გიორგობის დღესასწაულთან დაკავშირებით ხვალ გორში უსაფრთხოების ზომების გამკაცრება იგეგმება. გორიჯვრის ტაძართან დამაკავშირებელი სამანქანო გზა ჩაიკეტება და მას შსს-ს წარმომადგენლები გააკონტროლებენ. შიდა ქართლის გუბერნატორი გიორგი ხოჯევანიშვილი აცხადებს, რომ მომლოცველებს ტაძარში მისვლა ფეხით, სოციალური დისტანციის დაცვით მოუწევთ. იმ ტაძრებში, სადაც ტრადიციულად უფრო მეტი ხალხი გროვდება ხოლმე, იქნება მოწესრიგებული როგორც ადამიანების მოძრაობა, ისე შეიზღუდება სამანქანო მოძრაობაც. შესაბამისად, ამ საკითხებზე ასეთი გადაწყვეტილებაა, - განაცხადა ხოჯევანიშვილმა.

ინფექციური საავადმყოფოს სამედიცინო დირექტორის, მარინა ეზუგბაიას აზრით, ბოლო დღეების სტატისტიკიდან გამომდინარე რეგულაციების გამკაცრების საჭიროება არ დადგება. ამის შესახებ მან ჟურნალისტებს განუცხადა. მისივე თქმით, არაა საჭირო, რომ რეგულაციები სახელმწიფომ დააწესოს, ჩვენ უნდა დავიწესოთ თვითშეზღუდვები და რაღაცნაირად მოვერგოთ სიტუაციას, რომ ვიზრუნოთ ჩვენს თავზე და ჩვენს ოჯახებზე. „ჩემი აზრით, რეგულაციების გამკაცრების საჭიროება არ დადგება, იმიტომ რომ საბურთალოს კლასტერი თავიდან ბოლომდე შეისწავლება, ყველა იზოლირებულია, ტარდება კვლევები და ეს კლასტერი არ გავრცელდება. რაც შეეხება სხვა კლასტერებს, ყველაზე ცხელი წერტილები იყო ბოლნისის მუნიციპალიტეტის ორი სოფელი, სადაც უკვე ბოლოსკენ გავდივართ. ვნახოთ, როგორი იქნება შემდეგი ორი კვირა, იმიტომ რომ კონტაქტები შესწავლილია და მიმდინარეობს საინკუბაციო პერიოდი. თუმცა მუდმივად ვიმეორებთ, რომ არაა საჭირო, რომ რეგულაციები სახელმწიფომ დააწესოს. ჩვენ უნდა დავიწესოთ თვითშეზღუდვები და რაღაცნაირად მოვერგოთ სიტუაციას, რომ ვიზრუნოთ ჩვენს თავზე და ჩვენს ოჯახებზე“, - განაცხადა ეზუგბაიამ.

COVID 19-ით დაინფიცირებული 53 წლის მამაკაცის გამო სვანეთის რეგიონში უსაფრთხოების ზომები მკაცრდება - ამ საკითხთან დაკავშირებით საგანგებო სხდომა გაიმართა, რომელსაც მხარის გუბერნატორი არჩილ ჯაფარიძე ხელმძღვანელობდა. მისი ინფორმაციით, ცაგერსა და ლენტეხში მოეწყობა გამშვები პუნქტები, სადაც მოსახლეობას თერმოსკრინინგი ჩაუტარდება. მისივე ინფორმაციით, ინფიცირებულის პირველადი კონტაქტები უკვე დადგენილია. "ზომები, თავისთავად ცხადია, გამკაცრდება, მაგრამ გადაადგილება არ შეიზღუდება. გამშვები პუნქტები მოეწყობა რეგიონში, სადაც თერმოსკრინინგი ჩატარდება. ასევე, იმ რისკის შემცველ სოფელში, სადაც აღნიშნულმა პიროვნებამ იმოძრავა, უკვე დაწყებულია ექიმების შემოვლა. პირველადი კონტაქტები თითქმის დადგენილია და გრძელდება ამ კუთხით მუშაობა,"- განაცხადა გუბერნატორმა "კურიერთან" საუბრისას.

კორონა ვირუსის გავრცელების შემდგომ სოციალურ ქსელში სხვადასხვა სახის იუმორნარევი პოსტები ვრცელდება, განსაკუთრებით აქტუალური კი დეზინფექცია და უსაფრთხოების ზომებია 🤗 და ქართველი მომხმარებლები არამხოლოდ ხელს იბანენ ხშირად, არედ აღმოჩნდა, რომ უმრავლესობამ საკვების გარეცხვა და დეზინფექციაც დაიწყო 🙈🙈 #კორონავირუსი #დეზინფექცია #დავიცვათჰიგიენისწესები #დარჩისახლში #საქართველო #2020