ყველა ქართველში არის უფალი და ჩვენ ყველას შეგვიძლია, რომ ჩვენ თვითონ ვიზეიმოთ ჩვენს გულში ეს დღესასწაული და დავიცვათ ის, რაც დასაცავია - განაცხადა ტელეკომპანია პირველის ეთერში ვახტანგ ბოჭორიშვილის სახელობის კლინიკის სამეთვალყურეო საბჭოს თავმჯდომარემ. ,,აუცილებელია ჩვენ გავერთიანდეთ, ყველას გვაინტერესებდეს მხოლოდ ერთი რამ: როგორმე შევაჩეროთ ჩოვიდ-19 და ჩვენი პირადი სოციალური პასუხისმგებლობით ყველანი ჩართული ვიყოთ და ვებრძოლოთ მას. წინააღმდეგ შემთხვევაში ძალიან გაგვიჭირდება. ჩვენ ვართ იგივე საზოგადოება. ჩვენი შვილები ჩვენს გარეშე მეცადინეობენ, ჩვენს გარეშე არიან სახლში. ეკლესიაა, წირვა, თუ ლოცვა, ჩვენც იგივე მრევლი ვართ, მაზიარებლები, მაგრამ ეს ყველაფერი ჩაივლის ჩვენს გარეშე იმიტომ, რომ ვდგავართ ეპიდემიის ცენტრში და უბრალოდ, სხვა არჩევანი არ გვაქვს. ამიტომ, ძალიან გთხოვთ, ყველამ ერთნაირად ვიფიქროთ, თუ როგორ გადავარჩინოთ ჩვენი მომავალი. როგორ დავიცვათ თავი და ქვეყანა იმ რისკებისკან, რაც ძალიან ახლოს არის და არ არის გამორიცხული რომ ჩვენი საქციელით დავაჩქაროთ საკმაოდ ცუდი შედეგები. იქნებ არც არის ამდენჯერ გამეორება საჭირო. მართალია მსოფლიომ თავისი გამოცდილება დაგვანახა, მაგრამ ქართველი მაინც სხვაა. ყველა ქართველში არის უფალი და ჩვენ ყველას შეგვიძლია, რომ ჩვენ თვითონ ვიზეიმოთ ჩვენს გულში ეს დღესასწაული და დავიცვათ ის, რაც დასაცავია" განაცხადა სოლოღაშვილმა.

ეს ვირუსი იმიტომ გაუშვეს, რომ ფულის ერთეული გაქრეს დედამიწაზე - აღნიშნული ქადაგება, შემოქმედელმა მიტროპოლიტმა, მეუფე იოსებმა დღეს წირვაზე, კორონავირუსზე საუბრისას განაცხადა. "ეს ვირუსი აშკარად ვიღაცის შექმნილია, ეს არ არის რაღაცა ბუნებრივი წარმონაქმნი. მე ვფიქრობ რომ ეს ვირუსი იმიტომ იქნა გაშვებული, რომ ფულის ერთეული გაქრეს ზოგადად დედამიწაზე და ეს ძალიან მალე მოხდება. ჩვენ ამაზე ადრეც ვსაუბრობდით, ეს ჩემი სიტყვები არ არის, წინასწარმეტყველებაა,"-განაცხადა მიტროპოლიტმა იოსებმა.

ვირუსი ხელოვნურია და იმიტომ გაუშვეს, რომ ფულის ერთეული გაქრეს მსოფლიოში - განაცხადა მეუფე იოსებმა საკვირაო ქადაგებისას. „ახლა ეკლესიები უნდა გაიხსნას, რადგან ღმერთი განრისხებულიასამყაროზე და გული უნდა მოვულბოთ მას" - მეუფე იოსები აღნიშნავს, რომ საქართველოში მხოლოდ 2% ეზიარება, ზოგადად კი ზიარება რა არის არ იციან. „სინოდის კრებაზე ყველა ერთსულოვანი იყო და არაფრით არ შეიძლება წირვა-ლოცვებისშეწყვეტა. ეს იქნება კატასტროფა მსოფლიოსთვის. იესო ამბობს, როცა მსხვერპლშეწირვა შეწყდება, მაშინ კაცობრიობა დაამთავრებს თავის არსებობას. ღვინოს და პურს ვწირავთ ჩვენ ღმერთს. ხალხის 2 პროცენტი ეზიარება ალბათ საქართველოში, არც კი იციან რა არის ზიარება. ეტყობა ღმერთმა იმიტომ მოავლინა ეს განსაცდელი, რომ ხალხი უზიარებელი არ დარჩეს. ვიღაცები გვეუბნებიან, რომ ჩვენც კათოლიკეებივით, ბაპტისტებივით და ა. შ. დავკეტოთ ეკლესია და წავიდეთ სახლში. ეს რომ ვქნათ, კაცობრიობა დაასრულებს თავის არსებობას. პური და ღვინო არის ქრისტეს სხეული და როგორ უნდა დავიჯეროთ ჩვენ, რომ ქრისტეში ვირუსი შევა? არც ხატებთან და ჯვართან მთხვევით ვირუსი არ გადავა, მაგრამ სახელმწიფოს რეგულაციები უნდა შევასრულოთ. ზოგადად მე კი ვფიქრობ, რომ არაფერი დაგემართებათ თქვენ, მაგრამ ქრისტიანობა არის მორჩილება და უნდა დავუჯეროთ. პირიქით, ახლა ეკლესიები უნდა გაიხსნას, რადგან ღმერთი განრისხებულია სამყაროზე და გული უნდა მოვულბოთ მას, რომ მოგვაშოროს ეს საშინელი სენი. გაძლევთ კურთხევას, რომ წირვაზე პირბადეებით მოხვიდეთ, ეს არ არის ცოდვა. ნამდვილად ბოლო ჟამი დაიწყო და კურთხევას გაძლევთ, ვისაც მიწები გაქვთ, დათესეთ რამე, რომ საკვები გქონდეთ. ეს ვირუსი ხელოვნურია და იმიტომ გაუშვეს, რომ ფულის ერთეული გაქრეს მსოფლიოში. იცოდეთ, რომ ერთადერთი, რაც გადაგვარჩენს, არის სოფელი. დაბრუნდით სოფელში. ხვალ-ზეგ ციფრული ფულის ერთეული იქნება და ხელში და შუბლში ჩაგვიდებენ. ეს იქნება ანტიქრისტეს ბეჭედი და ეს შეიძლება ძალიან მალე მოხდეს. ამიტომ იყავით სოფელში და დაამუშავეთ მიწა” - იქადაგა მეუფე იოსებმა.

გვაქვს იმედი, რომ ჩვენი ძმობაც შენარჩუნდება, აზერბაიჯანთან და ამასთან ერთად, სიმართლეც დადგინდება, - ამის შესახებ ჟურნალისტებს პატრიარქის მოსაყდრე მეუფე შიომ დავით გარეჯის საკითხთან დაკავშირებით განუცხადა. მისი თქმით, საზღვრის დადგენის საკითხზე ორმხრივი კომისია მუშაობს. „მუშაობს ორმხრივი, ახალი კომისია. იმედი გვაქვს, რომ ეს კომისია უფრო პრინციპული იქნება, ვიდრე წინა და იმედი გავქვს, რომ დადგინდება სიმართლე... მე იმის თქმა მინდა, რომ ჩვენ გვაქვს იმედი, რომ ჩვენი ძმობაც შენარჩუნდება, რომელიც არის აზერბაიჯანთან და ამასთან ერთად, ეს სიმართლეც დადგინდება და კომისიის მუშაობა კეთილად წარიმართება”, - განაცხადა მეუფე შიომ. მეუფე შიო გარეჯობასთან დაკავშირებით გუშინ დავით გარეჯის სამონასტრო კომპლექსში იმყოფებოდა.#დავითგარეჯი #მეუფეშიო #აზერბაიჯანი #marneulidaily#ახალიამბები #პოლიტიკა #news