აქართველოში წარმოებული სამედიცინო პირბადეები დღეიდან სააფთიაქო ქსელებში გაიყიდება, - ამის შესახებ ეკონომიკისა და მდგრადი განვითარების მინისტრმა, ნათია თურნავამ საკოორდინაციო საბჭოს სხდომის შემდეგ განაცხადა. მისი თქმით, დაახლოებით ორ დღეში აღნიშნული პროდუქცია წამყვან სააფთიაქო ქსელებში მთელი ქვეყნის მასშტაბით გადანაწილდება, საუბარია – „ავერსზე“, „ფარმადეპოზე“, „პეესპესა და „ჯიპისიზე“. „დღეიდან ქართული წარმოების პირბადეები სააფთიაქო ქსელებში უკვე გავუშვით, 400 ათასი პირბადე საწყის ეტაპზე. დაახლოებით ორი დღე იქნება საჭირო, რომ მთელი საქართველოს მასშტაბით განაწილდეს წამყვან სააფთიაქო ქსელებში პირბადეები. აქ საუბარი გვაქვს „ავერსზე“, „ფარმადეპოზე“, „პეესპეზე“ და „ჯიპისიზე“, ეს ოთხი ქსელი არის ყველაზე ფართოდ წარმოდგენილი და სწორედ მათთან თანამშრომლობით დავიწყეთ ჩვენი პირბადეების განაწილება და მოსახლეობისთვის მიწოდება. ყველაზე გვიან, შაბათ დღეს ამ აფთიაქებში იქნება შესაძლებელი მრავალჯერადი, ქართული წარმოების პირბადეების შეძენა“, – განაცხადა მინისტრმა. რაც შეეხება ფასს, ნათია თურნავას განცხადებით, სახელმწიფოს თითო პირბადის დამზადება ერთ ლარზე მეტი უჯდება, თუმცა აფთიაქებში ცალი 50 თეთრად გაიყიდება. „სახელმწიფო და ჩვენი სამინისტრო ახდენს ნედლეულის მობილიზებას. ნედლეულის მოწოდება ჩვენთვის ხდება სხვადასხვა ქვეყნიდან, ამას თავისი ღირებულება აქვს. მიუხედავად იმისა, რომ მთელი რიგი სამკერვალოები უფასოდ გვიკერავენ პირბადეს, თვითონ ნედლეულის ღირებულებიდან გამომდინარე, სახელმწიფოს თითო პირბადის შეკერვა უჯდება ერთ ლარზე მეტი. თუმცა გამომდინარე იქიდან, რომ გვინდა, მეტად ხელმისაწვდომი გახდეს პირბადე მოსახლეობისთვის, მივიღეთ გადაწყვეტილება, რომ ქსელებში, აფთიაქებში პირბადეები გაიყიდება თითო ცალი 50 თეთრად. ეს არის სუბსიდირებადი ფასი, სახელმწიფო მოახდენს სუბსიდირებასა და პრაქტიკულად, ნახევარი თვითღებულბით, 50 თეთრად იქნება ხელმისაწვდომი. მნიშვნელოვანია, რომ ამ პროცესში გვეთანამშრომლებიან აფთიაქები. 50 თეთრი არის ის ფასი, რა ფასადაც მოქალაქეებს შეუძლიათ, შეიძინოთ პირბადე. იმისთვის, რომ პირბადე რაც შეიძლება მეტი ადამიანისთვის გახდეს ხელმისაწვდომი, საწყის ეტაპზე შევთანხმდით, რომ თვითონ აფთიაქები დაარეგულირებენ, რა რაოდენობა შეიძლება, თითო მოხმარებელზე გაიცეს, რომ რაც შეიძლება მეტმა ადამიანმა შეიძინოს. ჩვენ ვსაუბრობთ მრავალჯერადი გამოყენების დოლბანდზე. ეს ნიშნავს, რომ დელიკატური რეცხვის შემთხვევაში, რამდენიმე კვირაც შეიძლება, მოქალაქემ თითო პირბადე იმყოფინოს. შესაბამისი ინსტრუქცია მოყვება. ასევე მათ შეუძლიათ, აფთიაქებში იკითხონ მოხმარების წესები“, – განაცხადა ნათია თურნავამ. ამასთან, მისი თქმით, გაუგებრობის თავიდან ასაცილებლად, პარალელურად, აფთიაქებში გაიყიდება სხვა წარმოების, კომერციული პირბადეები, რომელსაც შეიძლება, განსხვავებული ფასები ჰქონდეს, ასევე იმპორტული პირბადეები. „ადამიანებს შეუძლიათ, თავისუფლად მოიკითხონ დოლბანდის პირბადე და ეს იქნება სწორედ ის პირბადე, რომელიც პროგრამა „აწარმოე საქართველოში“ პროექტის ფარგლებში იწარმოება და 50 თეთრად იქნება ხელმისაწვდომი. ვინაიდან, მარნეულსა და ბოლნისის ზონაში და ახლა უკვე ვანის მუნიციპალიტეტში არის განსხვაებული ეპიდსიტუაცია, ყველაფერს გავაკეთებთ, რომ დღეს, დღის პირველ ნახევარში სწორედ ამ რეგიონების სააფთიქო ქსელებს მიეწოდოს ეს პირბადეები“, – განაცხადა ეკონომიკის მინისტრმა საკოორდინაციო საბჭოს სხდომის შემდეგ.

ეკონომიკისა და მდგრადი განვითარების მინისტრი ნათია თურნავა დღეს ფოტში, იმყოფებოდა სადაც კომპანია „აჭარა ტექსტილის“ საწარმოს ეწვია და სამედიცინო პირბადეების წარმოების პროცესს ადგილზე გაეცნო. როგორც საქართველოს პირველი არხის ჟურნალისტი იუწყება, მინისტრმა პირბადის დამზადებაში თავადაც მიიღო მონაწილეობა. ნათია თურნავას თქმით, პირველ ეტაპზე, საქართველოში დამზადებული პირბადეები იმ კატეგორიას გადაეცემა, რომელსაც ყველაზე დიდი შეხება აქვს ვირუსის რისკისჯგუფებთან. შემდეგ კი, პრიორიტეტი ბიზნესსექტორში დასაქმებული ადამიანები იქნებიან. ამასთან, მინისტრის განცხადებით, პირბადეები კომერციულ სექტორში გავა, ოღონდ ფასის კონტროლით. „მსოფლიოში პირბადეები წარმოადგენს ძალინ დიდ დეფიციტს, ძალიან მაღალ არის მოთხოვნა და ძალიან დიდი აუცილებლობა გახდა საქართველოში, კორონავირუსის გამოწვევიდან გამომდინარე, ადგილზე სწრაფად დაგვეორგანიზებინა პირბადეების წარმოება. დღეს ჩვენ ვიწყებთ შესაბამის პროგრამას პრემიერ-მინისტრისა და მთავრობის დავალებით, ეკონომიკის სამინისტროს ორგანიზებით. საქართველოში, სხვადასხვა სამკერვალო ფაბრიკაში ვიწყებთ ადგილობრივი პირბადეების შეკერვას. პირბადეები დამზადდება სხვადასხვა მასალისგან, რომელიც შეთანხმებულია დაავადებათა კონტროლის ეროვნულ ცენტრთან და ლუგარის ლაბორატორიაში გაიარა შემოწმება, პირველ ეტაპზე ეს არის დოლბანდიდან დამზადებული პირბადეები, რომელიც შეიძლება, გამოვიყენოთ მრავალჯერ, ირეცხება“, – განაცხადა მინისტრმა. მისი თქმით, საქართველოში დამზადებულ სამედიცინო პირბადეებს გამოყენების თავისი ინსტრუქცია ექნება. „უფრო სპეციფიური მოხმარების დროს კი, მაგალითად სამედიცინო მუშაკებისთვის იქნება ერთჯერადი. ეს პირბადეები იკერება ათამდე სამკერვალო ფაბრიკაში, ვინც გამოთქვა სურვილი, ჩაერთოს ამ პროგრამაში და ამ ეტაპზე, სახელწიფო თვითონ ქმნის მარაგს, რადგან ნედლეულების მოწოდება არის გარკვეულ სირთულეებთან დაკავშირებული, მაგრამ ყველა ჩვენს საერთაშორისო პარტნიორთან ვართ კონტაქტზე და და ამ კონტაქტებს ვიყენებთ, რათა შეუფრხებლად მოხდეს დოლბანდის ნედლეულის მოწოდება“, – განაცხადა მინისტრმა. ნათია თურნავას თქმით, ამ დროისთვის საკმარისი მარაგი არსებობს პირველი პარტიის დამზადების დასაწყებად. „პირველი პარტია იქნება გადანაწილებული სახელწიფოს მიერ იმ მოხელეთა კატეგორიებზე, რომლებსაც აქვთ ყველაზე დიდი შეხება რისკის მატარებელ ჯგუფებთან, ხოლო ამის შემდეგ პრიორიტეტია ბიზნესები, სადაც ასევე დასაქმებული ადამიანები გარკვეული მაღალი რისკის ქვეშ არიან. შემდეგ, რა თქმა უნდა, კომერციულ სექტორში გავა პირბადეები, ოღონდ ფასის კონტროლით“, – განაცხადა ნათია თურნავამ. #კორონავირუსი #საქართველო #პირბადე

საქართველოს ეკონომიკის მინისტრმა ქართველ მეზღვაურებს მეზღვაურთა საერთაშორისო დღე მიულოცა. ნათია თურნავას განცხადებით აშშ-ს მთავრობის დახმარებით ისინი მუშაობენ პორტებში ერთი ფანჯრის პრინციპის დასანერგად.