შეიძლება თუ არა ბნელი და იდუმალი ძალების არსებობა მხატვრების ნამუშევრებში? „ჩემს ორ მეგობართან ერთად ბილიკს მივუყვებოდი,მზე ჩადიოდა,უეცრად ცა სისხლისფრად აელვარდა,ლურჯსა და შავ ფერებში გახვეული ფიორი და ქალაქი სისხლის ალში გახვეულიყო,და შევიგრძენი ბუნების უსასრულო კივილი“ -ედუარდ მუნკი 1892 წელი მუნკის ნახატებში იგრძნობოდა გარკვეული განცდა სიკვდილის მოახლოების,ეს არის არაჩვეულებრივი მღელვარება - ექსპრესიულობა,რაც მუნკის ხელოვნებისთვის არის დამახასიათებელი. საინტერესოა ლეგენდები და იდუმალი მოვლენები რომლებიც ნახატს უკავშირდება,მისი ფასი 70 მილიონ დოლარს შეადგენდა და ის ბევრი კოლექციონერის ოცნება იყო,თუმცა ამასთან ერთად არსებობდა ერთი გარემოება,ამბობდნენ რომ ეს ნახატი შურისმაძიებელი იყო. მაგალითად მუზეუმის ერთ-ერთი თანამშრომელი,რომელსაც სურათი შემთხვევით დაუვარდა,რის შემდეგაც თავის ტკივილით იქამდე იტანჯებოდა,ვიდრე სიცოცხლე თვითმკვლელობით არ დაასრულა. ცოტახნის შემდეგ ისევ იგივე შემთხვევა მოხდა, მუზეუმის თანამშრომელს სურათი შემთხვევით დაუვარდა და რამდენიმე დღეში საშინელი ავარიის შედეგად რეანიმაციაში მოხვდა. მუზეუმის დამთვალიერებელი,რომელიც ნახატს ხელით შეეხო ძალიან მალე ხანძარში დაიღუპა. კივილის ამგვარ ზემოქმედებას მისტიკის მოყვარულები მხატვრის მძიმე და სტრესებით სავსე ცხოვრებას უკავშირებენ. მუნკი ხუთი წლის იყო როდესაც დედა ტუბერკულიოზით გარდაეცვალა,და მოულოცნელად დაეღუპა როდესაც ის თოთხმეტი წლის იყო,მას მალევე ძმა და კიდევ ერთი შიზოფრენიით დაავადებული და გარდაეცვალა,თვად მხატვარი კი დეპრესიით იტანჯებოდა. კიდევ ერთი იდუმალებით მოცული ნამუშევარი ესპანელ მხატვარ ჯოვანი ბრაგონის ეკუთვნის,მას სურდა დაეხატა მტირალა ბიჭუნა და ამისათვის მან საკუთარი შვილი დაიხმარა. მხატვარს რეალისტური სურათის შექმნა სურდა,ბიჭს კი ძალით ტირილი არ შეეძლო, მხატვარმა იცოდა,რომ მის შვილს პანიკურად ეშინოდა ცეცხლის,ამიტომ ჯოვანი ბავშვს საესთან ახლოს ცეცხლს უნთებდა,მანამ სანამ ბავშვს ტირილამდე არ მიიყვანდა,მხატვრისთვის ხელოვნება უფრო მნიშვნელოვანი აღმოჩნდა,ვიდრე საკუთარი შვილის ნერვები,ეს ყველაფერი ტილოს დასრულებამდე გაგრძელდა,ერთხელ ისტერიკამდე მისულმა ბიჭუნამ ვეღარ მოითბინა და იყვირა - „თავადაც დამწვარხარ“. ორი კვირის შემდეგ ბიჭუნა პნევმონიით გარდაიცვალა,მამა კი საკუთარ სახლში გაჩენილი ცეცხლის დროს დაიღუპა... ნახატი გადარჩა... ეს ამ სურათის ირგვლივ მომხდარი მისტიური მოვლენების მხოლოდ დასაწყისი აღმოჩნდა... ინგლისში,1985 წელს ნახატის ირგვლივ ძალიან ბევრი ჭორი ტრიალებდა,თითქმის აღარავის სჯეროდა დამთხვევების,ინგლისში,ყველა სახლში სადაც „მტირალა ბიჭუნა“ ს რეპროდუქციები ჰქონდათ,ყველა სახლში ხანძარი ჩნდებოდა... იყო მსხვერპლიც... ზოგიერთი იხსენებდა რომ მათი საკუთრებიდან მხოლოდ და მხოლოდ ერთი ნახატი გადარჩა,რომელზეც გამოსახული იყო მტირალა ბიჭი,ამას უბრალო და სულელურ დამთხვევად ჩათვლიდნენ,რომ არა ის ფაქტი რომ ნახატის ირგვლივ ყველაფერი ნადგურდებოდა,ნახატი კი დაუზიანებელი რჩებოდა,მალე მისი შეძენა საერთოდ აიკრძალა,ორიგინალი კი დღემდე დაკარგულად ითვლება... ბილ სტოუნჰემის ნახატი „ხელები მას ეწინააღმდეგება“ ასევე დაწყევლილ ნახატად ითვლება,სურეალისტი მხატვარი 1941 წელს ბოსტონში დაიბადა,ის ჩვეულებრივი მხატვარი იქნებოდა,რომ არა მისი ერთი ნახატი,მხატვარმა ის 1972 წელსდახატა ძველი ფოტოს მიხედვით დახატა,რომელზეც თითონ თავის პატარა დასთან ერთად მშობლიურ სახლთან დგას,იგი უპატრონო ბავშვთა სახლში იზრდებოდა და დაუცველობის შეგრძნებაც ყოველთვის თან ახლდა,ნახატზე ბიჭი გაურკვეველი სახის ნაკვთებით და თოჯინა ცოცხალი გოგოს სიმაღლით თითქოსდა გაიყინენ მინის კართან,რომელსაც შიგნით პატარა ბავშვის ნათითურები ეტყობა,სურათს უამრავი შემზარავი ისტორია უკავშირდება,პირველად ნახატი „ლოს ანჯელეს თაიმსის“ დირექტორმა და ხელოვნების დიდმა მოყვარულმა ნახა,რომელიც მალე დაიღუპა,ამის შემდეგ ნახატი შეიძინა ამერიკელმა მსახიობმა ჯონ მარლიმ,რომელიც ცოტახანში ასევე დაიღუპა,სწორედ აქედან იწყება მითები... დიდი ხნის განმავლობაში ნახატი დაკარგულად ითვლებოდა,მაგრამ შემდეგ ის ნაგავსაყრელზე იპოვეს,ოჯახმა რომელმაც ის იპოვა ნახატი სახლში მიიიტანა და შვილის ოთახში დაკიდა,პირველივე ღამეს გოგონა ტირილით მივიდა მშობლებთან და შესჩივლა,რომ ნახატზე ბავშვები ჩხუბობდნენ და ადგილმდებარეობას იცვლიდნენ,ოთახში კამერა დააყენეს რომელიც მოძრაობაზე რეაგირებდა,იგი ღამე რამდენიმეჯერ ამოქმედდა... ფაქტია რომ ნახატები გარკვეულ ენერგეტიკას ატარებენ და ადამიანის ფსიქიკაზეც ზემოქმედებენ,შეგიძლიათ დაიჯეროთ ზემოთ მოცემული ფაქტები,შეგიძლიათ არა,მაგრამ როგორც იტყვიან „ერთხელ შემთხვევაა,ორჯერ დამთხვევა,ხოლო მესამეჯერ უკვე კანონზომიერება“ #art #events #photo #sport #funny #crypto #business #design #food #religion #opinion #news #politics #goodplaces #gaming

1925 წელს დაბადებული ქალბატონის გარდაცვალება პირველი ფატალური შემთხვევა იყო აფხაზეთში. 1925 წელს დაბადებული პაციენტი, 26 აპრილს, დილას COVID-19– ით გამოწვეული გართულებებისა და თანმხლები ქრონიკული დაავადებების მიზეზით გარდაიცვალა. ”ექიმებმა გააკეთეს ყველაფერი რაც საჭირო იყო, მაგრამ, სამწუხაროდ, ასაკის გამო, ისინი ვერ გაუმკლავდნენ დაავადებას.” - თქვა აფხაზეთის ე.წ ჯანდაცვის სამინისტროს მთავარმა თერაპევტმა. 11 აპრილს ქალბატონს დაუფიქსირდა COVID-19, მაგრამ პაციენტმა უარი თქვა ჰოსპიტალიზაციაზე, ერთ კვირაზე მეტი ხნის განმავლობაში ის სახლში იმყოფებოდა. ჰოსპიტალიზაციაზე დათანხმდა მხოლოდ მდგომარეობის გაუარესების შემდეგ. ანჟელა არჩელიას თქმით, 95 წლის პაციენტს ჰქონდა ორმხრივი პნევმონია, თანმდევ დაავადებებთან ერთად. თერაპიის ფონზე, პაციენტმა მიაღწია რენტგენის გაუმჯობესებას, თუმცა, მისი მდგომარეობა მაინც მძიმე იყო. კორონავირუსი აფხაზეთში დაფიქსირდა აპრილში. ერთი პაციენტი გუდაუთის საავადმყოფოში ექიმების მეთვალყურეობის ქვეშ იმყოფება. მეორე პაციენტი კი უკვე გამოჯანმრთელდა.#კორონავირუსი #ინფექცია #გარდაცვლილი #SokhumiDaily

სურამში მეუღლის მკვლელობაში ბრალდებულ ილია ქურდაძის ადვოკატი ნათია სირაძე აცხადებს, რომ მისი დაცვის ქვეშ მყოფის ფსიქიკური მდგომარეობა მძიმეა. როგორც ადვოკატმა სასამართლოს სხდომაზე განაცხადა, ბრალდებული არაადეკატურია. შესაბამისად, დაცვის მხარეს მიაჩნია, რომ სისხლის სამართლის მოცემულ საქმეში არ დევს პასუხები კითხვაზე, თუ რა მოხდა რეალურად და რა იყო დანაშაულის ჩადენის მოტივი. "დღეს რამდენიმე საათიანი ურთიერთობა მქონდა ილია ქურდაძესთან. ეს ადამიანი არის უმძიმესი ფსიქიკური მდგომარეობის ქვეშ. ასეთი დაჩქარებული წესით და არასამუშაო დროს, აღკვეთი ღონისძიების განხილვა, სწორედ ემსახურებოდა იმას, რომ სინამდვილეში დროებით მოთავსების იზოლატორში დღეს მას ვერავინ გაუთენებს ღამეს, როგორც გუშინ გაუთენეს. მას რა ელანდება და რა შეიძლება, მოუწიოს თავის თავს, რა შეიძლება, რომ იმოქმედოს, მისი უკიდურესად მძიმე ფსიქიკური მდგომარეობიდან გამომდინარე, ჩვენ არ ვიცით",- განაცხადა ადვოკატმა. როგორც ადვოკატმა სასამართლო სხდომაზე აღნიშნა, ბრალდებულის მძიმე ფსიქიკური მდგომარეობიდან გამომდინარე, აუცილებელია, მისი გადაყვანა მოხდეს შესაბამის სამედიცინო დაწესებულებაში, რათა მდგომარეობა შეფასდეს. ადვოკატის მტკიცებით, მის დაცვის ქვეშ მყოფს საერთოდ არ ახსოვს, რა მოხდა დანაშაულის ღამეს. ადვოკატის თქმით, ის სამი საათის განმავლობაში, ელოდებოდა პოლიციას და შემთხვევის ადგილი არ დაუტოვებია. "ამ სამი საათის განმავლობაში მას გარეთ ფეხიც არ გაუდგამს. ბოლომდე ელოდებოდა და არსებობს კადრები, როგორ მიჰყვება პოლიციას. მომენტებში აქვს გამონათებები და მომენტებში საერთოდ არ ახსოვს, რა მოხდა. რა ძალების ზემოქმედების ქვეშ მოხდა ეს ყველაფერი, სრულყოფილ და საღ პასუხს ვერ მცემს. ამის შედეგი იყო, რომ დღეს მან ჩვენება ვერ მისცა. რაც შეეხება ფარულ ჩანაწერებს, რაც საქმეშია, არაადეკვატურ მდგომარეობაში ადამიანი გინდა ფარულად ჩაწერეთ, გინდა არაფარულად. აი, ახლა რომ შეეკითხებით, შესაძლოა, 10 წუთის შემდეგ იგივე შეკითხვაზე სულ სხვა პასუხი მიიღოთ. დღეს მე ეს გამოვცადე. ილიას ვიცნობ წლების განმავლობაში და დამიჯერეთ, რომ მსგავსი კეთილშობილი ადამიანი, რომელსაც სასულიერო აკადემია აქვს დამთავრებული, არაჩვეულებრივი პიროვნებაა, არაჩვეულებრივი დედის გაზრდილია, სიყვარულით სავსე მეუღლე. სინამდვილეში რა მოხდა, ამაზე პასუხი არც საქმეში დევს და არც ამ სასამართლოზე არ არსებობს. ერთადერთი, რაც ვიცი, მას ესაჭიროება სასწრაფოდ, გადაუდებლად სამედიცინო დაწესებულებაში გადაყვანა იმისთვის, რომ მისი ფსიქიკური მდგომარეობა განისაზღვროს და დადგინდეს - რა მდგომარეობა ჰქონდა ფაქტის დღეს, რა მდგომარეობა აქვს დღესაც. საპატიმრო პირობებში მისი ყოფნა არის კიდევ ერთი, ძალიან დიდი საშიშროება მისი სიცოცხლის და ჯანმთელობის მოსპობის",- განაცხადა ადვოკატმა. მისი თქმით, ინფორმაცია, რომ მისი დაცვის ქვეშ მყოფს შურისძიების მოტივი ამოძრავებდა, არ არის სწორი. ცნობისთვის, გორის რაიონულმა სასამართლომ ცოლის მკვლელობისთვის დაკავებულ ილია ქურდაძეს აღკვეთის ღონისძიების სახით პატიმრობა შეუფარდა. მოსამართლე გერმანე დადეშქელიანმა ბრალდების მხარის შუამდგომლობა სრულად დააკმაყოფილა. ცოლის მკვლელობაში ბრალდებულს ბრალი ოფიციალურად დღეს წარედგინა და პროკურატურამ დღესვე მიმართა გორის რაიონულ სასამართლოს შუამდგომლობით პატიმრობის გამოყენების თაობაზე. დანაშაულის ფაქტი 7 ივლისს დილით, სურამში მოხდა. 3 შვილის დედა, 31 წლის თეა რუსია ქმარმა მაშინ მოკლა, როდესაც ქალს ეძინა.

დღეს ცნობილი გახდა შაქარაშვილის საქმეზე ექსპერტიზის დასკვნა, რომლის საფუძველზე, 19 წლის ფეხბურთელის გარდაცვალებაზე საქმე ჯგუფურად განზრახ მკვლელობის მუხლით გადაკვალიფიცირდა. ამ საქმეზე 17 დაკავებულიდან ერთ-ერთი ბრალდებულის, გიგა ტატიაშვილის ადვოკატი გიორგი ყიფშიძე ამბობს, რომ ექსპერტიზის პასუხები საქმის შინაარსს მნიშვნელოვნად ცვლის. გიორგი ყიფშიძე, ადოკატი: ეს დასკვნა ერთ მიმართულებას კატეგორიულად ადასტურებს, მაგრამ სულაც არ გამორიცხავს იმ ჩვენს მითითებებს, რასაც ვვარაუდობდით, რომ ეს ადამიანი დამოუკიდებლად იქ ვერ ჩავარდებოდა. აქედან გამომდინარე, ვერსია, რომ წყალში ჩააგდეს და მერე გარდაიცვალა, ამ დასკვნით ფაქტობრივად, გამორიცხულია. კი გარდაიცვალა წყალში ჩავარდნის შემდეგ, მაგრამ ჩვენ თავიდანვე იმას ვამბობდით, რომ ის წყალში მოხვდა უკვე, სავარაუდოდ, გათიშულ მდგომარეობაში. - ანუ, ამ დასკვნით არ დასტურდება, რომ გათიშულ მდგომარეობაში ჩავარდა წყალში? - ზოგადი კონტექსტია იმიტომ, რომ ექსპერტი ვერ დაწერს იმას, რომ როცა გადააგდეს, იყო უგონოდ, ამას ექსპერტიზა ვერასდროს დაადგენს. - აბა, როგორ შეიძლება ამის დადგენა? - სამუშაო აქვს გამოძიებას, რომ ეს დაზუსტდეს. იქნებ, ჩვენებები, სხვა მტკიცებულებები მოიპოვოს იმიტომ, რომ მაინც ვარაუდის დონეზე გამოდის. როგორც ექსპერტი წერს, ჩარტყმული აქვს მძიმე რაღაცები, დაზიანებები აქვს მიყენებული და თან მტკიცებულებებით, რასაც ამბობენ ჩვენებებში „ოქროს მოწმეები“, შაქარაშვილი გარბოდა და მისდევდნენ. ადამიანი იბრძვის საკუთარი თავის გადასარჩენად და ჩანთას უდრტვინველად დებს სადღაც ბეტონზე და მერე წყალში ვარდება და იხრჩობა? - ეს ხომ წარმოუდგენელია! აქედან გამომდინარე, ამ დასკვნაში ლოგიკა არის, თუმცა სხვა დასკვნებია მოსასვლელი, რაც სურათს უფრო დააზუსტებს. გენეტიკური და უამრავი სხვა დასკვნა უნდა მოვიდეს, რაც უფრო შეცვლის სურათს. - პროკურატურამ, პრაქტიკულად, გვითხრა, რომ გიორგი შაქარაშვილი არის მოკლული, თან ჯგუფურად განზრახ მკვლელობით აღძრა საქმე. ეს უმძიმესი მუხლია და უვადო პატიმრობას ითვალისწინებს, არა? - დიახ, საშინელი მუხლია. ნასამართლევები თუ არ არიან, უვადო პატიმრობას არავინ მისცემს. 16-დან 20 წლამდე თავისუფლების აღკვეთას გულისხმობს ეს მუხლი. - მოკლედ, მთავარ კითხვად რჩება - ვინ მოკლა გიორგი შაქარაშვილი? - დიახ, რა თქმა უნდა. საგამოძიებოს დამატებითი კვლევები და გამოკითხვები და სპეციფიკური მოქმედებები აქვს ჩასატარებელი, რომ ეს დაამტკიცოს, რადგან მარტო ამ დასკვნით ვიღაცებზე წაყენებული ბრალი სასამართლოში ვერ იმუშავებს. არავინ ჩვენებას არ იძლევა, ყველა უარყოფს ბრალს და აქედან გამომდინარე, წარმოუდგენელი იქნება ამ მიმართულებით გამამტყუენებელი განაჩენის დაყენება. - როგორ ფიქრობთ, შეძლებს გამოძიება ამ დეტალების დაზუსტებას? - რაც ვნახე დასაწყისში, იმდენი სისულელე აქვთ გაკეთებული, ათმაგი შრომა მოუწევთ, რომ ის, რაც გაშვებულია, როგორმე შეავსონ და ინფორმაციული დეფიციტი არ იყოს საქმეში. ამისთვის ტიტანური შრომა აქვთ გასაწევი, მაგრამ უნდა ვაღიარო - ვატყობ, რომ მონდომება აშკარად აქვთ. რადგან, ალბათ, მოქმედებს საზოგადოებრივი ინტერესი და განსაკუთრებით თქვენი, მედიის, ფაქტორი. - ამ საქმეში ჩანთის დეტალს ყოველთვის ხაზს უსვამთ. ჩანთაზე დნმ-ის კვლევის პასუხი როდის იქნება ცნობილი? - დნმ-ის კვლევას შეიძლება, ცოტა დააგვიანდეს, რადგან ყველაზე რთული მოლეკულარული კვლევაა და საკმაოდ დიდი დრო სჭირდება. - თქვენი დაცვის ქვეშ მყოფის, გიგა ტატიაშვილის ბრალთან დაკავშირებით, გავრცელებული დასკვნის საფუძველზე, რაიმე იცვლება? _ აბსოლუტურად არაფერი. ამ საქმეს ასე გაბედულად იმიტომ მივყვები და ხმამაღლა იმიტომ ვლაპარაკობ, რომ ამაში დარწმუნებული ვარ და საერთოდ გამოვრიცხავ მის ბრალეულაბას ნებისმიერი მუხლით. - რატომ? - იმიტომ, რომ არანაირი ორგანიზება არ გაუწევია ამ ბავშვს. როგორ შეიძლებოდა, ორგანიზება გაეწია ნახევარ საათში და ორგანიზებული ჯგუფი შეექმნა? ლოგიკურად, ეს წარმოუდგენელი და არასერიოზულია. -გასაგებია, რომ შეიძლება ორგანიზებული ჯგუფის შექმნა არ დაუმტკიცდეს, მაგრამ ტატიაშვილს ხომ არ წარუდგება ბრალი შაქარაშვილის განზრახ მკვლელობაზე? - არა, ეს გამორიცხულია. საერთოდ არ აქვს შემხებლობა, ისეთი წყვეტა აქვთ, რომ ამათ იჩხუბეს, ტატიაშვილმა გააშველა, გადაარჩინა ის ბიჭიები „პოლიცია მოდის“ ძახილით და შემდეგ წამოვიდა თბილისში და 01:35 წუთზე უკვე ნახალოვკაშია და ამის ვიდეომტკიცებულებაც გაგვაჩნია. წყარო: ჰოთნიუსი შაქარაშვილი ექსპერტიზა კითხვები TbilisiDaily

„სკოლების უმეტესობა დისტანციურ სწავლებაზე გადავიდა. დისტანციურ სამუშაო რეჟიმზე გადაერთო საჯარო და კერძო სექტორიც. შედეგად, მშობლებისა და ბავშვების ყოველდღიური ცხოვრება შეიცვალა. ახალ გამოწვევებთან გამკლავების მიზნით, საქართველოს განათლების, მეცნიერების, კულტურისა და სპორტის სამინისტრო და სსიპ საგანმანათლებლო დაწესებულების მანდატურის სამსახურის ფსიქო-სოციალური მომსახურების ცენტრი მშობლებს სთავაზობს რეკომენდაციებს, რომლებიც მათ დაეხმარება, გაუმკლავდნენ შექმნილ ვითარებას. შეინარჩუნეთ სიმშვიდე - არ გამოხატოთ შფოთვა და უიმედობა, ბავშვების თანდასწრებით. ისეთ უჩვეულო ვითარებაში, როგორიც დღეს მთელ მსოფლიოში და ჩვენ ქვეყანაში გვაქვს, ბავშვები და მოზარდები, ძირითადად, მშობელთა ქცევებიდან გამომდინარე რეაგირებენ. ამიტომ, მნიშვნელოვანია, პირველ რიგში, ზრდასრულებმა საკუთარ ემოციურ მდგომარეობაზე იზრუნონ; დღის განმავლობაში, დაუთმეთ გარკვეული დრო საკუთარ თავს; დაკავდით თქვენთვის საინტერესო აქტივობით: იკითხეთ წიგნები, უყურეთ ფილმებს; შეინარჩუნეთ ონლაინ-კონტაქტი სხვა მშობლებთან - გაუზიარეთ აზრები და გამოცდილება, თუ რით შეიძლება დაკავდეთ სახლში და გაართოთ ბავშვები; ეს ყველაფერი იზოლაციის განცდას შეამცირებს და ემოციების მართვაში დაგეხმარებათ. შეადგინეთ კვირის გეგმა - გაუწერეთ ბავშვებს კონკრეტული აქტივობები, დაწყებისა და დასრულების დროების მითითებით, მათ შორის, აუცილებლად განუსაზღვრეთ შესვენების დროც. ცხრილი უნდა მოიცავდეს როგორც სასწავლო, ისე გასართობ აქტივობებს. სასურველია, ეს ყოველივე წარმოდგენილი იყოს ვიზუალურად, ადვილად აღსაქმელი ფორმით (მაგ: თვალსაჩინო ადგილას გამოკრულ ფორმატზე, ცხრილის სახით). ამით დაეხმარებით ბავშვებს მიზნებზე ფოკუსირებასა და დროის ნაყოფიერად განაწილებაში. ყოველდღიური რეჟიმის შექმნით, გარკვეულწილად შეინარჩუნებთ ცხოვრების ჩვეულ რიტმს და შეამცირებთ ბავშვის სტრესტის დონეს. გაითვალისწინეთ, რომ მნიშვნელოვანია ძილის იმ რეჟიმის შენარჩუნება, რაც ბავშვს აქამდე ჰქონდა - მან უნდა დაიძინოს და გაიღვიძოს ჩვეულებისამებრ, იმავე საათებში, როგორც ეს სკოლაში სიარულის დროს ხდებოდა. გაწერილი გრაფიკი უნდა იყოს დაცული როგორც ბავშვის, ისე ოჯახის სხვა წევრების მხრიდან. მოუსმინეთ ბავშვებს- მნიშვნელოვანია, იცოდეთ, როგორ აღიქვამს ბავშვი მიმდინარე მოვლენებს, რას ფიქრობს, რა აშფოთებს ან ამშვიდებს. გახსოვდეთ, რომ ის შეიძლება იყოს დაბნეული და გაურკვევლობაში. აუხსენით, რომ ასეთ დროს, კითხვების დასმა აუცილებელია. შესაძლოა, მან ისეთი შეკითხვები დაგისვათ, რაზეც პასუხი არ გაქვთ. არ გაუკეთოთ მას იგნორირება. უთხარით, რომ ეს საინტერესო საკითხია, იფიქრებთ და როგორც კი პასუხს მოიძიებთ, მაშინვე უპასუხებთ. ნუ მიაწვდით მცდარ ინფორმაციას. ეცადეთ, მშვიდად, მისთვის გასაგებ ენაზე, ასაკისა და ფსიქოლოგიური მდგომარეობის გათვალისწინებით, აუხსნათ ვირუსთან დაკავშირებული ფაქტები. ესაუბრეთ ჰიგიენის დაცვის წესების აუცილებლობაზე და ეს ყველაფერი გააკეთეთ სახალისო ფორმით, შეშინებისა და დაძაბულობის გარეშე. უთხარით, რომ თქვენ მათ გვერდით ხართ- შექმნილმა უჩვეულო სიტუაციამ, შესაძლოა, ბავშვში ძლიერი შფოთვა გამოიწვიოს. ბავშვები და მოზარდები სტრესზე სხვადასხვაგვარად რეაგირებენ: ზოგიერთმა, შესაძლოა, მაშინვე გამოხატოს ნერვიულობა, ზოგმა კი - გარკვეული პერიოდის შემდეგ. ასევე, ზოგიერთი ბავშვი აშკარად გამოხატავს დაძაბულობას, ზოგი კი - საკუთარ თავში იკეტება და „ჩუმად“ განიცდის. ნებისმიერ შემთხვევაში, საჭიროა, ყურადღებით იყოთ, არ გამოგრჩეთ შეცვლილი ქცევები და ემოციები. გახსოვდეთ, რომ ასეთი სიმპტომები, არსებულ მდგომარეობაში, აბსოლუტურად ნორმალურია. აუხსენით ბავშვებსაც, რომ მათი განცდები სრულიად შეესაბამება შექმნილ სიტუაციას, თქვენ მათ გვერდით ხართ და მათი გესმით. ბავშვებს სჭირდებათ ყურადღება- როგორი დატვირთულიც უნდა იყოთ სამსახურისა თუ სახლის საქმეებით, დღის განმავლობაში, გამოყავით გარკვეული დრო ბავშვებისთვის. დაკავდით საერთო სახალისო საქმიანობით - მოაწყვეთ ოჯახური საღამოები, დისკოთეკა, კარაოკე, ითამაშეთ სამაგიდო თამაშები, ხატეთ, გამოძერწეთ ერთად, დაათვალიერეთ ძველი ოჯახური ალბომები, დაიწყეთ დილის გამამხნევებელი ვარჯიშები და, რაც მთავარია, ბევრი იცინეთ. შეამცირეთ გაჯეტებთან ურთიერთობა- დისტანციური სწავლებიდან გამომდინარე, ბავშვებს ისედაც დიდი დოზით უწევთ ეკრანთან მუშაობა. ამიტომ შეეცადეთ, აკონტროლოთ, რას აკეთებს კომპიუტერში/ტელეფონში. დაეხმარეთ წიგნიერების ამაღლებაში: ერთად შეარჩიეთ მისთვის საინტერესო წიგნი; წაიკითხეთ ხმამაღლა ან უსმინეთ აუდიო-ვერსიას; იმსჯელეთ წაკითხულის შესახებ; დაახასიათეთ მთავარი გმირები, ისაუბრეთ მათ ქცევებსა და ემოციებზე; ინდივიდუალურად დაწერეთ წაკითხულის მოკლე შეჯამება და გაუზიარეთ ერთმანეთს. ჩაერთეთ მთელი ოჯახი - სთხოვეთ დახმარება ოჯახის სხვა წევრებსაც. თუ ატყობთ, რომ თქვენც გიჭირთ შექმნილ სიტუაციასთან გამკლავება, რაც, თავისთავად, ბავშვზეც უარყოფითად აისახება, მიმართეთ სპეციალისტს, ფსიქო-სოციალური მომსახურების ცენტრის ცხელი ხაზის მეშვეობით. ფსიქო-სოციალური მომსახურების ცენტრის 24 საათიანი ცხელი ხაზი: 08 00 00 00 88 Skype-კონსულტაცია: საჭიროების შემთხვევაში, 6-დან 13 წლამდე ასაკის ბავშვების მშობლებს და 13 წლის ზემოთ ასაკის ბენეფიციარებს ფსიქოლოგების მიერ უტარდებათ ონლაინ-კონსულტაცია, Skype-ის მეშვეობით. Skype-ის მისამართია: pscenter, - ნათქვამია გავრცელებულ რეკომენდაციებში.

ყველაზე გულგრილად, უფრო სწორედ მეხსიერების დონეზე მაინც რომ გავიხსენეთ ჩვენი ქვეყნის ისტორიის ის სამწუხარო პარალელები, რომელიც ე.წ. ,,ერთმორწმუნე'' რუსეთან იძულებით გვაკავშირებდა, მხოლოდ დიდ ტკივილსა და სისხლის ღვრას წავაწყდებით. პირადად მე რუსეთ-საქართველოს ურთიერთობების ისტორიიდან აი რა მახსენდება: 1. 1783 წლის გეორგევსკის ტრაქტატი-საქართველოს მიტოვება და ღალატი რუსეთისგან; 2. 1770 წელს ასპინძის ბრძოლაში ტოტლებენისგან ერეკლეს მიტოვება აწყურის ციხესთან ბრძოლის დროს და მცდელობა ერეკლეს ჩამოგდებისა. 3. 1800 წელის პავლე პირველის მანიფესტი ქართლ-კახეთის სამეფოს გაუქმების შესახებ. 4. 1801 წელს რუსეთის იმპერატორისგან მრავალსაუკუნოვანი ბაგრატიონთა ტახტის გაუქმების გადაწყვეტილება. 5. 1802 წელის 12 აპრილი სიონის გარშემო რუსული ჯარის ალყის შემორტყმა და ქართველი თავადაზნაურების იძულებით მეფის რუსეთის წინაშე ფიცის დადება; 6. 1803 წლიდან დაიწყეს მასიური გადასახლებები ბაგრატიონების შორეულ რუსეთში. 7. 1804 წელს დაიდო იძულებით ფაქტიურად მოღალატური ელაზნაურის ტრაქტატი სოლომონ II-სთან რუსეთის მხირდან; 8. 1809 წელს რუსები შეიჭრნენ ქუთაისში და ჯარი შეიყვანეს; 9. 1810 წელს საქართველოს მთავარსარდალი გენ.ტორმასოვი ქუთაისში ჩავიდა იმერეთის სამეფო გაუქმებულად გამოაცხადა; შეიპყრეს იმერეთის მეფე; 10. 1804-1828 წელებში გაუქმეს გურიის სამთავრო; 11. 1858 წელს სვანეთის სამთავრო გააუქმეს; 12. 1810 წელს შევიდნენ აფხაზეთში. 13. 1811 წელს გაუქმე მრავალსაუკუნოვანი ქართული მართმადიდბებლი ეკლესიის ავტოკეფალია, არ დაგავიწყდეთ მონღოლებს არც კი დაუბეგრავთ ეკლესია და საეგზარქოსო დააწესეს ვარლამის და თეოფილაქტე რუსანოვის ხელმძღვანელობით, რომლისგანაც დაწყევლილ იქნა საქართველო და ქართველობა, პასუხს შეეწირა დიმიტრი ყიფიანი (მოკლეს); 14. 1811 წელს იძულებ სით გადასახლეეს საქართველოს კათალიკოს-პატრიარქი ანტონ II; 15. 1802 წელს მოხდა პოლიტიკური გამოსვლა კახეთში, სიხსლში იქნა ჩახშობილი რუსეთის მიერ; 16. 1804 წლის აჯანყება აღმოსვალეთ საქართველოს მთიანეთში-აქაც ქართული სისხლი დაიღვარა ერთმორწმუნეებისგან; 17. 1841 წელს მოხდა გურიის მაშტაბური აჯანყება, აქაც ,,ერთმორწმუნეობამ'' დიდი სისხლის დაღვარა ჩვენი მამულისშბვილების; 18. 1814 წელს დასავლეთ საქართველოს საკათალიკოსო გაუქმეს; 19. 1819-1820 — ანტიკოლონიური სახალხო აჯანყება ცარიზმის რეაქციული პოლიტიკის წინააღმდეგ. რა დროსაც ე.წ. ეკლესიის რეფორმის დროს უამრავი საეკლესიო სიწმინდე და ქონება ჩაირცხეს რუსეთის ხაზინაში, ფაქტიურად გაძარცვეს ქართული ეკლესია; 20.1820 წლის 4 მარტს რუსეთის მთავრობამ დააპატიმრა ექვთიმე გენათელი, დოსითეოს ქუთათელი, დარეჯან ბატონიშვილი (სოლომონ I-ის ასული) და რამდენიმე გავლენიანი თავადი და აზნაური და მათი რუსეთში გაგზავნა გადაწყვიტა; პარალელურად დარბიეს რაჭა და რაჭველები; 21.1819 წლის იმერეთის აჯანყების დროს დოსითეოს ქუთათელი რუსეთის ხელისუფლებამ დააპატიმრა, როგორც აჯანყების ერთ-ერთი მოთავე. რუსეთში გადასახლების დროს იგი გზაში მოკლეს. 22. 1832 წლის შეთქმულების მონაწილეები გადასახლეს და სატიკად დასაჯეს. 23. 1924-1937 წლებში ათასობით ადამიანი დახვრიტეს და გადაასახლეს; 24. დღემდე არ ვიცით ტიციან ტაბიძისა და სხვათა საფლავები, იძულებით თავი დახოცინეს ცისფერ ყანწელების წარმომადგენლებს; 25. დევნიდნე ქართულ ენას, აღდომას ერთმორწმუნე რუსეთის შიშით წინაპართა საფლავებზე ვერ გავიდოდა ადამიანი; გადაღებეს და გაუქმეს ასეულობით ქართული ტაძრები, ზოგი აფეთქეს და მათ ადგილზე სასტუმროები და მთავრობის სახლები დადგეს; 26. დაიწყეს დემოგრაფიული ექსპანსია 27. გაუქმეს ქართული სკოლები; 28. ყველა ოფიციალურ სტრუქტურას რუსი ჩინოვნიკი ჩაუყენეს სათავეში, ქართველები მეორე ხარისხოვანი გახდნენ; 29. მკაცრი იყო ცენზურა და ამას შეეწირა ქართველ მწერალთა მრავალი თაობა; 30. გაასაჩუქრეს ძირძველი ქართული მიწები (ჰერეთი და სხვ.) 31. 1921 წელს დაიპყრეს კვლავ საქართველო დაიღუპა უამრავი ადამიანი (კოჯორ-ტაბახმელის მიდამოებში) 32. 1921 წელს დამხეეს და ემიგრაციაში გადახვეწეს ეროვნული მთავრობა; 33. მოგვიწყეს 1956 წლის სისხლიანი დღეები თბილისში; 34. სასტიკად დევნიდნენ ქართულ პროფესურას, ივანე ჯავახიშვილი გამოაგდეს და სხვა უამრავი მის მიერვე დაარსებულ უნივერსიტეტიდან; 35. 1978 წელს მოინდომეს ქართული ენის სტატუსის შეცვლა; 36. 1989 წლის 9 აპრილი, დახოცეს და სასტიკად აჩეხეს ახალგაზრდობა; 37. აფხაზეთსა და სამაჩაბლოში ძმა-ძმას აკვლევინეს, დანარჩენი თვითონ წააკლეს. 38. 90-იანების სისხლიანი მარათონი მოაწყეს თბილისში... 39. 2008 წელს მოახდინა საქართველოს დაბობვა, ტერიტორიების მიტაცება და უამრავი მშვიდობიანი ადამიანი დახოცეს; მეგობრებო ეს მოკლედ რაც გამახსენდა, ისე ზემოთ ნახსენებ თითვეულ თარიღში უდიდესი სისხლი აქვს დაღვრილი ამ ბოროტების იმპერიას ჩვენს მიწაზე თუ შორეული რუსეთის დილეგებში; დღემდე აგრძელებს აგრესიულ და სისხლისმღვრელ ქმედებებეს საქართველოსა თუ კავკასიური ქვეყნების მიმართ! და ყოველივე ამის მერე გამოვიდეს ვინმე ქორვაჭარი და მითხრას რუსეთი არ არის ოკუპანტი და მას უნდა მოვეფეროთ რადგან ერთმორწმუნეაო! მაპატიეთ იმისთვის რომ კიდევ ბევრი მათ მიერ ჩადენილი მავნებლური საქმე ვერ ჩამოვწერე რადგან ცოტა დავიღალე! #politics #religion

საინტერესო ფაქტები ლეგენდის შესახებ 💛💚❤️ 1.სანამ კურტი 'ნირვანაში' დაიწყებდა მოღვაწეობას, მანამდე ჯგუფ ''Melvins''–ში სცადა ბედი, თუმცა არ მიიღეს. 2.სანამ 'ნირვანა' შემოქმედებით კარიერას დაიწყებდა, მათ ფაქსი მოუვდათ 'მეტალიკისგან'. სადაც ისინი მათ თანამშრომლობას სთავაზობდნენ. 3.დიდი ხნის განმავლობაში კობეინი მუშაობდა ფილმის შექმნაზე სახელწოდებით "Super-8", სადაც ერთი სცენაში გადმოცემული იყო კურტ კობეინის თვითმკვლელობა. 4.თავისუფალ დროს კურტს უყვარდა ხორცის ნაჭრების შეძენა და შემდეგ მათ მახლობელ ტყეში ისროდა. 5.რაღაც დროის განმავლობაში, კურტი წყობიდან გამოდიოდა კონცერტზე გასვლის წინ. 6.1976 წლის ივლისში(კურტი მხოლოდ 9წლის იყო), როდესაც კურტის მშბლები ერთმანეთს დაშორდნენ, პატარა კურტმა საძინებლის კედელზე შემდეგი წარწერა გააკეთა: "მე ვერ ვიტან დედაჩემს, მე ვერ ვიტან მამაჩემს, დედაჩემი ვერ იტანს მამაჩემს, მამაჩემი ვერ იტანს დედაჩემს; როგორ შეიძლება ამის მერე არ იყო მოწყენილი?" 7.ერთხელ მისმა მეგობარმა მასზე თქვა: "ის უბრალოდ დაბადებულია ქალების თხოვნით; დაიცვას და იზრუნოს მათზე. თუმცა მეორეს მხრივ მისი სიძლიერის მიუხედავად, ის შეიძლება ქალებს გულჩვილად და ნაზად წარმოუდგეს." 8.მან ერთ ინტერვიუში თქვა: "მე ბევრ ჭკვიანს შევხვედრივარ; ისეთებს რომელსაც შეეძლოთ შეენახათ და გადმოეცათ უამრავი ინფორმაცია; მაგრამ არასოდეს შევხვედრივარ ისეთ ადამიანს რომელიც აფასებდა სიბრძნით გატაცებას". 9.პირველი ნამუშევარი შექმნა 15 წლის ასაკში დეიდის სახლში და დაარქვა "Organized Confusion". 10.ყოველდღიურად, ის იყენებდა გმირობას, რომ შეემცირებინა ქრონიკული ტკივილი კუჭში. 11.როდესაც 'ნირვანა' გახდა ცნობილი, მათ შესთავაზეს მსოფლიო მნიშვნელობის ფესტივალის ორგანიზატორებს რომ დაუკრავდნენ კონცერტზე, მაგრამ მათ უარი უთხრეს, რითიც სასტიკად ატკინეს გული კურტს. 12.კურტს ჰქონდა მომენტები, როცა შეეძლო 45 წუთი მჯდარიყო კუთხეში და ხმა არ ამოეღო. 13.როდესაც ''Nevermind'' პირველ ადგილზე გავიდა მუსიკალურ ჩარტებში, კურტმა დიდი რაოდენობით ნარკოტიკი მიიღო. ის იპოვნა მისმა მეგობარმა გოგონამ კორტნი ლავმა, დილის 7საათზე იატაკზე გაწოლილი. დიდი რაოდენობის წყალის დახმარებით მან გონს მოიყვანა მომღერალი. 14.1991 წელს კურტმა და კორნიმ ერთად დაიწყეს ცხოვრება ერთ პატარა ოთახში, მეგობრის სახლში. 15.ყველაზე ძვირფასი ნივთი მისთვის საყვარელი მწერლის ხელმოწერა იყო; უილიამ ბეროუზის. 16.1992 წელს კურტმა დაადასტურა რომ კორნისთან ცხოვრების მანძილზე მათ დახარჯეს მილიონი დოლარი: 80 000 პირადი ხარჯებისათვის, 380 000 გადასახადებისათვის, 300 000 სახლის ქირისათვის ვაშინგტონში; ხოლო დანარჩენი ექიმებისათვის. " ეს არც ისე ბევრია" ჩაილაპარაკა მან. 17.სანამ ცნობილი გახდებოდა, კობეინი ინსტრუქტორად მუშაობდა საბავშვო აუზზე. 18.6 წლის ასაკში კურტი პოლიციის მანქანებს ქვებით სავსე ქილებს უშენდა. 19.როდესაც კორტნი ლავმა მოისმინა “In Bloom”, მან თქვა: "მე ვწუხვარ კურტზე, მე უკვე წარმოვიდგინე ის კოშმარი რაც მას ელოდება ამ სიმღერის გამოსვლის შემდეგ". 20.პირველად კურტმა საკუთარი თავი ტელევიზორში 1991 წლეს ნახა, MTV–ის ჩანაწერებში. 21.კობეინმა ერთხელ თქვა: "ხელოვნება–როგორც ხანგრძლივი მნიშვნელობა, თუ არ იქნა დაფასებული და აღიარებული უმრავლესობის მიერ, ის დარჩება მხოლოდ უმცირესობის შეფასების დონეზე." 22.ერთხელ მან თქვა: "ცხოვრების დიდი ნაწილი მე კაცურად გავატარე, თუმცა ყოველთვის ვამჯობინებდი ქალებთან ურთიერთობას. მე უპირატესობას შედარებით რბილ მუსიკას ვანიჭებდი. თუმცა ყველაფერი შეიცვალა როდესაც მარიხუანას მოწევა დავიწყე." 23.მისი საყვარელი სიმღერა იყო “Gigantic” – ჯგუფ ''Pixy''–ის შესრულებით. 24.ერთ–ერთი კონცერტის დასასრულს კურტმა ხმამაღლა დაიყვირა: "კორტნის უყვარს საუკეთესო 'fu*k' მსოფლიოში". 25.კორტნიმ კურტზე თქვა: "კურტი დაუჯერებლად ამბიციური იყო, რაც სურდა ყველაფერს იღებდა". 26.როდესაც 'ნირვანამ' მოღვაწეობა დაიწყო, ისინი კვირაშ 5 ღამეს მეცადინეობდნენ. 27.პატარა ასაკშ მამა ის ჭიდაობის წრეზე ჩაწერა, მაგრამ კურტს არ სურდა ჩხუბი ის უბრალოდ იჯდა და ხმას არ იღებდა ხოლმე. 28.კობეინს ბავშვობაში ჰყავდა ილუზიური მეგობარი "Boddah". 29.ბავშვობაში შუა ღამემდე უყვარდა ტელევიზორის ყურება. 30.კურტმა ერთხელ მამას მისწერა: "მე არაფერი შემიცვლია დედასთან მიმართებაში. მე უბრალოდ გავიზარდე. მე მივიღე ერთნაირი დოზა ორივეს სიძულვილისგან". #news #opinion #photo #rockmusic #interestingfact

რიჩარდ ლუგარის სახელობის საზოგადოებრივი ჯანდაცვის კვლევითი ცენტრი, ამერიკის დაფინანსებთ, 2011 წელს გაიხსნა და სრულ ექსპლუატაციაში 2013 წლის აგვისტოში შევიდა. ლუგარის ცენტრი ქვეყნის ლაბორატორიული ქსელის მესამე დონის დაწესებულებაა, რომელიც წარმოადგენს საქართველოს საზოგადოებრივი ჯანდაცვის სისტემის რეფერალურ ლაბორატორიას. მას შემდეგ, რაც საქართველოში ახალი კორონავირუსი დაფიქსირდა, ლუგარის ლაბორატორია ერთ-ერთ სტრატეგიულ ობიექტად იქცა. ბევრმა პოლიტიკოსმა, მათ შორის საქართველოს მე-3 პრეზიდენტმა განაცხადა, რომ ლუგარის ლაბორატორიის დაარსება სწორედ მის სახელს უკავშირდება. ლაბორატორიის დირექტორი, ამირან გამყრელიძე ამ ფაქტს ასე ეხმაურება: „ზოგიერთი პოლიტიკოსი ახლა ამბობს, რომ რიჩარდ ლუგარი საქართველოში სწორედ მან ჩამოიყვანა, მან ჩაუყარა საფუძველი ამ ლაბორატორიას. მე ძალიან კარგად ვიცი, როგორ ჩამოყალიბდა ეს ლაბორატორია და როდის იყო მიღებული გადაწყვეტილება. 1997 წელს ბილ კლინტონმა და ედუარდ შევარდნაძემ მოაწერეს ხელი დიდ შეთანხმებას ბიოლოგიური და ქიმიური იარაღის კუთხით. 2002 წელს დავით თევზაძემ და მისმა ამერიკელმა კოლეგამ მოაწერეს ხელი ამ პროექტის დაწყებას და ამაში მაშინდელი მთავრობის წევრებმა შეიტანეს საკუთარი წვლილიც. ეს პროექტი 2003 წელს 30 მილიონით დაიწყო და მერე 350 მილიონამდე გაიზარდა დაფინანსება." ლუგარის ლაბორატორიის არსებობა რუსეთს მოსვენებას არ აძლევს, ხოლო როდესაც რუსეთი ვერ ისვენებს, იწყებს სახლემწიფო-იდეოლოგიზირებული აპარატის ამოქმედებას და მწვავე პროპაგანდას, რაც საზოგადოებაში ფაქტების დამახინჯებითა და არასწორი ინტერპრეტციით გამოიხატება. საქართველოში 70 წლის განმავლობაში აღმოჩენილი ყველა ვირუსი თუ სხვა ინფექცია ლუგარის ლაბორატორიაში იმისათვის ინახება, რომ არ გაიფანტოს და არ გახდეს ბიოლოგიური ტერორიზმის იარაღი, თუმცა რუსეთმა ეს ინფორმაცია თავისებური გადაატრიალა, რასაც პაატა იმნაძე ასე ეხმაურება. ​„იმისთვის გვჭირდება ეს კოლექცია, რომ ვიცოდეთ, საქართველოში რა მიკრობებია და თუ გაჩნდება რამე ახალი მიკრობი, შევადაროთ იმას, რაც ჩვენს კოლექციაში არის და ვნახოთ, ეს ჩვენია, ადგილობრივია, თუ ეს შემოტანილია და უნდა გამოვიკვლიოთ, როგორ შემოვიდა - ხელოვნური ხომ არ იყო, თუ ბუნებრივად შემოვიდა. ამის დადგენა დღეს ჩვენ შეგვიძლია“, - რუსულ პრესაში უკვე დიდი ხანია ვრცელდება სტატიები სათაურით "ქართველები ადამიანებზე ცდებს ატარებენ" , "ამერიკის ბიოლოგიური იარაღი", "ბიოლოგიური ტერორიზმი", თუმცა რა ინტერესები დგას ამ ინფორმაციის გავრცელების უკან? რატომ ააგორა ეს პროპაგანდა რუსეთმა და რა მიზნებს ემსახურება? საიდან აქვს ქვეყანას მსგავსი ტიპის ინფორმაციასთან წვდომა? რუსეთმა პროპაგანდის წარმოება საქართველოს ოკუპირებული ტერიტორიებიდან დაიწყო. მან საკუთარი "მოშინაურებული პოლიტიკოსები" ალაპარაკა და ამით ჯერ დე-ფაქტო ხელისუფლების მაცხოვრებლებს გაუღვივა შუღლი ქართველების მიმართ, შემდეგ კი ეს შიში ჩვენამდეც მოიტანა. აი მაგალითად, ბიბილოვი აცხადებდა, რომ სამაჩაბლოსა და აფხაზეთში აღმოჩენილია ამერიკული ჯიშის კლოპები, რომლებიც აქამდე არასდროს დაფიქსირებულა რეგიონში, ისინი მუტაციას განიცდიან და სხვადასხვა დაავადებები გადააქვთ. მისივე თქმით, ამერიკელების მიერ ლუგარის ლაბორატორიაში შემოდის სპეციალური კლოპები, შემდეგ კი კონკრეტული ადამიანები მას საზღვარზე ავრცელებენ. საინტერესოა, როგორ აღმოაჩინა ამდენი ინფორმაცია "სამხრეთ ოსეთისა" და "აფხაზეთის" ჯანდაცვის სისტემამ, როდესაც სამკურნალო პალატები და სამედიცინო სტრუქტურა იმდენად მოშლილი აქვთ, რომ ქართულ სოციალურ პაკეტებს იყენებენ. როგორ აღმოაჩინეს ეს კლოპები ? ვინ დგას ამ ინფორმაციის შეკრება-გავრცელების მიღმა? იმის შემდეგ რაც ნოყიერი ნიადაგაი გაჩნდა, ახლა ჯერი რუსეთზე მიდგა. საჭირო იყო თამაშში შემოსულიყვნენ ქვეყნის საჯარო პირები თუ მოხელეები, ასეთად მოგვევლინა რუსული დუმა, რომლის თქმითაც, ამერიკა რუსეთს ბლოკადას უწყობს და ემზადება ბიოლოგიური ტერორიზმისათვის, სწორედ ამიტომ მის საზღვრებთან ახლოს ორი დანიშნულების მქონე ლაბორატორიებს აშენებს. ლუგარის ლაბორატორიის არგუმენტის გასამყარებლად მათ ოკუპირებული ყირიმი მოიშველიეს. დუმა აცხადებს, რომ ყირიმში იატაკქვეშა ლაბორატორიები და უამრავი ბიოლოგიური იარაღი აღმოაჩინეს, თუმცა კონკრეტულად რა ლაბორატორიაზეა საუბარი ან რა იარაღზე, ამის შესახებ არაფერი თქმულა. პროპაგანდა ამჯერად ქართველი ხალხის დაშინებაში გადაიზარდა. რუსეთის მიერ გავრცელებული ინფორმაციის თანახმად, 2015 წელს საქართველოში ერთ დღეში 30 ადამიანი გარდაიცვალა ც-ჰეპატიტით. ამავე ინფორმაციის თანახმად მათ აშშ-ის ყოფილი სენატორის რამსფელდის წამლით კურნავდნენ, რომელსაც რეალურად სულ სხვა დანიშნულება ჰქონდა. 30-ვე პირის გარდაცვალების რეალური მიზეზი უცნობია. ისმის კითხვა, საიდან აქვს მოსკოვს მსგავსი ინფორმაცია? ვინ არის წყარო და რამდენად ვალიდურია? რუსულ პრესაში, მსგავსი ნეგატიური ინფორმაციის დასადასტურებლად ხშირად იყენებენ საქართველოს ყოფილი თავდაცვის მინისტრის, იგორ გიორგაძის ციტატებსა და ფრაზებს. როგორც ჩანს, სწორედ ის აწვდის მოსკოვს მსგავს დეზინფორმაციას. შეგახსენებთ, რომ იგორ გიორგაძე არის პირი, რომელიც არაერთი დანაშაულის გამო საქართველოდან იდევნება, მას 1995 წელს ედუარდ შევარდნაძის წინააღმდეგ ტერაქტის მოწყობა და ასევე გია ჭანტურიას მკვლელობა ბრალდება. რამდენად სანდო შეიძლება იყოს მისი წყარო და რაში სჭირდება მას ამ დეზინფორმაციის გავრცელება? ფაქტია, რომ რუსეთს არ მოსწონს საქართველოს დამოუკიდებლობა და ქვეყანაზე სრული დომინაცია სურს, ხოლო როდესაც ამას ვერ იღებს იგი ჩვეულებრივი ხელწერით, პროპაგანდით და ბორდერიზაციით მოქმედებს. შეგახსენებთ, რომ რამოდენიმე დღის წინ, მაშინ როდესაც ლუგარის ლაბორატორიამ ქვეყანას დაანახა თავისი რეალური საჭიროება, რუსეთმა დემონსტრაციულად გადსმოწია საზღვარი და საოკუპაციო ხაზი კიდევ უფრო გააფართოვა.

ოკუპირებულ აფხაზეთში კორონავირუსით დაინფიცირებულთა რაოდენობა 3-მდე გაიზარდა. აღნიშნულ ინფორმაციას ფე-ფაქტო ხელისუფლების მიერ ორგანიზებული ოპერატიული შტაბი ავრცელებს. როგორც ცნობილია, ერთ-ერთი დაავადებული 95 წლისაა. ე.წ. უწყების თქმით, ასაკოვანი პაციენტი ამჟამად მკაცრ თვითიზოლაციაში იმყოფება. ადგილობრივი დე-ფაქტო მთავრობის თქმით, ოკუპირებულ აფხაზეთში COVID-19-ის პირველი შემთხვევა 7 აპრილს გამოვლინდა. მიუხედავად ამისა, რამდენიმე დღით ადრე გალის რაიონიდან საქართველოს კონტროლირებად ტერიტორიაზე ახალი ვირუსით დაინფიცირებული ქალბატონი გადმოიყვანეს. სწორედ ამიტომ, ლოგიკურად ჩნდება ეჭვი, რომ ე.წ. ხელისუფლება მონაცემებს არ ასაჯაროებს ან ვითარებას ვერ მართავს.#კორონავირუსი #აფხაზეთი #საქართველო #პანდემია #სტატისტიკა #coronavirus #georgia #pandemic #statistics #news