Newsreport.ge აქვეყნებს ინტერვიუს ინფიცირებული სტიქაროსნის დედასთან. ქალი ინტერვიუში აღნიშნავს, რომ დედაქალაქში პირბადის გარეშე გადაადგილდებოდა, რადგანაც არ იცოდა, რომ კორონავირუსით იყო დაინფიცირებული.
,,არ ვიცოდი, რომ კორონავირუსი მჭირს, პირბადის გარეშე მოვიარე ქალაქი. რაც შევიტყვეთ, იმის მერე სახლში ვართ გამოკეტილები. 4-ში გათენდა დილა, მამაჩემი ვერ ადგა ლოგინიდან. მოდი მეთქი, ტაქსით წავიყვან, ფილტვებზე გადავუღო, რამე არ მოუვიდეს კაცს-მეთქი.
ქუჩის ხალხი დამეხმარა, გამვლელები, ტაქსშიც ხომ გადაედო. მე ამ დროს ხომ არ ვიცოდი, რომ კორონა სჭირს. ამ დროს მომადგა სასწრაფო. მეც მქონია თურმე მაგ დროს კორონავირუსი, მე წამოვედი და 2 ტაქსი გამოვიცვალე. ისინიც ხომ დაავადნენ?! პირბადის გარეშე დავდიოდი მთელი ქალაქი. ფული გადავუხადე, ის ფულიც ხომ მიიტანა იმ კაცმა სახლში კორონავირუსიანი?! თორემ, ჩემი შვილი და მე ვისხედით სახლში,”- აცხადებს დაინფიცირებული ქალი.
ცნობისთვის, კორონავირუსით ინფიცირება აღნიშნულ ქალბატონსა და მის სამ ოჯახის წევრს დაუდასტურდა, რომელთაგან ერთ-ერთი სტიქაროსანია.
#სტიქაროსანი #კორონავირუსი #ინფიცირება #პირბადე #tbilisidailyy