44 votes
0 comments
0 shares
Save
მამაკაცი, რომელმაც ჩერნობილის ტყეში ხანძარი გააჩინა, დაკავებულია
188 views
კონემიკა საინფორმაციო
Kutaisi · 3 months ago

27 წლის მამაკაცი, რომელმაც ჩერნობილის ტყეში ხანძარი გააჩინა, დაკავებულია. ამის შესახებ კიევის ოლქის პოლიციის პრესსამსახურში განაცხადეს!!!

უწყების ინფორმაცით, მამაკაცმა, გართობის მიზნით, სამ სხვადასხვა ადგილას ნაგავს და ბალახს ცეცხლი წაუკიდა. ქარის გამო, ხანძარი მალე გავრცელდა და ტყის მასივს მოედო.

უკრაინის აკრძალულ ზონაში ხანძარი 5 აპრილს გაჩნდა. ხანძრის ჩასაქრობად ადგილზე მობილიზებული იყო 90 მეხანძრე, ვერტმფრენი და ორი წყლისშემაგროვებელი.

#news #politics #fire #chernobyl #სიახლე #სიახლეები #ხანძარი #ჩერნობილი
კონემიკა საინფორმაციო
Kutaisi · 3 months ago
Similar Posts
საბრალდებო დასკვნა
Tbilisi, Georgia · 1 month ago
სტალინის და ტროცკის დაპირისპირება
1932 წელს მოსკოვში, იოსებ სტალინის დაუძინებელი მტრის - ლევ ტროცკის ბინაში "მოულოდნელად" ხანძარი გაჩნდა და ყველაფერი განადგურდა. იმხანად ლევ ტროცკი უკვე საზღვარგარეთ იყო გაქცეული, მაგრამ სტალინის წინააღმდეგ იქიდანაც ინტრიგებს ხლართავდა. დიდი დიქტატორი, ჩვეულებისამებრ, ძალზე შეუბრალებლად ექცეოდა მტრებს და ბუნებრივია, არც ტროცკის მიმართ გამოიჩენდა ლმობიერებას - მით უმეტეს, რომ მასთან პირადი საქმეების გამოც გართულებული ურთიერთობა ჰქონდა და დანდობაზე ლაპარაკიც კი ზედმეტი იყო. საბჭოთა ოფიციოზმა მთელი მსოფლიოს გასაგონად განაცხადა, რომ ტროცკის საცხოვრებელ სახლს ცეცხლი სრულიად შემთხვევით გაუჩნდა - დარაჯს, რომელსაც გათბობის რეგულირებაც ევალებოდა, საქვაბეში შესვლა გადაავიწყდა, ჩაეძინა და გახურებული საქვაბის აფეთქებამ ცეცხლი გააჩინა. სინამდვილეში ეს ყველაფერი საბჭოთა კავშირის შინსახკომის მიერ იყო მოწყობილი, მაგრამ ამას ვერავინ იტყოდა - დარაჯი ხანძარს ემსხვერპლა, სხვა მოწმე კი არ არსებობდა. ლევ ტროცკიმ, რომელიც მაშინ თურქეთში იმყოფებოდა, კარგად იცოდა, რომ იოსებ სტალინს, რომ იტყვიან, "გრძელი ხელები ჰქონდა" და სტამბოლში სულაც არ გაუჭირდებოდა მტრის გაქრობა. ამიტომაც, როგორც კი მოსკოვური სახლის დაწვის შესახებ შეიტყო, თავშესაფარი ოფიციალურად საფრანგეთს სთხოვა - იგი სასტუმრო "ორიანტიდანაც" (დღევანდელი სასტუმრო "თაქსიმი" სტამბოლში), მალე საცხოვრებლად საფრანგეთის საელჩოში გადავიდა. საფრანგეთის ელჩს თურქეთში ლევ ტროცკისთვის საცხოვრებლის გამოყოფაზე უარი არ უთქვამს; პარიზმა კი სტალინის დაუძინებელი მტერი კარგა ხანს ალოდინა - ლევ ტროცკის თავშესაფარი მაშინღა აღირსეს, როდესაც 1936 წელს ესპანეთში სამოქალაქო ომი დაიწყო და საბჭოთა კავშირმა აშკარად დაუჭირა მხარი ესპანეთის კომუნისტურ პარტიას. ესპანეთში მის გარდა არსებობდა ასევე "მარქსისტული ერთიანობის მუშურ-გლეხური პარტია" ანუ "პოუმ", რომელიც ტროცკის იდეებს იზიარებდა. პარიზში დაფუძნებული ტროცკი, ვისაც საფრანგეთის მთავრობა პოლიტიკურ აქტიურობას არც კი უკრძალავდა, ესპანეთის ამბებში თხემით ტერფამდე ჩაეფლო - ის "პოუმ"-სა და ანარქისტებს დაუკავშირდა და ესპანელი კომუნისტების წინააღმდეგ ბრძოლას შეუდგა. პარალელურად, რაღა თქმა უნდა, მონარქისტებსაც უპირისპირდებოდა. აქვე უნდა აღინიშნოს ისიც, რომ ლევ ტროცკის 1932 წელსვე ჩამოართვეს საბჭოთა კავშირის მოქალაქეობა და დაუსწრებლად მიუსაჯეს დახვრეტა. კრემლის მესვეურები არ ახმაურებდნენ იმ ფაქტს, რომ სტალინის მეუღლე - ნადეჟდა ალილუევა ტროცკის დავალებით იყო მოწამლული. ამას ემატებოდა ისიც, რომ ფრანგულ პრესაში (მაშინ ფრანგული პრესის პრესტიჟი წარმოუდგენლად მაღალი იყო) ხშირად ქვეყნდებოდა წერილები სტალინის პიროვნების შესახებ და დიდი დიქტატორი მათი წაკითხვის შემდეგ გიჟს ჰგავდა - დეტალები, რომლებზეც იქ ეწერა, მართლაც, სინამდვილეს შეესაბამებოდა; არადა, მათ შესახებ მხოლოდ სტალინის ოჯახის ახლობლებს უნდა სცოდნოდათ. 1937 წელს, ესპანეთში სამოქალაქო ომი რესპუბლიკელთა სასტიკი დამარცხებით დასრულდა. ამას წინ უძღოდა ერთი მეტად შთამბეჭდავი ტერაქტი, რომელიც იმავე წლის დასაწყისში, ბარსელონაში (ეს ქალაქი რესპუბლიკელების ძირითად საყრდენ ბაზას წარმოადგენდა) ესპანეთის კომუნისტური პარტიის ტერორისტებმა მოკლეს ტროცკის მომხრე "პოუმ"-ის ლიდერი ანდრეუ რინი. ამან კი დიდი არეულობა შეიტანა რესპუბლიკელთა რიგებში - კომუნისტურ პარტიას "პოუმ"-ისა და ანარქისტული პარტიის წევრები დაუპირისპირდნენ. ფრანსისკო ფრანკო ბაამონდემ კი, რომელიც იმ დროს ანტირესპუბლიკურ ფრონტს ხელმძღვანელობდა, დრო იხელთა და უეცარი შეტევებით მოსპო რესპუბლიკელთა არმია; მერე ბარსელონაც აიღო და ყველაფერი მოაგვარა. ესპანელ რესპუბლიკელთა დამარცხება სტალინმა და ტროცკიმ საერთაშორისო ასპარეზზე ერთმანეთს გადააბრალეს - დიდი დიქტატორი კრახმა იმ დონეზე კი გააცოფა, რომ ტროცკის პოლემიკაში აჰყვა; არადა, მანამდე ეს არასოდეს უქნია. მან "პრავდაში" სტატიების მთელი სერია გამოაქვეყნა საერთო სათაურით - "მსოფლიო პროლეტარიატის ნომერი პირველი მტერი"; ტროცკიმ კი, ტრადიციულად, ფრანგული პრესის ფურცლებიდან გასცა არანაკლებ მწვავე პასუხი, თანაც საჯაროდ განაცხადა, რომ იწყებდა მუშაობას დიდტანიან ბიოგრაფიულ ნაშრომზე - "სტალინი". რამდენადაც სტალინ-ტროცკის დაპირისპირებამ უკვე საერთაშორისო ასპარეზზე გადაინაცვლა, პარიზმა ტროცკის თავშესაფრის ქონის უფლება შეუწყვიტა და მალე ქვეყნის დატოვებაც მოსთხოვა. რა თქმა უნდა, საფრანგეთის მესვეურები სტალინის გაღიზიანებას ერიდებოდნენ - მით უმეტეს, რომ უკვე 1937 წელი იდგა და დიდი დიქტატორი მტრების მუსვრით იყო დაკავებული. სწორედ მაშინ თქვა ტროცკიმ: "მე მტრების არ მეშინია, მაგრამ უნდა გავერიდო მათ, რადგან გრძელი ხელები აქვთ". 1937 წელსვე, IV ინტერნაციონალის (რომელიც მაშინ აშშ-ში იყო ბაზირებული) არაოფიციალური მიწვევით, ლევ ტროცკი მექსიკაში ჩავიდა. იმხანად მექსიკას საბჭოთა კავშირთან დიპლომატიური ურთიერთობა არ ჰქონდა და საბჭოთა დაზვერვასაც იქ ხელი არ მიუწვდებოდა - ყოველ შემთხვევაში, ასე ეგონათ თავად ლევ ტროცკისა და მის თანამოაზრეებს, IV ინტერნაციონალიდან. მექსიკის ხელისუფლებაზე სტალინი მართლა ვერ მოახდენდა გავლენას, თუმცა ლევ ტროცკის ფინანსური მდგომარეობა ნამდვილად აღარ იყო ისეთი, რომ ოკეანის გაღმიდან სტალინისთვის რაიმე დაეკლო - ჯერ კიდევ 1936 წელს, პარიზში ყოფნისას, ტროცკი იძულებული გახდა, თავისი არქივის ნაწილი ამსტერდამის თანამედროვე ისტორიის ინსტიტუტის ადგილობრივი ფილიალისათვის მიეყიდა; აღებული ფულით კი ვალები გადაიხადა. ასე რომ, მექსიკაში ჩამოსვლისას, ლევ ტროცკის ჯიბეში გროშიც არ უჭყაოდა და იძულებული გახდა, პოლიტიკური მოღვაწეობა დროებით შეეწყვიტა - მან მეხიკოს გარეუბან კოიოაკანში კურდღლების ფერმა აიღო გირაოდ და ფერმერობას შეუდგა. მიუხედავად იმისა, რომ მექსიკაში მყოფი ტროცკი აღარ აქტიურობდა, კრემლში სტალინი მაინც შეშფოთებული იყო და თავისი დაუძინებელი მტრის ლიკვიდაციაზე უფრო ხშირად ფიქრობდა. დიდმა დიქტატორმა იცოდა, რომ ტროცკი არ გაჩერდებოდა; არადა, სტალინს ევროპის "გაწითლება" ეწადა და თუ მტერს თავიდან არ მოიშორებდა, ჩანაფიქრს ვერ აასრულებდა - ევროპელ მემარცხენეთა შორის ხომ ტროცკის ძალიან ბევრი მომხრე ჰყავდა და მათ ხალხის დარაზმვა შეეძლოთ. 1940 წლის თებერვალში, იოსებ სტალინმა საბოლოოდ გადაწყვიტა, ტროცკისთვის ბოლო მოეღო. მაშინ საბჭოთა კავშირი ფინეთთან ომს აწარმოებდა და ერთი შეხედვით, ამის დრო არ იყო, მაგრამ დიდი დიქტატორი მაინც მიიჩნევდა, რომ ომის მიუხედავად, ტროცკის ლიკვიდაცია აუცილებელი იყო. აქვე იმასაც დავძენთ, რომ დასავლეთელი ისტორიკოსები ლევ ტროცკის მკვლელობაზე საუბრისას, ყოველთვის მიუთითებენ, რომ სტალინი მაშინ II მსოფლიო ომის წამოწყებას გეგმავდა და კატეგორიულად არ სურდა, რომ იმ მომენტისთვის ტროცკი ცოცხალი ყოფილიყო. ეს თვალსაზრისი მართლაც შეეფერება სიმართლეს, რადგანაც სწორედ ტროცკის მკვლელობიდან ერთი თვის შემდეგ დაიწყო II მსოფლიო ომი - გერმანია და საბჭოთა კავშირი ერთდროულად შეიჭრნენ პოლონეთში. თებერვლის ერთ თოვლიან დღეს, სტალინმა თავის კაბინეტში ლავრენტი ბერია იხმო. პენსნეიანი კაცი დროულად გამოცხადდა მასთან. დიდმა დიქტატორმა, რომელიც კარისაკენ ზურგით, ფანჯარასთან იდგა, კარის ჭრიალზე მოიხედა და ჩაეღიმა: "აჰაა, მოხვედი, ლავრენტი?... რაღაც მინდა დაგავალო", - ჩაილაპარაკა მერე და სტუმარს იქვე, სავარძელზე უხმოდ მიუთითა. ლავრენტი ბერია დინჯად დაჯდა, პენსნე მოიხსნა, გაწმინდა და მერე ქართულად იკითხა: "რა ამბავია, ვისარიონიჩ?" იმავე საღამოს, თავის კაბინეტში მჯდარმა ლავრენტი ბერიამ შიკრიკს ტროცკის საქმე და კიდევ რამდენიმე სხვა საქაღალდე მოატანინა, მდივან ქალს კი ერთი ჭიქა ჩაის ადუღება სთხოვა. თხოვნა რომ შეუსრულეს, თვალები მოჭუტა, ქალს მადლობა გადაუხადა და მოულოდნელად ჰკითხა: "ფროსია, ვინ გვყავს ჩვენ ისეთი, ესპანური რომ იცოდეს?" მდივანი ქალი წამით დაიბნა, მერე კი უპასუხა: "რაღა თქმა უნდა, ნაუმ ეიტინგონი, ლავრენტი პავლოვიჩ!" საბჭოთა უშიშროების ოფიცერი, ნაუმ ეიტინგონი, რომელსაც ესპანეთის ომის დროს საბჭოთა კავშირიდან რესპუბლიკელთა კონტროლირებად ტერიტორიებზე მოხალისეთა შენაერთების გადაყვანა ევალებოდა, მართლაც შესანიშნავად ფლობდა ესპანურ ენას. სხვათა შორის, ის თბილისში გაზრდილი რუსი ებრაელი იყო და ბერია კარგად იცნობდა. ამიტომ, პენსნეიან კაცს აღარც უყოყმანია - ეიტინგონი თავისთან იხმო და ვითარება გააცნო. ნაუმ ეიტინგონი, რომელსაც "ტროცკის საქმეში" მეტსახელად "ფილიპე" უწოდეს, თავდაპირველად დაეჭვდა, შეძლებდა თუ არა საბჭოთა აგენტურა მექსიკაში ისე შეღწევას, რომ არავინ ჩავარდნილიყო: "ჩვენი ბიჭები არწივები არიან, მაგრამ მექსიკა ჩვენთვის მაინც სპეციფიკურია... ცდად კი ღირს!" - უთხრა მან ბერიას. პენსნეიანმა კაცმა ავად ჩაიღიმა და წყნარად თქვა: "სრულ თავისუფლებას გაძლევთ, იმუშავეთ და საქმე გააკეთეთ... იცოდეთ, ყველაფერი აგვისტოში უნდა მორჩეს... ჰო, მართლა - მე ნუ მიპატაკებთ, რადგან ეგ საქმე ამხანაგ პაველ სუდოპლატოვს დააწერეს!" ეიტინგონისთვის ყველაფერი ცხადი გახდა, ამიტომ დაზუსტება არ მოუთხოვია, ისე დაემშვიდობა ბერიას და კაბინეტიდან გავიდა. მან იმავე დღეს ინახულა პაველ სუდოპლატოვიც - გამოცდილი საბჭოთა "ჩეკისტი", რომელმაც სახელი უკრაინელი ნაციონალისტების ლიდერის, ევგენი კონოვალეცის ორიგინალური ლიკვიდაციის მერე გაითქვა: კონოვალეცს ძალიან უყვარდა შოკოლადი; სუდოპლატოვმა, რომელიც მას "ჩეკას" დავალებით ამსტერდამში შეხვდა, უკრაინელ ლიდერს მოწამლული "ბონბონიერი" მიართვა. მიუხედავად ამგვარი გამოცდილებისა, მექსიკაში სუდოპლატოვი ვეღარაფერს იზამდა, რადგან ესპანური არ იცოდა და გარდა ამისა, სლავური გარეგნობა ჰქონდა. ამიტომ ის ზედმეტი ფორმალობის გარეშე ენდო ეიტინგონს, რომელმაც აღუთქვა, რომ პრობლემას მალევე მოაგვარებდა. 1940 წლის მარტში ნაუმ ეიტინგონი და მისი საყვარელი - ესპანელი კომუნისტი ქალი კარიდად მერკადერი მოსკოვიდან ჯერ პარიზში, შემდეგ კი მეხიკოში ჩაფრინდნენ. ეიტინგონს ჯიბეში ფრანგული პასპორტი ედო, ვინმე ფილიპე ებრალიძის სახელზე. მეხიკოში წყვილს კარიდადის შვილი - 23 წლის რამონი ელოდა. საბჭოთა მზვერავების მასპინძელი მექსიკის დედაქალაქში ცნობილი მხატვარი და კომუნისტი - დავიდ ალფარო სიკეიროსი იყო, რომელმაც ყველაფერი ადრევე იცოდა და მზადაც გახლდათ დავალების შესასრულებლად. მას ჰყავდა მებრძოლთა ათკაციანი რაზმი, რომელიც საკმაოდ კარგად იყო გაწვრთნილი და გამოცდილებაც დიდი ჰქონდა. სიკეიროსი საბჭოთა უშიშროებისგან სოლიდურ ანაზღაურებას ელოდა და მზად იყო, რისკზე წასულიყო - ლევ ტროცკის სახლს დღე-ღამის განმავლობაში იცავდნენ IV ინტერნაციონალის მიერ დაქირავებული დაცვის წევრები - ძირითადად, ამერიკელები, რომლებიც საკმაოდ კარგად იყვნენ შეიარაღებული. ნაუმ ეიტინგონი და რამონ მერკადერი მარტიდან აგვისტომდე ლევ ტროცკის გარემოცვის შესწავლას მოუნდნენ. პარალელურად კი, მერკადერი - სიკეიროსის და მისი ნაცნობების მეშვეობით - ერთ-ერთ ადგილობრივ მემარცხენე გაზეთში ჟურნალისტად გაფორმდა. ერთი სიტყვით, მზვერავებმა ყველაფერი გააკეთეს, რათა ლევ ტროცკის გარემოცვაში ბუნებრივად - ზედმეტი ეჭვის გარეშე შეეღწიათ. ასე დადგა 1940 წლის 20 აგვისტო. იმ დღეს მეხიკოში უჩვეულოდ მოღრუბლული ამინდი დაემთხვა, რაც მზვერავებს ხელს აძლევდათ - ქუჩაში ბევრი ხალხი არ იქნებოდა და ისინი უხმაუროდ მიმალვას შეძლებდნენ. სხვათა შორის, ლევ ტროცკის ეჭვი ჰქონდა, რომ უთვალთვალებდნენ. ამიტომაც სახლიდან თითქმის არ გადიოდა და ჟურნალისტებსაც იშვიათად ეკონტაქტებოდა. იმ დღეს, რატომღაც, სხვაგვარად მოიქცა - ინტერვიუზე მისულ ჟურნალისტს, რომელიც ხუან დე კასტროდ გაეცნო, უარი არ უთხრა და სახლში მიიწვია. შესვლისას, ხუან დე კასტრო, რომელსაც ხელში მსხვილბუნიკიანი, ძველმოდური ტროსტი ეჭირა, დაცვამ საფუძვლიანად გაჩხრიკა, მაგრამ ვერაფერი უპოვა. რა თქმა უნდა, დე კასტრო მერკადერი იყო და მკვლელობის იარაღად ტროსტი უნდა გამოეყენებინა. GzaPressადგილობრივი დროით 17:30 საათზე მერკადერმა ინტერვიუს ჩაწერა დაიწყო. ტროცკის მან რამდენიმე კითხვა დაუსვა და შესაბამისად, პასუხებიც მიიღო. ლევ ტროცკის ბევრი ლაპარაკი უყვარდა და ვინაიდან დიაბეტიც ჰქონდა, შიგადაშიგ შაქრიან წყალს სვამდა. ერთ-ერთი ასეთი შესვენების დროს, ის ადგა, კომოდთან მივიდა, რომელზეც წყლიანი ჭიქა იდგა. მერკადერი სწორედ ამას უცდიდა - მან მთელი ძალით მოიქნია ტროსტი და კეფაში სთხლიშა მსხვერპლს. ტროცკი იქვე უგონოდ ჩაიკეცა, თუმცაღა არ მომკვდარა. მერკადერმა კიდევ ერთხელ ჩაარტყა ტროსტი მას, მერე კი კარისკენ გაიქცა. ამ დროს, გარედან ტროცკის სახლს სიკეიროსის ხალხმა ალყა შემოარტყა და ცეცხლიც გახსნა. დაიღუპა დაცვის რამდენიმე წევრი, რამონ მერკადერმა კი სახლიდან უვნებლად გამოღწევა ვერ შეძლო - ის დაცვამ დაჭრა და დააკავა. ამ ყველაფერს ნაუმ ეიტინგონი და კარიდად მერკადერი ქუჩაში გაჩერებული მანქანიდან ადევნებდნენ თვალყურს. ეიტინგონმა და კარიდად მერკადერმა იმავე დღეს დატოვეს მექსიკა და კუბის გავლით ჯერ პარიზში, მერე კი მოსკოვში ჩაფრინდნენ. იქ ორივენი ოქროს მედლით დააჯილდოეს; სტალინმა მათ პირადად გადასცა ჯილდოები და მერე ქართული აქცენტით უთხრა: "ახლა კი ჩვენი ქვეყანა ნამდვილად ყველაზე ძლიერია მთელ მსოფლიოში, ეს კი თქვენი დამსახურებაა!" წყარომიხეილ ლაბაძე "გზა", 2012 წელი
კონემიკა საინფორმაციო
Kutaisi, Georgia · 2 months ago
ხანძრის 5 სხვადასხვა კერა ჩერნობილში
ჩერნობილის ზონაში ამ წუთისთვის სულ 5 ხანძრის სხვადასხვა კერაა წარმოქმნილი, მეხანძრე მაშველები ამ წუთებში ცდილობენ ხანძრის შეჩერებას თუმცა ჯერჯერობით უშედეგოდ, მთავარი რეაქტორში ცეცხლის არ შეშვებაა!!! 1. წითელი ტყე ასევე ცეცხლშია, ეს ტყე ჩერნობილის ზონაში ყველაზე რადიოაქტიური ადგილად ითვლება.. ბოლო ინფორმაციით ახლა ზუსტად ამ ტყეში მუშაობს ყველაზე ბევრი მეხანძრე! 2. მდინარე პრიპიატის აღმოსავლეთ სანაპიროზე, სოფელ კრჟიავა გორასთან ახლოს...აქ არის ტყიანი, ველური და რთული რადიაციული ტერიტორიები... ასევე აქაც მძლავრადაა ხანძარი!! 3. ზონის სამხრეთით, სოფელ როსოჩას მახლობლად, საიდანაც ხანძარი გაჩნდა, ეს ტერიტორია ჩერნობილის ზონის ახლოსაა, ზუსტად ამ ტერიოტირიიდან დასტურდება რომ ცეცხლი ნამდვილად განზრახ იქნა გამოწვეული. პოლიციამ უკვე დააკავა ამ ტერიტორიების 27 წლის მკვიდრი, როგორც ირკვევა მან მეხანძრებსაც არ გამოუძახა!!! 4. ქალაქი პრიპიატთან დაკავშირებით: უნდა აღინიშნოს რომ ხანძარი არ გაჩერებულა კორპუსებს შორის, თუმცა, ხანძარი მძვინვარებს ცნობილ ძეგლთან "პრიპიატი 1970", რომელიც 1970 წელს ქალაქის შექმნის ხსენების დღეს გვახსენებს, ანუ შესასვლელთან!!! 5. ატომური სადგური, რომელზეც წინა პოსტში დავწერე გუშინ ზონაში დილის 15:00 საათზე მცირე წვიმა იყო, მართალია ამან ცეცხლი ვერ ჩააქრო, მაგრამ გარკვეულ ტერიტორიებზე მეხანძრე მაშველებს საქმე შეუმსუბუქა! #news #politics #opinion #events #photo#fire#chernobyl#სიახლე #ხანძარი#ჩერნობილიTbilisi Kutaisi Batumi
+2
კონემიკა საინფორმაციო
Kutaisi, Georgia · 3 months ago
ხანძარი ჩერნობილში
ძლიერ ხანძარს, რომელიც ჩერნობილის ტერიტორიაზე უკვე 1 კვირაა მძვნივარებს, მეხანძრეები ვერ აქრობენ, ხანძარი უკვე ახლოსაა პრიპიატთანაც! მაშინ როდესაც მსოფლიო დიდ განსაცხელშია პანდემიის გამო, უკრაინა კვლავ დგას ნუკლიდური კატასრტოფის ზღვარზე. ჩერნობილის ზონაში არის ისტორიაში ყველაზე მასშტაბური ხანძარი. მიუხედავად მისი მასშტაბისა მას სათანადოდ ვერ ებრძვიან და შესაბამისად მისი არეალი ყოველ დღე იზრდება. ხანძარმა გაანადგურა ასობით ათასი ჰეკტარი ტყე და რამდენიმე სოფელი. ასევე დაზარალდა საკონტროლო გამშვები პუნწტი "ლელიოვი". საფრთხის ქვეშ დგას ისეთი ობიექტები როგორიცაა "დუგა", ობიექტი "ჩერნობილ-2" და "ვოლჰოვი". ცეცხლი ასევე მიუახლოვდა ე.წ. წითელ ტყეს და ქალაქ ჩერნობილს (ნუ გეშლებათ პრიპიატში). მე გული შემტკივა, როდესაც ვხედავ იმას, თუ როგორ ნადგურდება ბუნება და კაცობრიობის ისტორიაში უდიდესი მუზემული ღია ცის ქვეშ. დარჩა ისეთი ობიექტები, რომლებსაც ვეღარასდროს დავათვალიერებთ. ის სამყარო და ის ადგილები, რომლებიც მე ძალიან მიყვარდა ნადგურდება და მე ვერანაირად ვერ დავეხმარები ამ სიტუაციას. #news #politics #opinion #events #photo #chernobyl #fire #სიახლე #სიახლეები #ხანძარი #ჩერნობილიTbilisi Kutaisi Batumi
+3
კონემიკა საინფორმაციო
Kutaisi, Georgia · 2 months ago
BREAKING: ჩერნობილის ზონაში ბირთვული ქარხნის მიმდებარედ კვლავ ხანზარი მძვინვარებს
ჩერნობილის ზონაში ბირთვული ქარხნის მიმდებარედ კვლავ ხანზარი მძვინვარებს. ხანძრის ახალი კერების წარმოქმნას ძლიერმა ქარმა შეუწყო ხელი! რამდენიმე დღის წინ მოახერხეს ხანძრის ლოკალიზება. თუმცა, სახელმწიფო საგანგებო სამსახურის განცხადებით, ძლეირი ქარების შედეგად ხანძრის სამი ახალი კერა გაჩნდა. სამსახურის ცნობით, ახალი კერები ფართომასშტაბიანი არ არის, რადიოაქტიური ფონი კიევისა და მის მიმდებარე რეგიონში ნორმის ფარგლებშია. საგანგებო სამსახურის თანამშრომლები ხანძრის ჩაქრობას თვითმფრინავებისა და ვერტმფრენების გამოიყენებით ცდილობენ, თუმცა ხანძრის ლოკალიზებას ხელს უშლის ძლიერი ქარი!#news#opinion#fire#chernobyl#breakingnews #სიახლე#ხანძარი#ჩერნობილიRustavi Tbilisi Kutaisi Batumi
კონემიკა საინფორმაციო
Kutaisi, Georgia · 3 months ago
BREAKING: ჩერნობილში ცეცხლის ეპიცენტრიდან ატომურ სადგურამდე მანძილი 200 მეტრიღაა დარჩენილი
უახლესი ინფორმაციით ჩერნობილში ცეცხლის ეპიცენტრიდან ატომურ სადგურამდე მანძილი 200 მეტრიღაა დარჩენილი!!! უკვე მე-10 დღეა ჩერნობილის ზონაში ცეცხლს აქრობენ და ვითარება ჯერ ოდნავადაც არ გამოსწორებულა,პირიქით... ეს ეკოლოგიური კატასტროფა და უბედურება ანადგურებს სოფლების ისტორიული მნიშვნელობას ზონაში, ეს უდავოდ ყველაზე დიდი ხანძარია დახურულ ზონაში 1986 წლის, ატომური ელექტრო სადგურის აფეთქების შემდეგ, უახლესი ინფორმაციით ცეცხლს ატომურ სადგურამდე უკვე ასეული მეტრები აშორებს, მეხანძრე მაშველები გარკვეულ მკაცრ ზომებს მიმართავენ რომ ხანძარი რეაქტორამდე არ მივიდეს!#news#opinion#video#fire#chernobyl#fire#სიახლე#ხანძარი #ჩერნობილიTbilisi Kutaisi Batumi
კონემიკა საინფორმაციო
Kutaisi, Georgia · 3 months ago
ხანძარმა ჩერნობილში რადიაციის ეპიცენტრში შეაღწია
ჩერნობილში ატომურ რეაქტორთან ახლოს ხანძარმა რადიაციის ეპიცენტრშიც შეაღწია, ხანძარი უკვე ჩერნობილის ზონასთანაა ბირთვული ექსპერტების თქმით რადიაციული დოზიმეტრი 16-ჯერ აღემატება ტიპურ დონეს, რომელიც ზოგადად ზონაშია და ეს ზედმეტადჭარბი წონაა! ხანძარმა ჩერნობილის მახლობლად 100 ჰექტარზე მეტი მოიცვა ბირთვული ელექტროსადგურის გვერდით მდებარე ტყიან მხარეში! #news#chernobyl#სიახლე #სიახლეები#ხანძარი#ჩერნობილი#დარჩისახლში
Tbilisi Daily
Tbilisi, Georgia · 4 weeks ago
აბასთუმანში ცეცხლის ჩაქრობის სამუშაოები განახლდა
აბასთუმნის ტყეში სიტუაცია კონტროლს ექვემდებარება. მთელი ღამის განმავლობაში კერების მონიტორინგი თერმული დრონით მიმდინარეობდა. ამის შესახებ ინფორმაციას საგანგებო სიტუაციების მართვის სამსახური ავრცელებს. მათივე ცნობით, ადიგენის მუნიციპალიტეტის დაბა აბასთუმანში, მოწყობილია შინაგან საქმეთა სამინისტროს საგანგებო სიტუაციების მართვის სამსახურის საველე შტაბი. ტყეში გაჩენილი ხანძარი ლოკალიზებულია და სიტუაცია კონტროლს სრულად ექვემდებარება. სალიკვიდაციო სამუშაოები 13 ივნისს, მთელი დღის განმავლობაში უწყვეტ რეჟიმში მიმდინარეობდა."ღამის განმავლობაში საგანგებო სიტუაციების მართვის სამსახურის თერმულმა დრონებმა გააგრძელეს ტერიტორიის მონიტორინგი, ცოცხალი ძალა კი 25 მეხანძრე-მაშველის შემადგელონით უშუალოდ ტყის მასივში მუშაობდა. გათენებისთანავე განახლდა ცეცხლის ქრობის აქტიური სამუშაოები. აბასთუმანში გაჩენილი ხანძრის შესახებ ინფორმაცია შინაგან საქმეთა სამინისტროს საზოგადოებრივი უსაფრთხოების მართვის ცენტრ 112-ში 13 ივნისს დღის 2 საათისთვის შემოვიდა. ადგილზე მობილიზებული იყო ცოცხალი ძალა 65 მეხანძრე-მაშველის შემადგენლობით. პროცესში, ასევე, ჩართული იყო შინაგან საქმეთა სამინისტროს სასაზღვრო პოლიციის ორი ვერტმფრენი. ვერტმფრენებმა სულ 13 გაფრენა განახორციელეს და ხანძრის კერებს 26 ტონა წყალი დაასხეს. ტყის მასივში იწვოდა წიწვოვანი ტყის ქვედა საფარი და კუნძები. შეტყობინების მიღებიდან უმოკლეს დროში მოხდა ადგილზე ცოცხალი ძალის მობილიზება, როგორც სამცხე-ჯავახეთის რეგიონიდან, ასევე, ქვემო ქართლიდან და დაიწყო ხანძრის ქრობის სამუშაოები,"- აღნიშნულია განცხადებაში.
საბრალდებო დასკვნა
Tbilisi, Georgia · 3 weeks ago
ხანძრების ციკლი საქართველოში
საქართველოში ხანძრებმა 10 წლის განმავლობაში 3,8 ათასი ჰექტარი შეადგინა. ახლა კი თითოეული მათგანი უფრო კონკრეტულად გავიხსენოთ ხანძარი ბორჯომში 22 აგვისტოს, დილის 06:30 საათიდან, ბორჯომში, სახანძრო და საავიაციო ტექნიკა ხანძრის ჩაქრობას ცდილობდა. სამაშველო სამუშაოებში ჩართული იყო 500–მდე მეხანძრე–მაშველი, 3 ვერტმფრენი – მათ შორის, ორი საქართველოდან და ერთი აზერბაიჯანიდან და ათობით სახანძრო მანქანა, რომელთა მობილიზება საქართველოს სხვადასხვა რეგიონიდან გახდა საჭირო. ეს იყო უმძიმესი ტრაგედია, რომელმაც ბორჯომის ტყის დიდი ნაწილი გაანადგურა, მისი აღდგენითი სამუშაოები დღემდე მიმდინარეობს. ამისათვის საერთო ჯამში 3 მილიონამდე ლარია გამოყოფილი. სხვადასხვა ექსპერტები ეჭვობენ, რომ ხანძარი ხელოვნურად იყო შექმნილი. ხანძარი თუშეთში, რომელსაც 2 დღე ვერ აქრობდნენ ხანძრის ლიკვიდირება გაართულა ტერიტორიის ბუნებრივმა მდგომარეობამ, მეხანძრეები საკმაოდ ახლოს მივიდნენ და აქეობდნენ ცეცხლს, თუმცა მთის ფერდობები იშლებოდა და სხვა ტერიტორიას გადასცემდა ხანძარს, რის გამოც მას 2 დღის განმავლობაში აქრობდნენ მაშველები და რეინჯერები ხანძარი მაღალმთიან აჭარაში ხანძარი 2017 წელს გაჩნდა და ტყის საკმაო ტერიტორია მოიცვა, საჭირო გახდა ვერტმფრენების დამატება, რაშიც თურქეთი დაეხმარა ჩვენს მაშველებს ხანძარი “ბავშვთა სამყაროში” ბავშვთა სამყაროს გადაწვა ერთ-ერთი დიდი კატასტროფა იყო, რადგან მასში ინახებოდა დიდი ოდენობის ოქრო-ვერცხლი და სხვა ძვირადღირებული მეტალი თუ ქვა. ფაქტმა პირველ რიგში უდიდესი ზიანი მიაყენა თვითონ ვაჭრებს. საზოგადოებაში გაჩნდა ეჭვი და მოსაზრება, რომ ტერიტორია არა შემთხვევით, არამედ ძალით და კონკრეტული მიზნების გამო გადაწვეს. ხანძარი ვარკეთილში გუშინ ვარკეთილში შერეული ტიპის ბაზრობაზე ხანძარი გაჩნდა. 20-ზე მეტი მაშველი ცდილობდა მის ჩაქრობას, მიმდებარე ტერიტორიაზე ხალხი ევაკუირებული იყო. საბედნიეროდ, მაშველებმა სწრაფი რეაგირება მოახდინეს, რის გამოც ცეცხლი ბენზინგასამართ სადგურამდე არ მივიდა. ამჟამად მიმდინარეობს გამოძიება.
Tbilisi Daily
Tbilisi, Georgia · 4 weeks ago
შსს: ხანძარი ვარკეთილში ლოკალიზებულია
ვარკეთილში მდებარე ბაზრობაზე გაჩენილი ხანძარი ლოკალიზებულია - ინფორმაციას ამის შესახებ შსს ავრცელებს. "შინაგან საქმეთა სამინისტროს საზოგადოებრივი უსაფრთხოების მართვის ცენტრ - „112“-ში შემოვიდა შეტყობინება რომ თბილისში, ვარკეთილში, შუამთის ქუჩაზე, შერეული ტიპის ბაზრობაზე გაჩნდა ხანძარი. საგანგებო სიტუაციების მართვის სამსახურის 130-მდე მეხანძრე-მაშველი და 25 ერთეული სახანძრო-სამაშველო ტექნიკა შეტყობინების მიღებიდან ადგილზე უმოკლეს დროში გამოცხადდა, რის შემდეგაც ცეცხლის ქრობა დაუყოვნებლივ დაიწყეს. ადგილზე იმყოფებიან შინაგან საქმეთა სამინისტროს საპატრულო და კრიმინალური პოლიციის ეკიპაჟები, ასევე, სასწრაფო-სამედიცინო დახმარების ჯგუფები. ადგილზე იმყოფებიან და ხანძრის ქრობის პროცესს პირადად ხელმძღვანელობენ შინაგან საქმეთა მინისტრის მოადგილე - იოსებ ჭელიძე და საგანგებო სიტუაციების მართვის სამსახურის ხელმძღვანელი - თემურ მღებრიშვილი. უსაფრთხოების მიზნით, პერიმეტრი სამართალდამცველებმა გადაკეტეს. ცეცხლი სასაწყობე ჯიხურებზე იყო გავრცელებული. პირველადი ინფორმაციით, დაიწვა ტანსაცმელი და სხვადასხვა სახის სარეალიზაციოდ გამზადებული ნივთები. იყო ცეცხლის ავტოგასამართ სადგურზე გავრცელების საშიშროება, თუმცა მეხანძრე-მაშველების ოპერატიული რეაგირების შედეგად, მისი აფეთქების საფრთხე სრულად აღიკვეთა. ხანძარი უკვე ლოკალიზებულია. ამ დროისთვის არსებული ინფორმაციით, ხანძრის შედეგად არავინ დაშავებულა. შინაგან საქმეთა სამინისტრომ მომხდარ ფაქტზე გამოძიება საქართველოს სსკ-ს 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს", - ნათქვამია შსს-ს განვხადებაში. ხანძარი ვარკეთილი შსს tbilisidaily
Headline
Tbilisi, Georgia · 3 months ago
ჩერნობილის რადიოაქტიურ ზონაში ხანძარია
გამომცემლობა „დოიჩე ველე“ ავრცელებს ინფორმაციას , რომ ჩერნობილის რადიოაქტიური სადგურის მიმდებარე ტერიტორიაზე ხანძარია. ცეცხლი სავარაუდოდ მწვანე საფარს მოეკიდა. გამოცემის ცნობით ხანძრის გამომწვევი მიზეზები უცნობია. მის ჩაქრობას 90 მდე მეხანძრე ცდილობს. ჯერჯერობით ხანძარი ლიკვიდირებული არ არის. ეს ტერიტორია 1986 წლის ავარიის დროს დაბინძურდა და დღესაც რადიაციულად საშიშ ზონად ითვლება. წყარო-გამოცემა “დოიჩეველე”#ჩერნობილი #რადიაცია #Wordpress #Headline