2 votes
0 comments
0 shares
Save
აშშ-ის საელჩო პატივს მიაგებს 9 აპრილს დაღუპულთა ხსოვნას
85 views
Pirveliradio Ge
Tbilisi · 3 months ago

http://pirveliradio.ge/index.php?newsid=141063

აშშ-ის საელჩომ საქართველოში პატივი მიაგო 1989 წლის 9 აპრილს თბილისში დაღუპულთა ხსოვნას.

„ქართველი ხალხისთვის გამძლეობა და თავგანწირვა უცხო არ არის. ეროვნული ერთიანობის დღის 31 წლისთავზე ჩვენ ვიხსენებთ 21 უდანაშაულო ადამიანს, ვინც თბილისის ქუჩებში სიცოცხლე დაკარგა და იმ ასობით დაშავებულს ვინც მათ გვერდით იდგა. პატივს მივაგებთ მათ ხსოვნას, ვინც ვერ მოესწრო იმ თავისუფლებასა და დამოუკიდებლობას, რისთვისაც ამდენი იბრძოლა“, - ნათქვამია საელჩოს ფეისბუკგვერდზე.


Pirveliradio Ge
Tbilisi · 3 months ago
Similar Posts
On.ge
Tbilisi · 3 months ago
აშშ-ს საელჩო 9 აპრილზე: პატივს მივაგებთ მათ ხსოვნას, ვინც ვერ მოესწრო თავისუფლებას
აშშ-ს საელჩო: პატივს მივაგებთ მათ, ვინც ვერ მოესწრო იმ თავისუფლებას, რისთვისაც იბრძოლა
აშშ-ს საელჩო: პატივს მივაგებთ მათ, ვინც ვერ მოესწრო იმ თავისუფლებას, რისთვისაც იბრძოლა
აშშ-ს საელჩო: პატივს მივაგებთ მათ, ვინც ვერ მოესწრო იმ თავისუფლებას, რისთვისაც იბრძოლა
Primetime
Tbilisi · 3 months ago
„ქართველი ხალხისთვის გამძლეობა და თავგანწირვა უცხო არ არის“ – ამერიკის საელჩო 9 აპრილს დაღუპულთა ხსო
„ქართველი ხალხისთვის გამძლეობა და თავგანწირვა უცხო არ არის“ - ამერიკის საელჩო 9 აპრილს დაღუპულთა ხსოვნას პატივს მიაგებს - Primetime
„ქართველი ხალხისთვის გამძლეობა და თავგანწირვა უცხო არ არის“ - ამერიკის საელჩო 9 აპრილს დაღუპულთა ხსოვნას პატივს მიაგებს - Primetime
„ქართველი ხალხისთვის გამძლეობა და თავგანწირვა უცხო არ არის“ - ამერიკის საელჩო 9 აპრილს დაღუპულთა ხსოვნას პატივს მიაგებს - Primetime
Tbilisi Daily
Tbilisi · 3 months ago
ქართველი ხალხისთვის გამძლეობა და თავგანწირვა უცხო არ არის - ამერიკის საელჩო
საქართველოში ამერიკის საელჩო 9 აპრილთან დაკავშირებით ინფორმაციას ავრცელებს და აღნიშნავს, რომ ამ დღეს პატივს მივაგებთ იმ ადამიანების ხსოვნას, რომლებიც დამოუკიდებლობისა და თავისუფლებისთვის იბრძოდნენ, მაგრამ ამას ვერ მოესწრნენ. ,,ქართველი ხალხისთვის გამძლეობა და თავგანწირვა უცხო არ არის. ეროვნული ერთიანობის დღის 31 წლისთავზე ჩვენ ვიხსენებთ 21 უდანაშაულო ადამიანს, ვინც თბილისის ქუჩებში სიცოცხლე დაკარგა და იმ ასობით დაშავებულს ვინც მათ გვერდით იდგა. პატივს მივაგებთ მათ ხსოვნას, ვინც ვერ მოესწრო იმ თავისუფლებასა და დამოუკიდებლობას, რისთვისაც ამდენი იბრძოლა”, - აღნიშნულია საელჩოს ინფორმაციაში.#საელჩო #აშშ #9აპრილი #დამოუკიდებლობა #tbilisidailyy
Pirveliradio Ge
Tbilisi · 2 months ago
“გამარჯვების დღე ევროპასთანერთად” - MDF-ის ახალი საინფორმაციო კამპანია
ახალი კამპანიის მიზანია, საქართველოს მოქალაქეებს კრემლის მხრიდან მეორე მსოფლიო ომის ისტორიით მანიპულირების მუდმივი მცდელობა შეახსენოს და ნაციზმზე გამარჯვების დღის ევროპის ქვეყნებთან ერთად 8 მაისს აღნიშვნისკენ მოუწოდოს – MDF-მა ახალი საინფორმაციო კამპანია - „გამარჯვების დღე #ევროპასთანერთად“ დაიწყო. „მედიის განვითარების ფონდის“ განცხადებით, ამ ინიციატივით სურთ, აამაღლოს ცნობიერება იმის შესახებ, თუ როგორ იყენებს კრემლი მეორე მსოფლიო ომის ხსოვნას და სიმბოლიზმს, მათ შორის “უკვდავ პოლკს” და წმინდა გიორგის ლენტს პოლიტიკურ ინსტრუმენტად. MDF-ის მიერ მომზადებული მოკლემეტრაჟიანი დოკუმენტური ფილმი, რომელიც კრემლის მიერ დაფინანსებული “უკვდავი პოლკის” კამპანიაზეა ფოკუსირებული, მოუწოდებს საქართველოს მოქალაქეებს გააზირონ ის და გამარჯვების დღე 8 მაისს, ჰეშთეგით #ევროპასთანერთად აღნიშნონ. “მილიონობით ადამიანმა საბჭოთა რესპუბლიკებიდან, ევროპიდან და ამერიკიდან თავისი სიცოცხლე მეორე მსოფლიო ომში თავისუფლებისთვის ბრძოლას შესწირა. ჩვენ პატივი უნდა მივაგოთ მათ თავგანწირვას და უფლება არ მივცეთ კრემლს, მათი ხსოვნა საკუთარი ამჟამინდელი აგრესიული საგარეო პოლიტიკის ინსტრუმენტად გამოიყენოს. ჩვენი კამპანია მოუწოდებს საქართველოს მოქალაქეებს, არ დავუშვათ კრემლის მხრიდან მათი ხსოვნით ცინიკური მანიპულირების მცდელობა და გამარჯვების დღე ევროპასთან ერთად 8 მაისს აღვნიშნოთ.” მაშინ, როცა დასავლეთ ევროპა ნაციზმზე გამარჯვების დღეს 8 მაისს აღნიშნავს და მეორე მსოფლიო ომში დაღუპულთა ხსოვნას პატივს მიაგებს, რუსეთი ამ მოვლენას 9 მაისს “უკვდავი პოლკის” მსვლელობით ხვდება. 2017 წელს ამ სადაო ტრადიციის საქართველოში გაჩენას საზოგადოებრივი პროტესი მოჰყვა და თავად თარიღიც საზოგადოებრივი განსჯის საგანი გახდა. საერთო ისტორიულ მეხსიერებაზე აპელირებით კრემლი ცდილობს ეს დღე საკუთარი საგარეო გავლენის ბერკეტად გამოიყენოს და სწორედ ამიტომ შეარჩია სიმბოლოდ წმ. გიორგის ლენტი და მოახდინა “უკვდავი პოლკის” თავდაპირველი იდეის პოლიტიზება. “უკვდავი პოლკის” მარშის იდეა, სადაც ადამიანები მეორე მსოფლიო ომში მონაწილე წინაპრების ფოტოებით გამოდიან, სამ რუს მეგობარს ეკუთვნის. პირველი მარში 2012 წელს გაიმართა და იდეამ სწრაფად მოიცვა მთელი რუსეთი, რის შემდეგაც 2014 წელს მარშს კრემლი დაეპატრონა, იდეის ავტორები განდევნა და უცხო ქვეყნის აგენტებად გამოაცხადა. შემთხვევითი არაა, რომ “უკვდავი პოლკის” მარშის სიმბოლოდ წმინდა გიორგის ლენტი შეირჩა, რომელიც 2005 წლიდან საყოველთაოდ გამოიყენება რუსეთის სახელმწიფოს მიერ დაფინანსებულ გამარჯვების აღლუმებზე და ყოფილ საბჭოთა ქვეყნებში კრემლის ექსპანსიისა და ჩარევის სიმბოლოდ მიიჩნევა. მოგვიანებით წმ. გიორგის ლენტი გახდა სიმბოლო უკრაინაში რუსეთის შეჭრისა და “ნოვოროსიას” ანუ “ახალი რუსეთის” კონცეფციის. ახალმა კორონავირუსმა ქუჩებში კრემლის ალტერნატიული ისტორიის დემონსტრირებას ხელი შეუშალა, თუმცა “უკვდავი პოლკის” მარშმა წელს ონლაინ სივრცეში გადაინაცვლა." - წერს MDF.
Pirveliradio Ge
Kvemo Kandaura · 1 month ago
1918 წლის 26 მაისს დამოუკიდებლობის აქტით საქართველომ აღიდგინა დამოუკიდებლობა-გოოცირიძე
1918 წლის 26 მაისს დამოუკიდებლობის აქტით საქართველომ აღიდგინა დამოუკიდებლობა-განაცხადა "ნაციონალური მოძრაობის" წევრმა რომან გოცირიძემ, მთაწმინდის პანთეონში, სადაც პარტიის ლიდერებმა, ქაქუცა ჩოლოყაშვილის ხსოვნას პატივი მიაგეს და საფლავი ყვავილებით შეამკეს. „1918 წლის 26 მაისს დამოუკიდებლობის აქტით საქართველომ აღიდგინა დამოუკიდებლობა. საქართველომ რუსეთის მიერ გაუქმებული სახელმწიფოებრიობა დაიბრუნა და შემდეგ კვლავ მოუწია მეორეჯერ, 1991 წლის 9 აპრილს რუსეთისაგან გამოეტაცა საკუთარი თავისუფლება. დღესაც საქართველო იბრძვის თავისუფლებისათვის და მისი გარანტი არის ჩვენი ყოველდღიური შრომა, ყოველდღიური მონდომება, ევროატლანტიკურ სივრცეში ინტეგრირება და რუსეთისადმი ყოველმხრივი გამკლავება, მათ შორის ეკონომიკური სიძლიერის კუთხით. საქართველოს დამოუკიდებლობას ვერავინ ხელყოფს და დღევანდელი ისტორიული დღე იქნება ჩვენი ქვეყნის ცივილიზებულ ევროპაში, მსოფლიოს თანამეგობრობაში დაბრუნების. დღევანდელი დღე არის ის დღე, როდესაც ჩვენ პატივს მივაგებთ იმ გმირებს, რომლებიც განისვენებენ აქ და რომლებმაც მოუტანეს დღევანდელ თაობას თავისუფლება და დამოუკიდებლობა“, – განაცხადა რომან გოცირიძემ.
Tbilisi Daily
Tbilisi · 3 weeks ago
კურტ ვოლკერი - ხალხი 20 ივნისს ვერ დაივიწყებს
იმის ფონზე, რომ 2019 წლის 20 ივნისის შემდეგ 1 წელი გავიდა, საინტერესოა, თუ როგორ აფასებს დასავლეთი საქართველოში განვითარებულ მოვლენებს ამ ერთი წლის განმავლობაში და რა მოლოდინი აქვს ამჟამად ოქტომბერში ჩასატარებელი საპარლამენტო არჩევნების მიმართ. ამერიკელი დიპლომატი, აშშ-ის პრეზიდენტის ყოფილი სპეციალური წარმომადგენელი უკრაინაში და ყოფილი წარმომადგენელი ნატო-ში, კურტ ვოლკერი, „ინტერპრესნიუსს“ საქართველოში 20 ივნისის შემდგომ დამდგარ ცვლილებებზე, დასავლეთსა და საქართველოს შორის ურთიერთობებზე, ნატო-ში შესაძლო გაწევრიანებასა და სხვა აქტუალურ საკითხებზე ექსკლუზიურად ესაუბრა. - ზუსტად ერთი წლის წინ, 20 ივნისს, რუსი დეპუტატი, სერგეი გავრილოვი საქართველოს პარლამენტის თავმჯდომარის სავარძელში ჩაჯდა. აღნიშნულის გამო საპროტესტო აქციის მონაწილეებისადმი მთავრობამ ცრემლსადენი გაზი და რეზინის ტყვიები გამოიყენა. როგორ ფიქრობთ, რა შეიცვალა ამ ერთი წლის განმავლობაში, რა შედეგები მოიტანა ამ ღამემ და მომდევნო საპორტესტო აქციებმა? - პირველ რიგში, ტრაგედიაა, რომ თავდაპირველად მშვიდობიანი პროტესტი უფრო ძალადობრივში გადაიზარდა, ერთი მხრივ, პარლამენტზე შტურმის მცდელობების გამო, მეორე მხრივ იმის გამო, რომ პოლიციამ ძალადობრივი რეაგირება მოახდინა და ხალხს პირდაპირ ესროლა რეზინის ტყვიები. ეს ტრაგედიაა, რადგან საქართველოსადმი რუსეთის აგრესია, ტერიტორიის ნაწილის ოკუპაცია, დუმის იმ წევრების მოქმედებებიც - ეს ყველაფერი ისეთი რამაა, რაც ყველა ქართველს გააერთიანებდა. თითოეული ქართველი თანხმდება, რომ ეს მიუღებელია და რუსეთის აგრესიის წინაშე ისინი ერთად უნდა იდგნენ. ფაქტი, რომ ეს ყველაფერი უფრო გადაიზარდა მთავრობასა და პროტესტის მონაწილეთა შორის დაპირისპირებაში, დასანანია, ეს ტრაგედიაა და სწორედ ამან გაუხსნა გზა შემდგომ პროტესტსა და დემონსტრაციებს, რომელიც უფრო მთავრობის წინააღმდეგ მიმართა, ვიდრე - რუსების წინააღმდეგ. საბოლოო ჯამში, სერიოზული დანაკარგი განიცადეს იმ ადამიანებმა, ვინც დემონსტრაიცების დროს დაკარგეს მხედველობა ან დაიჭრნენ. ხალხი ამას ვერ დაივიწყებს. მაგრამ ამ ყველაფერში ნათელი წერტილი ისაა, რომ გზა გაეხსნა მნიშვნელოვან რეფორმებს. თავიდან, მთავრობამ საარჩევნო სისტემის რეფორმირების პირობა დადო, შემდეგ ცოტა უკან დაიხიეს, მაგრამ 8 მარტის შეთანხმების საფუძველზე, არსებობს მთავრობასა და ოპოზიციას შორის საარჩევნო სისტემასთან და ოქტომბერში თავისუფალი და სამართლიანი არჩევნების ჩატარებასთან დაკავშირებით მორიგების საფუძველი. ეს არსებითად მნიშვნელოვანია. ვფიქრობ, ახლა ორივე მხარემ ერთგულად უნდა სცეს პატივი ამ შეთანხმებას. - ყოველ ჯერზე, როდესაც დასავლელი თანამდებობის პირები საქართველოში მიმდინარე მოვლენებზე საუბრობენ, უფრო და უფრო მკაცრ ტონს იყენებენ. 13 კონკრესმენის ანგარიშში ვკითხულობთ: „ბიძინა ივანიშვილი, საქართველოში უმდიდრესი ადამიანი, პუტინის ახლო მოკავშირეა და რუსეთის სასარგებლოდ საქართველოს დესტაბილიზაციაშია ჩართული“. თქვენ გეჩვენებათ, რომ ის და საქართველოს მთავრობა ისეთ გადაწყვეტილებებს იღებენ, რაც რუსეთისთვის სასურველი იქნებოდა? - ამ ანგარიშის ავტორებს ვესაუბრე, ვიტყოდი, რომ დოკუმენტს ქართველმა ხალხმა ყურადღება უნდა მიაქციოს, რადგან ის რამდენიმე რესპუბლიკელი კონგრესმენის მოსაზრებას გამოხატავს, თუმცა არ გამოხატავს მთლიანი კონგრესის მოსაზრებებს და არ ველოდები, რომ კანონმდებლობაში გადაიზრდება. ამას გარდა, ანგარიშში რამდენიმე შეცდომაცაა. აშკარაა, რომ ივანიშვილი საქართველოში არსებითად მნიშვნელოვანი და ძლიერი მოთამაშეა, მაგრამ ჩემი აზრით, ის ბევრად დამოუკიდებელია მოქმედებებში, ვიდრე ანგარიშში მოხსენიებული მეორე ადამიანი, - მედვედჩუკი, რომელიც უკრაინაში პარლამენტარია, პუტინი მისი შვილების ნათლიაა და ის უკრაინაში მართლაც წარმოადგენს პუტინის ინტერესებს. ჩემი აზრით, ივანიშვილისა და მედვედჩუკის როლები არ უნდა შევადაროთ. - რესპუბლიკელმა კონგრესმენმა, დონ ბეიკონმა დოკუმენტთან დაკავშირებით კომენტარი გააკეთა და თქვა, რომ მას ანგარიშის ამ ნაწილის შედგენაში მონაწილეობა არ მიუღია და ამაზე ტექნიკურმა ექსპერტებმა იმუშავეს. რამდენად არიან ჩართულნი ექსპერტები მსგავსი დოკუმენტების შედგენაში და ხომ არ ნიშნავს ბეიკონის განცხადება იმას, რომ ხელმომწერი კონგრესმენები შესაძლებელია, შინაარსს არ ეთანხმებოდნენ? - კონგრესსა და სენატში ყველა ანგარიში თანამშრომლების მიერ იწერება, ისინი ამისთვის მუშაობენ: კონგრესმენებისთვის, კომიტეტებისთვის, ყველაფერს შტატის თანამშრომლები ამზადებენ - ესენი არიან ის ექსპერტები, რომლებზეც ვსაუბრობთ. მეორე მხრივ, მხოლოდ ის, რომ გამოდის ანგარიში, რომელსაც კონგრესმენები თუ სენატორები აწერს ხელს, არ ნიშნავს, რომ ისინი ყოველ სიტყვას ადასტურებენ. ეს გრძელი დოკუმენტია რესპუბლიკელების ეროვნული უსაფრთხოების სტრატეგიის შესახებ და მათ სურდათ, შეეჯერებინათ რუსეთის მიმართ საკმაოდ მძლავრი ისეთი პოზიცია, რომელიც ასევე, მსოფლიოში ამერიკული ლიდერობის ძლიერ როლს დაამტკიცებდა - ამის გაკეთებას ცდილობდა დოკუმენტი. მის იგნორირებას არ მოვახდენდი მხოლოდ იმიტომ, რომ, როგორც აღვნიშნე, კონგრესის წევრების ნაწილის აზრს გამოხატავს, მაგრამ არ ველოდები, რომ ის რაიმე კანონმდებლობაში გადაითარგმნება. - ამასთან დაკავშირებით აშშ-ს ელჩმა საქართველოში, კელი დეგნანმა განაცხადა, რომ ეს არ არის აშშ-ს ოფიციალური პოზიცია, თუმცა ზოგადად, სხვადასხვა წერილისა და განცხადების საფუძველზე, რომელსაც კონგრესის თუ ევროპარლამენტის წევრები აკეთებენ, იქმნება შთაბეჭდილება, რომ ბოლო დროს დასავლეთის ნდობა საქართველოსადმი შემცირდა. ეთანხმებით თუ არა ამ მოსაზრებას და რას ფიქრობთ, რა იყო მთავარი მომენტი თუ საკითხი, რომლის გამოც მათ შეშფოთების უფრო და უფრო მკაცრად გამოხატვა დაიწყეს? - ამას შემოვაბრუნებდი და ვიტყოდი, რომ ჩემი აზრით, რასაც აშშ-დან და ევროპიდან ვხედავთ, ეს საქართველოს დიდი ერთგულება და მისწრაფებაა. ადამიანები საქართველოს მხარს უჭერენ, სურთ, რომ მან, როგორც ქვეყანამ, პოლიტიკურად და ეკონომიკურად წარმატებას მიაღწიოს, მხარს უჭერენ საქართველოს უსაფრთხოებას. საპარლამენტო არჩევნები, რომელიც ოქტომბერში ჩატარდება, ქვეყნისთვის და საქართველოს ურთიერთობისთვის დასავლეთთან უკიდურესად მნიშვნელოვანია. ვფიქრობ, რომ შეშფოთება იმ იმედისა და მისწრაფების გამო გამოიხატება, რომ საქართველო ნამდვილად იყოს წარმატებული. რატომ - ახლა უფრო მეტად? ვიტყოდი, როგორც ჩვენი დიალოგის დასაწყისში აღნიშნეთ, გასული ზაფხულის საპროტესტო აქციების შედეგად, ნამდვილი აფეთქება მოხდა მთავრობასა და ოპოზიციას შორის და ეს ყველაფერი თითქოს გადაწყვეტილების მიღებისკენ, კანონმდებლობისკენ მიდიოდა. შემდეგ ეს ჩაიშალა, თუმცა შემდეგ, 8 მარტის შეთანხმებით, თითქოს ისევ შესაძლებელი გახდა. არსებობს შეგრძნება, რომ ახლა კრიტიკულად მნიშვნელოვნია, როგორც მთავრობამ, ისე ოპოზიციამ, ამ შეთანხმებას მისდიოს, გააუმჯობესოს საარჩევნო სისტემა, მთლიანად მიიღოს მონაწილეობა საქართველოს დემოკრატიაში და არჩევნები წარმატებად აქციოს. - თუ იქნება შთაბეჭდილება, რომ წინასაარჩევნო და საარჩევნო პროცესი არ წარიმართა დასავლური სტანდარტების შესაბამისად, რა მოლოდინი შეიძლება ჰქონდეს საქართველოს მთავრობას - უფრო მკაცრი განცხადებები თუ ზომები, მაგალითად, სანქციები? - ვფიქრობ, აღმოაჩენთ, რომ საქართველო შანსს გაუშვებს ხელიდან, რაც ქართველი ხალხისთვის ტრაგიკული იქნება. საქართველოსთვის არსებობს შესაძლებლობა, გააძლიეროს ურთიერთობები ევროკავშირთან, ნატოსთან, აშშ-სთან, ქვეყანა ამ ტრაექტორიაზე ბევრი წლის განმავლობაში, სხვადასხვა ადმინისტრაციის პირობებში იდგა. თუმცა ვფიქრობ, საქართველო დგას რისკის წინაშე, რომ გარე პირები შეხედავენ ქვეყანას და იტყვიან, აჰა, საქართველო მზად არაა, არაა ჩამოყალიბებული დემოკრატია, ნატო-სთვის და ევროკავშირისთვის მზად არ არიან. შედეგად, ამ ქვეყნებისა და ინსტიტუციებისთვის არ იარსებებს იმის სტიმული და მიზეზი, რომ საქართველოსთან ურთიერთობების გაფართოება განაგრძონ. შესაბამისად, ეს ხელიდან გაშვებული დიდი შანსი იქნება. - საქართველოს მთავრობა ხაზს უსვამს, რომ ქვეყანაში პოლიტიკური პატიმრები არ არიან, თუმცა ამას არ ეთანხმება ოპოზიცია. აღნიშნული ტერმინი დასავლეთისგანაც მოვისმინეთ. რას ფიქრობთ - გვყავს თუ არა პოლიტიკური პატიმრები? - ვიცი, რომ სწორედ ესაა მთავრობასა და ოპოზიციას შორის უთანხმოების მიზეზი. მთავრობა ამბობს, რომ ერთი პოლიტიკური პატიმარიც არ არსებობს, ოპოზიცია ამბობს, რომ კი, რა თქმა უნდა, არიან, მთავრობა, მიუხედავად უარყოფისა, ციხიდან უშვებს ამ ადამიანებს და თანაც უარჰყოფს, რომ ისინი პოლიტიკური პატიმრები არიან. შესაბამისად, მესმის ის ბუნდოვანება, რომელთანაც ხალხს აქვს საქმე. ვფიქრობ, მნიშვნელოვანია, რომ სასამართლო სისტემა სამართლიანი და მიუკერძოებელი იყოს, კანონის უზენაესობის თანახმად იმოქმედოს და არ იყოს გამოყენებული, როგორც პოლიტიკური საშუალება. საქართველოში ყველამ, როგორც მთავრობამ, ისე ოპოზიციამ, ხელახლა უნდა დაადასტუროს ერთგულება სასამართლოს მიუკერძოებლობის და პოლიტიკური მიზნებისთვის მისი არგამოყენების მიმართ. - თებერვალში აგვისტოს ომის შესახებ თქვენი კომენტარის სწორი ვერსია გამოაქვეყნეთ, სადაც ეწერა, რომ პუტინს საქართველოს ტრანსატლანტიკური ინტეგრაციის დაბლოკვა უნდოდა, ის რიტორიკამ გააბრაზა, თუმცა რუსულ აგრესიას საკუთარი მიზეზები ჰქონდა. ფიქრობთ, რომ ეს მიზეზები ახლაც იგივე რჩება, თუ ოდნავ მაინც შეიცვალა? ან, შეიცვალა საშუალებები და მათ აღარ სჭირდებათ საქართველოს ტერიტორიების ოკუპირება საკუთარი მიზნების მისაღწევად? - ეს არაჩვეულებრივი კითხვაა. მე ვფიქრობ, რომ რუსები საქართველოს ტერიტორიის ოკუპაციით ვერანაირ მიზნებს ვერ აღწევენ. ეს რუსეთისთვის ძვირადღირებულია, შექმნა ტერიტორიები, რომელსაც სახელმწიფოებს ეძახის და რაც საქართველოსთვის დამანგრეველია. თუმცა, ეს საქართველოს არ აჩერებს, არ აჩერებს სისტემას პოლიტიკურად, მის სიცოცხლისუნარიან დემოკრატიას, არ აჩერებს მის ურთიერთობებს ევროპასთან. ჩემი აზრით, ნატომ უნდა გაუხსნას კარი საქართველოს, მაშინაც კი, სანამ მისი ტერიტორიები ოკუპირებულია, ტერიტორიებთან დაკავშირებით ძალის არგამოყენების პირობით, ტერიტორიების მშვიდობიანი ინტეგრაციის მხარდაჭერით. მეორე მხრივ, ოკუპაციის მიმართ პუტინის თუ რუსეთის პოზიციაში ვერანაირ ცვლილებას ვერ ვხედავ, ეს ეხება საქართველოსაც, უკრაინასაც, მოლდოვასაც. რუსეთი ისევ ცდილობს, ამ ტერიტორიების ოკუპაცია გამოიყენოს, რათა აღნიშნულ ქვეყნებზე წნეხი მოახდინოს და დისტანცია გააჩინოს მათ და დანარჩენ ევროპას შორის. ჩემი აზრით, ეს არ მუშაობს, მაგრამ რუსეთის პოლიტიკა მაინც ასეთია. - სხვა საშუალებებში ვგულისხმობდი, მაგალითად, ჰიბრიდულ ომსაც... - დიახ, ვფიქრობ, თუ შევადარებთ იმას, რაც მოხდა 2008 წელს, როცა რუსეთის რეგულარული შეიარაღებული ძალები საქართველოს ტერიტორიაზე გადმოდიოდნენ, იმასთან, რაც უკრანიაში მოხდა, ეს უკანასკნელი უფრო რბილი იყო. მათ სპეციალური ძალები და დაზვერვის ძალები გამოიყენეს, მოხალისე პერსონალი, აგენტები, რათა ტერიტორიები ჩაეგდოთ ხელში, შემდეგ უბრალოდ, რეგულარული შეიარაღებული ძალებით გააძლიერეს იქ, სადაც საჭირო იყო, შიგნით შექმნეს მარიონეტი სახელმწიფოები და ორგანოები, რათა შემდგომ დამოუკიდებლობა ყოფილიყო მოთხოვნილი და პასუხისმგებლობის უარყოფის საშუალება ჰქონოდათ. ასე რომ, ვფიქრობ, რუსეთის ტაქტიკა ჰიბრიდული ომის უფრო ეფექტურ გამოყენებაში დაიხვეწა, თუმცა, პოლიტიკა იგივე დარჩა. - ერთ თქვენს განცხადებაში აღნიშნეთ, რომ 2008 წელს, პარტნიორებს ნატო-ში შესთავაზეთ დეკლარაციის მიღება, რომლითაც ომი საშინელ ტრაგედიად შეფასდებოდა და რომელშიც ცეცხლის შეწყვეტის მხარდაჭერა გამოიხატება, თუმცა თქვენმა ევროპელმა კოლეგებმა იდეას მხარი არ დაუჭირეს და თქვეს, რომ მათი ლიდერები შვებულებაში იყვნენ. ზოგადად, ნატო ყოველთვის აღნიშნავს, რომ ჩვენ წევრობას მაშინ მივიღებთ, როცა მზად ვიქნებით. მაგრამ ზოგი თვლის, რომ უკვე მზად ვართ. საერთოდ, რას ნიშნავს „მზადყოფნა“ და აქვს თუ არა საქართველოს ძალა მზადყოფნის დემონსტრირებისთვის? თუ შესაბამისი მომენტის დადგომა სხვა აქტორებზეცაა დამოკიდებული, საქართველოსა და ნატოს გარდა? - პირველ რიგში, რა არის „მზად“? - ნატო, წლების განმავლობაში, იცავდა დემოკრატიის სტანდარტებს, თავისუფალ და სამართლიან არჩევნებს, საბაზრო ეკონომიკას, კანონის უზენაესობას, სამხედრო სამსახურის სამოქალაქო კონტროლს, ნატოს-თან თავსებადობას, ევროპის უსაფრთხოებაში შეტანილ წვლილს, მეზობლებთან კარგ ურთიერთობას და ა.შ. ეს დიდი ხნის განმავლობაში ასე იყო. ამ დროისთვის, საქართველოს იმაზე მეტი აქვს გაკეთებული, ვიდრე ნატო-ს წევრობის რომელიმე სხვა კანდიდატს. ასე რომ, როცა იტყვიან, როგორია აქ დემოკრატია, როგორია საბაზრო ეკონომიკა, საქართველო განსაკუთრებულად კარგად გამოიყურება. ეს ნატო-ს აყენებს პოზიციაში, თავად ნატო თუა მზად. ნატო გადაწყვეტილებებს მხოლოდ ყველა წევრი ქვეყნის კონსენსუსის საფუძველზე იღებს. საქართველოს თუ წევრად მიიწვევენ, ეს ნატო-ს თითოეული წევრის თანხმობას მოითხოვს. დღეს ნატო-ში ასეთი თანხმობა არ არსებობს, რამდენიმე ქვეყანაა, რომელიც რუსეთის გამოა შეშფოთებული, ზოგი მაგალითად, არჩევნებზე მიუთითებს, ვნახოთ, რამდენად თავისუფალი და სამართლიანი არჩევნები იქნებაო, მიუთითებენ სასამართლოს პოლიტიზირებაზე და ამბობენ, ამასთან დაკავშირებით მთლად დარწმუნებულები არ ვართო. ნატო-ს პოლიტიკიდან გამომდინარე ვფიქრობ, რომ საქართველომ ყველაფერი გააკეთა, რისი გაკეთებაც იყო საჭირო, საქართველოში მცხოვრები ხალხის უსაფრთხოებას დაუყოვნებელი საფრთხე ემუქრება, რისადმი გამკლავებაშიც ისინი ძალიან მომთმენები იყვნენ, და მათ მხარდაჭერა სჭირდებათ. ვფიქრობ, საქართველო ნამდვილადაა მზად, ალიანსის წევრად მიიწვიონ, და არსებობს ის გზები, რომელთა მეშვეობითაც საქართველოზე რუსეთის წნეხის მართვა შესაძლებელი იქნება იმგვარად, რომ არანაირი სამხედრო კონფლიქტი არ მოხდეს. შესაბამისად, ჩემი აზრით, დროა, ნატო-მ ამ საკითხს ახალი თვალით შეხედოს. - ფიქრობთ, რომ ამერიკულ ინვესტიციებს საქართველოში საფრთხე ემუქრება, მას შემდეგ, რაც მთავრობამ „ანაკლიის განვითარების კონსორციუმთან“ კონტრაქტი შეაჩერა, და როგორ შეაფასებდით მომხდარს ზოგადად? - ჩემი აზრით, გვაქვს ერთგვარი ატმოსფერო ან იმიჯი ინვესტორებს შორის, რომ ისინი საქართველოში ინვესტიციების ჩადებასთან დაკავშირებით დარწმუნებულები არ არიან. ეს არ ნიშნავს, რომ ინვესტიციები შეჩერდა, თუმცა ჩემი აზრით, ბევრი დეზინფორმაცია თუ გაუგებრობაა ამ ყველაფრის გარშემო. ანაკლიის გარშემო ბევრი საკითხი ტრიალებდა და ის ამერიკელი ინვესტორებისგან არ ჩამოურთმევიათ, არამედ, ეს კერძო კონსორციუმსა და მთავრობას შორის იყო დავა ფინანსირებასთან დაკავშირებით. საბოლოოდ, კერძო კონსორციუმმა ფინანსირება ვერ მოახერხა, მთავრობამ კი პროექტს მხარი ალბათ, ისე ძლიერ არ დაუჭირა, როგორც ამას კონსორციუმი ელოდა. მაგრამ არ ვფიქრობ, რომ თავად ესაა ინვესტორებისთვის შემაშფოთებელი. შეგვიძლია სხვა მაგალითები მოვიყვანოთ, მაგალითად, როდესაც ინვესტორებმა იფიქრეს, რომ სასამართლოები არც ისე სანდო წყარო იყო ბიზნეს დავების განხილვის კუთხით. ჩემი აზრით, ინვესტორებს შორის უფრო მეტი ნდობა უნდა იყოს სასამართლო სისტემის და კანონის უზენაესობის მიმართ, რათა მათი მოზიდვა მოხდეს. საქართველო სწორ გზას ადგას და განსაკუთრებით კარგად მიიწევს წინ, განსაკუთრებით, ნატო-ს წევრობის მსურველ სხვა ქვეყნებთან შედარებით, მაგრამ ყოველთვის უფრო მეტია გასაკეთებელი. განსაკუთრებით, ახლა, კორონავირუსის შემდეგ, როდესაც ეკონომიკას უფრო სწრაფი ზრდა სჭირდება, ვიდრე ამჟამად იზრდება. ვფიქრობ, უცხოელი ინვესტიციების მოზიდვა ახლა ქვეყნისთვის უმთავრესი პრიორიტეტი უნდა იყოს. - გვახსოვს, რომ თქვენ არსებით როლს ასრულებდით აშშ-ს პრეზიდენტის, დონალდ ტრამპის იმპიჩმენტის პროცესში. ახლა რისი თქმა შეგიძლიათ მისი დამოკიდებულების შესახებ უკანასკნელი მოვლენებისადმი, როგორიცაა კორონავირუსი და ქვეყანაში არსებული სიტუაცია, რომელიც ჯორჯ ფლოიდის სიკვდილის შემდეგ განვითარდა - თქვენი აზრით, რა გავლენას მოახდენს ეს ყველაფერი მის წინასაარჩევნო და საარჩევნო წარმატებაზე? - ჩემი აზრით, ყველაფერი, რაც მარტამდე რჩებოდა, დიდწილად, დავიწყებას მიეცა. ვფიქრობ, იმპიჩმენტს ან მანამდე რაიმე სხვა შემთხვევას გრძელვადიანი გავლენა არ მოუხდენია და სინამდვილეში, ისინი აღარავის ახსოვს. ჩემი აზრით, სამი საკითხია, რამაც პრეზიდენტ ტრამპის პრეზიდენტობის ვადა უნდა განსაზღვროს. ამ სამიდან პირველი თავად კორონავირუსია, თუ რამდენად აირიდებს თავიდან მეორე, ინფექციის დიდ ტალღას; მეორე საკითხი ეკონომიკაა, რამდენად სწრაფად და მძლავრად აღდგება ეკონომიკა; მესამეა სამართლიანობის შეგრძნების დანერგვა, ჯორჯ ფლოიდის მკვლელობისა და ქვეყანაში საპროტესტო აქციების შემდეგ. თუ პრეზიდენტი ტრამპი სამივეს - დაავადების, ეკონომიკისა და სამართლიანობის შეგრძნების მართვას მოახერხებს, ვფიქრობ, ხელახლა არჩევის კარგი შანსი ექნება. მეორე მხრივ, თუ საჯაროდ სამიდან ერთი მაინც წარუმატებელი გამოჩნდება, ხელახლა არჩევისკენ მიმართული მისი ძალისხმევები რისკის ქვეშ იქნება და პირიქით, ხელს ყოფილ ვიცე პრეზიდენტს, ბაიდენს უფრო შეუწყობს. ინტერპრესნიუსი
Pirveliradio Ge
Tbilisi · 2 months ago
„ფრონტერა რისორსი“ საქართველოს მთავრობას ყალბი ინფორმაციის გავრცელებაში ადანაშაულებს
ნავთობკომპანია „ფრონტერა რისორსი“ საქართველოს მთავრობას საარბიტრაჟო დავის შედეგებთან დაკავშირებით, ყალბი ინფორმაციის გავრცელებაში ადანაშაულებს. კომპანია ხელისუფლებას მოუწოდებს, არაკეთილგანწყობილი პიარ კამპანია შეწყვიტოს და ამასთან ერთად, აღნიშნავს, რომ საარბიტრაჟო სასამართლოს გადაწყვეტილებით კმაყოფილია. „გასულ კვირას ჩვენთვის ცნობილი გახდა, რომ საქართველოს მთავრობამ და მათ მიერ დაქირავებულმა იურისტებმა, შეგნებულად გააკეთეს არასწორი საჯარო განცხადებები, იმ საარბიტრაჟო დავის შედეგებთან დაკავშირებით, რომელიც 2018 წელს საქართველოს მთავრობამ წამოიწყო ჩვენი კომპანიის წინააღმდეგ. საქართველოს ხელისუფლებისა და მათი დაქირავებული იურისტების მიერ გაკეთებული საჯარო განცხადებები გამიზნულია შეცდომაში შეყვანისა და საარბიტრაჟო სასამართლოს გადაწყვეტილების სინამდვილეში არსებული შედეგიდან ყურადღების გადატანისათვის. სამთავრობო მედიისა და ასევე სხვა საშუალებებით ხელისუფლებამ გაავრცელა ყალბი ახალი ამბები, რომელიც განზრახ ამახინჯებს არბიტრაჟის შედეგებს. ამ განცხადებებმა და ყალბმა ახალმა ამბებმა გამიზნულად შელახეს ჩვენი კომპანიის მიერ საქართველოში ოცდაოთხი წლის განმავლობაში გაწეული სამუშაოები და მასთან დაკავშირებული ინვესტიციები, რაც $ 500 მილიონ დოლარს აჭარბებს. ამ დღეებში გავრცელებული ასეთივე ყალბი ამბები და საქართველოს ხელისუფლების ზოგიერთი წევრის მიერ გაკეთებული საჯარო განცხადებები შეიცავს შეუფერებელ მცდელობას შეურაცხყონ აშშ ხელისუფლება და მოახდინონ როგორც მათი, ასევე ფრონტერას მსგავსი ამერიკული ბიზნესის სხვა მხარდამჭერთა დისკრედიტაცია. ამასთანავე, შეცდომაში შემყვანი განცხადებების გაკეთებასთან ერთად, ხელისუფლების მიერ დაქირავებულმა იურისტებმა სწრაფად გამონახეს საშუალება მოეხდინათ კაპიტალიზაცია ამ შეთხზული ამბის შეუფერებელი გავრცელებით და გაეკეთებინათ თავიანთი ბიზნესის რეკლამირება იურიდიულ, სავაჭრო და სოციალურ მედიაში. ეს არა არის გასაკვირი, ვინაიდან ხელისუფლების იურიდიულმა მრჩევლებმა გაასაჯაროვეს, რომ მათ გასამრჯელოდ 30 მილიონ ლარზე მეტი მიიღეს ( $ 9 მილიონი დოლარი) სახელმწიფო ხაზინიდან, ფრონტერას წინააღმდეგ დაწყებული დავისთვის. ნამდვილად კარგი ბიზნესია. ამის გამო, ჩვენ მოვუწოდებთ საქართველოს ხელისუფლებას შეწყვიტოს ყალბი და არაკეთილგანწყობილი პიარ კამპანია ფრონტერასა და საქართველოში მომუშავე სხვა ამერიკული ბიზნესის წინააღმდეგ. ფრონტერა კმაყოფილია საარბიტრაჟო საამართლოს გადაწყვეტილების შედეგით, განსაკუთრებით იმის გათვალისწინებით, თუ რა სასტიკი და წარუმატებელი ტაქტიკით ცდილობდა საქართველოს ხელისუფლება აუხსნელი მიზეზებით, სისტემატიურად ხელი შეეშალა. საქართველოსთვის უმნიშვნელოვანეს, ნავთობისა და გაზის სექტორში მიმდინარე სამუშაოებისათვის, მასში დასაქმებული ასობით ქართველ თანამშრომლისათვის, კონტრაქტორებისა თუ სხვა ბიზნესებისათვის. ამ გამოწვევებით სავსე დროს, რაც საქართველოში ჩOVID-19 ის გამო არსებული საგანგებო მდგომარეობით არის გამოწვეული და საქართველოს უამრავი მოქალაქეს ტანჯავს, ჩვენ ღრმად გვწამს, რომ არ უნდა დავიშუროთ ნებისმიერი მცდელობა, რათა ხელი შევუწყოთ საქართველოს ეკონომიკის აღდგენას პანდემიის შემდგომ პერიოდში. ამ კონტექსტში, როგორც კერძო სექტორის ყველაზე დიდი ამერიკელი ინვესტორი საქართველოში, ფრონტერა კვლავაც რჩება საქართველოს ერთგულ კორპორატიულ მოქალაქედ, იმ ვალდებულებით, რომ მიეხმაროს ქვეყანას ხელახლა ააშენოს თავისი ეკონომიკა და მიაღწიოს ენერგეტიკულ დამოუკიდებლობას, რაც კახეთის რეგიონში ჩვენს მიერ წარმოებული სამუშაოების შედეგად დადგება. ახლა, როცა ხელისუფლების მიერ კომპანიის წინააღმდეგ დაწყებული იურიდიული სამართალწარმოება დასრულდა, ვიმედოვნებთ რომ გადავერთვებით უფრო კონსტრუქციულ სულისკვეთებაზე. გვჯერა, რომ ნაცვლად ამერიკული ბიზნეს ინტერეების წინააღმდეგ დახარჯული ძვირფასი ფინანსური სახსრებისა ხელისუფლება გამოძებნის გზას, რათა ეს ფინანსური საშუალებები მიმართოს გაჭირვებაში მყოფი მოქალაქეების საკეთილდღეოდ. ხოლო ფრონტერასთან და სხვა მსგავს კომპანიებთან გააგრძელებს მჭიდრო თანამშრომლობას, რათა უცხოური პირდაპირი ინვესტიციები კვლავ შემოვიდეს ქვეყანაში ქართველი ხალხის საკეთილდღეოდ“, - ნათქვამია ნავთობკომპანია „ფრონტერა რისორსის“ მიერ გავრცელებულ განცხადებაში.
Pirveliradio Ge
Tbilisi · 2 months ago
მეორე მსოფლიო ომის დასრულებიდან 75 წელი - აშშ-სა და ევროპის ქვეყნების ერთობლივი განცხადება
მეორე მსოფლიო ომის დასრულებიდან 75 წლისთავზე აშშ-ს სახელმწიფო მდივანმა, ბულგარეთის, ჩეხეთის, ესტონეთის, უნგრეთის, ლატვიის, ლიეტუვის, პოლონეთის, რუმინეთისა და სლოვაკეთის საგარეო საქმეთა მინისტრებმა ერთობლივი განცხადება გაავრცელეს. "2020 წელს მეორე მსოფლიო ომის დასრულებიდან 75 წლისთავზე, ჩვენ პატივს მივაგებთ ყველა ჯარისკასცა და მსხვერპლს, რომლებიც ნაცისტური გერმანიის დამარცხებისთვისა და ჰოლოკოსტის დასრულებისთვის იბრძოდნენ. მიუხედავად იმისა, რომ 1945 წლის მაისში ევროპაში მეორე მსოფლიო ომი დასრულდა, ამას ევროპის ყველა რეგიონში თავისუფლება არ მოუტანია. კონტინენტის ცენტრალური და აღმოსავლეთ ნაწილი 50 წლის განმავლობაში კომუნისტური რეჟიმის მმართველობის ქვეშ იყო. ბალტიისპირეთის უკანონო ოკუპაცია და ანექსირება მოხდა, საბჭოთა კავშირმა დაპყრობილი ერები რკინის ხელით დაიმორჩილა, იყენებდა სამხედრო ძალას, რეპრესიებსა და იდეოლოგიურ კონტროლს. როდესაც მილიონობით ადამიანს ართმევდნენ მათს უფლებებსა და ფუნდამენტური თავისუფლებებს, აწამებდნე და იძულებით ასახლებდნენ, ათეულობით წლის განმავლობაში კონტინენტის ცენტრალური და აღმოსავლეთი ნაწილიდან მრავალი ევროპელი თავისუფლებისკენ სწრაფვისას სიცოცხლეს სწირავდა. რკინის ფარდის იქით მყოფი საზოგადოება სასოწარკვეთილად ეძებდა დემოკრატიასა და თავისუფლებას. 1956 წლის მოვლენები, ქარტია 77-ის შექმნა და მისი აქტივობები, სოლიდარობის მოძრაობა, ბალტიის გზა, 1989 წლის ანტიკომუნისტური რევოლუციები და ბერლინის კედლის დანგრევა მნიშვნელოვანი მოვლენები იყო, რომლებმაც მნიშვნელოვანი დიდი წვლილი შეიტანეს თავისუფლების აღდგენასა და ევროპის დემოკრატიაში. დღეს ჩვენ ყველა უფრო ძლიერი და თავისუფალი ევროპის შექმნაზე ვმუშაობთ, სადაც უპირველესია ადამიანის უფლებები, დემოკრატია და კანონის უზენაესობა. მომავალი ისტორიის ფაქტებსა და ტოტალიტარული რეჟიმის მსხვერპლებისთვის სამართლიანობაზე უნდა იყოს დაფუძნებული. ისტორიული მოვლენებით მანიპულირება, რამაც მეორე მსოფლიო ომი გამოიწვია და შემდგომ პერიოდში ევროპის დაყოფა, ისტორიის გაყალბების სამწუხარო მცდელობაა. ჩვენ გვსურს საერთაშორისო საზოგადოების ყველა წევრს შევახსენოთ, რომ მყარი საერთაშორისო უსაფრთხოება, სტაბილურობა და მშვიდობა მოითხოვს საერთაშორისო ნორმებისა და კანონების გულწრფელ და მუდმივ დაცვას, მათ შორის ყველა ქვეყნის სუვერენიტეტისა და ტერიტორიული მთლიანობის დაცვას. მეორე მსოფლიო ომის სასტიკი გაკვეთილების გათვალისწინებით, საერთაშორისო საზოგადოებას მოვუწოდებთ, შემოგვიერთდნენ გავლენის სფეროების კონცეფციის მტკიცედ უარის თქმაში და ყველა სუვერენული ერის თანასწორობის მოთხოვნაში" - აღნიშნულია განცხადებაში.
ამერიკის ხმა
Tbilisi · 2 weeks ago
სახელმწიფო დეპარტამენტი საქართველოს საკონსტიტუციო ცვლილებების მიღებას ულოცავს
საქართველოში საკონსტიტუციო ცვლილებების მიღებასთან დაკავშირებით, შეერთებული შტატების სახელმწიფო დეპარტამენტმა განცხადება გამოაქვეყნა. განცხადებას ამერიკის საგარეო უწყების წარმომადგენელი მორგან ორტაგუსი ავრცელებს, სადაც ნათქვამია, რომ შეერთებული შტატები ულოცავს საქართველოს ისტორიული საკონსტიტუციო ცვლილებების მიღებას, რომლებიც ქვეყანაში უფრო პროპორციულ საარჩევნო სისტემას შემოიღებს. „დამტკიცებული [ცვლილებები, რომლებიც] პოლიტიკური პარტიების უმრავლესობის მონაწილეობით მიღებული 8 მარტის მნიშვნელოვანი შეთანხმების შედეგია, ხელს შეუწყობს მეტ სტაბილურობას და საპარლამენტო პლურალიზმი საქართველოში მომავალი ოქტომბრის საპარლამენტო არჩევნებზე,“ ნათქვამია განცხადებაში. „ჩვენ მოვუწოდებთ საქართველოს პარლამენტს საარჩევნო რეფორმის კანონმდებლობა ეუთო/ოდირის რეკომენდაციების გათვალისწინებით მიიღოს და [მოვუწოდებთ] საქართველოს მთავრობას ეფექტურად აღასრულოს ეს კანონმდებლობა. საქართველოს დემოკრატიული განვითარების მნიშვნელოვანი გამოცდა იქნება თავისუფალი, სამართლიანი და გამჭვირვალე საარჩევნო პროცესი, რომელიც ქართველი ხალხის არჩევანს წარმოადგენს. სამართლიანობა წინა-საარჩევნო და არჩევნების შემდგომ პერიოდში ისევე მნიშვნელოვანია, როგორც არჩევნების დღე,“ ნათქვამია განცხადებაში. „შეერთებული შტატები განაგრძობს საქართველოს მხარდაჭერას მის ძალისხმევაში გააძლიეროს დემოკრატია, საარჩევნო პრაქტიკა და კანონის უზენაესობა, ასევე [მხარს უჭერს] მის ევრო-ატლანტიკურ მისწრაფებებს, რომლებიც რუსული აგრესიის წინააღმდეგ საუკეთესო თავდაცვაა.“ საკონსტიტუციო ცვლილებების მიღებასთან დაკავშირებით განცხადებები უკვე გააკეთეს შეერთებული შტატების საელჩომ და ბრიტანეთის ელჩმა საქართველოში. აშშ-ის საელჩოს განცხადებით, „ვაღიარებთ, რომ ეს ცვლილებები ასახავს იმ კომპრომისებს, რომელთა მისაღწევად საქართველოს პოლიტიკურ პარტიებს სირთულეების გადალახვა დასჭირდათ და მივესალმებით მათ, ვინც უზრუნველყო ამ ცვლილებების წარმატებით დასრულება. ვწუხვართ, რომ 8 მარტის შეთანხმების შესრულებასთან დაკავშირებული განსხვავებული დამოკიდებულების გამო, ზოგიერთმა პარტიამ არ მიიღო მონაწილეობა [კენჭისყრაში].“ განცხადებაში ასევე ნათქვამია: „გვსურს, ყველა მხარემ პატივი სცეს ჩვენს, როგორც ამ პროცესში ჩართული ფასილიტატორების როლსა და კეთილსინდისიერებას.“ დიდი ბრიტანეთის ელჩი ჯასტინ მაკენზი სმიტის განცხადებით, „დღეს ისტორიული დღეა. კონსტიტუციური ცვლილებები დემოკრატიის გაძლიერებისკენ გადადგმული ნაბიჯია. უფრო წარმომადგენლობითი და პლურალისტული იქნება და მეტ ადამიანს ექნება საშუალება საქართველოს მომავლის შენებაში შეიტანოს წვლილი. ვულოცავ საქართველოს ხალხს, მათი ნება ურყევია.“ #მთავარი_#ახალი_ამბები#საქართველო
Tbilisi Daily
Tbilisi · 3 weeks ago
1 წელი 20 ივნისდან - აშშ-ს საელჩოს განცხადება
„20 ივნისს ერთი წელი შესრულდა, რაც რუსთაველის გამზირზე ათასობით ადამიანმა რუსეთის მიერ საქართველოს ტერიტორიის ოკუპაცია გააპროტესტა. ვიხსენებთ რა ამ დღეს, როდესაც ასობით ადამიანი დაშავდა, ჩვენ ქართველი ხალხის გვერდით ვდგავართ და მხარს ვუჭერთ მათ მოწოდებას რუსეთის აგრესიის შეწყვეტისა და საქართველოს დემოკრატიის განმტკიცებისკენ. გასული წელი საქართველოში გამოირჩეოდა გამოწვევებითა და გაურკვევლობით, დიალოგითა და კომპრომისით“, - ამის შესახებ ნათქვამია აშშ-ის საელჩოს განცხადებაში, რომელიც 20 ივნისის მოვლენებიდან ერთი წლისთავს ეძღვნება. „20 ივნისს ერთი წელი შესრულდა, რაც რუსთაველის გამზირზე ათასობით ადამიანმა რუსეთის მიერ საქართველოს ტერიტორიის ოკუპაცია გააპროტესტა. ვიხსენებთ რა ამ დღეს, როდესაც ასობით ადამიანი დაშავდა, ჩვენ ქართველი ხალხის გვერდით ვდგავართ და მხარს ვუჭერთ მათ მოწოდებას რუსეთის აგრესიის შეწყვეტისა და საქართველოს დემოკრატიის განმტკიცებისკენ. გასული წელი საქართველოში გამოირჩეოდა გამოწვევებითა და გაურკვევლობით, დიალოგითა და კომპრომისით. მიუხედავად იმისა, რომ მომდევნო თვეებში მოსალოდნელია მეტი გამოწვევა, მათ შორის ერთ-ერთი ძირითადი გლობალური პანდემიაა, გაჩნდება შესაძლებლობებიც. საქართველოს მთავრობას აქვს უნარი, განამტკიცოს დემოკრატიული პრაქტიკისადმი ერთგულება, თავისუფალი და სამართლიანი არჩევნების ჩატარებით, რომელიც ქართველი ხალხის ნების ამსახველი იქნება. შემდგომი დემოკრატიზაცია, მათ შორის საარჩევნო რეფორმები, რომელიც ხელს შეუწყობს მეტ პლურალიზმს პარლამენტში და წინსვლა ევროატლანტიკურ გზაზე კვლავაც რჩება საუკეთესო საშუალებად რუსული აგრესიისგან საქართველოს დასაცავად. ვიხსენებთ რა ერთი წლის წინანდელ მოვლენებს, ვუერთდებით ჩვენს ქართველ მეგობრებსა და პარტნიორებს საქართველოს უწყვეტი დემოკრატიული განვითარების, სუვერენიტეტის, ტერიტორიული მთლიანობისა და ევროატლანტიკური ინტეგრაციის მხარდაჭერაში“, - ნათქვამია განცხადებაში.