მსოფლიოში კორონავირუსით ინფიცირებულთა რაოდენობამ მილიონ-ნახევარს გადააჭარბა. ამის შესახებ ინფორმაციას CNN ჰოპკინსის უნივერსიტეტზე დაყრდნობით ავრცელებს. ბოლო მონაცემებით, გლობალურად კორონავირუსით 88 ათასზე მეტი ადამიანია დაღუპული, გამოჯანმრთელებულთა რიცხვი 30 ათასს აღწევს. ჯანდაცვის მსოფლიო ორგანიზაციამ COVID-19, იგივე კორონავირუსი, საერთაშორისო პანდემიად 11 მარტს გამოაცხადა.

28 აპრილის საღამოს მონაცემებით, რუსეთის შეიარაღებულ ძალებში, კორონავირუსით ინფიცირებულია 960 ადამიანი. ამის შესახებ ინფორმაციას ქვეყნის თავდაცვის სამინისტრო ავრცელებს. მათგან 408 იზოლირებულია, 327 ადამიანი სამხედრო საავადმყოფოებშია, ხოლო 217 ადგილობრივ სადგურშია იზოლირებული. რვა სამხედრო პერსონალი მკურნალობს სამოქალაქო საავადმყოფოში. კორონავირუსით დაავადებულთა უმრავლესობას სიმპტომები არ აქვს, ხაზგასმით აღნიშნავს თავდაცვის სამინისტრომ. მხოლოდ ერთი ადამიანია ფილტვების ხელოვნური ვენტილაციის აპარატზე მიერთებული, ხოლო ორში დაავადება მძიმეა. რუსეთის შეიარაღებული ძალების სამოქალაქო პერსონალს შორის კი 259 ადამიანია ინფიცირებული. კორონავირუსზე დადებითი შედეგების მქონე სამხედრო მოსამსახურეების რაოდენობა, კადეტებისა და სტუდენტების ჩათვლით, 1 041-ია.