გუბერნატორის განცხადების თანახმად დაიკეტა სენაკისა და ზუგდიდის აგრარული ბაზარი. ფოთის ბაზარი კი კვლავ განაგრძობს ფუნქციონირებას.

ფოთის ბაზრის დახურვაზე ბრძანების გაცემა გუბერნატორმა საჭიროდ არ ჩათვალა და ამის მიზეზი ის დაცული რეკომენდაციებია, რომლის შესაცებაც რამდენიმე დღის წინ ისაუბრა. ამასთან, კორონავირუსის გავრცელების პრევენციიდ მიზნით გამკაცრებულია სანიტარული ნორმები. მიმდინარეობს მოსახლეობის თერმოსკრინინგი.

ამასთან დაკავშირებით სამეგრელო-ზემო სვანეთის რწმუნებული ალექსანდრე მოწერელია განცხადებას აკეთებს :

,,სენაკის და ზუგდიდის ბაზრები დახურულია, რაც შეეხება ფოთს, იქ ფაქტიურად ფუნქციონირებს ერთი დიდი სუპერმარკეტი ,,უნივერსამი“ და ამავე დროს მინდა ავღნიშნო ის, რომ ფოთის ბაზარმა ძალიან სწრაფად შეძლო ყველა იმ რეკომენდაციის დაცვა, რომელიც ითვალისწინებს, როგორც ნაღდ ფულთან კავშირს ასევე დისტანციის დაცვას, ეს იქნება კარგი მაგალითი სხვა ბაზრებისთვის. ჩვენ არ ვაპირებდით ზუგდიდის ბაზრის დახურვას, თუმცა მათ ვერ მოახერხეს რეკომენდაციების დაცვა, რაც შეეხება სენაკს, იქ უფრო რთულად იყო საქმე და ამიტომაც გადაწყდა დახურვა საბჭოს სხდომაზევე.“

ფოთის ბაზრის დირექტორი ნოდარ კორსანტია ამბობს:

,,ოფიციალურად ბაზრის დახურვაზე ჩვენ არაფერი მიგვიღია. ბრძანება ყველგან მივიდა დახურვის და ჩვენთა არა, იმედი გვაქვს, რომ არ დავიხურებით. თუ მსგავსი ბრძანება მივიღეთ იმ დღესვე დაიხურება ბაზარი. ჩვენთან რამდენიმე დღის წინ გუბერნატორი ჩამობრძანდა და გვითხრა, მოგვეფიქრებია ისეთი რამე , რომ მომხმარებლებს ფულთან არ ჰქონოდა შეხება. ვიფიქრეთ ტერმინელებზე, ბარათებით მომსახურებაზე, მაგარმ ბარათიც ბევრს აქვს, ბევრს კი არა. ყველა აქ შემომსვლელს ტემპერატურას ვუზომავთ , ხელთათმენების ქონა აუცილებელია. დღეს გამოგვიგზავნიან თბილისიდან ბახილებს. ფული ანტისეპტიკური ხსნარით მუშავდება და შემდეგ უთოვდებ , ამის მოფიქრება შევძელით . ამ მეთოდმა გაამართლა. ჩვენ ამას მარტო ვერ გავაკეთებთ, ხელისუფლება , პოლიცია ყველა ერთობლივად ჩართულია ამ საქმეში.”

#ზუგდიდი #სენაკი #ფოთი #აგრარულიბაზარი #ბაზრისდახურვა #კორონავირუსი #პრევენციულისამუშაოები #თერმოსკრინინგი #zugdididaily
Zugdidi Daily
Zugdidi · 3 months ago
Similar Posts
Zugdidi Daily
Zugdidi, Georgia · 3 months ago
ზუგდიდში პურის შეფუთვებზე წარწერები “ქუდოსკიდიყუდეს” მოათავსეს.
ზუგდიდში პურის შეფუთვებზე წარწერები “ქუდოსკიდიყუდეს” მოათავსეს. კორონავირუსის გავრცელების პრევენციის მიზნით უამრავი კამპანია ხორციელდება, კამპანიაში მონაწილეობა მიიღო ასოციციაცია “ათინათმა” და გადაწყვიტა ეკო-პარკებზე შემდეგი წარწერის მოთავსება, მეგრულად #ქუდოსკიდიყუდეს ანუ #დარჩისახლში. ამის მიზანი კი მოსახლეობისთვის იმის შეხსენებაა, რომ სახლში დარჩენენ. ათინათის აღმასრულებელი დირექტორი რუსუდან ყალიჩავა ამასთან დაკავშირებით განცხადებას აკეთებს: "გადავწყვიტეთ, რომ შევუერთდეთ კამპანიას "დარჩი სახლში". ვინაიდან სამეგრელოში ვართ, გადავწყვიტეთ წარწერა მეგრულად გაგვეკეთებინა, რომ ყოფილიყო მშობლიური, თბილი, გასაგები ყველასთვის. ეკოლოგიურად სუფთა შესაფუთებია, მოგეხსენებათ რომ "ათინათი" დიდი ხანია ცდილობს პლასტიკის მოხმარება მინიმუმამდე დაიყვანოს. მეუნარგიას ქუჩაზე მდებარე "სპარის" და პურსაცხობი "ლეკოს" ადმინისტრაციამ დიდი ენთუზიაზმით გაიზიარა ჩვენი ეს ინიციატივა და საკუთარი წარმოების ძალიან გემრიელი პური დახლზე სწორედ ასეთი შეფუთვით დევს. იმედი მაქვს, ის ადამიანები, რომლებიც შეიძენენ პროდუქტს მსგავსი წარწერით, გაიზიარებენ ჩვენს იდეას, რომ შექმნილ ვითარებაში "ქუდოსკიდ ყუდეს" არის ყველაზე მნიშვნელოვანი საქმე, რომელსაც ვირუსის გავრცელების პრევენციისთვის ვაკეთებთ."#ზუგდიდი #ათინათი #დარჩისახლში #ქუდოსკიდიყუდეს #კამპანია #კორონავირუსი #პრევენცია #zugdididaily
Zugdidi Daily
Zugdidi, Georgia · 2 months ago
საქველმოქმედო აქციის ფარგლებში შეძენილი ვარდები ზუგდიდის მიტროპოლიტს გადაეცა.
საქველმოქმედო აქციის ფარგლებში შეძენილი ვარდები ზუგდიდის მიტროპოლიტს გადაეცა. მსოფლიოში შექმნილი ვითარების გამო, ზუგდიდელი ფერმერი ნაზო ჯიქია ყვავილების რეალიზაციას ვერ ახერხებს. ის ამბობს : „ადრე თხილი 5,6 ტონამდე გვქონდა, მაგრამ მას შემდეგ რაც ფაროსანამ მოსავალი გაანადგურა, ეზოში, ვარდების სათბური მოვაწყვეთ, რომელიც „აწარმოე საქართველოს“ ფარგლებში დაფინანსდა. რომ იტყვიან „პურის ფული“ გვქონდა, მაგრამ პანდემიის გამო ახლა ყვავილებს ვერ ვყიდით და ზარალში ვართ.“ კამპანიის ორგანიზატორმა ნანა ბეღელაძემ კი გადაწყვიტა, რომ მეუფე გერასიმეს მიმართ მადლობა ამ ფორმით გადაეხადა. ნანა ბეღელაძე ამასთან დაკავშირებით განცახდებას აკეთებს : "იდეა გაჩნდა მაშინ, როცა გავრცელდა ვიდეო, სადაც მეუფე ქადაგებისას ცრემლებს ვერ იკავებს. გვინდოდა მადლიერება გამოგვეხატა იმ სიყვარულისთვის, რომელიც მან ქართველი ხალხის მიმართ გამოიჩინა. რაც შეეხება უშუალოდ აქციას, მოგეხსენებათ რომ ქვეყანაში შექმნილი ვითარების გამო წელს პოპულარული გახდა ფერმერებისა და მცირე მეწარმეების დახმარება. წყალტუბოში მდებარე ერთ-ერთი სათბურის მეპატრონეს, ლევან ლექვაძეს ფაქტიურად ჩაუვარდა ბიზნესი, არ ეყიდებოდა ყვავილები, ამიტომ სოციალურ ქსელში განვათავსე ამის შესახებ ინფორმაცია და ანგარიშის ნომერი. დაახლოებით ერთი კვირის განმავლობაში უბრალო მოქალაქეებმა ჩარიცხეს ხან 1, ხან 2 ლარი და შეგროვდა 1000 ლარზე მეტი. ამ თანხით შევიძინეთ ვარდები, რომელიც მეუფეს მისი გულიანი და სიყვარულით სავსე მიმართვისთვის გადავეცით. სანერგეს მეპატრონის დახმარების სურვილს ასე დაემთხვა ეს ამბავიც. ძალიან დიდი მადლობა ყველა ადამიანს, ვინც დაგვეხმარა და ჩაერთო." შემოწირული ვარდებით კვირაცხოვლობის დღესასწაულისთვის საკათედრო ტაძარი მოირთო სამღვდელოებისა და მრევლის მიერ.#ზუგდიდი #მიტროპოლიტი #საქველმქომედოაქცია #კამპანია #საჩუქარი #საკათედროტაძარი #კვირაცხოვლობა #პანდემია #zugdididaily
Tbilisi Daily
Kutaisi, Georgia · 2 months ago
საგანგებო მდგომარეობის ან კარანტინის წესების განმეორებით დარღვევა 6 წლამდე პატიმრობით დაისჯება
საქართველოს პარლამენტმა „სისხლის სამართლის კოდექსში“, ასევე „ადმინისტრაციულ სამართალდარღვევათა კოდექსში“ სამი მოსმენით ახალი ნორმები შეიტანა. ადმინისტრაციულ სახდელდადებული პირი საგანგებო მდგომარეობისა და კარანტინის რეჟიმის დარღვევისთვის ექვს წლამდე თავისუფლების აღკვეთით დაისჯება. თუ საგანგებო მდგომარეობის გამოცხადების შემდეგ პრეზიდენტის დეკრეტით და შესაბამისი სხვა ნორმატიული აქტებით დადგენილ წესებს დაარღვევს პირი, პირველ შემთხვევაში ამისთვის დაისჯება 3000 ათასლარიანი ჯარიმით, იურიდიული პირის შემთხვევაში, ეს არის 15 ათასი ლარი, რაც უკვე საზოგადოებისთვის ცნობილია. ამის განმეორების შემთხვევაში, კონკრეტული პირი დაისჯება ექვს წლამდე თავისუფლების აღკვეთით. დეკრეტში ჯარიმების გათვალისწინებას პრევენციული მიზანი ჰქონდა, რათა ვირუსის გავრცელებასთან დაკავშირებული რისკები მაქსიმალურად შემცირებულიყო. ამასთან დაკავშირებით, მამუკა მდინარაძე განმარტავს, რატომ გახდა საჭირო ახალი მუხლების დამატება კანონმდებლობაში. „ეს საჭირო გახდა, რათა განჭვრეტადობა არ იყო ადმინისტრაციული ჯარიმის დაკისრების შემდეგ, რა პასუხისმგებლობა ეკისრებოდა პირს „სისხლის სამართლის კოდექსის“ მიხედვით. კონკრეტული რეგულაცია არსებობს, რომელიც გათვალისწინებულია პრეზიდენტის დეკრეტით, მაგრამ ეს ქმედება, როგორც დანაშაული, პირველად შემოვიდა „სისხლის სამართლის კოდექსში“. ასევე არის მითითება, რომ თუ პრეზიდენტის დეკრეტით სხვა რამე არის გათვალისწინებული, ამ შემთხვევაში, მოქმედებს პრეზიდენტის დეკრეტით გათვალისწინებული სანქცია“, – განაცხადა მამუკა მდინარაძემ.#კორონავირუსი #პანდემია #გამკაცრებულიზომები #ჯარიმა #tbilisidaily
Tbilisi Daily
Tbilisi, Georgia · 2 months ago
ირაკლი ჩიქოვანის განცხადებით, საქართველო ემზადება ეპიდემიის პიკის ფაზაში შესასვლელად
საქართველოს პრემიერ-მინისტრის მრჩეველი, ირაკლი ჩიქოვანი აცხადებს, რომ საქართველოში ფიქსირდება შიდა კლასტერების მნიშვნელოვანი გაფართოება და მიმდინარეობს მზადება ეპიდემიის პიკის ფაზაში შესასვლელად. მისივე თქმით, აქტიურად მიმდინარეობს ახალი შემთხვევების კვლევა და მათი კონტაქტების მოძიება. ,,ქვეყანაში დაფიქსირდა ინფიცირების შემთხვევების ყველაზე მაღალი ზრდა და დღევანდელი დღის მონაცემებით, უკვე ქვეყანაში გვყავს კოვიდინფიცირების 306 დადასტურებული შემთხვევა. ჩვენ, პრაქტიკულად, ქვეყანაში გვაქვს შიდა კლასტერების მნიშვნელოვანი გაფართოება და ფაქტობრივად, ვემზადებით ეპიდემიის პიკის ფაზაში შესასვლელად,” - განაცხადა ჩიქოვანმა. შეგახსენებთ, რომ მთავრობის გუშინდელი გადაწყვეტილებით, საგანგებო მდგომარეობის ფარგლებში კიდევ უფრო მეტად გამკაცრდა შეზღუდვები, კერძოდ კი 4 დიდ ქალაქში - თბილისში რუსთავში, ქუთაისსა და ბათუმში 15 აპრილია 21:00 საათიდან აიკრძალება შესვლა და გამოსვლა.#ეპიდემია #კორონავირუსი #მთავრობა #პიკი #tbilisidaily
Kutaisi Daily
Kutaisi, Georgia · 3 months ago
ქუთაისში დაინფიცირებული ქალის პირველწყარო დაკარგულია
ქუთაისის დაავადებათა კონტროლის ეროვნული ცენტრის იმერეთის სამმართველოს ლაბორატორიაში 63 წლის ქალბატონს კორონავირუსი დაუდგინა. მან ჩხობაძის კლინიკას რამდენიმე დღის წინ მაღალი ტემპერატურით მიმართა. ქალბატონს მოგზაურობის ისტორია არ აქვს და არ იცის, როგორ დაინფიცირდა, პირველწყარო დაკარგულია. ამჟამად ის ქუთაისის ინფექციურ საავადმყოფოში მკურნალობს. აქ სულ კორონავისურის დიაგნოზით 6 პაციენტი იმყოფება#კორონავირუსი #ინფექციური #kutaisidaily
Tbilisi Daily
Tbilisi, Georgia · 3 months ago
თბილისის სასწრაფოს სამედიცინო ექიმს კორონავირუსი დაუდასტურდა
თბილისის სასწრაფო სამედიცინო დახმარების ექიმს კორონავირუსი დაუდასტურდა. ამის შესახებ სამედიცინო უზრუნველყოფისა და გამოძახებათა მართვის დეპარტამენტის უფროსმა, ამირან გოგიტიძემ განაცხადა. მისი თქმით, ექიმს კორონავირუსი მეუღლის მხრიდან გადაედო და ინფიცირების წყარო ეროვნული ბანკის კლასტერს წარმოადგენს. "თბილისის სასწრაფო დახმარების ექიმს დაუდასტურდა დღეს კორონავირუსი. აღნიშნული ინფიცრება მოხდა მეუღლის მხრიდან და არ მომხდარა პაციენტის მხრიდან. აღნიშნული ინფიცირების წყარო წარმოადგენს ეროვნული ბანკის კლასტერს. ახლანდელი მდგომარეობით, ჩვენი ექიმი გადაყვანილია შესაბამის სამედიცინო დაწესებულებაში, მისი მდგომარეობა დამაკმაყოფილებელია. აღნიშნულ ექიმს სიმპტომები დაეწყო გუშინ და მისი ბოლო მორიგეობა იყო 31 მარტს, ანუ მისი სიმპტომების გამოვლენიდან გასულია რამდენიმე დღე და დაინფიცირების რისკი მასთან მყოფი თანამშრომლების არის დაბალი, თუმცა ჩვენ მაინც პრევენციული ღონისძიებებიდან გამომდინარე მივიღეთ გადაწყვეტილება, რომ თვითიზოლაციაში გადავიდეს ყველა ის პირი, ვისაც მასთან ჰქონდა კონტაქტი. ის მორიგე სამედიცინო პერსონალი არიან თვითიზოლაციის პირობებში და საკარანტინო პირობებში გადასული", - განაცხადა გოგიტიძემ#კორონავირუსი #პანდემია #ინფიცირებული #ექიმი #tbilisidaily
Zugdidi Daily
Zugdidi, Georgia · 3 months ago
მოსალოდნელია ზუგდიდის აგრარული ბაზრის დროებით დახურვა.
მოსალოდნელია ზუგდიდის აგრარული ბაზრის დროებით დახურვა. სენაკის აგრარული ბაზრის დახურვის შემდეგ,განიხილება ზუგდიდისა და ფოთის ბაზრების დახურვა. სამეგრელო-ზემო სვანეთის გუბერნატორი ალექსანდრე მოწერელია ამასთან დაკავშირებით განცხადებას აკეთებს: ” მინდა შევეხო აგრარული ბაზრების მდგომარეობას, გუშინ ჩვენ შტაბის სხდომაზე მივიღეთ გადაწყვეტილება, სენაკის აგრარული ბაზრის დახურვასთან დაკავშირებით, მინდა მოქალაქეებს მოვუწოდო იმისაკენ, რომ ეს ღონისძიება არ არის ის რაც სახელმწიფის ინტერესებში აქვს, რომ გინდა თუ არა დაიკეტოს, ეს არის მხოლოდ და მხოლოდ იმისათვის, რომ თქვენი უსაფრთხოება იქნეს დაცული. სავარაუდოდ ალბათ ყველ აგრარულ ბაზარს შეეხება და სამივე აგრარული ბაზარი ჩვენს რეგიონში იქნება დახურული. მხოლოდ დისტანციის დაცვა არაა საკმრისი აქ რის ნაღდი ფულის მოძრაობაზე და იცით რომ ძალია ბევრი შემტხვევა გვაქვს, როდესაც ფულითიქნა დაინფიცირებული, ამდენად ჩვენ ვერდავაყენებთ ვერავის რისკის ქვეს, სესაბამისად მივირებთ გადაწყვეტილებას დაიხუროს ბაზრებით ორსაბატიდან სესაძლოა ზუგდიდის და ფოთის ბზრებიც დაიხუროს, ცხელების ცენტრი 23 პაციენტის მიღების საშუალება გააჩნია ფოთს, ზუგდდიდში ცხელების ცენტრი ამჟამად არ გვაქვს მაგრამ ამ დრეებსი გაიხსნება რუხის საავადმყოფო, 100 პაციენტის მირებას და შემდგომ დამატებით 140-ის.”#ზუგდიდი #სამეგრელოზემოსვანეთი #ფოთი #სენაკი #აგრარულიბაზარი #zugdididaily
Zugdidi Daily
Zugdidi, Georgia · 3 months ago
შესაძლოა ზუგდიდის, სენაკისა და ფოთის აგრარული ბაზარი დაიხუროს.
შესაძლოა ზუგდიდის, სენაკისა და ფოთის აგრარული ბაზარი დაიხუროს. რეგიონების აგრარული ბაზრების დახურვის მიზეზი, მოქალაქეების მიერ დარღვეული რეკომნდაციებია. მოსახლეობა არ იცავს შესაბამის რეკომენდაციებს, რამაც შესაძლოა აგრარული ბაზრების დახურვა გამოიწვიოს. ამასთან დაკავშირებით განცხადებას სამეგრელო-ზემო სვანეთის რწმუნებული ალექსანდრე მოწერილია აკეთებს : ,,მინდა შევეხო რეგიონის აგრარული ბაზრების თემას, ჩვენ გვქონდა ამ საკითხზე შეხვედრა და არ შევწყვიტეთ მათი ფუნქციონირება. შეხვედრას ესწრებოდა სურსათის ეროვნული სააგენტოს წარმომადგენლები, რომლებსაც უნდა განეხორციელებინათ მონიტორინგი, გაეცათ რეკომენდაციები, რომელიც უნდა შეესრულებინათ - ეს ასეც მოხდა, მაგრამ სამწუხაროდ, დღეს გვაქვს მოცემულობა, რომ ბაზარში არც ჰიგიენის ნორმები და არც დისტანცია არ არის დაცული, რაც გათვალისწინებულია სურსათის ეროვნული სააგენტოს მიერ. ამდენად, კიდევ ერთხელ, მინდა ვთხოვო და გავაფრთხილო ბაზრების ადმინისტრაცია და მოვაჭრეები, თუკი ხვალიდან არ მოხდება რეკომენდაციების შესრულება, მაშინ ჩვენ მივიღებთ გადაწყვეტილებას აგრარული ბაზრების დახურვის შესახებ. ეს ეხება ზუგდიდის, სენაკს და ფოთის აგრარულ ბაზრებს. ჩვენ არაფერს ვითხოვთ განსაკუთრებულს, ეს არის, ჰიგიენა და დისტანცია. ის რაც დღეს ბაზრებში ხდება, არის სრული უპასუხისმგებლობა ჩვენი მოქალაქეების მხრიდან. ჩვენ ასეთ ვითარებაში ნამდვილად არ გვინდა ეს გადაწყვეტილება მივიღოთ, ამიტომ კიდევ ერთხელ ვთხოვთ მათ, ნუ გვაიძულებენ ამ გადაწყვეტილების მიღებას” - განაცხადა ჟურნალისტებთან საუბარში სახელმწიფო რწმუნებულმა. გადაწყვეტილებასდღევანდელი დაკვირვების შემდეგ მიიღებენ ბაზრების დახურვასთან დაკავშირებით.#ზუგდიდი #სენაკი #ფოთი #სამეგრელოზემოსვანეთუ #რეკომენდაციები #აგრარულიბაზრები #zugdididaily
Tbilisi Daily
Kutaisi, Georgia · 2 months ago
მომავალი სამი-ოთხი კვირა საკმაოდ რთული იქნება - ამირან გამყრელიძე
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განხადებით, ქვეყანაში ახალი კორონავირუსის გავრცელების პიკური ეტაპი ჯერ არ დამდგარა. მომავალი სამი-ოთხი კვირა საკმაოდ რთული იქნება. გამყრელიძის თქმით, მხოლოდ რეკომენდაციების დაცვით შევძლებთ, პიკური პერიოდის ნაკლები დაზიანებების გარეშე გადატანას. „ზრდა არის დუნე, რადგან ჯერ პიკი არ არის. ჩვენ შიდა გავრცელების შემთხვევები გვაქვს უკვე 22-23 მარტიდან, ამიტომ როგორც წესი, შემდგომი შვიდი-რვა კვირა, როცა შიდა გავრცელება იწყება, არის ხოლმე რთული. ამიტომ ყველა უნდა მოვეკიდოთ ძალიან მაღალი სიფრთხილით მომავალი სამი-ოთხი კვირის განმავლობაში თქვენს ქცევებს. თუ გვინდა, რომ ნაკლები დაზიანებით გადავიაროთ ეს პიკური პერიოდი, მაქსიმალურად დავიცვათ რეკომენდაციები, რასაც დაავადებათა კონტროლის ეროვნული ცენტრი და სახელმწიფო იძლევა“,- განუცხადა საქართველოს პირველ არხს ამირან გემყრელიძემ.#კორონავირუსი #პანდემია #ამირანგამყრელიძე #დარჩისახლში #tbilisidaily
Mediamall
Tbilisi, Georgia · 3 months ago
სენაკის აგრარული ბაზარი დაიხურა, ორშაბათიდან კი ფუნქციონირებას ზუგდიდის და ფოთის ბაზრებიც შეწყვეტენ
სენაკის აგრარული ბაზარი დაიხურა, ორშაბათიდან კი ფუნქციონირებას სავარაუდოდ, ზუგდიდის და ფოთის ბაზრებიც შეწყვეტენ. შესაბამისი გადაწყვეტილების შესახებ ჟურნალისტებს სამეგრელო-ზემო სვანეთის გუბერნატორმა, ალექსანდრე მოწერელიამ განუცხადა. „ჩვენ გუშინ გვქონდა სამართალდარღვევის 26 ფაქტი, დღეს კი გამოირკვა, რომ რეგიონის ერთ-ერთ მცხოვრებს, რომელსაც კორონავირუსი დაუდგინდა და ახლა თბილისში მკურნალობს, 27 მარტს კონტაქტი ჰქონდა ჩვენს რეგიონში, რამდენიმე ლოკაციასთან როგორც ზუგდიდში, წალენჯიხის რაიონის ორ სოფელში, ასევე, ჩხოროწყუს რაიონში. კონტაქტების უმრავლესობა უკვე გამოვლენილია და მოქალაქეები აუცილებლად გადავლენ კარანტინში. შესაბამისად, მინდა კიდევ ერთხელ მოვუწოდო ჩვენს მოქალაქეებს, თავი შეიკავონ სახლიდან გამოსვლისაგან, კონტაქტისაგან. ასევე მინდა შევეხო აგრარული ბაზრების მდგომარეობას, გუშინ ჩვენ შტაბის სხდომაზე მივიღეთ გადაწყვეტილება, სენაკის აგრარული ბაზრის დახურვასთან დაკავშირებით. მინდა მოქალაქეებს მოვუწოდო იმისაკენ, რომ ეს ღონისძიება არ არის ის, რაც სახელმწიფის ინტერესებში შედის, რომ გინდა თუ არა დაიკეტოს, ეს არის მხოლოდ და მხოლოდ იმისათვის, რომ თქვენი უსაფრთხოება იქნას დაცული. სავარაუდოდ, ალბათ ყველა აგრარულ ბაზარს შეეხება და სამივე აგრარული ბაზარი ჩვენს რეგიონში იქნება დახურული. მხოლოდ დისტანციის დაცვა არაა საკმრისი, აქ არის ნაღდი ფულის მოძრაობაშიც პრობლემა და იცით, რომ ბევრი შემთხვევა გვაქვს, როდესაც ფულით იქნა დაინფიცირებული. ამდენად ჩვენ ვერ დავაყენებთ ვერავის რისკის ქვეშ. შესაბამისად, მივიღებთ გადაწყვეტილებას, დაიხუროს ბაზრები. ორშაბათიდან შესაძლოა, ზუგდიდის და ფოთის ბაზრებიც დაიხუროს“, - განაცხადა გუბერნატორმა. რაც შეეხება ცხელების ცენტრებს, მისი ინფორმაციით, ამჟამად 23 პაციენტის მიღების საშუალება გააჩნია ფოთს. „ზუგდიდში ცხელების ცენტრი ამჟამად არ გვაქვს, მაგრამ ამ დღეებში გაიხსნება რუხის საავადმყოფო, რომელიც შეძლებს 100 პაციენტის მიღებას და შემდგომ დამატებით 140-ს“, - აღნიშნა მან.