საერთაშორისო სავალუტო ფონდის (IMF) პროგნოზით, 2020 წელს საქართველოს მთლიანი შიდა პროდუქტი 4 პროცენტით შემცირდება. ინფორმაცია ამის შესახებ ორგანიზაციის ვებ-გვერდზეა განთავსებული. თუმცა, IMF-ის პროგნოზით, 2021 წელს საქართველოს მშპ 3 პროცენტით გაიზრდება. რაც შეეხება რეგიონის სხვა ქვეყნებს, მონაცემები ასეთია: თურქეთი: -5 პროცენტი 2020 წელს, 5 პროცენტი 2021 წელს; სომხეთი: -1,5 პროცენტი 2020 წელს, 4,8 პროცენტი 2021 წელს; აზერბაიჯანი: -2,2 პროცენტი 2020 წელს, 0,7 პროცენტი 2021 წელს; რუსეთი: -5,5 პროცენტი 2020 წელს, 3,5 პროცენტი 2021 წელს; ირანი: -6 პროცენტი 2020 წელს, 3,1 პროცენტი 2021 წელს; 2020 წელს მშპ-ის შემცირებას IMF ვარაუდობს მსოფლიოს თითქმის ყველა ქვეყანაში. მათ შორის არიან მსოფლიოს ერთ-ერთი წამყვანი ეკონომიკები: -5,9 პროცენტი აშშ-ში, -7 გერმანიაში, -5,2 იაპონიაში. თუმცა, ფონდის პროგნოზით, გაიზრდება ჩინეთის მშპ - 1,2 პროცენტით.

ამერიკის შეერთებული შტატების პრეზიდენტმა დონალდ ტრამპმა განაცხადა, რომ შტატებს კორონა ვირუსის მეორე ტალღის შემთხვევაშიც კი აღარ ჩაკეტავს. „ამბობენ, რომ ეს აშკარად შეიძლება მოხდეს. ეს სტანდარტულად ასეა. ჩვენ ჩავაქრობთ ცეცხლს, ქვეყანას არ ჩავკეტავთ“,-განაცხადა ტრამპმა. ამ ეტაპზე ცნობილია, რომ აშშ-ში კორონავირუსით ინფიცირებულთა რაოდენობა 1,5 მილიონს აჭარბებს. ქვეყანაში ვირუსს კი 96000-ზე მეტი ადამიანი ემსხვერპლა.#ამერიკა #აშშ #კოვიდ19 #კორონავირუსი #საზღვრები #ჰედლაინი

ახალი კორონავირუსის პოტენციური მეორე ტალღა შესაძლოა უფრო მძიმე აღმოჩნდეს, რადგან იგი დაემთხვევა გრიპის სეზონს, წერს Washington Post-ი აშშ-ის დაავადებათა კონტროლისა და პრევენციის ცენტრის ხელმძღვანელზე, რობერტ რედფილდზე დაყრდნობით. "აშშ–ში წელს COVID-19– ის აფეთქება მოხდა მაშინ, როდესაც სეზონური გრიპის მილევა დაიწყო. ორივეს ერთდროულად რომ დაერტყა, ვითარება იქნებოდა გაცილებით, გაცილებით რთული"- თქვა რობერტ რედფილდმა. მისივე თქმით, ორი რესპირატორული დაავადების შესაძლო ერთდროული აფეთქება, კიდევ უფრო მეტად დაძაბავს აშშ-ის ჯანდაცვის სისტემას, ვიდრე ეს მოხდა მიმდინარე პანდემიისას, რომელიც სასუნთქი აპარატების, ტესტების ნაკრებებისა და პირადი დამცავი აღჭურვილობის უკმარისობით აღინიშნა. აშშ-ში ახალი კორონავირუსის პირველ ტალღას უკვე მოჰყვა 800 000-ზე მეტი ამერიკელის ინფიცირება, რომელთაგან 44 000-ზე მეტი ადამიანი გარდაიცვალა.