საქართველოში ახალი კორონავირუსით კიდევ ერთი ადამიანი დაიღუპა. ინფორმაცია მთავრობის სპეციალურ ვებგვერდზე, stopcov.ge-ზე განახლდა. შეგახსენებთ, რომ ამ დროისთვის საქართველოში კორონავირუსის 411 შემთხვევა არის დადასტურებული, მათ შორის გამოჯანმრთელდა 98 პაციენტი. ამასთან, უცხოეთიდან სამკურნალოდ გადმოყვანილია საქართველოს სამი მოქალაქე. კორონავირუსის შედეგად ქვეყანაში ხუთი პაციენტი გარდაიცვალა. კარანტინის რეჟიმში 5015 მოქალაქე იმყოფება, ხოლო სტაციონარში მეთვალყურეობის ქვეშ – 573.#კორონავირუსი #პანდემია #გარდაცვლილი #tbilisidaily

ყველას უნდა გვესმოდეს, რომ ეს ვირუსი ჩვენთან, როგორც ჩანს, დარჩება დიდხანს, - ამის შესახებ პრემიერ-მინისტრმა გიორგი გახარიამ მთავრობის სხდომაზე განაცხადა, როდესაც კორონავირუსით დღეს 81 წლის ქალის გარდაცვალებას გამოეხმაურა. „ეს სამწუხარო ფაქტი კიდევ ერთხელ ადასტურებს იმას, რომ ყველანაირი, ასე თუ ისე, წარმატებული ბრძოლა ინფექციისა და პანდემიის წინააღმდეგ, არ ნიშნავს იმას, რომ ჩვენ საბოლოოდ რაღაც დასკვნები უნდა გავაკეთოთ. ეს არის დიდი ხნის პროცესი და ყველას უნდა გვესმოდეს, რომ ეს ვირუსი ჩვენთან, როგორც ჩანს, დარჩება დიდხანს”, - განაცხადა პრემიერმა.

საქართველოში ახალი კორონავირუსისგან უკვე 50 პაციენტი გამოჯანმრთელდა. ინფორმაცია მთავრობის მიერ შექმნილ ვებ-გვერდზე, STOP.GOV.GE-ზე არის განთავსებული. შეგახსენებთ, რომ ქვეყანაში კორონავირუსით ინფიცირებულია 208 ადამიანი. გარდაცვლილია 3 პაციენტი. კარანტინის რეჟიმშია - 4682 ადამიანი, სტაციონარში მეთვალყურეობის ქვეშ - 375 მოქალაქეა.#კორონავირუსი #პანდემია #გამოჯანმრთელებული #tbilisidaily

ბოჭორიშვილის კლინიკის დირექტორის, მეგი კობახიძის განცხადებით, ამ დროისათვის, 41 პაციენტი პანეტი იმყოფება, რომელთაგან კორონავირუსი 21-ს აქვს დადასტურებული. მისივე თქმით, კოვიდინფიცირებულ პაციენტთაგან შვიდი 18 წლამდე ასაკისაა. „ამ ეტაპისთვის ჩვენს კლინიკაში გადის მკურნალობას 41 პაციენტი, მათგან 21 არის დადასტურებული შემთხვევა. შვიდი არის 18 წლამდე ასაკის პაციენტი. ამ ეტაპზე კვლევაში ჩართულია ექვსი პაციენტი, რომლის პასუხებსაც ველოდებით. 11 პაციენტია გართულებული, პნევმონიის დიაგნოზით, დადასტურებული აქვთ ორმხრივი პნევმონია. გამოვყოფდი აქედან განსაკუთრებით სამი პაციენტის მდგომარეობას. დაწყებულია მათთან შესაბამისი, ადეკვატური კვლევები და მკურნალობა. დანარჩენი პაციენტების მდგომარეობა სტაბილურია. არის საშუალო სიმძიმის სიმპტომები გამოხატული. დღეს დაემატა ერთი, დღის მეორე ნახევარში და მთლიანობაში გვაქვს 21 დადასტურებული შემთხვევა. ახალი პაციენტის მდგომარეობა სტაბილურია, მიმდინარეობს კვლევები. ის არ არის სასულიერო პირთან კონტაქტში, თუმცა კლასტერებზე ინფორმაცია არ მაქვს. არიან პაციენტები, რომელთაც აქვთ თანმხლები ქრონიკული დაავადება და მათი მდგომარეობა ასაკის გათვალისწინებით შედარებით უფრო საყურადღებოა“, – განაცხადა მეგი კობახიძემ. #კორონავირუსი #ბოჭორიშვილისკლინიკა #ინფიცირებული #მოზარდები #tbilisidaily

დევიდ ნაბარომ მსოფლიო ჯანდაცვის ორგანიზაციის პრესსპიკერმა განცხადება გააკეთა. მისი თქმით მალე მსოფლიოსთვის პირბადის გამოყენება ნორმად იქცევა. „ეს ვირუსი არსად წასვლას არ აპირებს. ჩვენ არ ვიცით ადამიანები მის მიმართ იმუნურები იქნებიან თუ არა. არც ის ვიცით როდის გვექნება ვაქცინა. ჩვენ ახალ რეალობასთან შეგუება მოგვიწია, მოგვიწია მაგალითად მაშინ, როცა გავიგეთ რომ აივ ინფექცია სქესობრივი გზით გადადის. ამჯერადაც ამ ახალ რეალობას უნდა შევეგუოთ. უნდა ვისწავლოთ კორონავირუსთან ერთად ცხოვრება““, – განაცხადა დევიდ ნაბარომ. კორონავირუსს მსოფლიო უკვე რამდენიმე თვეა ებრძვის. ჩინეთში სადაც კორონა ვირუსის შემთხვევები ბოლო პერიოდში თითქმის არ ფიქსირსებოდა ბოლო 24 საათში 108 ახალი შემთხვევა დაფიქსირდა. ამ პერიოდისათვის ყველაზე მძიმე მდგომარეობა ამერიკის შეერთებულ შტატებშია სადაც ახალი კორონა ვირუსით დაავადებულ ადამიანთა რიცხვი ნახევარ მილიონს აჭარბებს. წყარო - CNN#covid19 #coronavirus #headline #WHO

საქართველოში კორონავირუსით ინფიცირების შემთხვევათა რაოდენობა 12-ით გაიზარდა და 456 გახდა. კარანტინის რეჟიმშია 4949 ადამიანი, ხოლო სტაციონარში მეთვალყურეობის ქვეშ - 555 პირი. ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. აღსანიშნავია, რომ ბოლო 24 საათში კორონავირუსით ინფიცირებული ადამიანების რიცხვი 25-ით არის გაზრდილი. შეგახსენებთ, რომ 456 ადამიანიდან 132 გამოჯანმრთელებულია, ხოლო 5გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.#კორონავირუსი #პანდემია #ინფიცირებული #tbilisidaily

თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, მათ კლინიკაში კორონავირუსით ინფიცირებული ორი პაციენტის ჯანმრთელობის მდგომარეობა გაუმჯობესდა. მისივე თქმით, ერთ-ერი პაციენტი ხელოვნური სუნთქვის აპარატიდან შესაძლოა დღის ბოლომდე მოიხსნა, მეორე ინფიცირებულს კი უახლოეს დღეებში მოხსნიან ასევე ხელოვნური სუნთქვის აპარატიდან. „იცით, რომ გვყავს ორი რეანიმაციული პაციენტი. მინდა, გითხრათ, რომ დღეს ძალიან ბედნიერი ვართ მთელი ჩვენი კლინიკა, იმიტომ, რომ პაციენტი, რომელიც იყო კრიტიკული მდგომარეობით შემოსული, მწვავე რესპირატორული დისტრესით და ყველა გართულებით, რომელიც ამ დაავადებისთვის იყო დამახასიათებელი, ამ ეტაპზე მინდა გითხრათ, რომ ომში, მეტნაწილად, გავიმარჯვეთ. პაციენტი გახდა კონტაქტური, ადეკვატური, ხელოვნურ ვენტილაციაზე გვყავდა. დღის ბოლომდე შესაძლოა, პაციენტი მოიხსნას აპარატიდან. რაც შეეხება მეორე პაციენტს, ქალბატონი 80 წლის , რომელიც ასევე COVID19-ით ინფიცირებულია, აქვს გულისუკმარისობა და ასაკი, ამ ქალბატონთანაც მინდა გითხრათ, რომ ჩატარებული კლინიკურ ლაბორატორიული კვლევებით, პარაკლინიკური კვლევებით, სუბიექტური და ობიექტური მონაცემებით დადებითია მიღწეული. სუნთქვის პარამეტრები შედარებით გამარტივდა. ჩვენი კიდევ ერთი გამარჯვებაა ის, რომ ამ ეტაპამდე ქალბატონი ცოცხალია, ვიტალური(სასიცოცხლო) ფუნქციები ცოცხალია. იმედია, ასე გაგრძელდება და რამდენიმე დღეში ეს პაციენტი აპარატიდან მოიხსნება“, - განაცხადა რატიანმა. #კორონავირუსი #პანდემია #ლევანრატიანი #პაციენტი #დარჩისახლში #tbilisidaily

ექიმ ლევან რატიანის ინფორმაციით, თბილისის პირველი საუნივერსიტეტო კლინიკაში მოთავსებული ორი ორსული ქალის ჯანმრთელობის მდგომარეობა დამაკმაყოფილებელია და მათი ნაყოფიც შეესაბამება ფიზილოგიურ პარამეტრებს. ,,ბოლო რამდენიმე დღეა, არანაირი გართულება ამ ქალბატონებთან არ გამოვლენილა და იმედია, არც გამოვლინდება და როდესაც დადგება მომენტი ჯანმოს პროტოკოლის მიხედვით, რომ უნდა ავუღოთ ნაცხი, ავუღებთ ნაცხს და უარყოფითი შედეგის შემთხვევაში, გაეწერებიან ბინაზე“ ,- განაცხადა რატიანმა. #ორსული #ნაყოფი #ჯანდაცვა #კლინიკა #ლევანრატიანი #კორონავირუსი #tbilisidaily

ჩინეთში კორონავირუსით ინფიცირების 12 ახალი შემთხვევა გამოვლინდა. აქედან 6 საზღვარგარეთ მოგზაურობას უკავშირდება, კიდევ 6 კი - შიგა გადაცემით დაინფიცირდა. მთლიანობაში ქვეყანაში პანდემიის დაწყებიდან დღემდე 82 874 დაინფიცირდა. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთმა სულ ცოტა ხნის წინ გარდაცვლილთა რაოდენობა 50% -ით გაზარდა. ამან ძალიან დიდი გამოხმაურება გამოიწვია. ასევე გაამწვავა ჩინეთის პასუხისმგებლობის საკითხი. წყარო-BBC#coronavirus #pandemic #covid19 #headline

რეანიმაციულ განყოფილებაში მოთავსებული 4 პაციენტის ჯანმრთელობის მდგომარეობა მძიმეა, ხოლო სამის კრიტიკული. ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა განცხადა. მისი თქმით, კლინიკა დატოვა 24 კვირის ორსულმა, ხოლო მეორე ფეხმძიმის მდგომარეობა სტაბილურია. რატიანმა ჟურნალისტებთან საუბრისას ასევე აღნიშნა, რომ კლინიკაში მოთავსებული სამი მოზარდის ჯანმრთელობის მდგომარეობაც სტაბილურია. „რეანიმაციაში მყოფი 4 პაციენტის ჯანმრთელობის მდგომარობა მძიმეა, ხოლო სამი კრიტიკული რჩება. ასევე მინდა გითხრათ, რომ გუშინ ჩვენგან 24 კვირის ორსული ქალბატონი გაეწერა. მეორე, 9 კვირის ორსულის ჯანმრთელობის მდგომარეობა სტაბილურია. პაციენტი 14 დღის გავლას ელოდება, რომ პროტოკოლის მიხედვით, ტესტირება ჩაუტარდეს. ასევე, იცით, რომ კლინიკაში გვყავს სამი მოზარდი და მათი ჯანმრთელობის მდგომარეობა ამ ეტაპზე სტაბილურია“,- განაცხადა რატიანმა.#კორონავირუსი #პაციენტები #ლევანრატიანი #tbilisidaily