საქართველოს საელჩო საფრანგეთში, პარიზი-თბილისის რეისის მგზავრებისთვის ინფორმაციას ავრცელებს.
„გაცნობებთ, რომ პარიზი-თბილისის რეისი შესრულდება 16 აპრილს, საფრანგეთის დროით 12:30 საათზე პარიზის შარლ დე გოლის აეროპორტის (Roissy-Charles-de-Gaulle) 2A ტერმინალიდან.
რეგისტრაცია დაიწყება 10სთ-სა და 15 წთ-ზე და დასრულდება ზუსტად 11 სთ-სა და 45 წუთზე.
შეგახსენებთ, რომ აღნიშნულ ავიარეისზე ბილეთების შეძენას შეძლებთ 14 აპრილიდან, რეისის თარიღამდე 2 დღით ადრე, საქართველოს ავიახაზების ოფიციალურ ვებ-გვერდზე. ბილეთის ფასია 199 ევრო.
მგზავრობა განხორციელდება ჯანდაცვის მსოფლიო ორგანიზაციის პროტოკოლით. საქართველოში ჩამოსული ყველა მგზავრი გაივლის 14 დღიან სავალდებულო კარანტინს“, – აღნიშნულია საელჩოს განცხადებაში.