ინფექციური საავადმყოფოს საზოგადოებასთან ურთიერთობის მენეჯერი სოციალურ ქსელში სახალისო ისტორიას იხსენებს.
გიორგი ბერიძე ყვება, რომ ერთ-ერთ რეჟისორს სამედიცინო პერსონალზე კლიპის გადაღება უნდოდა და ამის სათხოვნელად, ინფექციური საავადმყოფოს ერთ-ერთ ექიმს დაურეკა, რომელმაც სიტყვა კლიპის მაგივრად, შეცდომით „კლიზმა“ გაიგო:
„მირეკავს სამედიცინო პერსონალი: ვიღაც რეჟისორმა დამირეკა კლიზმის გაკეთება მინდა თქვენზეო… გადაირია ეს ქალი-თქვენ რატომ უნდა გამიკეთოთ კლიზმა, იქით ვაკეთებთ კლიზმებსო… ახლა რეჟისორი გადარეულა – არ მინდა ქალბატონო კლიზმის გაკეთებაო.. გადავურეკე ამ რეჟისორს… ეჰ, დაღლას რა ვუთხარი – კლიპის გადაღება სდომებია და კი დაკარგა ყველაფრის სურვილი კლიზმისაც და კლიპისაც…“ – წერს გიორგი ბერიძე სოციალურ ქსელში.