5 votes
0 comments
0 shares
Save
საქართველოში COVID-19-ით ინფიცირებულთა რიცხვმა 211-ს მიაღწია
142 views
Roma Ratiani
Tbilisi · 3 months ago

საქართველოში COVID-19-ით ინფიცირების ახალი 3 შემთხვევა დაფიქსირდა. ბოლო მონაცემებით, დაინფიცირებულთა რიცხვი 211-მდე გაიზარდა.

ოფიციალურად დადასტურებული ინფორმაციით, საქართველოში სახიფათო ვირუსით დაავადებული 50 ადამიანი სრულიად გამოჯანმრთელდა და 3 გარდაიცვალა.

ამჟამად სტაციონარში 353 მოქალაქე იმყოფება. ამასთან ერთად, კარანტინში და მკაცრი თვითიზოლაციის პირობებში 4 600-მდე პირი იმყოფება.

#კორონავირუსი #საქართველო #პანდემია #სტატისტიკა #მონაცემები #სიახლე #coronavirus #georgia #pandemic #statistics #news
Roma Ratiani
Tbilisi · 3 months ago
Similar Posts
Roma Ratiani
Tbilisi, Georgia · 3 months ago
კორონავირუსი - უახლესი ინფორმაცია | საქართველო და მსოფლიო
უკანასკნელი 24 საათის განმავლობაში საქართველოში კორონავირუსის 21 ახალი შემთხვევა დაფიქსირდა. ამასთან ერთად, აღსანიშნავია სასიხარულო ამბავიც - ბოლო მონაცემებით, ჩვენს ქვეყანაში კიდევ 1 ადამიანი სრულიად გამოჯანმრთელდა. ამრიგად, საქართველოში სახიფათო ვირუსისგან განკურნებულთა რიცხვმა 28-ს მიაღწია. საერთო ჯამში ქვეყანაში კორონავირუსით დაინფიცირების ფაქტი 155-ჯერ გამოვლინდა. ამჟამად სტაციონარში მეთვალყურეობის ქვეშ 344 ადამიანი იმყოფება, ხოლო 5530-მდე პირი კარანტინის რეჟიმშია. რაც შეეხება დანარჩენ მსოფლიოს - კორონავირუსით ინფიცირების შემთხვევა ჯამურად 1 083 843-ჯერ დადასტურდა. დაავადებულთა რაოდენობით აშშ ლიდერობს - აქ სახიფათო ვირუსი 266 578-ჯერ გამოვლინდა და უკანასკნელი 24 საათში 733 ადამიანი გარდაიცვალა. მეორე ადგილზეა იტალია, სადაც COVID-19 ჯამში 119 827-ჯერ დადასტურდა და 14 681 ფაქტი გარდაცვალებით დასრულდა (766 უკანასკნელ 24 საათში). სავალალო სიტუაციაა ესპანეთშიც, სადაც კორონავირუსი 117 710 ადამიანს გამოუვლინეს. აქ სახიფათო ვირუსს 10 935 ადამიანი ემსხვერპლა.#კორონავირუსი #სტატისტიკა #პანდემია #საქართველო #აშშ #იტალია #ესპანეთი #მსოფლიო #სიახლე #coronavirus #statistics #pandemic #georgia #usa #italy #spain #world #news
Roma Ratiani
Tbilisi, Georgia · 3 months ago
COVID19-ის გამო პლანეტის ნახევარი კარანტინში იმყოფება - New York Times
პლანეტის ნახევარი (4 მილიარდი ადამიანი) სავალდებულო კარანტინში იმყოფება. აღნიშნულ ინფორმაციას New York Times ავრცელებს. თვითიზოლაციის რეჟიმმა და სავალდებულო კარანტინმა დედამიწის მოსახლეობის ნახევარი - დაახლოებით 3.9 მილიარდი ადამიანი მოიცვა. წყაროს ცნობით, კორონავირუსის პანდემიის გამო გამკაცრებული ზომები 90-ზე მეტმა სახელმწიფომ შემოიღო. ადამიანებს სახლიდან გასვლა, ქალაქის ან ქვეყნის დატოვება აუკრძალეს. გარდა ამისა, იმ ქვეყნებში, სადაც სახიფათო ვირუსი გავრცელდა, კომენდანტის საათი ამოქმედდა - ჩვენი ქვეყანა ამის მაგალითია. უკანასკნელი დადასტურებული ინფორმაციით, საერთო ჯამში მსოფლიოს მასშტაბით COVID-19-ით ინფიცირების ფაქტი 1,193,655 ადამიანს დაუდგინდა. ამ წუთისთვის ახალი ვირუსი 203 ქვეყანაში გავრცელდა. როგორც ცნობილია, კორონავირუსს 64,277 პირი ემსხვერპლა, ხოლო 246,110 სრულიად გამოჯანმრთელდა.#კორონავირუსი #პანდემია #მსოფლიო #საქართველო #newyorktimes #სტატისტიკა #coronavirus #pandemic #world #georgia #statistics
Roma Ratiani
Tbilisi, Georgia · 3 months ago
კორონავირუსმა ნახევარმილიონს გადააჭარბა | ახალი სტატისტიკა - აშშ, ჩინეთი, საქართველო
კორონავირუსით დაინფიცირებულთა რაოდენობამ ნახევარმილიონს გადააჭარბა. უკანასკნელი დადასტურებული ინფორმაციით, მსოფლიოს მასშტაბით COVID-19-ით დაინფიცირების რიცხვმა 525 054-ს მიაღწია. სახიფათო ვირუსით დაავადებულთა რაოდენობით ჩინეთმა ლიდერობა პირველად დაკარგა. რამდენიმე წუთის წინ ოფიციალურად დადასტურდა, რომ COVID-19-ით დაავადების ფაქტი ყველაზე მეტჯერ აშშ-ში გამოვლინდა - დღეს ამ ქვეყანაში კორონავირუსის 13 653 ახალი ფაქტი დადასტურდა. საერთო ჯამში, აშშ-ში ახალი ვირუსი 81 864-ჯერ დაფიქსირდა. ოფიციალური ვაშინგტონის ინფორმაციით, აშშ-ში კორონავირუსით 1 173 მოქალაქე გარდაიცვალა. ინფიცირებულთა რაოდენობით მეორე ადგილს ჩინეთი იკავებს - აქ COVID-19-ით დაავადების შემთხვევა 81 285-ჯერ დადასტურდა. როგორც ცნობილია, ჩინეთი ერთადერთი სახელმწიფოა, რომელიც ახალ ვირუსს ეფექტურად ებრძვის და ამარცხებს კიდეც - უკანასკნელ 24 საათში ამ ქვეყანაში მხოლოდ 67 ახალი დაინფიცირებულია. ამ წუთისთვის კორონავირუსით ყველაზე მეტი გარდაცვლილი იტალიაშია - აპენინის ნახევარკუნძულზე სახიფათო ვირუსით ინფიცირება 80 589-ჯერ გამოვლინდა, აქედან 8 215 ადამიანი გარდაიცვალა. გარდაცვლილთა რაოდენობით სწრაფი ტემპით წინ მიიწევს ესპანეთიც - აქ სახიფათო ვირუსს 4 145 ემსხვერპლა. საერთო ჯამში ესპანეთში კორონავირუსის 56 197 შემთხვევა გამოვლინდა. საქართველოში დღეს COVID-19-ის 4 ახალი შემთხვევა დაფიქსირდა. საერთო ჯამში, ჩვენს ქვეყანაში 79 ადამიანი იყო დაინფიცირებული. საბედნიეროდ, ახალი ვირუსით საქართველოში არავინ გარდაცვლილა. #კორონავირუსი #სტატისტიკა #აშშ #ჩინეთი #იტალია #ესპანეთი #საქართველო #პანდემია #coronavirus #USA #China #Italy #Spain #Georgia #pandemic #politics #news
Roma Ratiani
Tbilisi, Georgia · 3 months ago
კორონავირუსი საქართველოში - ბოლო მონაცემები
ბოლო მონაცემებით, საქართველოში კორონავირუსით დაინფიცირებულთა რიცხვმა 242-ს მიაღწია. საბედნიეროდ, ახალი ვირუსით კიდევ ერთი ადამიანი გამოჯანმრთელდა. მან საავადმყოფო რამდენიმე საათის წინ დატოვა. საერთო ჯამში, საქართველოში COVID-19-სგან 57 ადამიანი განიკურნა, ხოლო 3 გარდაიცვალა. შეგახსენებთ, ჩვენს ქვეყანაში კორონავირუსი პირველად 26 თებერვალს დაფიქსირდა.#კორონავირუსი #პანდემია #საქართველო #სტატისტიკა #coronavirus #pandemic #georgia #statistics #news
Roma Ratiani
Tbilisi, Georgia · 3 months ago
აფხაზეთში კორონავირუსის ახალი შემთხვევა დაფიქსირდა
ოკუპირებულ აფხაზეთში კორონავირუსით დაინფიცირებულთა რაოდენობა 3-მდე გაიზარდა. აღნიშნულ ინფორმაციას ფე-ფაქტო ხელისუფლების მიერ ორგანიზებული ოპერატიული შტაბი ავრცელებს. როგორც ცნობილია, ერთ-ერთი დაავადებული 95 წლისაა. ე.წ. უწყების თქმით, ასაკოვანი პაციენტი ამჟამად მკაცრ თვითიზოლაციაში იმყოფება. ადგილობრივი დე-ფაქტო მთავრობის თქმით, ოკუპირებულ აფხაზეთში COVID-19-ის პირველი შემთხვევა 7 აპრილს გამოვლინდა. მიუხედავად ამისა, რამდენიმე დღით ადრე გალის რაიონიდან საქართველოს კონტროლირებად ტერიტორიაზე ახალი ვირუსით დაინფიცირებული ქალბატონი გადმოიყვანეს. სწორედ ამიტომ, ლოგიკურად ჩნდება ეჭვი, რომ ე.წ. ხელისუფლება მონაცემებს არ ასაჯაროებს ან ვითარებას ვერ მართავს.#კორონავირუსი #აფხაზეთი #საქართველო #პანდემია #სტატისტიკა #coronavirus #georgia #pandemic #statistics #news
Roma Ratiani
Tbilisi, Georgia · 3 months ago
ოკუპირებულ აფხაზეთში კორონავირუსის მორიგი შემთხვევა გამოვლინდა
აფხაზეთის დე-ფაქტო ხელისუფლების ცნობით, COVID-19-ით ინფიცირების ფაქტი კიდევ ერთხელ გამოვლინდა. როგორც ცნობილია, ამ ადამიანს პირველ ინფიცირებულთან კონტაქტი ჰქონდა. შეგახსენებთ, ოკუპირებულ აფხაზეთში კორონავირუსის პირველი ფაქტი გუშინ, 7 აპრილს გამოვლინდა. ოკუპირებულ აფხაზეთში დე-ფაქტო ხელისუფლების მიერ ორგანიზებული კორონავირუსთან ბრძოლის ოპერატიული შტაბი აცხადებს, რომ რეგიონში სახიფათო ვირუსით მხოლოდ ორი პირი არის ინფიცირებული. სეპარატისტთა უწყება ასევე აცხადებს, რომ დღეს, 8 აპრილს გარდაცვლილი 15 წლის მოზარდი COVID-19-ით დაავადებული არ იყო. აღსანიშნავია, რომ რამდენიმე დღის წინ გალის რაიონიდან საქართველოს მიერ კონტროლირებად ტერიტორიაზე კორონავირუსით ინფიცირებული ქალბატონი გადმოიყვანეს. #აფხაზეთი #საქართველო #კორონავირუსი #პანდემია #სიახლე #სტატისტიკა #georgia #coronavirus #pandemic #news #statistics
Roma Ratiani
Tbilisi, Georgia · 3 months ago
უკანასკნელ 24 საათში ჩინეთში კორონავირუსით არავინ გარდაიცვალა
უკანასკნელ 24 საათში ჩინეთში კორონავირუსით არავინ გარდაცვლილა. იანვრის შემდეგ მსგავსი ფაქტი არ მომხდარა. აღნიშნულ ინფორმაციას ჩინეთის ჯანდაცვის ერონული სამსახური ავრცელებს. უკანასკნელ კვირებში ჩინეთში სახიფათო ვირუსის გავრცელება მნიშვნელოვნად შემცირდა. ამ ქვეყანაში COVID-19-ით პირველი გარდაცვალება 11 იანვარს დაფიქსირდა. ოფიციალური მონაცამებით, ჩინეთში სახიფათო ვირუსით დაინფიცირების ფაქტი 81,740-ჯერ გამოვლინდა და მას 3,331 ადამიანი შეეწირა. უკანასკნელ 24 საათში ამ ჩინეთში კორონავირუსის მხოლოდ 32 ახალი ფაქტი დადასტურდა - ყველა შემთხვევა უცხოეთიდან ჩამოსულ პირებს გამოუვლინდათ. მიუხედავად ამისა, დასავლური მედიის ინფორმაციით, ჩინეთს ხელისუფლება კორონავირუსის მონაცემებს შეგნებულად აყალბებს და რეალურად გარდაცვლილთა რიცხვი ოფიციალურ მონაცემებს გაცილებით აღემატება. #კორონავირუსი #ჩინეთი #პანდემია #სტატისტიკა #სიახლე #coronavirus #china #pandemic #statistics #news
Roma Ratiani
Tbilisi, Georgia · 3 months ago
წინ მძიმე თვე-ნახევარი გველოდება - ამირან გამყრელიძე
დაავადებათა კონტროლის ეროვნული ცენტრის უფროსმა, ამირან გამყრელიძემ, საქართველოში კორონავირუსის პანდემიის განვითარების სამომავლო სცენარზე ისაუბრა. როგორც მან განაცხადა, მომდევნო თვე-ნახევარი საქართველოში მძიმე და რთული იქნება. "ინფექციის ფართოდ გავრცელება მაქსიმალურად შევაკავეთ, ამით მხოლოდ დრო მოვიგეთ და ამიერიდან შემთხვევების ზრდა იქნება. იმ პროგნოზს მივყვებით, რომელიც ჩვენი მოდელირებით შევადგინეთ - ამ კვირის ბოლოს რასაც ვვარაუდობდით, იმაზე ოდნავ ნაკლები შემთხვევა დაფიქსირდა", - განაცხადა ამირან გამყრელიძემ. შეგახსენებთ, უკანასკნელი მონაცემებით საქართველოში კორონავირუსის 157 შემთხვევა დადასტურდა, 1 ადამიანი გარდაიცვალა და 28 სრულია გამოჯანმრთელდა.#კორონავირუსი #სტატისტიკა #პანდემია #საქართველო #coronavirus #statistics #pandemic #georgia
Roma Ratiani
Tbilisi, Georgia · 3 months ago
საქართველოში კიდევ 3 პაციენტი გამოჯანმრთელდა - ეზუგბაია
უკანასკნელი ინფორმაციით, საქართველოში კორონავირუსით 3 ახალი პაციენტი გამოჯანმრთელდა. საერთო ჯამში, COVID-19-ით 31 მოქალაქე სრულიად განიკურნა. აღნიშნულ ინფორმაციას ინფექციური საავადმყოფოს ხელმძღვანელი, მარინა ეზუგბაია ავრცელებს. "სულ 28 გამოჯანმრთელებული იყო, ახლა 31 გახდა. სამმა პაციენტმა ჩვენი კლინიკა დატოვა", - განაცხადა ეზუგბაიამ. როგორც ცნობილი გახდა, დღეს გათავისუფლებული პაციენტები გერმანიის კლასტერს განეკუთვნებიან. მათ ტესტი დღეს დილით ჩაუტარდათ და უარყოფით პასუხი ცნობილი გახდა. ბოლო დადასტურებული მონაცემებით, საქართველოში კორონავირისის 157 ფაქტი დადასტურდა. სამწუხაროდ, 1 ადამიანი გარდაიცვალა.#კორონავირუსი #პანდემია #საქართველო #ეზუგბაია #COVID19 #coronavirus #pandemic
Roma Ratiani
Tbilisi, Georgia · 3 months ago
სომხეთში კორონავირუსით დაინფიცირებულთა რიცხვმა 110-ს მიაღწია
სომხეთში უკანასკნელი 24 საათში კორონავირუსის 30 ახალი ფაქტი გამოვლინდა. ამჟამად მეზობელ სახელმწიფოში ინფიცირების 110 შემთხვევა ოფიციალურად დასტურდება. საბედნიეროდ, სომხეთში კორონავირუსის გამო არავინ გარდაცვლილა. შეგახსენებთ, 1 კვირის წინ სომხეთში სახიფათო ვირუსის მხოლოდ 7 ფაქტი იყო გამოვლენილი. მას შემდეგ 13 მარტს საქართველომ სომხეთთან და აზერბაიჯანთან საზღვარი 10 დღით ჩაკეტა - გადაადგილება მხოლოდ სამოქალაქო პირებს შეეზღუდათ, სატრანზიტო გადაზიდვებს აღნიშნული რეგულაცია არ შეეხო. რაც შეეხება დანარჩენ მსოფლიოს - Worldometers-ის ინფორმაციით, COVID19-ის დაინფიცირების ფაქტი 216,843-ჯერ გამოვლინდა. აქედან ფატალურად 8,908 შემთხვევა დასრულდა, ხოლო 84,383 ადამიანი სრულიად გამოჯანმრთელდა. #კორონავირუსი #სომხეთი #პანდემია #armenia #coronavirus #news