2 votes
0 comments
1 shares
Save
მედ-პერსონალის აქცია საბერძნეთში
1239 views
Headline
Dedoplis Tskaro · 3 months ago

საბერძნეთში ექიმებმა ქვეყნის მასშტაბით საპროტესტო აქცია მოაწყვეს. ისინი აპროტესტებენ სამედიცინო რესურსების ნაკლებობას და ხელისუფლებას სთხოვენ, დაიქირაოს დამატებითი მედ-პერსონალი კერძ სექტორიდან.

აქციებზე გამოჩნდა ბანერები წარწერით: „ჩვენ ვიბრძვით შენთვის, ამოიღე ხმა ჩვენთვის“. ექიმებმა განაცხადეს, რომ პანდემიასთან საბრძოლველად მეტი რესურსია საჭირო.

აქციები ჩაატარდა ათზე მეტ საავადმყოფოსთან და ორგანიზებული იყო „ეროვნული ექიმთა კავშირის“ მიერ.

შეგახსენებთ, რომ 6 აპრილს საბერძნეთში კორონავირუსით 79 ადამიანი გარდაიცვალა.

სტატია ნათარგმნია apnews.com-დან.

#კორონავირუსი #საბერძნეთი #პროტესტი #

headline


Headline
Dedoplis Tskaro · 3 months ago
Similar Posts
Marneuli Daily
Kachaghani, Georgia · 2 months ago
ძველესი დღესასწაული-ნოვრუზ ბაირამი
ნოვრუზი უძველესი დღესასწაულია და იგი ბევრ ქვეყანაში აღინიშნება: ბალკანეთში, თითქმის მთელს ახლო აღმოსავლეთში, შუა აზიასა და მონღოლეთში. ნოვრუზი ირანული კალენდრის პირველი დღეა, რომელიც გაზაფხულის ბუნიობას – დღისა და ღამის გათანაბრებას ემთხვევა. გარდა ამისა, სპარსულ და ტაჯიკურ ენებზე სიტყვა “ნოვრუზი”, ანუ “ნავრუზი” “ახალ დღეს” ნიშნავს. ის პირველად ქრისტეს შობამდე VII საუკუნეში, ახემენიდების მმართველობის პერიოდში მოიხსენიება. ნოვრუზ ბაირამი გაზაფხულის შემოსვლის, ზოგიერთ ქვეყანაში კი ახალი წლის დღესასაწაულია. მისი სიმბოლოა "სამანი". ის ახალი ცხოვრების ნიშანია აზერბაიჯანში დღესასწაულისთვის წინასწარ იწყებენ მზადებას. ბუნიობის დაწყებამდე ოთხ სამშაბათს ზეიმობენ: სუ ჩერშენბე ახშამი, ოდლუ ჩერშენბე ახშამი, ტორპაგ ჩერშენბე ახშამი და ახირ ჩერშენბე ახშამი. თითოეული სამშაბათი, დედამიწის ამათუიმ სტიქიას განასახიერებს. სუ ჩერშენბე ახშამი წყლის სამშაბათია. ამ დღეს წყლის განახლება ხდება. ტრადიციის თანახმად, ამ დღეს ადამიანები მდინარეებსა და წყაროებზე დილით ადრე მიდიოდნენ, სვამდნენ წყალს, იბანდნენ და ერთმანეთს ასხამდნენ. მათი რწმენით, სწორედ ამ დღეს ახლდება წყალი და ვინც მას შეეხებოდა, ყველა სურვილი შეუსრულდებოდა. ერთი კვირის შემდეგ დგება ოდლუ ჩერშენბე ახშამი, ანუ ცეცხლის სამშაბათი. ცეცხლი განასახიერებს მზეს, ის სითბოს ნიშნავს და საერთოდაც, ნოვრუზის სიმბოლოა. ამ დღეს ანთებენ კოცონს, რომელიც აუცილებლად ბავშვმა უნდა აანთოს. მათი რწმენით, მხოლოდ ამ შემთხვევაშია იგი წმინდა და მასზე სამჯერ, ან შვიდჯერ ხტებიან. ამას განკურნების, სულისა და სხეულის განწმენდის მიზნით აკეთებენ. სჯერათ, რომ ცეცხლი ყველაფერს ცუდსა და არასასურველს გაანადგურებს. ცეცხლის სამშაბათის ღამეს ოჯახებში იმდენი სანთელი ინთება, რამდენი წევრიც ცხოვრობს. გარდა ამისა, ახალგაზრდები მთებში მიდიან, ცეცხლს ანთებენ და მზის ამოსვლამდე მხიარულობენ: მუსიკა, ცეკვები, სიმღერები, სადღესასწაულო “პიკნიკი”. ამას მზესთან შეხვედრა ჰქვია. ტორპაგ ჩერშენბე ახშამი – დედამიწის განახლების სამშაბათია. დედამიწა სიცოცხლის, ნაყოფიერებისა და თანასწორობის სიმბოლოა. ამ დღეს, თეფშზე ერთ მუჭა ხორბალს თესავენ. მწვანე ჯეჯილი ბუნების გამოღვიძებას, სიუხვესა და კეთილდღეობას ნიშნავს. გარდა ამისა, ეს არის ახალი თაობის გაძლიერების, იმედებისა და ზნეობრიობის სიმბოლო. ხის დარგვა – კეთილი საქმეა, განსაკუთრებით, თუ თუთა, ლეღვი და წაბლი ირგვება. მიწათმოქმედები ამ დღეს ყველას ტკბილეულით, მარცვლეულითა და ხილით უმასპინძლდებიან, რომლებიც ოქროს “ხონჩებშია” მოთავსებული. მეოთხე – ახირ ჩერშენბე ახშამი – ქარის გამოცოცხლების დღესასწაულია. ქარი, როგორც შემოქმედებითი ენერგია, ხეებს ნიადაგის გაღვივებაში, ხოლო ყვავილებს დამტვერვაში ეხმარება. ქარი მთელს ამ ენერგიას ატმოსფეროში ფანტავს. ეს არის ბედნიერების, წარმატების, სიყვარულის, მხიარულების, განახლებისა და გამოღვიძების ატმოსფერო. ამ დღეს სხვაგვარად, ახირ ჩერშენბე ახშამს – ზამთრის ბოლო სამშაბათს უწოდებენ. ამ დროს გოგონები მკითხაობენ. თუ სურთ, რომ მომავალი მეუღლე დაესიზმროთ, მიირთმევენ ვაშლს, ბალიშის ქვეშ 10 კურკას დებენ და იძინებენ. სუფრაზე კი სხვადასხვაგვარი ფლავი, ტკბილეული, ჯეჯილი, ქლიავისა და გარგარის ჩირი, შეღებილი კვერცხები, თხილი და სანთლებია. მეოთხე სამშაბათს, სახლების კართან, ბავშვის ქუდებსაც შენიშნავთ. ეს ძველი ტრადიციაა: ბავშვები მღერიან, ოჯახის უფროსები კი მათ ქუდებს ტკბილეულით უვსებენ. როგორც ცეცხლის სამშაბათს, ამ დღესაც ძალიან ბევრს მღერიან, მართავენ წარმოდგენებს და მხიარულობენ. ზამთრის ბოლო ოთხი სამშაბათის აღნიშვნა ისევე მნიშვნელოვანია აზერბაიჯანელებისთვის, როგორც ახალი წელი. ნოვრუზის აღნიშვნა ხომ მთელი ხელოვნებაა! დღესასწაულის კულმინაციაა – ნოვრუზი. აზერბაიჯანში მთელი ხუთი დღის განმავლობაში სახალხო სეირნობები ეწყობა. ამ დღეებში არავინ მუშაობს. ნოვრუზის დღესასწაულის დილას ისევ მდინარეზე მიდიან და იბანენ, რაც იმას ნიშნავს, რომ ადამიანი ახალ წელს სუფთა სულითა და სხეულით ხვდება. იმავე დილით ერთმანეთს ტკბილეულით უმასპინძლდებიან. სახლიდან გასვლამდე კი ერთ კოვზ თაფლს, ან მურაბას მიირთმევენ, რაც ტკბილი ცხოვრების დასაწყისს ნიშნავს. სადღესასწაულო მაგიდას განსაკუთრებული ყურდღება ეთმობა, რადგანაც ის ტრადიციის განსაკუთრებული ნაწილია. სუფრაზე 7 სხვადასხვა კერძი უნდა იდოს. მათი სახელწოდებები აუცილებლად ასო-ბგერა “ს”-თი უნდა იწყებოდეს. მაგალითად: საზბი (მწვანილი), სირ (ბოლოკი), სუმახ (წითელი კოწახური), სერკე (ძმარი), სენჯიდ (ზეთისხილი), სიპანდ (რუთის თესლი), სებ (ვაშლი). სადღესასწაულო სუფრას უწოდებენ “ხაფტ-სინ”-ს, ანუ შვიდი – “ს”. ცენტრალური კერძები, რომლებიც “ხაფტ-სინ”-ში არ შედის: სუმალიაკი, ხალიმი და ფლავი.#ნოვრუზბაირამი #ტრადიცია #ახალიწელი #marneulidaily
TV Imedi
Tbilisi, Georgia · 1 month ago
ყალბი ახალი ამბები, რომელიც საზოგადოების დიდმა ნაწილმა დაიჯერა - 18/05
ყალბი ახალი ამბები, რომელიც საზოგადოების დიდმა ნაწილმა დაიჯერა - 18/05
ყალბი ახალი ამბები, რომელიც საზოგადოების დიდმა ნაწილმა დაიჯერა - 18/05
ყალბი ახალი ამბები, რომელიც საზოგადოების დიდმა ნაწილმა დაიჯერა - 18/05
Headline
Dedoplis Tskaro, Georgia · 3 months ago
შეერთებულ შტატებში ყველაზე რთული კვირისთვის ემზადებიან
“სამწუხაროდ ეს იქნება ძალიან რთული პერიოდი უმარავი სიკვდილით. „დანამდვილებით შემიძლია ვთქვა, რომ აქამდე არ გვინახავს მსგავსი ციფრები, შეიძლება პირველი, ან მეორე მსოფლიო ომის დროს“,_ განუცხადა პრეზიდენტმა დონალდ ტრამპმა თეთრ სახლში შეკრებილ ჟურნალისტებს. „ შემდეგი კვირა იქნება ჩვენი პერლ ჰარბორი და „9/11“, ყველაზე რთული მომენტი მრავალი ამერიკელის ცხოვრებაში. მინდა ამერიკელებმა გაიგონ, რომ ვირუსი არ ჩერდება და თანდათანობით მთელ ქვეყანას ედება“,_ აცხადებს ამერიკელი გენერალი და სამხედრო ქირურგი ჯერომ ადამსი. პრეზიდენტს არ დაუზუსტებია, თუ რამდენი ადამიანი შეძლება დაიღუპოს პიკის პერიოდში. სტატია ნათარგმნია „BBC”-ის ოფიციალური ვებ-გვერდიდან.#კორონავირუსი #აშშ #პანდემია #headline
Headline
Tbilisi, Georgia · 3 months ago
ნიუ იორკში ცუდი ამბებია
ნიუ იორკში, რომელმაც ყველაზე მძიმე დარტყმა მიიღო ამერიკის შეერთებულ შტატებში, ერთ დღეში კორონავირუსით რეკორდული რაოდენობის, 779 ადამიანი გარდაიცვალა. ჯამში ნიუ იორკის შტატში ვირუსით დაღუპულთა რაოდენობა 6,268 -ს აღწევს. გუბერნატორი ენდრიუ კუომო აღნიშნავს, რომ შტატმა კორონავირუსისგან იმაზე ორჯერ მეტი ადამიანი დაკარგა ვიდრე 2001 წლის 11 სექტემბერის ტერაქტის დროს. ნიუ იორკის შტატის გუბერნატორმა ასევე ისაუბრა გარდაცვლილთა შორის გადანაწილებაზე. ოთხშაბათს გამოტანილი სტატისტიკის თანახმად , ნიუ იორკის მოსახლეობიდან, შავკანიანი და ესპანურად მოსაუბრე ორჯერ მეტი ადამიანი იღუპება, ვიდრე თეთრკანიანი. მისი თქმით, მეტი მონაცემებია საჭირო იმის დასადგენად, თუ რატომ არის დაავადებულთა რიცხვში ფერადკანიანი, ესპანურ ენოვანი და ღარიბი ნიუ იორკელები, განსაკუთრებულად დაზარალდნენ. ”როგორც ჩანს, მძიმე დღეები ღარიბ ხალხს ყოველთვის უფრო ძვირად უჯდებათ” - თქვა ბ-ნ კუომომ. წყარო - New York Times#headline #nytimes #coronavirus #news United States
Marneuli Daily
Kachaghani, Georgia · 2 months ago
სოფელ მარადისში, ერთი ოჯახის ექვსი წევრი Covid -19 -ით არის ინფიცირებული.
10 პრილს, სოფელ მარადისში , 49 წლის ქალს დაუდგინეს კორონავირუსი. ამ მომენტში ქალის ოჯახის 6 წევრი კოვიდ-19 -ით ინფიცირებულია. მერიაში აცხადებენ, რომ ყველა კონტაქტი მოძიებულია და სოფელი თვითიზოლაციაში იმყოფება. „პატარა სოფელია მარადისი. გამომდინარე ინფიცირებული ადამიანის კონტაქტებიდან, შეგვიძლია ვთქვათ, რომ მთლიანად სოფელი იმყოფება თითქმის სრულ თვითიზოლაციაში“ - გამოაცხადა რადიო "მარნეულთან" საუბრისას მარნეულის მერის მოადგილემ, ლაშა ლობჯანიძემ#კორონავირუსი #მარნეული #marneulidaily
Tbilisi Daily
Kutaisi, Georgia · 2 months ago
როდიდან ელოდებიან სპეციალისტები კორონავირუსით ინფიცირების ახალი შემთხვევების პიკს საქართველოში?
ბოლო რამდენიმე დღეა, საქართველოში კორონავირუსით ინფიცირების მცირე შემთხვევები ფიქსირდება, თუმცა ეს არ ნიშნავს, რომ აღნიშნული ტენდენცია შენარჩუნდება. შემთხვევების მატება კვლავ მოსალოდნელია. აპრილის ბოლოს და მაისის დასაწყისში შესაძლოა, შემთხვევების მაქსიმალური რაოდენობა დაფიქსირდეს. ამის შესახებ განცხადებას, დაავადებათა კონტროლისა და საზოგადოებრივი ჯანმრთელობის ეროვნული ცენტრის (NCDC), საზოგადოებრივი ჯანმრთელობის რისკებზე მზადყოფნისა და რეაგირების სამმართველოს უფროსი ანა კასრაძე აკეთებს. ,,კვლავ ველოდებით შემთხვევების მატებას. მოგეხსენებათ, რომ რამდენიმე დღესასწაული იყო, რამაც ადამიანებს შეკრების მიზეზი მისცათ. ვხედავთ, რომ თავშეყრას აგრძელებენ და დიდი მადლობა, ვინც ამას არ აკეთებს და თავს იკავებს, საკმაოდ რთულია ამ დროს არ შეიკრიბო და არ ნახო ოჯახის წევრები, თუმცა მადლობა მათ ამისთვის. ამის შედეგს ჩვენ ორი კვირის განმავლობაში ვნახავთ. ვფიქრობთ, რომ შემთხვევების მატება იქნება. შეიძლება იყოს 30 და მეტი შემთხვევაც. ჩვენ უკვე გრაფიკზე ვხედავთ, რომ გვაქვს შემთხვევების მატება. გუშინდელ და გუშინწინდელ დღეს არ ვგულისმხობ, და მოლოდინია, რომ აპრილის ბოლოს და მაისის დასაწყისში ჩვენ შესაძლოა, შემთხვევების მაქსიმალური რაოდენობა გვქონდეს, რამაც შესაძლოა, პიკზე მიუთითოს და ამ დღეებში მცირე რიცხვი დამშვიდების საშუალებას არ გვაძლევს“ , – განაცხადა ანა კასრაძემ.#კორონავირუსი #პანდემია #ინფიცირებულები #tbilisidaily
Headline
Dedoplis Tskaro, Georgia · 3 months ago
ნიუ-იორკის სკოლები “Zoom”-ს აღარ გამოიყენებენ
ნიუ-იორკის განათლების დეპარტამენტი სკოლებს მოუწოდებს, რომ “Zoom”-ის გმოყენება რაც შეიძლება მალე შეწყვიტონ. „ჩვენ გადაწყვეტილებებს ვიღებთ ჩვენი პერსონალისა და მოსწავლეების ინტერესებიდან გამომდინარე“,_ განაცხადა დეპარტამენტის პრეს-სპიკერმა დანიელე ფილსონმა. დანიელემ ასევე აღნიშნა, რომ სკოლები დისტანციური სწავლებისათვის „Mircosoft Team”-ს გამოიყენებენ, რომელიც აკმაყოფილებს შესაბამის უსაფრთხოების სტანდარტებს. ფედერალურმა ოფიცრებმა უკვე დაიწყეს ხალხის ინფორმირება პოტენციური საფრთხის „Zoombombing” -ის შესახებ. საქმე იმაშია, რომ უამრავი მომხარებელი უკვე გახდა მრავალი სახის კიბერ შევიწროების მსხვერპლი. ისინი აცხადებენ, რომ მათ ზარებს ისმენდნენ დაუდგენელი პირები, რომლებიც გამოირჩეოდნენ სიძულვილის ენით. „Zoom”-ის ოფიციალურმა წარმომადგენლებმა ბოდიში მოუხადეს საზოგადოებას აღნიშნულ საკითხთან დაკავშირებით და განაცხადეს, რომ პრობლემის აღმოფხვრისათვის თავდაუზოგავად მუშაობენ. შეგახსენებთ, რომ 20 ქვეყნის 90,000-ზე მეტი სასწავლო დაწესებულება აქტიურად იყენებს „Zoom”-ს ონლაინ გაკვეთილებისათვის. სტატია ნათარგმნია “CNN”-ის ოფიციალური ვებ-გვერდიდან.#კორონავირუსი #zoom #cnn #headline
Tbilisi Daily
Tbilisi, Georgia · 3 weeks ago
კურტ ვოლკერი - ხალხი 20 ივნისს ვერ დაივიწყებს
იმის ფონზე, რომ 2019 წლის 20 ივნისის შემდეგ 1 წელი გავიდა, საინტერესოა, თუ როგორ აფასებს დასავლეთი საქართველოში განვითარებულ მოვლენებს ამ ერთი წლის განმავლობაში და რა მოლოდინი აქვს ამჟამად ოქტომბერში ჩასატარებელი საპარლამენტო არჩევნების მიმართ. ამერიკელი დიპლომატი, აშშ-ის პრეზიდენტის ყოფილი სპეციალური წარმომადგენელი უკრაინაში და ყოფილი წარმომადგენელი ნატო-ში, კურტ ვოლკერი, „ინტერპრესნიუსს“ საქართველოში 20 ივნისის შემდგომ დამდგარ ცვლილებებზე, დასავლეთსა და საქართველოს შორის ურთიერთობებზე, ნატო-ში შესაძლო გაწევრიანებასა და სხვა აქტუალურ საკითხებზე ექსკლუზიურად ესაუბრა. - ზუსტად ერთი წლის წინ, 20 ივნისს, რუსი დეპუტატი, სერგეი გავრილოვი საქართველოს პარლამენტის თავმჯდომარის სავარძელში ჩაჯდა. აღნიშნულის გამო საპროტესტო აქციის მონაწილეებისადმი მთავრობამ ცრემლსადენი გაზი და რეზინის ტყვიები გამოიყენა. როგორ ფიქრობთ, რა შეიცვალა ამ ერთი წლის განმავლობაში, რა შედეგები მოიტანა ამ ღამემ და მომდევნო საპორტესტო აქციებმა? - პირველ რიგში, ტრაგედიაა, რომ თავდაპირველად მშვიდობიანი პროტესტი უფრო ძალადობრივში გადაიზარდა, ერთი მხრივ, პარლამენტზე შტურმის მცდელობების გამო, მეორე მხრივ იმის გამო, რომ პოლიციამ ძალადობრივი რეაგირება მოახდინა და ხალხს პირდაპირ ესროლა რეზინის ტყვიები. ეს ტრაგედიაა, რადგან საქართველოსადმი რუსეთის აგრესია, ტერიტორიის ნაწილის ოკუპაცია, დუმის იმ წევრების მოქმედებებიც - ეს ყველაფერი ისეთი რამაა, რაც ყველა ქართველს გააერთიანებდა. თითოეული ქართველი თანხმდება, რომ ეს მიუღებელია და რუსეთის აგრესიის წინაშე ისინი ერთად უნდა იდგნენ. ფაქტი, რომ ეს ყველაფერი უფრო გადაიზარდა მთავრობასა და პროტესტის მონაწილეთა შორის დაპირისპირებაში, დასანანია, ეს ტრაგედიაა და სწორედ ამან გაუხსნა გზა შემდგომ პროტესტსა და დემონსტრაციებს, რომელიც უფრო მთავრობის წინააღმდეგ მიმართა, ვიდრე - რუსების წინააღმდეგ. საბოლოო ჯამში, სერიოზული დანაკარგი განიცადეს იმ ადამიანებმა, ვინც დემონსტრაიცების დროს დაკარგეს მხედველობა ან დაიჭრნენ. ხალხი ამას ვერ დაივიწყებს. მაგრამ ამ ყველაფერში ნათელი წერტილი ისაა, რომ გზა გაეხსნა მნიშვნელოვან რეფორმებს. თავიდან, მთავრობამ საარჩევნო სისტემის რეფორმირების პირობა დადო, შემდეგ ცოტა უკან დაიხიეს, მაგრამ 8 მარტის შეთანხმების საფუძველზე, არსებობს მთავრობასა და ოპოზიციას შორის საარჩევნო სისტემასთან და ოქტომბერში თავისუფალი და სამართლიანი არჩევნების ჩატარებასთან დაკავშირებით მორიგების საფუძველი. ეს არსებითად მნიშვნელოვანია. ვფიქრობ, ახლა ორივე მხარემ ერთგულად უნდა სცეს პატივი ამ შეთანხმებას. - ყოველ ჯერზე, როდესაც დასავლელი თანამდებობის პირები საქართველოში მიმდინარე მოვლენებზე საუბრობენ, უფრო და უფრო მკაცრ ტონს იყენებენ. 13 კონკრესმენის ანგარიშში ვკითხულობთ: „ბიძინა ივანიშვილი, საქართველოში უმდიდრესი ადამიანი, პუტინის ახლო მოკავშირეა და რუსეთის სასარგებლოდ საქართველოს დესტაბილიზაციაშია ჩართული“. თქვენ გეჩვენებათ, რომ ის და საქართველოს მთავრობა ისეთ გადაწყვეტილებებს იღებენ, რაც რუსეთისთვის სასურველი იქნებოდა? - ამ ანგარიშის ავტორებს ვესაუბრე, ვიტყოდი, რომ დოკუმენტს ქართველმა ხალხმა ყურადღება უნდა მიაქციოს, რადგან ის რამდენიმე რესპუბლიკელი კონგრესმენის მოსაზრებას გამოხატავს, თუმცა არ გამოხატავს მთლიანი კონგრესის მოსაზრებებს და არ ველოდები, რომ კანონმდებლობაში გადაიზრდება. ამას გარდა, ანგარიშში რამდენიმე შეცდომაცაა. აშკარაა, რომ ივანიშვილი საქართველოში არსებითად მნიშვნელოვანი და ძლიერი მოთამაშეა, მაგრამ ჩემი აზრით, ის ბევრად დამოუკიდებელია მოქმედებებში, ვიდრე ანგარიშში მოხსენიებული მეორე ადამიანი, - მედვედჩუკი, რომელიც უკრაინაში პარლამენტარია, პუტინი მისი შვილების ნათლიაა და ის უკრაინაში მართლაც წარმოადგენს პუტინის ინტერესებს. ჩემი აზრით, ივანიშვილისა და მედვედჩუკის როლები არ უნდა შევადაროთ. - რესპუბლიკელმა კონგრესმენმა, დონ ბეიკონმა დოკუმენტთან დაკავშირებით კომენტარი გააკეთა და თქვა, რომ მას ანგარიშის ამ ნაწილის შედგენაში მონაწილეობა არ მიუღია და ამაზე ტექნიკურმა ექსპერტებმა იმუშავეს. რამდენად არიან ჩართულნი ექსპერტები მსგავსი დოკუმენტების შედგენაში და ხომ არ ნიშნავს ბეიკონის განცხადება იმას, რომ ხელმომწერი კონგრესმენები შესაძლებელია, შინაარსს არ ეთანხმებოდნენ? - კონგრესსა და სენატში ყველა ანგარიში თანამშრომლების მიერ იწერება, ისინი ამისთვის მუშაობენ: კონგრესმენებისთვის, კომიტეტებისთვის, ყველაფერს შტატის თანამშრომლები ამზადებენ - ესენი არიან ის ექსპერტები, რომლებზეც ვსაუბრობთ. მეორე მხრივ, მხოლოდ ის, რომ გამოდის ანგარიში, რომელსაც კონგრესმენები თუ სენატორები აწერს ხელს, არ ნიშნავს, რომ ისინი ყოველ სიტყვას ადასტურებენ. ეს გრძელი დოკუმენტია რესპუბლიკელების ეროვნული უსაფრთხოების სტრატეგიის შესახებ და მათ სურდათ, შეეჯერებინათ რუსეთის მიმართ საკმაოდ მძლავრი ისეთი პოზიცია, რომელიც ასევე, მსოფლიოში ამერიკული ლიდერობის ძლიერ როლს დაამტკიცებდა - ამის გაკეთებას ცდილობდა დოკუმენტი. მის იგნორირებას არ მოვახდენდი მხოლოდ იმიტომ, რომ, როგორც აღვნიშნე, კონგრესის წევრების ნაწილის აზრს გამოხატავს, მაგრამ არ ველოდები, რომ ის რაიმე კანონმდებლობაში გადაითარგმნება. - ამასთან დაკავშირებით აშშ-ს ელჩმა საქართველოში, კელი დეგნანმა განაცხადა, რომ ეს არ არის აშშ-ს ოფიციალური პოზიცია, თუმცა ზოგადად, სხვადასხვა წერილისა და განცხადების საფუძველზე, რომელსაც კონგრესის თუ ევროპარლამენტის წევრები აკეთებენ, იქმნება შთაბეჭდილება, რომ ბოლო დროს დასავლეთის ნდობა საქართველოსადმი შემცირდა. ეთანხმებით თუ არა ამ მოსაზრებას და რას ფიქრობთ, რა იყო მთავარი მომენტი თუ საკითხი, რომლის გამოც მათ შეშფოთების უფრო და უფრო მკაცრად გამოხატვა დაიწყეს? - ამას შემოვაბრუნებდი და ვიტყოდი, რომ ჩემი აზრით, რასაც აშშ-დან და ევროპიდან ვხედავთ, ეს საქართველოს დიდი ერთგულება და მისწრაფებაა. ადამიანები საქართველოს მხარს უჭერენ, სურთ, რომ მან, როგორც ქვეყანამ, პოლიტიკურად და ეკონომიკურად წარმატებას მიაღწიოს, მხარს უჭერენ საქართველოს უსაფრთხოებას. საპარლამენტო არჩევნები, რომელიც ოქტომბერში ჩატარდება, ქვეყნისთვის და საქართველოს ურთიერთობისთვის დასავლეთთან უკიდურესად მნიშვნელოვანია. ვფიქრობ, რომ შეშფოთება იმ იმედისა და მისწრაფების გამო გამოიხატება, რომ საქართველო ნამდვილად იყოს წარმატებული. რატომ - ახლა უფრო მეტად? ვიტყოდი, როგორც ჩვენი დიალოგის დასაწყისში აღნიშნეთ, გასული ზაფხულის საპროტესტო აქციების შედეგად, ნამდვილი აფეთქება მოხდა მთავრობასა და ოპოზიციას შორის და ეს ყველაფერი თითქოს გადაწყვეტილების მიღებისკენ, კანონმდებლობისკენ მიდიოდა. შემდეგ ეს ჩაიშალა, თუმცა შემდეგ, 8 მარტის შეთანხმებით, თითქოს ისევ შესაძლებელი გახდა. არსებობს შეგრძნება, რომ ახლა კრიტიკულად მნიშვნელოვნია, როგორც მთავრობამ, ისე ოპოზიციამ, ამ შეთანხმებას მისდიოს, გააუმჯობესოს საარჩევნო სისტემა, მთლიანად მიიღოს მონაწილეობა საქართველოს დემოკრატიაში და არჩევნები წარმატებად აქციოს. - თუ იქნება შთაბეჭდილება, რომ წინასაარჩევნო და საარჩევნო პროცესი არ წარიმართა დასავლური სტანდარტების შესაბამისად, რა მოლოდინი შეიძლება ჰქონდეს საქართველოს მთავრობას - უფრო მკაცრი განცხადებები თუ ზომები, მაგალითად, სანქციები? - ვფიქრობ, აღმოაჩენთ, რომ საქართველო შანსს გაუშვებს ხელიდან, რაც ქართველი ხალხისთვის ტრაგიკული იქნება. საქართველოსთვის არსებობს შესაძლებლობა, გააძლიეროს ურთიერთობები ევროკავშირთან, ნატოსთან, აშშ-სთან, ქვეყანა ამ ტრაექტორიაზე ბევრი წლის განმავლობაში, სხვადასხვა ადმინისტრაციის პირობებში იდგა. თუმცა ვფიქრობ, საქართველო დგას რისკის წინაშე, რომ გარე პირები შეხედავენ ქვეყანას და იტყვიან, აჰა, საქართველო მზად არაა, არაა ჩამოყალიბებული დემოკრატია, ნატო-სთვის და ევროკავშირისთვის მზად არ არიან. შედეგად, ამ ქვეყნებისა და ინსტიტუციებისთვის არ იარსებებს იმის სტიმული და მიზეზი, რომ საქართველოსთან ურთიერთობების გაფართოება განაგრძონ. შესაბამისად, ეს ხელიდან გაშვებული დიდი შანსი იქნება. - საქართველოს მთავრობა ხაზს უსვამს, რომ ქვეყანაში პოლიტიკური პატიმრები არ არიან, თუმცა ამას არ ეთანხმება ოპოზიცია. აღნიშნული ტერმინი დასავლეთისგანაც მოვისმინეთ. რას ფიქრობთ - გვყავს თუ არა პოლიტიკური პატიმრები? - ვიცი, რომ სწორედ ესაა მთავრობასა და ოპოზიციას შორის უთანხმოების მიზეზი. მთავრობა ამბობს, რომ ერთი პოლიტიკური პატიმარიც არ არსებობს, ოპოზიცია ამბობს, რომ კი, რა თქმა უნდა, არიან, მთავრობა, მიუხედავად უარყოფისა, ციხიდან უშვებს ამ ადამიანებს და თანაც უარჰყოფს, რომ ისინი პოლიტიკური პატიმრები არიან. შესაბამისად, მესმის ის ბუნდოვანება, რომელთანაც ხალხს აქვს საქმე. ვფიქრობ, მნიშვნელოვანია, რომ სასამართლო სისტემა სამართლიანი და მიუკერძოებელი იყოს, კანონის უზენაესობის თანახმად იმოქმედოს და არ იყოს გამოყენებული, როგორც პოლიტიკური საშუალება. საქართველოში ყველამ, როგორც მთავრობამ, ისე ოპოზიციამ, ხელახლა უნდა დაადასტუროს ერთგულება სასამართლოს მიუკერძოებლობის და პოლიტიკური მიზნებისთვის მისი არგამოყენების მიმართ. - თებერვალში აგვისტოს ომის შესახებ თქვენი კომენტარის სწორი ვერსია გამოაქვეყნეთ, სადაც ეწერა, რომ პუტინს საქართველოს ტრანსატლანტიკური ინტეგრაციის დაბლოკვა უნდოდა, ის რიტორიკამ გააბრაზა, თუმცა რუსულ აგრესიას საკუთარი მიზეზები ჰქონდა. ფიქრობთ, რომ ეს მიზეზები ახლაც იგივე რჩება, თუ ოდნავ მაინც შეიცვალა? ან, შეიცვალა საშუალებები და მათ აღარ სჭირდებათ საქართველოს ტერიტორიების ოკუპირება საკუთარი მიზნების მისაღწევად? - ეს არაჩვეულებრივი კითხვაა. მე ვფიქრობ, რომ რუსები საქართველოს ტერიტორიის ოკუპაციით ვერანაირ მიზნებს ვერ აღწევენ. ეს რუსეთისთვის ძვირადღირებულია, შექმნა ტერიტორიები, რომელსაც სახელმწიფოებს ეძახის და რაც საქართველოსთვის დამანგრეველია. თუმცა, ეს საქართველოს არ აჩერებს, არ აჩერებს სისტემას პოლიტიკურად, მის სიცოცხლისუნარიან დემოკრატიას, არ აჩერებს მის ურთიერთობებს ევროპასთან. ჩემი აზრით, ნატომ უნდა გაუხსნას კარი საქართველოს, მაშინაც კი, სანამ მისი ტერიტორიები ოკუპირებულია, ტერიტორიებთან დაკავშირებით ძალის არგამოყენების პირობით, ტერიტორიების მშვიდობიანი ინტეგრაციის მხარდაჭერით. მეორე მხრივ, ოკუპაციის მიმართ პუტინის თუ რუსეთის პოზიციაში ვერანაირ ცვლილებას ვერ ვხედავ, ეს ეხება საქართველოსაც, უკრაინასაც, მოლდოვასაც. რუსეთი ისევ ცდილობს, ამ ტერიტორიების ოკუპაცია გამოიყენოს, რათა აღნიშნულ ქვეყნებზე წნეხი მოახდინოს და დისტანცია გააჩინოს მათ და დანარჩენ ევროპას შორის. ჩემი აზრით, ეს არ მუშაობს, მაგრამ რუსეთის პოლიტიკა მაინც ასეთია. - სხვა საშუალებებში ვგულისხმობდი, მაგალითად, ჰიბრიდულ ომსაც... - დიახ, ვფიქრობ, თუ შევადარებთ იმას, რაც მოხდა 2008 წელს, როცა რუსეთის რეგულარული შეიარაღებული ძალები საქართველოს ტერიტორიაზე გადმოდიოდნენ, იმასთან, რაც უკრანიაში მოხდა, ეს უკანასკნელი უფრო რბილი იყო. მათ სპეციალური ძალები და დაზვერვის ძალები გამოიყენეს, მოხალისე პერსონალი, აგენტები, რათა ტერიტორიები ჩაეგდოთ ხელში, შემდეგ უბრალოდ, რეგულარული შეიარაღებული ძალებით გააძლიერეს იქ, სადაც საჭირო იყო, შიგნით შექმნეს მარიონეტი სახელმწიფოები და ორგანოები, რათა შემდგომ დამოუკიდებლობა ყოფილიყო მოთხოვნილი და პასუხისმგებლობის უარყოფის საშუალება ჰქონოდათ. ასე რომ, ვფიქრობ, რუსეთის ტაქტიკა ჰიბრიდული ომის უფრო ეფექტურ გამოყენებაში დაიხვეწა, თუმცა, პოლიტიკა იგივე დარჩა. - ერთ თქვენს განცხადებაში აღნიშნეთ, რომ 2008 წელს, პარტნიორებს ნატო-ში შესთავაზეთ დეკლარაციის მიღება, რომლითაც ომი საშინელ ტრაგედიად შეფასდებოდა და რომელშიც ცეცხლის შეწყვეტის მხარდაჭერა გამოიხატება, თუმცა თქვენმა ევროპელმა კოლეგებმა იდეას მხარი არ დაუჭირეს და თქვეს, რომ მათი ლიდერები შვებულებაში იყვნენ. ზოგადად, ნატო ყოველთვის აღნიშნავს, რომ ჩვენ წევრობას მაშინ მივიღებთ, როცა მზად ვიქნებით. მაგრამ ზოგი თვლის, რომ უკვე მზად ვართ. საერთოდ, რას ნიშნავს „მზადყოფნა“ და აქვს თუ არა საქართველოს ძალა მზადყოფნის დემონსტრირებისთვის? თუ შესაბამისი მომენტის დადგომა სხვა აქტორებზეცაა დამოკიდებული, საქართველოსა და ნატოს გარდა? - პირველ რიგში, რა არის „მზად“? - ნატო, წლების განმავლობაში, იცავდა დემოკრატიის სტანდარტებს, თავისუფალ და სამართლიან არჩევნებს, საბაზრო ეკონომიკას, კანონის უზენაესობას, სამხედრო სამსახურის სამოქალაქო კონტროლს, ნატოს-თან თავსებადობას, ევროპის უსაფრთხოებაში შეტანილ წვლილს, მეზობლებთან კარგ ურთიერთობას და ა.შ. ეს დიდი ხნის განმავლობაში ასე იყო. ამ დროისთვის, საქართველოს იმაზე მეტი აქვს გაკეთებული, ვიდრე ნატო-ს წევრობის რომელიმე სხვა კანდიდატს. ასე რომ, როცა იტყვიან, როგორია აქ დემოკრატია, როგორია საბაზრო ეკონომიკა, საქართველო განსაკუთრებულად კარგად გამოიყურება. ეს ნატო-ს აყენებს პოზიციაში, თავად ნატო თუა მზად. ნატო გადაწყვეტილებებს მხოლოდ ყველა წევრი ქვეყნის კონსენსუსის საფუძველზე იღებს. საქართველოს თუ წევრად მიიწვევენ, ეს ნატო-ს თითოეული წევრის თანხმობას მოითხოვს. დღეს ნატო-ში ასეთი თანხმობა არ არსებობს, რამდენიმე ქვეყანაა, რომელიც რუსეთის გამოა შეშფოთებული, ზოგი მაგალითად, არჩევნებზე მიუთითებს, ვნახოთ, რამდენად თავისუფალი და სამართლიანი არჩევნები იქნებაო, მიუთითებენ სასამართლოს პოლიტიზირებაზე და ამბობენ, ამასთან დაკავშირებით მთლად დარწმუნებულები არ ვართო. ნატო-ს პოლიტიკიდან გამომდინარე ვფიქრობ, რომ საქართველომ ყველაფერი გააკეთა, რისი გაკეთებაც იყო საჭირო, საქართველოში მცხოვრები ხალხის უსაფრთხოებას დაუყოვნებელი საფრთხე ემუქრება, რისადმი გამკლავებაშიც ისინი ძალიან მომთმენები იყვნენ, და მათ მხარდაჭერა სჭირდებათ. ვფიქრობ, საქართველო ნამდვილადაა მზად, ალიანსის წევრად მიიწვიონ, და არსებობს ის გზები, რომელთა მეშვეობითაც საქართველოზე რუსეთის წნეხის მართვა შესაძლებელი იქნება იმგვარად, რომ არანაირი სამხედრო კონფლიქტი არ მოხდეს. შესაბამისად, ჩემი აზრით, დროა, ნატო-მ ამ საკითხს ახალი თვალით შეხედოს. - ფიქრობთ, რომ ამერიკულ ინვესტიციებს საქართველოში საფრთხე ემუქრება, მას შემდეგ, რაც მთავრობამ „ანაკლიის განვითარების კონსორციუმთან“ კონტრაქტი შეაჩერა, და როგორ შეაფასებდით მომხდარს ზოგადად? - ჩემი აზრით, გვაქვს ერთგვარი ატმოსფერო ან იმიჯი ინვესტორებს შორის, რომ ისინი საქართველოში ინვესტიციების ჩადებასთან დაკავშირებით დარწმუნებულები არ არიან. ეს არ ნიშნავს, რომ ინვესტიციები შეჩერდა, თუმცა ჩემი აზრით, ბევრი დეზინფორმაცია თუ გაუგებრობაა ამ ყველაფრის გარშემო. ანაკლიის გარშემო ბევრი საკითხი ტრიალებდა და ის ამერიკელი ინვესტორებისგან არ ჩამოურთმევიათ, არამედ, ეს კერძო კონსორციუმსა და მთავრობას შორის იყო დავა ფინანსირებასთან დაკავშირებით. საბოლოოდ, კერძო კონსორციუმმა ფინანსირება ვერ მოახერხა, მთავრობამ კი პროექტს მხარი ალბათ, ისე ძლიერ არ დაუჭირა, როგორც ამას კონსორციუმი ელოდა. მაგრამ არ ვფიქრობ, რომ თავად ესაა ინვესტორებისთვის შემაშფოთებელი. შეგვიძლია სხვა მაგალითები მოვიყვანოთ, მაგალითად, როდესაც ინვესტორებმა იფიქრეს, რომ სასამართლოები არც ისე სანდო წყარო იყო ბიზნეს დავების განხილვის კუთხით. ჩემი აზრით, ინვესტორებს შორის უფრო მეტი ნდობა უნდა იყოს სასამართლო სისტემის და კანონის უზენაესობის მიმართ, რათა მათი მოზიდვა მოხდეს. საქართველო სწორ გზას ადგას და განსაკუთრებით კარგად მიიწევს წინ, განსაკუთრებით, ნატო-ს წევრობის მსურველ სხვა ქვეყნებთან შედარებით, მაგრამ ყოველთვის უფრო მეტია გასაკეთებელი. განსაკუთრებით, ახლა, კორონავირუსის შემდეგ, როდესაც ეკონომიკას უფრო სწრაფი ზრდა სჭირდება, ვიდრე ამჟამად იზრდება. ვფიქრობ, უცხოელი ინვესტიციების მოზიდვა ახლა ქვეყნისთვის უმთავრესი პრიორიტეტი უნდა იყოს. - გვახსოვს, რომ თქვენ არსებით როლს ასრულებდით აშშ-ს პრეზიდენტის, დონალდ ტრამპის იმპიჩმენტის პროცესში. ახლა რისი თქმა შეგიძლიათ მისი დამოკიდებულების შესახებ უკანასკნელი მოვლენებისადმი, როგორიცაა კორონავირუსი და ქვეყანაში არსებული სიტუაცია, რომელიც ჯორჯ ფლოიდის სიკვდილის შემდეგ განვითარდა - თქვენი აზრით, რა გავლენას მოახდენს ეს ყველაფერი მის წინასაარჩევნო და საარჩევნო წარმატებაზე? - ჩემი აზრით, ყველაფერი, რაც მარტამდე რჩებოდა, დიდწილად, დავიწყებას მიეცა. ვფიქრობ, იმპიჩმენტს ან მანამდე რაიმე სხვა შემთხვევას გრძელვადიანი გავლენა არ მოუხდენია და სინამდვილეში, ისინი აღარავის ახსოვს. ჩემი აზრით, სამი საკითხია, რამაც პრეზიდენტ ტრამპის პრეზიდენტობის ვადა უნდა განსაზღვროს. ამ სამიდან პირველი თავად კორონავირუსია, თუ რამდენად აირიდებს თავიდან მეორე, ინფექციის დიდ ტალღას; მეორე საკითხი ეკონომიკაა, რამდენად სწრაფად და მძლავრად აღდგება ეკონომიკა; მესამეა სამართლიანობის შეგრძნების დანერგვა, ჯორჯ ფლოიდის მკვლელობისა და ქვეყანაში საპროტესტო აქციების შემდეგ. თუ პრეზიდენტი ტრამპი სამივეს - დაავადების, ეკონომიკისა და სამართლიანობის შეგრძნების მართვას მოახერხებს, ვფიქრობ, ხელახლა არჩევის კარგი შანსი ექნება. მეორე მხრივ, თუ საჯაროდ სამიდან ერთი მაინც წარუმატებელი გამოჩნდება, ხელახლა არჩევისკენ მიმართული მისი ძალისხმევები რისკის ქვეშ იქნება და პირიქით, ხელს ყოფილ ვიცე პრეზიდენტს, ბაიდენს უფრო შეუწყობს. ინტერპრესნიუსი
Headline
Tbilisi, Georgia · 3 months ago
ჩერნობილის რადიოაქტიურ ზონაში ხანძარია
გამომცემლობა „დოიჩე ველე“ ავრცელებს ინფორმაციას , რომ ჩერნობილის რადიოაქტიური სადგურის მიმდებარე ტერიტორიაზე ხანძარია. ცეცხლი სავარაუდოდ მწვანე საფარს მოეკიდა. გამოცემის ცნობით ხანძრის გამომწვევი მიზეზები უცნობია. მის ჩაქრობას 90 მდე მეხანძრე ცდილობს. ჯერჯერობით ხანძარი ლიკვიდირებული არ არის. ეს ტერიტორია 1986 წლის ავარიის დროს დაბინძურდა და დღესაც რადიაციულად საშიშ ზონად ითვლება. წყარო-გამოცემა “დოიჩეველე”#ჩერნობილი #რადიაცია #Wordpress #Headline
Tbilisi Daily
Tbilisi, Georgia · 2 months ago
პირველი მაისი - ,,საბჭოთა დღესასწაულიდან” პროტესტისა და სოლიდარობის დღემდე
დღეს, 1 მაისს, მსოფლიოს არაერთი ქვეყანა და, მათ შორის, საქართველოც მშრომელთა საერთაშორისო დღეს აღნიშნავს. წლევანდელო პირველმაისობა ჩვენს ქვეყანაში უჩვეულო ფორმატში ჩატარდა - კორონავირუსის პანდემიის გამო ტრადიციული მასშტაბური გამოსვლის ორგანიზება შეუძლებელი გახდა, სწორედ ამიტომ საქართველოს პროფკავშირების წარმომადგენლებმა, ასევე, სხვადასხვა რეგიონსა და ეკონომიკურ სექტორში დასაქმებულმა ადამიანებმა ონლაინ მანიფესტით გააპროტესტეს შრომის უფლებებთან დაკავშირებული პრობლემები და ამხილეს სისტემა. ,,შრომითი ბაზრის ძირითადი ინგრედიენტი არის დაინფიცირებული ღამურა, რომლითაც დასაქმებულებს უწამლავენ სიცოცხლეს,” - განაცხადა ონლაინ პროტესტის დროს საქართველოს პროფკავშირების გაერთიანების თავმჯდომარემ, ირაკლი პეტრიაშვილმა. პროფკავშირების წარმომადგენლებმა და დასაქმებულებმა ყურადღება გაამახვილეს ისეთ პრობლემებზე, როგორიცაა 8 საათიანი სამუშაო დღის იგნორირება, ადეკვატური საარსებო მინიმუმისა და მისი ტოლფასი მინიმალური ხელფასის არარსებობა, უმუშევრობის შემწეობის არარსებობა, სოციალური დაზღვევის სისტემის ნგრევა, საბაზრო ფუნდამენტალიზმი, პირველადი სექტორების, მათ შორის სამედიცინო სექტორის პრივატიზება, სოციალური პასუხისმგებლობისგან დაცლილი ბიზნესსექტორი, განადგურებული ეროვნული წარმოება და ა.შ დასაქმებულები კვლავაც მოითხოვენ ღირსეულ სამუშაო ადგილებს, ღირსეულ ხელფასსა და სოციალური დაცვის რეალურ გარანტიებს. რა ვიცით პირველი მაისის ისტორიის შესახებ? მაშინ, როდესაც ჩვენი ქვეყნის დასაქმებულები დღესაც კი 8 საათიან სამუშაო დროს მოითხოვენ, ჯერ კიდევ მე-19 საუკუნის მიწურულს სწორედ ამ მოთხოვნამ დაუდო საფუძველი პირველი მაისის მშრომელთა საერთაშორისო დღედ ქცევას. პირველი მაისის აღნიშვნა 1880–იანი წლების პერიოდს და ამერიკის შეერთებულ შტატებს უკავშირდება.1886 წელს ჩიკაგოში სამუშაო საათების რვა საათამდე შემცირების მოთხოვნით მშრომელთა მასობრივი დემონსტრაცია მიმდინარეობდა, პოლიცია კი მათ დაშლას ცდილობდა. ერთ–ერთმა დემონსტრანტმა პოლიციელების მიმართულებით დინამიტი ისროლა, რის საპასუხოდაც სამართალდამცველებმა ცეცხლი გახსნეს. ჯამში, ათობით ადამიანი დაიღუპა, მათ შორის იყვნენ პოლიციელებიც. ამ მოვლენების გამო სასამართლომ შვიდ ბრალდებულს მიუსაჯა სიკვდილით დასჯა, ერთს კი 15 წლიანი პატიმრობა. სწორედ ამ მოვლენების შემდეგ დაიწყო მშრომელთა საერთაშორისო დღის აღნიშვნა. როგორ აღნიშნავდნენ პირველ მაისს საბჭოთა კავშირში? მემარცხენე ორიენტაციის გამო პირველი მაისი ხშირად გამხდარა სხვადასხვა სოციალისტური, კომუნისტური და ანარქისტული ჯგუფის დემონსტრაციების ეპიცენტრი. ამ დღემ განსაკუთრებული მნიშვნელობა საბჭოშა კავშირში შეიძინა. საბჭოთა კავშირში პირველი მაისი, შეიძლება ითქვას, ,,წითელი კარნავალი“ იყო. დემონსტრაციები წმინდა პროპაგანდისტული ხასიათს ატარებდა და არ ყოფილა მიმართული მშრომელთა სოლიდარობისა და მშრომელთა უფლებების დაცვისკენ. საბჭოთა ეპოქის ადამიანებს კარგად ახსოვთ, თუ როგორ მიერეკებოდნენ წარმოება-დაწესებულებებიდან თუ სკოლებიდან ხალხს - ურიგებდნენ ტრანსფარანტებს, დროშებსა თუ ყვავილებს. მოედანზე შეკრებილებს საბჭოთა ჩინოვნიკები სახელდახელოდ მოწყობილი ტრიბუნიდან ხელს უქნევდნენ. იმართებოდა სახალხო სეირნობა, ქუჩაში გამოდიოდნენ მოცეკვავეები, მომღერლები. ერთი სიტყვით, პირველმაისობა სრულ ზარ-ზეიმში გამოიხატებოდა. ხელისუფლებას ცდილობდა ხალხისთვიის შეეხსენებინა, რომ მათ წითელი არმია უმაგრებდა ზურგს, რომ სოციალისტურ ქვეყნებში ყველაზე ბედნიერი მუშათა კლასი არსებობდა, სადაც არ ირღვეოდა მშრომელთა უფლებები. სწორედ ეს იყო საბჭოთა კავშირის ერთ-ერთი წამყვანი პროპაგანდისტული ხაზი. რეჟიმს დემონსტრაციებზე საზოგადოებისთვის სურდა ეჩვენებინა ამაყი, წელში გამართული საბჭოთა მშრომელი, რომელიც სრულ ჰარმონიაშია სახელმწიფოასთან და კმაყოფილია მისით. მეგალომანიით შეპყრობილი საბჭოთა კავშირი ცდილობდა მითოლოგიზირებული რეალობის შექმნას, რის გამოც მან პირველ მაისს შინაარსი გამოაცალა, საპროტესტო მუხტისგან დაწრიტა და და ეს დღე სტერილური, უშინაარსო გახადა. როგორ აღინიშნება პირველი მაისი საქართველოში დღეს? დამოუკიდებლობის აღდგენის შემდეგ პირველმა მაისმა თანდათან შეძლო პირველსაწყისი შინაარსისა და მნიშვნელობის დაბრუნება. მიუხედავად საბჭოთა კავშირის მიერ შემონახული დამახინჯებული სტერეოტიპებისა, პროფკავშირებისა და სამოქალაქო აქტივისტების ძალისხმევით, პირველი მაისი წითელი რეჟიმის მიერ ხელოვნურად თავსმოხვეული სადღესასწაულო განწყობიდან კვლავ საპროტესტო მუხტზე გადაერთო. ბოლო წლებში 1 მაისს საქართველოში იმართება აქცია-მსვლელობები და მასშტაბური დემონსტრაციები, რომლის დროსაც საზოგადოება სოლიდარობას გამოხატავს დასაქმებულების მიმართ და მოითხოვს ღირსეულ შრომით პირობებს.#შრომითიუფლებები #პროტესტი #საბჭოთაკავშირი #სოლიდარობა #აქცია #პროფკავშირი #tbilisidaily