თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის განცხადებით, კორონავირუსით ინფიცირებული ორსულის ჯანმრთელობის მდგომარეობა ამ ეტაპზე სტაბილურია. მისივე თქმით, ასევე სტაბილურია იმ ახალგაზრდა მამაკაცის ჯანმრთელობის მდგომარეობა, რომელსაც გუშინ დაუდასტურდა კორონავირუსი. „გუშინ ჩატარებული კვლევების შედეგად საბედნიეროდ მხოლოდ და მხოლოდ ერთი დადებითი შემთხვევა მოვიდა, დანარჩენი კი - უარყოფითი, რაც კიდევ ერთხელ მიუთითებს იმას, რომ ეს პაციენტები, რომლებიც აქ არიან სამი ათეული დღეა, დატოვებენ კლინიკას და გადავლენ საკარანტინო ზონაში. ახლგაზრდა მამაკაცის მდგომარეობა, რომელსაც გუშინ დაუდასტურდა კორონავირუსი, ამ ეტაპზე სტაბილურია და იმყოფება მეთვალყურეობის ქვეშ. რაც შეეხებ ორსულის მდგომარეობას, მისი ჯანმრთელობის მდგომარეობაც ამ ეტაპზე სტაბილურია. კლინიკური გამოვლინებები არ დგინდება. მიმდინარეობს მონიტორინგი, რომ არცერთი სიმპტომი არ გამოგვრჩეს“,-განაცხადა ლევან რატიანმა. P.s. სტატია ჩვენ არ გვეკუთვნის. სტატია გამოწვეყნებულია ipn.ge-ს მიერ. #news #headline #Covid19 #Feedc

სამედიცინო უნივერსიტეტის პირველი საუნივერსიტეტო კლინიკის დირექტორის, ლევან რატიანის თქმით, კორონავირუსით ინფიცირებული 80 წლის პაციენტის მდგომარეობა მკვეთრად დადებითია. "რაც შეეხება 80 წლის ქალბატონს, ჩატარებული მკურნალობის შემდეგ გასულია 24 საათი, ქალბატონის მდგომარეობა არის დადებითი დინამიკით, სუნთქვის უკმარისობის კლინიკის ხარისხი შემცირებულია, ბუნება-განწყობილება აღნიშნულ პაციენტთან დადებითად ფასდება", — თქვა ლევან რატიანმა. რატიანმა ჟურნალისტებთან საუბრისას აღნიშნა, რომ მათ საავდმყოფოში 48 საათის წინ შეიყვანეს ცოლ-ქმარი, რომლებიც ერთად იმყოფებოდნენ გარკვეულ შეკრებაზე. 80 წლის პაციენტიც იგივე კლასტერს წარმოადგენს, რომელსაც ეს ოჯახი. P.s. სტატია ჩვენ არ გვეკუთვნის. სტატია გამოქვეყნებულია on.ge-ს მიერ. #news #coromavirus #covid19

ახალი ინფიცირებული პაციენტების მდგომარეობა ჯერჯერობით სტაბილურია - აცხადებს ინფექციური საავადმყოფოს სამედიცინო დირექტორი, მარინა ეზუგბაია. „ოთხი ახალი ინფიცირებულიდან ჩვენთან წევს მხოლოდ ორი. მათი ზოგადი მდგომარეობა ჯერჯერობით სტაბილურია. ყოველთვის ვლაპარაკობ, რომ დასაწყისში თუ დაავადება არ დაიწყო მძიმედ, მაშინ გარკვეულწილად სტაბილური სიტუაცია გვაქვს ხოლმე. ასეთი სიტუაციაა ამ ორ ინფიცირებულთან. მათთან შეინიშნება მხოლოდ ტემპერატურის მატება, დაბალი ციფრებით, დაახლოებით 37-დან - 37,5-მდე და მინიმალურად გამოხატული კლინიკა. თავდაპირველად შემოსულ ტესტებში ლაბორატორიულად მნიშვნელოვანი ცვლილება არ არის, მაგრამ ჩვენ ამას ველით დაავადების დაწყებიდან მომდევნო დღეებში. ვნახოთ პირველი სამი დღის განმავლობაში როგორი დინამიკა გვექნება ამ ორ პაციენტზე. რენტგენოლიგიურად არ არის პნევმონია“, - განაცხადა ეზუგბაიამ.

პირველი საუნივერსიტეტო კლინიკის დირექტორის, ლევან რატიანის განცხადებით, COVID 19-ით ინფიცირებული ორსულის მდგომარეობა სტაბილურია. ამის შესახებ რატიანმა, ჟურნალისტებთან საუბრისას განაცხადა. ”დაახლოებით 22 კვირის ორსული ქალის მდგომარეობა ამ ეტპაზე სტაბლურია, იმყოფება გინეკოლოგების და ინფექციონისტების მეთვალყურეობის ქვეშ. ამ ეტაპზე ჩვენს კლინიკაში არის 3 ახალშობილი, მათი მდგომარეობა მძიმეა, მაგრამ მმართვადი”-ამბობს ლევან რატიანი.

რეანიმაციულ განყოფილებაში მოთავსებული 4 პაციენტის ჯანმრთელობის მდგომარეობა მძიმეა, ხოლო სამის კრიტიკული. ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა განცხადა. მისი თქმით, კლინიკა დატოვა 24 კვირის ორსულმა, ხოლო მეორე ფეხმძიმის მდგომარეობა სტაბილურია. რატიანმა ჟურნალისტებთან საუბრისას ასევე აღნიშნა, რომ კლინიკაში მოთავსებული სამი მოზარდის ჯანმრთელობის მდგომარეობაც სტაბილურია. „რეანიმაციაში მყოფი 4 პაციენტის ჯანმრთელობის მდგომარობა მძიმეა, ხოლო სამი კრიტიკული რჩება. ასევე მინდა გითხრათ, რომ გუშინ ჩვენგან 24 კვირის ორსული ქალბატონი გაეწერა. მეორე, 9 კვირის ორსულის ჯანმრთელობის მდგომარეობა სტაბილურია. პაციენტი 14 დღის გავლას ელოდება, რომ პროტოკოლის მიხედვით, ტესტირება ჩაუტარდეს. ასევე, იცით, რომ კლინიკაში გვყავს სამი მოზარდი და მათი ჯანმრთელობის მდგომარეობა ამ ეტაპზე სტაბილურია“,- განაცხადა რატიანმა.#კორონავირუსი #პაციენტები #ლევანრატიანი #tbilisidaily