საქართველოში ყოველდღიურად იზრდება იმ რეგიონების რაოდენობა, სადაც კორონავირუსთან ბრძოლის პროცესში ვითარება მძიმდება. ამჯერად ეპიდემიოლოგების მობილიზება ლენტეხში გახდა საჭირო. მიზეზი ის მამაკაცია, რომელსაც კორონავირუსი საკუთარი დისგან გადაედო. ამ დროისთვის მიმდინარეობს აქტიური მუშაობა ახლო კონტაქტების დასადგენად. როგორც ადგილობრივი ხელისუფლების წარმომადგენლები აცხადებენ, ამ მხრივ მდგომარეობა საგანგაშოა, რადგან საეჭვო პირების რაოდენობა საკმაოდ დიდია. ადგილობრივების ინფორმაციით, 53 წლის მამაკაცს 50-მდე ადამიანთან ჰქონდა კონტაქტი. არსებული ინფორმაციით, სვანეთის რეგიონში ინფექცია ეროვნული ბანკის საცავში დაინფიცირებული პირებიდან განვითარდა. ექიმის განცხადებით, 53 წლის მამაკაცი თბილისის პირველ საუნივერსიტეტო კლინიკაში სამკურნალოდ გუშინ ღამითვე გადაიყვანეს. "პაციენტს ჩაუტარდა გამოკვლევები, დაეწყო სიმპტომური მკურნალობა. იყო პნევმონიაზე ეჭვი და მიეცა ანიტიბიოტიკიც. დილით მდგომარეობა გახდა დამაკმაყოფილებელი. აღარც ტემპერატურა ჰქონდა, აღარც ჩივილი. კორონავირუსის დადასტურება გუშინ 21:00 საათზე მოხდა. პირველ საათზე პაციენტი რეანომობილის მიერ იქნა გადაყვანილი თბილისის საუნივერსიტეტო კლინიკაში," - განაცხადა რეგიონალური ჯანდაცვის ცენტრის ლენტეხის კლინიკის მენეჯერმა გრიგოლ ტურძელაძემ. წყარო:"რუსთავი2"

ზუგდიდში 67 წლის მამაკაცს კორონავირუსი დაუდასტურდა. მამაკაცს, რომელიც გვიან ღამე ზუგდიდის ინფექციურ საავადმყოფოში იქნა გადაყვანილო კორონა ვირუსი დაუდასტურდა. პაციენტს ტემპერატურა აღენიშნება, მაგრამ მისი მდგომარეობა სტაბილურია. მამაკაცი, თურქეთიდან ჩამოსვლის შემდეგ თვითიზოლაციაში იმყოფებოდა, მდგომარეობის გაუარესების შემდეგ კი სამედიცინო დახმარებას მიმართა. საქართველოში კორონა ვურუსით 75 ადამიანი დაინფიცირებული.#ზუგდიდი #კორონავირუსი #თურქეთი #საქართველო #zugdidinews

მამაკაცს, რომელმაც ქალაქი გორი 31 მარტს დატოვა, სომხეთში კორონავირუსი დაუდგინდა. ამის შესახებ ინფორმაცია საქართველოს პირველ არხს გორის საზოგადოებრივი ჯანდაცვის ცენტრში დაუდასტურეს. მათივე ცნობით, გორის მუნიციპალიტეტის სოფელ მეჯვრისხევის მკვიდრმა მამაკაცმა საქართველო 31 მარტს დატოვა. სომხეთში მყოფი საქართველოს მოქალაქის ინფიცირების შესახებ ინფორმაცია დაავადებათა კონტროლის ცენტრსაც აქვს. მიმდინარეობს მოკვლევა, თუ ვისთან ჰქონდა ინფიცირებულს კონტაქტი საქართველოს საზღვრის დატოვებამდე.

წყალტუბოს სასტუმრო „პრომეთეში“, სადაც საკარანტინე ზონაა მოწყობილი უსაფრთხობები ნორმებია დარღვეული - ამის შესახებ ინფორმაცია მას შემდეგ გავრცელდა, რაც იქ მყოფ ერთ-ერთ მამაკაცს კოვიდ-19 დაუდასტურდა. სასტუმროს დაცვის სამსახურის წარმომადგენლებმა განაცხადეს, რომ მათ არანაირი ინფორმაცია არ აქვთ, ხოლო სასტუმროში მყოფი პირები ამბობენ, რომ არ იციან, აუღეს თუ არა ვინმეს ანალიზები. წყალტუბოს ჯანდაცვის სამსახურის უფროსმა დაადასტურა, რომ ამ ზონაში დარღვეული იყო უსაფრთხოების ზომები. მისივე თქმით, ის თავიდანვე წინააღმდეგი იყო ამ სასტუმროს საკარანტინე ზონად გამოყენებისა. „საკარანტინე სივრცე არ არის დაცული - ვინ სად გადადის, და გადმოდის. ეს სასტუმრო არ უნდა ყოფილიყო გამოყენებული - არ იყო მოწყობილი. ეს პირი მოძრაობდა, ათ პირთან ჰქონდა კონტაქტი", - აცხადებს მარინე ტყეშელაშვილი. პაციენტი ქუთაისშია გადაყვანილი და როგორც ინფექციურ საავადმყოფოში აცხადებენ, მისი მდგომარეობა საშუალო სიმძიმისა. „წყალტუბოდან ჩამოვიდა, იყო სხვადასხვა რაიონშიც. როგორც ვიცი, ეპიდემიოლოგებს დადგენილი აქვთ კონტაქტები", - აცხადებს თეიმურაზ ნადირაძე.

რუხის კლინიკაში რჩება პაციენტი, რომელსაც რუსეთიდან საზღვრის კვეთის ისტორია აქვს. 70 წლის მამაკაცი, რომელმაც რუსეთიდან ძმის ცხედარი ჩამოასვენა COVID დადებითი ისევ დაუდასტურდა. რუხის მულტიფუნქციურ საავადმყოფოში ამ დროისთვის შვიდი პაციენტი რჩება, რომელთაგან ორი კორონავირუსით ინფიცირებულია. საავადმყოფოს კლინიკური დირექტორის, ნიკოლოზ ქარცივაძის განცხადებით, 70 წლის მამაკაცს განმეორებითი PCR კვლევა რამდენიმე დღეში ისევ ჩაუტარდება. „რუხის მულტიფუნქციურ საავადმყოფოში კორონავირუსზე რვა ადამიანი გაიტესტა. მათ შორის იყო ექვსი პაციენტი და ორი საავადმყოფოს მედპერსონალი. პაციენტებიდან ერთი იყო 70 წლის კოვიდინფიცირებული ზუგდიდელი მამაკაცი. მისი პასუხი კვლავ დადებითია. მამაკაცს რუსეთიდან საზღვრის კვეთის ისტორია აქვს.” - განაცხადა ნიკოლოზ ქარცივაძემ.