50 votes
0 comments
1 shares
Save
One day
368 views
Nino Kakulia
Poti · 3 months ago

“იცოდე მზე მხოლოდ ერთხელ ამოდის დღეში, ახალგაზრდობაც ერთხელაა მოცემული, მოწყენა მაშინაც გვეყოფა ლანდების სამყაროში რომ ჩაგიყვანენ”

კონსტანტინე გამსახურდია

#goodplaces #opinion #art #photo Tbilisi
Nino Kakulia
Poti · 3 months ago
Similar Posts
Nino Kakulia
Poti · 3 months ago
აქ მოხუცების ადგილი არ არის ( ჩემი შეფასება)
ფილმი იწყება შერიფის სიტყვებით და მთავრდება მისივე ეპილოგით, რაც კიდევ ერთხელ გვიხსნის, რომ ფილმის მთავარი გმირი არის შერიფი (ასაკიანი კაცი, რომლისთვისაც ადგილი ამ ქვეყანაზე უკვე არ არის). სიზმარში ორ სიზმარს ყვება, რომლებიც პირდაპირ კავშირშია რაღა თქმა უნდა მთელს ფილმთან და იდეასთან, რომელიც ფილმში არის ჩადებული. მთელი ფილმი სავსეა სიმბოლიზმით და მეტაფორებით, აქედან გამომდინარე მე მგონი სიზმრის მოყოლით ფილმის დასასრულის გაკეთება კიდევ ერთი გენიალური აზრი იყო. პირველი სიზმარში შერიფი მისთვის მინდობილ ფულს კარგავს, ამას იმით ავხსნი, რომ მან დაკარგა შეგურის საქმეზე კონტროლი და საბოლოო ჯამში "დამარცხდა", მაგრამ არის მეორეც რაც იმაზე მიანიშნებს, რომ ფული რომელსაც ეშმაკი იყენებს ხალხის სიხარბის გასაღვივებლად შერიფს არ აინტერესებდა თავიდანვე. დავაკვირდეთ ახლანდელ ცხოვრებას, ფულის მიმართ სიხარბე თუ არ გამოძრავებს ბევრი სამსახურიდან,ბიზნესიდან წასვლა მოგიწევს. ფულის გულისთვის ადამიანები ყოველ დღე ერთმანეთს ხოცავენ და ეს უკვე სახელმწიფოების დონეზე ხდება. ანუ თანამედროვე ცხოვრება მოხუც (ძველებურად მოაზროვნე) ხალხს არ ინდობს და მათი ადგილი ამ ქვეყანაზე არ არის. ამიტომაც არის რომ შერიფი პენსიაზე მიდის და სამსახურს, რომელიც მისი ბაბუისგან და მამისგან მოსდევს თავს ანებებს, საინტერესოა ისიც რომ მისი საქმის გამგრძელებელი მისი შვილიც არ იქნება. მეორე სიზმარი კი საერთოდ ფილმის ფინალია ანუ მთელ ფილმს თავს უყრის. აზრი კი მე მგონი ასეთია, მარტო მსოფლიოს უკვე ვერ შეცვლი, წავიდა ის ძველი დრო როდესაც რომანტიული გმირები თავიანთი გმირობით მაგალითს იძლეოდნენ და ერთგვარი მორალური სტანდარტების ფორმირებას ახდენდნენ. სწორედ ამას ამბობს შერიფი რაც მოსახდენია მაინც მხდება და ჯობია გაერიდო, სამწუხაროდ თანამედროვე ცხოვრება ასეა და კიდევ უფრო ეგოისტური მომავალი გველოდება. ბოლოს კი თითქოს მაინც რაღაც საწაულის იმედი აქვს, რომ მამის შუქი რაღაც უკეთეს სამყაროში (სამოთხეში) ჩაახედებს, მაგრამ აქ უცებ ეღვიძება და ფილმიც მთავრდება. შეიძლება ითქვას პესიმისტური ფინალია, მაგრამ ზღაპრეპის კიდევ თუ არ გვჯერა მაშინ სწორედ რომ რეალურია. აწი შერიფი უბრალოდ დაელოდება სიკვდილს, რომელიც აუცილებლად მაინც წინ დახვდება რაც არ უნდა ჰქნას და ყოველივე ამასთან შეხვედრა ყოველგვარი ღმერთის გამოცხადების (დახმარების) გარეშე მოუწევს. ბროლინის გმირს ფული რომ დაეტოვებინა თავის დროზე და სიხარბისგან შორს დამდგარიყო მაშინ ეშმაკი თამაშგარედ რჩებოდა, მაგრამ ეშმაკმა ამაზე იზრუნა და ჩვენი წინა თაობები უკვე იმ დონეზე ჩაითრია თამაშში, რომ აწი ის აწესებს ვინ, სად და როგორ იქნება. როდესაც გამოდის სახლიდან და მანქანით მიემართება უკანა ხედვის სარკეში ორ ბავშვს დაინახავს, რომლებიც იმითაც ბედნიერნი არიან, რომ ველოსიპედებით ერთობიან და ერთმანეთთან კარგ დროს ატარებენ, რაც ეშმაკს არ ესიამოვნება, ამასობაში თითქოსდა სპონტანური ავარია ხდება და ის მძიმედ შავდება, მაგრამ როგორც კი ბავშვების კორუმპირებას შეძლებს და ამის გემოს გაასინჯინებს ის დგება და მიდის, როცა კამათის ხმას გაიგონებს ნელ-ნელა კოჭლობასაც კი მიატოვებს. მოკლედ მანამდე თუ კეთილი იმარჯვებდა უკვე ბოროტი იმარჯვებს და ეს რეალობაა, ყოველ დღე ყველგან ასე ხდება. ბოროტმა ისწავლე კეთილის სისუტეების გამოყენება და მიხვდა იმას, რომ იყო კეთილი ძალიან ძნელია და უამრავ პასუხისმგებლობას გაკისრებს, აი იყო ბოროტი კი ადვილია, რადგანაც არაფერი არ გაკავებს, არ გადარდებს. კაცობრიობამ აირჩია გზა სიხარბისკენ, ბოროტებისკენ და უზნეობისკენ, ამას ჩვენ მაშინ უფორ ვიგრძნობთ როცა მოხუცები ვიქნებით და საკუთარ ადგილს ვერ მოვნახავთ ამ ქვეყანაზე. #goodplaces #opinion #art #photo
Nino Kakulia
Poti · 2 months ago
მხოლოდ შეყვარებულები გადარჩებიან
😈🧐 Only lovers left alive , ძალიან სპეციფიკური შარმიანი და მეტაფორებით გაჟღენთილი ფილმია, მოცემული ორი ვამპირის უტოპიური, ძლიერი და დაუსრულებელი სიყვარულით აღსავსე ცხოვრებით. 😈💅 💗 ფილმში მთავარია დაინახო მხატვრული ალუზიები, დაბრძენებული და ყველას ეპოქის მომსწრე ვამპირების ღრმა ფიქრი, საერთო მელანქოლია - ზუსტად ამ ყველაფრითაა მდიდარი მთელი ფილმის სურათი, გაფორმებული შესაფერიი ხარისხიანი საუნდთრექებით. რეჟისორი მკვეთრად გრძნობს და აღიქვამს თანამედროვე სამყაროს ხელოვნურობას, განიცდის წარსულზე ნოსტალგიას, განიცდის იმ დროზე როცა ყველაფერი გაჟღენთილი იყო დიდი სითბოთი და სიყვარულით, რაც მკვეთრად აისახება ადამის მუსიკალური ინსტრუმენტებითა თუ მუსიკით გატაცებაზე. თითოეული ინსტრუმენტი ინახავს უდიდეს მოგონებებს და ემოციებს, ადამი და ევა ამას ზედმეტად კარგად გრძნობენ და იციან მათი ნამდვილი ღირებულება. (რათქმაუნდა მარტო მუსიკალურ ინსტრუმენტებს ეს არ ეხება) 💗სუფთა სისხლის განცხრომით სმაც ზუსტად იმის მეტაფორაა რომ ცხოვრებაში ნამდვილად ღირებული და განუმეორებელი სინამდვილით დავტკბეთ, და უხარისხო მოწამლული სისხლი არ მივიღოთ. ფილმში ასევე ის აზრიც იკვეთება რომ ყველაფერი ღირებული თავიდან გავიაზროთ, რომელიც სინამდვილეში ძალიან ახლოსაა ჩვენთან, ჩვენ უბრალოდ ვერ ვამჩნევთ. ძალიან დახვეწილი ფილმი იყო ჭეშმარიტი ღირებულებების დაუკარგავ მარადიულობაზე ❤️ 💗"ადამიანები ერთმანეთისთვის იქმნებიან, რაც არ უნდა დაშორდნენ ისინი ერთმანეთს, ცხოვრება მაინც ერთმანეთს შეახვედრებს." 💗 #onlyloversleftalive #news #opinion #photo #goodplaces #art Tbilisi
Nino Kakulia
Poti · 2 months ago
თუ „დასაწყისის“ ( Inception) დასასრული ვერ გაიგე, ეს სტატია შენთვისა (ნოლანის ფილმია მაინც)
მაიკლ კეინმა განაცხადა , რომ კრისტოფერ ნოლანის „დასაწყისში“ , ყველა სცენა , რომელიც თავად მონაწილეობს რეალურია. შესაბამისად გამოდის რომ , ფილმის დასასრულიც რეალობაა და არა სიზმარი. გარდა ამისა, პოპულარული განმარტების მიხედვით , ყველა სცენა სადაც დიკაბრიოს პერსონაჟი ქობი ბეჭედს ატარებს , სიზმარია. ხოლო სადაც უბეჭდოთაა ცხადია. მაგრამ , ყოველთვისაა მაგრამ. ფილმი ძალიან კომპლექსური და ჩახლარტუთულია და მის გაშლას დაკვირვება სჭირდება. დავიწყოთ ბზრიალათი. გავიხსენოთ ტოტემების მუშაობის პრინციპები. 1) ტოტემით მხოლოდ იმის დადგენაა შესაძლებელი, თუკი სხვის სიზმარში იმყოფები. შესაბამისად, ბზრიალა რომც დაცემულიყო ,ქობს (დიკაბრიო) კვალავაც შეეძლო მის სიზმარში ყოფნა. 2) იმისათვის რომ იმუშავოს,არავინ უნდა იცოდეს მისი მუშაობის პრინციპი. მიუხედავად ამისა, თავად ქობი(დიკაბრიო) ამ წესს არღვევს, როდესაც არიადნეს ( ელენ ფეიჯი) ეუბნება მის მახასიათებელს.3) წესით ერალურ სამყაროში, ტოტემი უჩვეულოდ უნდა იქცეოდეს.ქონდეს უჩვეულო ბალანსი, წონა, გამოსახულება. სხვების ტოტემებს დავაკვირდეთ. არტურს ( ჯოზეფ გორდონი) აქვს კამათელი , რომელიც დამძიმებულია. შესაბამისად, რეალურ სამყაროსი გაგორებისას მხოლოდ ერთ შედეგს გვიჩვენებს.ხოლო სიზმარსი ჩვეულებრივი კამათლის ფუნქცია აქვს. არიადნეს ტოტემი ჭადრაკის ფიგურაა, რომლის წონაც და წონასწორობის ცენტრი შეცვლილია. თუმცა სხვის სიზმარსი ჩვეულებრივი წონა ექნება. ეიმსის ( ჩენინგ ტატუმი) ტოტემი, კაზინოს ფიშკაა,რომელსაც არასწორად აწერია მომბასა, სიზამრში წარწერა უნდა სწორდებოდეს. აშკარაა,რომ ქობის ტოტემი ასე ვერ იმუშავებს.ბზრიალა რეალურ სამყაროსი უსასრულოდ უნდა ტრიალებდეს.ხოლო სიზმარში ეცემოდეს.ანუ ფილმის დასასრულს ტოტემი წაიქცევა ტუ არა ამას არანაირი მნსივნელობა არ აქვს. ეს მაყურებლის მოსატყუებლათ შემოტანილი ელემენტია, რომლსაც ცვენი ყურადღება უფრო მნიშვნელოვანი რაღაციდან გადააქვს.ქობის (დიკაბრიო) და ბავშვების შეხვედრიდან.ფილმის ლოგიკით სხვის სიზმარსი, სნი ქვეცნობიერის ელემენტი აღწევს,ქობის შემთხვევაში ეს არის მატარებელი.როცა ფიშერის სიზმრის პირველ დონემდე ჩავნიდნენ ქალაქში გაჩნდა მატარებელი, რომელმაც ქობი და მოლი ( მარლონ კოწიარდი) თავიდან ლიბოში მოკლა.მატარებლის ნომერი იყო 3502, სწორედ ამ ნომრის სასტუმროში იყვენ ქობი და მოლი, როცა მოლმა ( მარლონ კოწიარდი) თავი მოკლა.ანუ თუ მივყვებიტ იმ იდეას, რომ ლინბოში თვითმკვლელობის მერე ქობი და მოლი , რეალობაში დაბრუნდნენ ,ასეთი ქრონოლოგია გვექნება ჯერ ჩნდება მატარებელი 3502 ,შემდეგ აბრუნებს წყვილს რეალობაში ,შემდეგ ისისნი მიდიან თაფლობის თვისთვის მოგზაურობაში და სასტუმროში ხვდებიან იმ ნომერში, რომელიც უეცრად ემთხვევა,მატარებლის ნომერს. რაღაც აშკარად არ ლაგდება.თუმცა , თუ დავუშვებტ , რომ თვითმკველობა გარვიძება იყო, მასინ აღარაა უცნაური როცა ქობის ქვეცნობიერი სიზმრის სხვა დონეზე ამეორებდეს იმავე რიცხვს. ამასთანავე , როცა არიადნე და ფიშერი იხოცებიან , რინბოში ,ისისნი მაშინვე რეალობასი არ გადადიან. არამედ არმოჩნდებიან, მორიგ დონეზე, რის შემდეგად ნაბიჯ-ნაბიჯ ადიან სიზმრების ფენებზე.თუ ლინბოდან ამოსვლის წესები სტაბილურია,ლიანდაგზე თვიტმკვლელობის შემდეგ , მოლიც და ქობის არ აღმოჩენილან რეალობაში და მოლის ეჭვებიც გამართლებულია.ისინი იღვიძებენ თავიანტი ბინის იატაკზე და მაშინვე ვიჯერებთ,რომ რეალობაში არიან.მიუხედავად ქობის სიტყვებისა, რომ ცოლთან ერთად ლიმბოს მაშინ მიაღწია, როცა ატარებდა ექსპერიმენტებს სიზმრებზე,სიზმრების შიგნით.ანუ რეალობამდე კიდევ შორია. გავიხსენოთ ასევე,როგორ იწყება და სრულდება კინოფილმი, ქობის და საიტოს საუბრით სიზმრების სამყაროში.ორივე შემთხვევასი ქობი სტუმრობს, საიტოს მის სახლში ,რომელიც აშენებულია კლდეზე. და აი აქ დავუბრუნდეტ ბზრიალას,სცენას.მაგრამ ყურადღება მივაქციოთ,ტუ რას ამბიობენ ბავშვები როცა, ქობს ეხუტებიან. აბა რას ვაშენებდით ? რას აშენებდით? სახლს კლდეზე.წამოდი მამა ახლავე გაცვენებთ. დადამ ისისნი აშენებდნენ სახლს კლდეზე და სწორედ ამიტომ ჩნდება ეჭვი,რომ ლინბოდან გამოსვლის შემდეგ, საიტო და ქობი აღმოჩდნენ არა რეალობაში, არამედ ერთი დონით ზევით სიზმარში. სადაც საიტოს ქვეცნობიერის ელემენტი,გაცხადდა ბავშვების მიერ აშენებულ ქვიშის სახლის სახით.შეიძლება მოლი მართალი იყო და ქობი სიზმარშია ჩარჩენილი.ხოლო მთელი მისი ჯგუფი ქვეცნობიერის ნაყოფია.ეს ახსნიდა იმ ფაქტს, რომ მობას ქუჩა წააგავს ლაბირინთს.კედლები თითქოს უეცრად ვიწროვდება.საიტო არსაიდან,ზუსტ მომენტში ჩნდება მის დასახმარებლად.ხოლო მოლი თვითმკველობამდე სხვა სასტუმროს აივანზე ზის.თუ ეს რეალობაა , მასინ მას უნდა მიმოეყარა ყველაფერი ოთახში,გადასულიყო გვერდითა შენობაში,ექირავებინა ახალი ნომერი ,დამჯდარიყო აივანზე და დალოდებოდა ქობის გამოჩენას.რაც სიმართლე რომ გითხრათ,სულელურად ჟღერს. და საბოლოოდ,ედიტ პიაფის სიმღერა ( ) შენელებულად ჟღერს , მაშინ როცა პერსონაჟები იმყოფებიან ძილში არის ზუსტად, 2:28 წამი. და იცით რა არის თავად ფილმის სიგრძე ? 2 საათი და 28 წუთი.ასე რომ დასკვნები ბოლოს მაინც ჩვენ უნდა გამოვიტანოთ#დასაწყისი #inception #movies #movie #hollywood #news #opinion #photo #art #goodplaces
Nino Kakulia
Poti · 2 months ago
ლეონარდო და ვინჩის გენიალური გამოგონებები და საიდუმლოებები
💥💣 ტყვიამფრქვევის პროტოტი 💣💥 🧡 ლეონარდო აქტიურად უწევდა რეკლამირებას თავის სამხედრო-ტექნიკურ იდეებს. ერთ-ერთი ასეთი იდეა იყო ტყვიამფრქვევის შექმნა. მართალია ის ერთი ლულიდან მრავალ ტყვიას ვერ ისვრიდა, მაგრამ შეეძლო დროის მოკლე შუალედებში რამოდენიმე ლულიდან ერთდროულად გაესროლა. ეს იარაღი რომ შექმნილიყო იმ დროს ის იტალიის არმიას თითქმის უძლეველს გახდიდა. 🧡 🚗🚘 ავტომობილი 🚘🚗 🧡 არსებობს მოსაზრება, რომ ავტომობილის შექმნის იდეა ლეონარდოს შორეულ 1478 წელს ეწვია. მაგრამ მხოლოდ 1752 წელს რუსმა ლეონტი შამშურენკოვმა შექმნა "თვითმავალი მარხილი", რომელსაც ორი ადამიანის ძალისხმევა ამოძრავებდა. 🧡 🚲🚴 ისტორიაში პირველი ველოსიპედი 🚴🚲 🧡 ველოსიპედის პირველი ტექნიკური ნახაზი ლეონარდო და ვინჩის ეკუთვნის. 🧡 🪂პარაშუტი🪂 🧡 თავის ხელნაწერებში ლეონარდომ აღწერა მოწყობილობის ზუსტი ზომა. შვეიცარიელმა ოლივიე ტემპმა გადაწყვიტა მისი გამოცდა და 650 მეტრიდან გადმოხტა. მისის სიტყვებით დაშვება უსაფრთხოა, მაგრამ ასეთი პარაშუტის მართვა პრაქტიკულად შეუძლებელია. 🧡 🤿⛷️აკვალანგი და თხილამურები ⛷️🤿 🧡 ლეონარდოს უყვარდა წყალი. მან შექმნა აკვალანგით ჩაყვინთვის ინსტრუქცია და ასევე შექმნა სასუნთქი მოწყობილობის ნახაზი. 🧡 🤖 რობოტი 🤖 🧡 1495 წელს ლეონარდომ პირველად ჩამოაყალიბა "მექანიკური ადამიანის:, ანუ რობოტის შექმნის იდეა. მისი იდეით ეს იყო რაინდის კოსტუმში გამოწყობილი მანეკენი, რომელსაც შეეძლო ადამიანის რამოდენიმე მოძრაობის გამეორება. 🧡 ❤️ მონა ლიზა 🧡 🤯 მონა ლიზას ღიმილის საიდუმლოს ამოხსნახე მეცნიერები მარავალი წლის განმავლობაში იმტვრევენ თავს. ზოგიერთი ცდილობს, რომ მონა ლიზას სახის აღქმა დამოკიდებულია ადამიანის პირად ფსიქიკურ მახასიათებლებზე. ზოგ ადამიანს ის მოწყენილი ეჩვენება, ზოგს ჩაფიქრებული, ვიღაცას ეშმაკური, ვიღაცას კიდევ ბოროტი. არსებობს ისეთი ადამიანებიც ვინც ამტკიცებს, რომ ჯოკონდა საერთოდ არ იღიმება. 🤯 📜 ხელნაწერები 📜 🧡 ლეონარდოს ორივე ხელით ერთნაირად შეეძლო წერა, თანაც "სარკისებურად", ანუ მარჯვნიდან მარცხნივ. ყველაზე საინტერესო არის ის, რომ ის სპეციალურად უშვებდა შეცდომებს ნახაზებში, რათა თავიდან აეცილებინა თანამედროვე სიტყვებით რომ ვთქვათ "საწარმოო შპიონაჟი", სწორედ ამიტომ ბევრი მისი საიდუმლო დღესაც ამოუცნობია. 🧡 ⚕️📃ადამიანის ანატომია 📃⚕️ 🧡 საინტერესოა ის ფაქტი, რომ ლეონარდოს თვლიან კარიკატურული მხატვრობის ფუძემდებლად, რადგან ის ხშირად ადამიანს დამახინჯებული ფორმით ხატავდა. 2005 წელს აღმოჩენილ იქნა ლეონარდოს საიდუმლო ლაბორატორია, სადაც იპოვეს მისი მრავალი ხელუხლებელი ფრესკა და ასევე ოთახი სადაც ის გვამებს იკვლევდა. 🧡 🎨🖼️ "საიდუმლო სერობა" 🖼️🎨 🧡 ლეონარდო ძალიან დიდი ხნის განმავლობაში ეძებდა იდეალურ მოდელებს. იესოს ხომ სიკეთე უნდა განესახიერებინა, იუდას კი ბოროტება. ერთხელ ლეონარდომ საეკლესიო გუნდის მომღერალთა შორის ახალგაზრდა შენიშნა, რომელიც იესოს იდეალურ პროტოტიპად მიიჩნია და ის თავის სახელოსნოში წაიყვანა სადაც მისი რამოდენიმე პორტრეტი დახატა. გავიდა 3 წელი, "საიდუმლო სერობა" თითქმის დასრულდა მაგრამ ლეონარდომ მაინც ვერ იპოვა ნატურა იუდასთვის. ერთხელაც მან ქუჩაში მწოლიარე მამაკაცი დაინახა, ახალგაზრდა მაგრამ ნაადრევად დაბერებული და მთვრალი. ლეონარდომ მისი ტაძარში მიყვანა ბრძანა. მთვრალი ვერც ხვდებოდა სად იყო, ლეონარდომ კი ამ დროს მისგან იუდას სახე შექმნა. როდესაც მამაკაცი გამოფხიზლდა მივიდა ნახატთან და შეჰყვირა: -მე ეს ნახატი უკვე ნანახი მაქვს. -როდის? - გაუკვირდა ლეონარდოს. -3 წლის წინ როდესაც მე საეკლესიო გუნდში ვმღეროდი, ერთმა მხატვარმა ჩემგან იესოს სახე დახატა. 🧡#ლეონარდოდავინჩი #დავინჩი #გენიალური #ნამუშევარი #paintings #painting #discover #opinion #goodplaces #photo #art
Nino Kakulia
Poti · 3 months ago
როცა აყვავდა ნუში
-გიყვარვარ? -ჰო.. -მართლა გიყვარვარ? უსინდისო რომ ვარ, მიანც გიყვარვარ? - .......................... - მე კი არ მიყვარხარ! შენ ყველაფერი დაიჯერე, ერთხელ გაკოცე და დაიჯერე მაგრამ დაგავიწყდა, რომ ...დღეს პირველი აპრილია ,,როცა აყვავდა ნუში'' #goodplaces #opinion #art #photo Tbilisi
Nino Kakulia
Poti · 2 months ago
ჯოკერი , კრიმინალური სამყაროს მასხარა პრინცი 80 წლისაა
🤯 ზუსტად 80 წლის წინ შეიქმნა ერთ-ერთი ყველაზე დამამახსოვრებელი და ცნობილი უარყოფითი პერსონაჟი, ჯოკერი.🤡🃏 🃏 ჩემი აზრით ლეჯერმა, ნიკოლსონმა და ფენიქსმა ის ლეგენდად აქციეს 🤫 მაგრამ ლეჯერი ნომერ პირველია ჩემთვის 🎖️ბოლო -ბოლო პირველი ოსკაროსანი ჯოკერია, რომელმაც ჯოკერის რეიტინგი ისე აწია, თვით ბეტმენსაც და ადამიან ობობასაც გადაუწსრო რეიტინგით 🤫 💥 ცოტა რამ ჯოკერის პერსონაჟის შესახებ 💥 🃏 სუპერბოროტმოქმედი ჯოკერი შექმნილია DC _ ის კომიქსების მიხედვით , როგორც ბეტმენის მტერი და მისი დებიუტი შედგა კომიქსში Batman #1 რომელიც გამოვიდა 1940 წელს. შემქმნელებმა ჯოკერის ძირითადი ვიზუალური მხარე აიღეს 1928 წელს გადაღებული ფილმიდან “ადამიანი რომელიც იცინის” 🤯 , სადაც ფილმის მთავარ გმირს არასწორად ჩატარებული ქირურგიული ოპერაციის შედეგად სახეზე მუდმივი ღიმილი აღბეჭდება და მას თეთრი გრიმის მეშვეობით ფარავს. ბეტმენის კომიქსის სცენარისტი ჯერი რობინსონი პირველ ნომერზე მუშაობდა როდესაც მან სამუშაო მაგიდაზე ჩვეულებრივი ჯოკრის კარტი შენიშნა, აი ასე შეიქმნა ეს გამორჩეული პერსონაჟი. 💛🤯 🤡 ჯოკერს ეძახიან კრიმინალური სამყაროს მასხარა პრინცის და სიძულვილის კლოუნს. თავიდან ის იყო სრულიად შეშლილი მკვლელი, ეშმაკისეული ინტელექტით და არაჩვეულებრივი იუმორის გრძნობით, რომელსაც არავინ ებრალება და არაფერს არ ნანობს ( კომიქსში იხსენებს თუ როგორ ააფეთქა საბავშო ბაღის ეზო). როდესაც კომიქსმა საოცარი პოპულარობა მოიპოვა ჯოკერის პერსონაჟი შეცვალეს ექსცენტრული, ხუმარა,მაგრამ უვნებელი ჯოკერით რის შემდეგაც შკარა გახდა რომ პირველ ჯერზე ბევრად პოპულარული იყო. 💥 🤯ჯოკერი განსხვავდება სხვა სუპერბოროტმოქმედებისაგან 💥. 💥პირველი, მას არ გააჩნია არანაირი სუპერ ძალა (ტელეკინესური, მაგიური და ა.შ) ჯოკერის ძალა მის სიგიჟეშია. მას არაფრის არ ეშინია რაც ახასიათებთ მხოლოდ შეშლილებს. მისი გეგმები იმდენად დახვეწილია, რომ მისი ამოხსნა გენიოსებსაც კი არ შეუძლიათ. მას არანორმალური გონება აქვს. მას არ გააჩნია საზღვარი, არანაირი შეზღუდვები და მორალი, მას შეუძლია ნებისმიერს უღალატოს და დასცინოს, თავის ტყვიით გახვრეტილ მუხლებსაც. ერთ-ერთმა ავტორმა ის მოიხსენია როგორც სუპერ-სწორადმოაზროვნე რომელსაც შეუძლია სწორად იაზროვნოს ამ შეშლილ და მუდმივად ცვალებად სასტიკ მსოფლიოში. 💥 🤯 მეორე, ჯოკერს არ გააჩნია არანაირი ლეგენდარული წინაისტორია,რაც ხსნის მის ჩამოყალიბებას როგორც ჯოკერი. სხვადასხვა ავტორები სხვადასხვანაირად ყვებიან მის ისტორიას, თვითონ ჯოკერი კი ამბობს:”არმახსოვს რა იყო წარსულში, მაგრამ ესე ნამდვილად არ ყოფილა… და თუ მაინც გაინტერესებთ ჩემი წარსული შემიძლია შემოგთავაზოთ მრავალგვარი და თქვენ აირჩიეთ” ამით ის გვაჩვენებს მის ამოუცნობ ძალას, წარმოქმნას ქაოსი და გაიკვლიოს გზა მასში თავისუფლად. 💥 💥🤡 მესამე ,ბოროტმოქმედები ცდილობენ უბრალოდ გაუსწორდნენ “ღამურას” (ბეტმენს) ჯოკერი მას უყურებს როგორც თითქმის მეგობარს, რომელთანაც სურს ითამაშოს დაუსრულებელი კატა-თაგვობანა.მისი მიზანი არ არის მოწინააღმდეგის განადგურება, მისი მიზანია თვითონ შეწინააღმდეგების პროცესი, მას უნდა აჩვენოს ბეტმენს რომ ისიც ისეთივე შეშლილია როგორც თვითონ, სარკისებური ანარეკლია ჯოკერისა. მისი გარეგნობა (თოვლივით თეთრი კანი, წითელი ტუჩები, მწვანე თმები, იასამნისფერი კოსტუმი) და გენიალური მაგრამ შეშლილი გონება, აქცევს მას დაუვიწყარ პერსონაჟად, ის არ კარგავს ფანებს უკვე 70 წელია. 🤡🤯 🤡🃏 ჟურნალ Wizard-ის გამოკითხვებით ჯოკერი 100 ყველა დროის საუკეთესო დამნაშავეს შორის პირველ ადგილზე გავიდა. მეორე ადგილზე გავიდა IGN-ის გამოკითხვებში, სახელწოდებით ”კომიქსების 100 ყველა დროის საუკეთესო ბოროტმოქმედი” . მერვე ადგილი დაიკვა ჟურნალ Empire-ს გამოკითხვაში – ისტორიაში არსებული კომიქსების საუკეთესო ქმნილებები (თუმცა სუპერბოროტმოქმედებს შორის მან პირველი ადგილი აიღო). ყველა დროის, კომიქსებში გამოგონილ სუპერბოროტმოქმედებს შორის, ჯოკერს მსოფლიო გამოკითხვებით პირველი ადგილი უკავია. 🤡🃏 🎖️💛 ჰიტ ლედჯერი გახდა პირველი მსახიობი რომელმაც კომიქსის მიხედვით გადაღებულ ფილმში მონაწილეობისთვის მიიღო ოსკარი.ოსკარის მისაღებად გარდაცვლილი მსახიობის მაგივრად გამოვიდნენ მისი მამა, დედა და და. ლედჯერის ჯოკერის წყალობით ფილმმა უდიდესი მოგება ნახა. 2009 წელს განიხილებოდა ოსკარზე წარდგენილი ფილმების რიცხვის გაზრდა, რადგან ხალხი გამოთქვამდა პროტესტს იმის გამო, რომ 2008 წელს “ბნელ რაინდს” ოსკარი არ მიენიჭა. ფილმმა 21-ე საუკუნის საუკეთესო ფილმის წოდებაც კი მიიღო. მთავარი სენსაცია კი ის არის, რომ ჯოკერმა რეიტინგით გაუსწრო თვით ბეტმენს, ადამიან-ობობას და სუპერმენს.🎖️💛#joker #hollywood #news #goodplaces #photo #art #opinion #business #design Tbilisi Kutaisi Batumi
Nino Kakulia
Poti · 2 months ago
მიქალანჯელოს "პიეტა"(დატირება) ხილული სასწაულია.
10 საინტერესო ფაქტი ამ საოცარ ქანდაკებაზე ❤️- ქანდაკება მიქელანჯელოს შეუკვეთა ფრანგმა კარდინალმა საკუთარი აკლდამისთვის. მას სურდა თავისი სახელის უკვდავყოფა და მისი პირდაპირი მითითება იყო, რომ მიქელანჯელოს შეექმნა ყველაზე მშვენიერი ქანდაკება რომში, რომელსაც ვერავინ, ვერასდროს აჯობებდა 💙 - პიეტას შექმნიდან 200 წელიწადში, ის გადაიტანეს წმინდა პეტრეს ბაზილიკაში, ვატიკანში. 💜 - იგი ტოსკანის თეთრ, მთლიან მარმარილოშია გამოკვეთილი. ❤️ - პიეტა ერთადერთი ნამუშევარია, რომელსაც მიქელანჯელომ ხელი მოაწერა. ერთ დღეს, მიქალანჯელო მივიდა საკუთარი ქმნილების სანახავად, აკლდამაში დაინახა მნახველთა დიდი რაოდენობა ლომბარდიიდან, როცა ერთ-ერთმა მათგანმა, განცვიფრებულმა პიეტას სილამაზით იკითხა, თუ ვისი იყო ეს ნამუშევარი, მიუთითეს მილანელ მოქანდაკეზე. ამის შემსწრე მიქელანჯელო ღამით შეიკეტა აკლდამაში და საკუთარი სახელი ამოკვეთა პიეტაზე, რაც მერე ძალიან ინანა და აღთქმა დადო, რომ ასე აღარასდროს მოიქცეოდა. 💙 - მიქელანჯელომ პიეტა 24 წლის ასაკში შექმნა და სწორედ ამ საოცარმა ქანდაკებამ გაუთქვა მას საქვეყნოდ სახელი. 💜 - მიქელანჯელოს ჰქონდა უცნაური ჩვევა, საკუთარ ქმნილებებს ხანდახან უყვიროდა და მათ დაზიანებასაც კი ცდილობდა ხოლმე, თუმცა, პიეტას არასდროს შეხებია. 1972 წელს ქანდაკება ვანდალური თავდასხმის მსხვერპლი გახდა, უნგრელმა გეოლოგმა ჩაქუჩის თორმეტი დარტყმით მოატეხა ღვთისმშობლის ქანდაკებას მარცხენა ხელი, ცხვირის ნაწილი, დაუზიანა ლოყა და თვალი. თავდამსხმელი არ დაუპატიმრებიათ, სასამართლომ ის შეურაცხადად ცნო. ვანდალმა ორი წელი გაატარა ფსიქიატრიულ საავადმყოფოში, შემდეგ კი დაადეპორტეს. ❤️ - რესტავრაციას დასჭირდა ათი თვე. ათობით რესტავრატორი მუშაობდა, რომ ასობით ნამსხვრევი, ზოგი მხოლოდ რამდენიმე მილიმეტრის დიამეტრის, როგორც პაზლი ისე აეწყოთ თავიდან. გამოიყენეს უჩინარი წებო და მარმარილოს ფხვნილი. საბოლოო ჯამში რესტავრაცია ისეთი წარმატებული აღმოჩნდა, რომ წარმოუდგენელია შეამჩნიოთ დაზიანების კვალი. პიეტა ახლა ტყვიაგამძლე შუშის მიღმა იმყოფება. 💙 - 1964 წელს პიეტა ნიუ-იორკში გადაიტანას გამოფენაზე, სადაც ის დაცვის მიზნით იმყოფებოდა 2 ტონიანი, ტყვიაგამძლე შუშის მიღმა. 💜 - პიეტას რესტავრაციისას რესტავრატორებმა აღმოაჩინეს დეტალი, რომელიც იქამდე უცნობი იყო, ღვთისმშობლის მარცხენა ხელში იყო გამოკვეთილი პატარა ემბლემა M რომელიც სავარაუდოდ, აღნიშნავდა ავტორის ინიციალს. ❤️ - თუ კარგად დააკვირდებით, ღვთისმშობელი არაბუნებრივად ახალგაზრდაა 33 წლის იესოსთან შედარებით, მაგ დროისთვის ის 48 წლის უნდა ყოფილიყო, ხოლო მიქელანჯელომ მარიამი გამოსახა ბევრად უფრო ახალგაზრდა, მისი მარადქალწულებისთვის გაზგასასმელად. #goodplaces #opinion #photo #art Tbilisi
Nino Kakulia
Poti · 2 months ago
ომარ ხაიამი : “რატომ არ უნდა გავბრაზდეთ შეურაცხყოფაზე? “
ერთმა ადამიანმა სახალხოდ შეურაცხყო ომარ ხაიამი: -შე უღმერთოვ! ლოთო! ქურდო! საპასუხოდ,ხაიამმა მხოლოდ გაიღიმა. უკანასკნელ მოდაზე, აბრეშუმის შარვალში გამოწყობილმა ახლაგაზრდამ, რომელიც ამ სცენას თვალ-ყურს ადევნებდა, ჰკითხა ხაიამს: – როგორ შეგიძლია, მსგავსი დამცირებების მოთმენა? ნუთუ არ გწყინს?! ომარ ხაიამმა კვლავ გაიღიმა და გაყოლა სთხოვა. ისინი საკუჭნაოში ჩავიდნენ. ხაიამმა სანთელი დაანთო და სკივრში ქექვას შეუდგა. ყოვლად გამოუსადეგარი, დაფლეთილი ხალათი ამოიღო და ელეგანტურად ჩაცმულს მოზომვა სთხოვა. ახალგაზრდამ დაათვალიერა ხალათი და აღშფოთდა: – ეს ბინძური ძონძები რაში მჭირდება?! აი შენ კი, მგონი, ჭკუიდან შეიშალე ! – და დაფლეთილი ხალათი უკან მიუგდო. – აი ხომ ხედავ ,- უთხრა ხაიამმა , – შენ არ ჩაიცვი ეს ძველმანი. სწორედ ასე არ მივიღე ბინძური სიტყვები, რომლებიც იმ კაცმა მითხრა. გაბრაზდე შეურაცხყოფაზე, იგივეა, რომ მოირგო ის ძონძი, რომელსაც მოგიგდებენ. #goodplaces #opinion #photo #art Tbilisi
Nino Kakulia
Poti · 3 months ago
ტაქსის მძღოლი ( ჩემი აზრი , შეფასება)
- მარტინ სკორსეზეს საოცრად ძლიერი კინოპროქეტი, უდიდესი ნამუშევარი, რომელიც დროს უძლებს და აქტუალობას არ კარგავს. არაჩვეულებრივი რეჯისორული კონცეფცია და ამერიკული კინოს ერთ-ერთი უდიადესი ფილმი. ეს იმ ფილმების კატეგორიას მიეკუთვნება, რომელმაც ერთი ნახვით შეიძლება ვერ მოგხიბლოთ და ვერ მოახდინოს ეფექტი, მაგრამ თუ მეორეჯერ და მესამეჯერ ჩაუღრმავდებით, თქვენს წინ გადაიშლება გენიალური მარტინ სკორსეზეს ჩანაფიქრი მეგაპოლის ნიუ-იორკზე. ეს არის მეტაფორული ხედვა თანამედროვე კაცისა და გაუცხოვებისა გლობალურ სამყაროში. ნუ რა თქმა უნდა არაჩვეულებრივად წარმოაჩინა თავისი როლი სუპერ ძლიერმა რობერტ დე ნირომ (ჩემმა უსაყვარლესმა მსახიობმა და სკორსეზეს ერთგვარ ალტერ-ეგომ) და დაგვანახა ეკრანზე თუ რა გენიალურად შეუძლია გარდაისახოს რიგითი ნიუ-იორკელი ტაქსისტი არასახარბიელო ცხოვრებით, რომელიც ცდილობს ყველანაირი ხერხით რაიმე ანალიზი და ახსნა მოუძებნოს ამ ჩიხში შესულ ქალაქს, რის შემდეგაც იგი ხდება არაადეკვატური. სკორსეზეს ერთგვარი ეგზისტენციალური ჩანაფიქრი თავისი შესანიშნავი ოპერატორული ნამუშევრით და ბერნარდ ჰერმანის ჯაზური მუსიკით ( ) ესაა გენიალური მუსიკა. მან დაგვიხატა ფსიქოლოგიური პათოსით დანამედროვე ნიუ-იორკი. მარტის ერთ-ერთი უნიკალური ქმნილება კინემატოგრაფიაში, უდავოთ შედევრი და ჩემი ერთ-ერთი საყვარელი ფილმი. ჩემი საყვარელი ფრაზები 1)დღეები უსასრულოდ იწელება, მთელი ცხოვრება ვოცნებობდი სადმე წასასვლელი მქონოდა, ძალიან თუ ჩაუღრმავდები საკუთარ თავს ფაქტია რომ ცოცხლად ლპები, ისეთი უნდა გავხდე როგორებიც სხვები არიან. პირველად ბეტსი სენატორ ვალანტაინის წინასაარჩევნო კამპანიის შტაბთან დავინახე, 63-ე და ბროდვეის კუთხეში. თეთრი კაბა ეცვა, უცებ გამოჩნდა ანგელოზივით, მთელ ამ სისაძაგლეში იგი ერთადერთი იყო. ისინი ვერ გაბედავენ, რომ შეეხონ მას. 2)მერე რამდენჯერმე დავურეკე და პირველი საუბრის მერე ტელეფონს აღარ პასუხობდა, ყვავილები გავუგზავნე მაგრამ ამან საქმეს ვერ უშველა, ყვავილების სუნისგან კინაღამ გული ამერია, თავი მტკიოდა ალბათ კუჭის კიბო მაქვს, თუმცა სასაყვედურო არაფერია, ჯამრთელი ისაა ვინც თავს ჯამრთელად გრძნობს, ჯამრთელი კი მაშინ ხარ როცა თავს ჯამრთელად გრძნობ. 3)ყველა უწმინდური ღამით გამოდის გარეთ: ბოზები სუტინიორები, ქურდები, ცისფერები, მაწანწალები, ნარკომანები, ავადმყოფები. მოვა დრო და წვიმა გადარეცხავს ქუჩებიდან, ყველა ამ სიბინძურეს. 4)მთელი ცხოვრება ყველგან თან დამდევდა მარტოობის გრძნობა. ბარებში, მანქანაში, ტროტუარებზე, მაღაზიებში, ყველგან. მარტოობას ვერ გავექეცი. მე ღმერთმა შემქმნა მარტოობისთვის. დღეები აუჩქარებლად მისდევენ ერთმანეთს, ერთი დღე არაფრით გამოირჩევა მეორისგან, გრძელი უწყვეტი ჯაჭვი ერთფეროვნებისა #goodplaces #opinion #art #photo
Nino Kakulia
Poti · 2 months ago
ფორესტ გამპი _ ნიჭიერია მაგრამ იდიოტი ?
როგორც ავღწეროთ ფორესტ გამპი? ყველაზე მარტივი გზა იქნება ქართული გამოთქმის “პერეფრაზი” მოვახდინოთ. ფორესტი “ნიჭიერია, მაგრამ იდიოტია”. და ეს მართლაც ასეა, ცოტა ადამიანს თუ შეუძლია დაიკვეხნოს მისი მიღწევებით, ის გამაოგნებელი სიმარტივის იმახსოვრებს მათემატიკურ ფორმულებს, მისი მეხსიერება იმდენად სანდოა, რომ კოსმოსურ ხომალდზე ფორესტის დანიშნულება სარეზერვო კომპიუტერული სისტემის რეზერვს წარმოადგენს. ჭადრაკის თამაშში მას ბადალი არ ყავს, სხვაგვარად ვერც იქნებოდა, 4 წელი კანიბალების ტომში დღის მთავარ კერძად გადაქცევისგან ხომ სწორედ ამ თამაშის ცოდნამ გადაარჩინა. მაგრამ ის არა მხოლოდ “ინტელექტუალურად” არის განვითარებული, მის ფიზიკური აღნაგობის და სიძლიერის თვით სამსონსაც კი შეშურდებოდა. ამერიკულ ფეხბურთში მიღწეულ წარმატებას მხოლოდ მისი პინგ-პონგის უნარები თუ დაუდგება ტოლად. მიუხედავად ამ ყველაფრისა ფორესტ საკუთარი თავის სრულად რეალიზება არ შეუძლია. მიზეზი მარტივია, ის იდიოტია. თუმცა, ეს ზედმეტად უხეშად ნათქვამია, ფორესტს არ ესმის ზოგიერთი “მარტივი ჭეშმარიტების” რომელიც ჩვენ სასაცილოდაც კი არ გვეყოფა. მაგალითად ფორესტ, ომის გმირს და ვეტერანს, ვიეტნამის გამოვლის შემდეგაც კი ვერ გაეგო რისთვის ხოცავდნენ ერთმანეთს ასეთი სიხარულით ამერიკელები და ვიეტნამელები. ამის კეთებას განა არ ჯობდა ერთმანეთის წინააღმდეგ ფეხბურთი ეთამაშათ და ისე გაეკრვიათ ყველაფერი? განა ასე ბევრად უფრო სახალისო არ იქნებოდა? ასე არც საკუთარი მეგობრების სიკვდილის, დასახიჩრების და მათი მტირალი დედების ნახვა არ მოუწევდა. ალბათ დამეთანხმებით რომ მხოლოდ და მხოლოდ ნამდვილ იდიოტს შეუძლია ასე იფიქროს. ან თუნდაც მისი ყველაზე დიდი წატმატება, კრივეტების, მილიონობით დოლარის მომტანი, ბიზნესი ავიღოთ. თითქოს, ბოლოს და ბოლოს მიაღწია წარმატებას, ცხოვრების ბოლომდე უზრუნველყოფილია, თავის საყვარელ ადამიანებსაც ეხმარება, ფილანტროპიის ნამდვილი განსახიერებაა, მაგრამ რაღაცა სწორედ არ არის. რა აზრი აქვს ამ ყველაფერს თუ საკუთარ თავისთვის დრო აღარ გრჩება, თუ ყოველ დღე მოსაწყენ შეხვედრებზე გიწევს სიარული, ლამაზად გამოწყობილს სახეზე დაკერილი ღიმილის დღის ბოლომდე შენარჩუნება და ხელში არასაჭირო ნივთებით სავსე ჩემოდანის ტარება. ამ ყველაფერს არ ჯობია ბიზნესი ზურგს უკან მოიტოვო, შენი ძველი მეგობრები გამონახო და საყვარელი საქმე აკეთო? ხომ გითხარით ნამდვილი იდიოტია თქო… ან, შესაძლოა საქმე სრულიად სხვაგვარად იყოს. ფორესტის საკითხის გარკვევა მკითხველისთვის მომინდია, თუმცა ერთი რამ კი ნამდვილად ვიცი, მიუხედავად იმის იდიოტია ფორესტი თუ არა, მისი ცხოვრება გაცილებით უფრო საინტერესო გამოდგა ვიდრე ბევრი ჭკვიანი ადამიანისა.#movies #forrestgump #news #opinion #hollywood #goodplaces #photo #food