თურქეთის რესპუბლიკაში საქართველის საელჩო თურქეთში მყოფი საქართველოს მოქალაქეების საყურადღებოდ ინფორმაციას ავრცელებს. ინფორმაციაში იმ ქალაქების ჩამონათვალია, სადაც 15 დღით აიკრძალა ავტომობილების შესვლა და გამოსვლა. „თურქეთის რესპუბლიკაში მყოფ საქართველოს მოქალაქეთა საყურადღებოდ! კორონავირუსის გავრცელების პრევენციის ფარგლებში, ხვალიდან, მომდევნო 15 დღის განმავლობაში, თურქეთის შემდეგ ქალაქებში აიკრძალება ავტომობილების შესვლა და გასვლა: ადანა, ანკარა, ანტალია, აიდინი, ბალიქესირი, ბურსა, დენიზლი, დიარბაქირი, ერზერუმი, ესქიშეჰირი, გაზიანთეფი, ჰათაი, იზმირი, ქაჰრამანმარაში, ქაისერი, ქოჯაელი, კონია, მალათია, მანისა, მარდინი, მერსინი, მუღლა, ორდუ, საქარია, სამსუნი, შანლიურფა, თექირდაღი, ტრაპიზონი, ვანი და ზონგულდაქი“, – აღნიშნულია ინფორმაციაში.#turkey #georgia #stopcovid19 #covid19 #coronavirus

საქართველოში კორონავირუსის შემთხვევათა რაოდენობა 242-მდე გაიზარდა. მათ შორის 3 უცხოეთიდან სამკურნალოდ გადმოყვანილი საქართველოს 3 მოქალაქე. ამის შესახებ ინფორმაცია stopcov.ge-ზე აისახა. ბოლო მონაცემებით, კარანტინში 4856 ადამიანი რჩება, სტაციონარში კი 370. კორონავირუსით ინფოცირებულია 242 , მათგან 57 გამოჯანმრთელდა. გარდაიცვალა 3 ადამიანი, თანმდები მრავალი დაავადებით.#stopcovid19 #covid19 #coronavirus #georgia #pandemy #quarantine

საქართველოში კორონავირუსის შემთხვევათა რაოდენობა 252-მდე გაიზარდა. მათ შორის უცხოეთიდან სამკურნალოდ გადმოყვანილი საქართველოს 3 მოქალაქე. ამის შესახებ ინფორმაცია stopcov.ge-ზე აისახა. ბოლო მონაცემებით, კარანტინში 4929 ადამიანი რჩება, სტაციონარში კი 405. კორონავირუსით ინფოცირებულია 252 , მათგან 60 გამოჯანმრთელდა. გარდაიცვალა 3 ადამიანი, თანმდები მრავალი დაავადებით.#stopcovid19 #covid19 #coronavirus #georgia #pandemy #quarantine

საქართველოში კორონავირუსით ინფიცირებულთა რაოდენობა სამით გაიზარდა. ამის შესახებ ინფორმაცია stopcov.ge-ზე აისახა. ამ დრომდე საქართველოში კორონავირუსის ლაბორატორიულად დადასტურებული მხოლოდ 40 შემთხვევა იყო, მათგან ერთი გამოჯანმრთელდა. ბოლო მონაცემებით, კარანტინში 1 966 ადამიანი რჩება, სტაციონარში კი 259.#stopcovid19 #covid19 #coronavirus #georgia #pandemy

ჯანდაცვის სამინისტროს სამედიცინო უზრუნველყოფისა და გამოძახებათა მართვის დეპარტამენტის უფროსის ამირან გოგიტიძის განცხადებით, სასწრაფო დახმარების ექიმს, რომელსაც კორონავირუსი დაუდასტურდა ბოლო მორიგეობა 31 მარტს ჰქონდა. მისივე თქმით, ექიმს სიმპტომები გუშინ დაეწყო. "აღნიშნულ ექიმს სიმპტომები დაეწყო გუშინ და მისი ბოლო მორიგეობა იყო 31 მარტს, ანუ მისი სიმპტომების გამოვლენიდან გასულია რამდენიმე დღე და დაინფიცირების რისკი მასთან მყოფი თანამშრომლების არის დაბალი, თუმცა ჩვენ მაინც პრევენციული ღონისძიებებიდან გამომდინარე მივიღეთ გადაწყვეტილება, რომ თვითიზოლაციაში გადავიდეს ყველა ის პირი, ვისაც მასთან ჰქონდა კონტაქტი. ის მორიგე სამედიცინო პერსონალი არიან თვითიზოლაციის პირობებში და საკარანტინო პირობებში გადასული", - განაცხადა გოგიტიძემ. თბილისის სასწრაფო დახმარების ექიმი, რომელსაც კორონავირუსი დაუდასტურდა, ეროვნული ბანკის კლასტერიდანაა. როგორც სამედიცინო უზრუნველყოფისა და გამოძახებათა მართვის დეპარტამენტის უფროსმა, ამირან გოგიტიძემ განაცხადა, ექიმი მისი მეუღლისგან დაინფიცირდა, რომელიც ეროვნული ბანკის თანამშრომელია. “თბილისის სასწრაფო დახმარების ექიმს დღეს კორონავირუსი დაუდასტურდა. აღნიშნული ინფიცირება მოხდა მეუღლის მხრიდან და არ მომხდარა პაციენტის მხრიდან. აღნიშნული ინფიცირების წყარო წარმოადგენს ეროვნული ბანკის კლასტერს. ახლანდელი მდგომარეობით, ჩვენი ექიმი გადაყვანილია შესაბამის სამედიცინო დაწესებულებაში, მისი მდგომარეობა დამაკმაყოფილებელია”, - განაცხადა გოგიტიძემ. #georgia #covid19 #coronavirus #stopcovid19 #doctor

საქართველოში კორონავირუსის შემთხვევათა რაოდენობა 539-მდე გაიზარდა. მათ შორის უცხოეთიდან სამკურნალოდ გადმოყვანილი საქართველოს 3 მოქალაქე. ამის შესახებ ინფორმაცია stopcov.ge-ზე აისახა. ბოლო მონაცემებით, კარანტინში 5256 ადამიანი რჩება, სტაციონარში კი 548. კორონავირუსით ინფოცირებულია 539 ,მათგან 178 გამოჯანმრთელდა. გარდაიცვალა 6 ადამიანი, თანმდები მრავალი დაავადებით.#stopcovid19 #covid19 #coronavirus #georgia #pandemy #quarantine #კორონავირუსი #კოვიდ19

დაავადებათა კონტროლის ეროვნული ცენტრის დირექტორის ამირან გამყრელიძის განცხადებით, საქართველოში კორონავირუსით დაინფიცირების იმაზე ნაკლები შემთხვევაა, ვიდრე ამას პროგნოზირებდნენ. როგორც ამირან გამყრელიძე განმარტავს, საკმაოდ რთული იქნება აპრილისა და მაისის თვის დასაწყისი. ის საზოგადოებას კიდევ ერთხელ მოუწოდებს სოციალური დისტანცირებისკენ. „ჩვენ არასდროს დაგვიმალავს, რომ შემთხვევათა ზრდა ქვეყანაში გვექნება, ვიხმარე ეს ტერმინოლოგია - პრეკრიტიკული, პრეკრიზისული, კრიტიკული, კირიზისული. ისიც ვთქვი დაახლოებით, 10 დღის წინ, რომ ამ სტადიაში შევდივართ, რომ ჩვენთვის საკმაოდ რთული და მძიმე იქნება ეს თვე და შესაძლოა მაისის პირველი ნახევარი. შემთხვევების ზრდა იქნება, შეკავების ფაზა საქართველოში მაქსიმალურად გაიწელა, ჩვენ მაქსიმალურად შევაკავეთ ინფექციის ფართომასშტაბიანი გავრცელება, ამით დრო მოვიგეთ და მოემზადა ჯანდაცვის სექტორი უფრო სერიოზულად. მივყვებით იმ პროგნოზებს, რაც ჩვენი მოდელირებით არის. ამ კვირის ბოლოს, რასაც ვპროგნოზირებდით, იმაზე ოდნავ ცოტაც არის, ასევე ვპროგნოზირებთ მომავალი კვირის შემთხვევებს როგორი იქნება. ამიტომ არის საჭირო, ყველამ დავიცვათ ის ღონსიძიებები, რასაც საგანგებო მდგომარეობა, კარანტინი, თვითიზოლაცია გულისხმობს. აუცილებელია პირადი ჰიგიენა, ნაკლები დიდი შეხვედრები, ნაკლები დიდი სუფრები და ა.შ. ნაკლები კი არა, საერთოდ აკრძალულია სუფრები. ამ ბრძოლაში პირველი იარაღი გახლავთ სოციალური დისტანცირება, სოციალური დისტანცირება, სოციალური დისტანცირება! წამალი და მკურნალობა გვჭირდება უკვე დაინფიცირებულ ადამიანზე, მაგრამ რომ არ დაგვიინფიცირდეს ადამიანი, საჭიროა, სოციალური დისტანცირება, თუ ჩვენ ამ ყველაფერს შევასრულებთ, მაშინ ნაკლები დაზიანება შეიძლება იყოს. რაც შეეხება მედპერსონალს, პირველ რიგში, მადლობა ჩემ კოლეგებს, მთლიანად საქართველოს მედპერსონალს, ექიმებს, ექთნებს, უმცროს სამედიცინო პესრონალს, ისინი ყველანი თავდადებული ადამიანები არიან, მადლობა ჩვენს ეპიდემიოლოგებს, ლაბორატორიებს, ყველას, ვინც ამ ბრძოლაშია ჩართული“, - განაცხადა გამყრელიძემ.#stopcovid19 #covid19 #coronavirus #georgia #pandemy