10 votes
0 comments
0 shares
Save
თიბისიშენთვის | სადისტრიბუციო კომპანიებისთვის სპეციალური ბარათი შეიქმნა
101 views
Forbes Woman Georgia
Tbilisi · 3 months ago

თუ აქამდე, დისტრიბუტორებს და სავაჭრო ობიექტების წარმომადგენლებს პროდუქციის მიღების დროს ნაღდი ფულით ანგარიშსწორება უწევდათ, 15 აპრილიდან, მათ შესაძლებლობა ექნებათ ანგარიშსწორება უსაფრთხო ალტერნატივით – ბარათით გადახდით ჩაანაცვლონ.


#თიბისიშენთვის | სადისტრიბუციო კომპანიებისთვის სპეციალური ბარათი შეიქმნა • ForbesWoman
www.forbeswoman.ge
Forbes Woman Georgia
Tbilisi · 3 months ago
Similar Posts
Keso Bigvava
Tbilisi · 3 months ago
აპრილის თვის პენსიები წინასწარ ჩაირიცხება, იცვლება პენსიის გაცემის წესიც
მთავრობის ადმინისტრაციის ინფორმაციით, საქართველოში ყველა ასაკის პენსიის მიმღებ პირზე აპრილის თვის პენსიები წინასწარ ჩაირიცხება. მათივე ინფორმაციით, შესაბამისი თანხა მთავრობამ სახელმწიფო ბიუჯეტიდან უკვე გამოყო. მთავრობის ინფორმაციითვე, იცვლება პენსიის გაცემის წესიც. "პენსიის თანხის ნაღდი ფულით მიღება შესაძლებელი იქნება მხოლოდ „ლიბერთი ბანკის“ მიერ წინასწარ გაცხადებული გრაფიკით. ხოლო, თანხის ჩარიცხვისთანავე, ანუ 28 მარტიდან, ბარათზე დარიცხული პენსიის გამოყენებას პენსიონერები შეძლებენ სავაჭრო ობიექტებში - აფთიაქში, მაღაზიაში ან კომუნალური გადასახადების გადახდისას," - წერია განცხადებაში. პენსიის ნაღდი ფულით მიღებაზე დადგენილი გრაფიკის სანახავად მოქალაქეებმა უნდა შეამოწმონ ვებ-გვერდი , ან დარეკონ მობილური ტელეფონიდან ნომერზე - 032 208; ხოლო ქალაქის ნომრიდან - 208. საქართველოს მთავრობა მიმართავს თხოვნით პენსიონერებს, გაუფრთხილდნენ ჯანმრთელობას და მაქსიმალურად მოერიდონ ფულის გამოსატანად ბანკის რიგში დგომას, რამდენადაც პლასტიკური ბარათით გადახდა დღეს ფაქტობრივად ყველა მომსახურების მიღებისას შესაძლებელია. იმ შემთხვევაში კი, თუ მათ პენსიის თანხის ნაღდი ფულის სახით მიღების სურვილი აქვთ, რიგში დგომისას აუცილებლად უნდა დაიცვან სოციალური დისტანცია. #საქართველო #მთავრობა #ახალირეგულაცია
Tbilisi Daily
Tbilisi · 3 weeks ago
სახალხო დამცველი - რა მოხდა 20-21 ივნისის ღამეს
სახალხო დამცველმა, ნინო ლომჯარიამ საკუთარ Facebook გვერდზე გააზიარა ომბუდსმენის შეფასება იმასთან დაკავშირებით, თუ რა მოხდა 20-21 ივნისის ღამეს. გავრცელებულ დოკუმენტში 10 ყველაზე ხშირად დასმულ შეკითხვაზეა პასუხი გაცემული. გთავაზობთ დოკუმენტს უცვლელად. 1. რას ვიგებთ რაციების ჩანაწერებით რეზინის ტყვიების გამოყენების თაობაზე? - შინაგან საქმეთა მინისტრმა 20 ივნისის 23:36 წუთზე უბრძანა მის მოადგილეებსა და სხვა დაქვემდებარებულ პირებს (მათ შორის, გდდ-ს დირექტორს), რომ აქციის დაშლისას გამოყენებული არ ყოფილიყო რეზინის ტყვიები. აღნიშნულის საპირისპიროდ, ტელეკომპანიების მიერ გადაღებული კადრები უთითებს, რომ რეზინის ტყვიების გასროლა მალევე, 00:00 საათის დადგომისას დაიწყო. მიუხედავად ამისა, 21 ივნისის 00:16 წუთზე გდდ-ს დირექტორმა ხელმძღვანელობას მოახსენა, რომ თოფებს არ იყენებენ. რაციის ჩანაწერების მიხედვით, რეზინის ტყვიების არგამოყენებასთან დაკავშირებით ბრძანება გამეორდა 00:36 საათზეც, რომელიც კვლავ არ შესრულებულა. 02:34 საათზე გდდ-ს დირექტორმა რეზინის ტყვიების გამოსაყენებლად დამატებითი ნებართვა ითხოვა. აღნიშნულ მოთხოვნაზე ხელმძღვანელისგან უარი მიიღო, რომლის მიღებაც დაადასტურა. აღნიშნულის მიუხედავად, ტელეკომპანიების ჩანაწერიდან იკვეთება, რომ მალევე კვლავ გაგრძელდა რეზინის ტყვიების ხშირი სროლა. 2. რას ამბობენ მსროლელები რეზინის ტყვიების გამოყენებაზე? - შსს-ს განსაკუთრებულ დავალებათა დეპარტამენტის (გდდ) მსროლელები მიუთითებენ, რომ არალეტალურ იარაღს იყენებდნენ სიტუაციის მიხედვით, რადგან თავიდანვე ჰქონდათ მიღებული ყველანაირი სიტუაციისთვის მზადყოფნის ზოგადი ნებართვა. განმარტეს, რომ რეზინის ტყვიების გამოყენების გადაწყვეტილება მიიღეს ინდივიდუალურად, კონკრეტული საფრთხის შეფასების შედეგად. ასევე, მსროლელებმა მიუთითეს, რომ ტყვიების გამოყენების დროს მათი მეთაურებიც იქვე იყვნენ, თუმცა რეზინის ტყვიების გამოყენების შეწყვეტის ბრძანება არ გაუციათ. აქციის დაშლისას, რამდენიმე საათის - დაახლოებით 00:00 საათიდან 04:30 საათამდე - განმავლობაში, გდდ-სა და ობიექტების დაცვის დეპარტამენტის 100-ზე მეტმა თანამშრომელმა გამოიყენა 3 სახეობის იარაღი, 5 სახეობის ტყვია და ჭურვი. შსს მინისტრის მიერ მედიაში გავრცელებული ინფორმაციის მიხედვით, გასროლილ იქნა დაახლოებით 800-მდე რეზინის ტყვია. 2 3. რა როლი ჰქონდა შსს-ს იმჟამინდელ მინისტრსა და მის მოადგილეებს და იცოდნენ თუ არა მათ რეზინის ტყვიების გამოყენების თაობაზე? - გიორგი გახარია, კახაბერ საბანაძე და ვლადიმერ ბორცვაძე იმყოფებოდნენ პარლამენტთან 20 ივნისის 22 საათიდან. მინისტრი და მისი მოადგილეები ჩვენებებში უთითებენ, რომ ცრემლსადენი გაზის ჭურვებისა და წყლის ჭავლის გამოყენება მოხდა მათი ბრძანებით, ხოლო რეზინის ტყვიების გამოყენებაზე ბრძანება არ გაუციათ. მინისტრი და მისი მოადგილეები ჩვენებებში უთითებენ, რომ რეზინის ტყვიების გამოყენებისთანავე, მალევე მათთვის ცნობილი გახდა, თუმცა არ აკონკრეტებენ ზუსტ დროს. მინისტრისა და მისი მოადგილეებისთვის ამ ინფორმაციის მიწოდების საშუალება (პირადი ვერბალური კომუნიკაცია, რაცია, მობილური ტელეფონი, ტელეკომუნიკაცია და სხვა) გამოძიებას დადგენილი არ აქვს. 4. იყო თუ არა აქციის დაშლისას გამოყენებული პროპორციული და თანაზომიერი საშუალებები? - გამოყენებული ძალა არ შეიძლება შეფასდეს პროპორციულ და თანაზომიერ საშუალებად, შემდეგი გარემოებების/ფაქტორების გამო: (1) მეთოფეების მხრიდან ბრძანების არარსებობის პირობებში არალეტალური ჭურვების გამოყენება; (2) ჭურვების და მეთოფეების დიდი რაოდენობა (3) ოპერაციის მიმდინარეობის ფართობი და რამდენიმე საათიანი პერიოდის მანძილზე რეზინის ტყვიების გამოყენება; (4) დაშავებული მომიტინგეების რაოდენობა; (5) ინდივიდუალური პოლიციელების მიმართ გამოცალკევებით მოქალაქეთა ცალკეული ჯგუფების მიერ თავდასხმის შემთხვევების არ არსებობა (რაც აუცილებელი მოგერიების მდგომარეობას გაამართლებდა). 5. განხორციელდა თუ არა შეკრების მონაწილეთა გაფრთხილება ძალის მოსალოდნელი გამოყენების თაობაზე? – შეკრების შეწყვეტის ღონისძიებების დაწყებამდე ადგილზე არ შესრულებულა კანონით გათვალისწინებული წინასწარი გაფრთხილების ვალდებულება ფიზიკური ძალისა და სპეციალური საშუალებების მოსალოდნელი გამოყენების თაობაზე და შესაბამისად, სამართალდამცავებს მონაწილეებისთვის არც გონივრული დრო მიუციათ კანონიერი მოთხოვნის შესრულებისა და შეკრების ადგილის დატოვებისთვის. 1 აღსანიშნავია, რომ მოცემულ შემთხვევაში, სახეზე არ იყო აღნიშნული ვალდებულებისგან სამართალდამცავების გათავისუფლების წინაპირობა, 2 1 „პოლიციის შესახებ“ საქართველოს კანონი, მუხლი 31, ნაწილი 3. 2 წინასწარი გაფრთხილების ვალდებულებისგან პოლიციელი თავისუფლდება, როცა დაყოვნებამ შეიძლება გამოიწვიოს პირის ან/და პოლიციელის სიცოცხლისა და ჯანმრთელობის ხელყოფა ან სხვა მძიმე შედეგი, ან შექმნილ სიტუაციაში ასეთი გაფრთხილება გაუმართლებელია ან შეუძლებელია. 3 რამდენადაც ადგილზე არსებობდა გაფრთხილების პრაქტიკული შესაძლებლობა როგორც პარლამენტში თვითნებური შეღწევის შესახებ განცხადების გაკეთებიდან სიტუაციის თავდაპირველ გამწვავებამდე, ასევე მის შემდგომ პერიოდშიც. 3 რაც შეეხება შეკრების შეწყვეტამდე მონაწილეთა გაფრთხილებას საქართველოს შინაგან საქმეთა სამინისტროს მიერ საჯაროდ გავრცელებული განცხადებით, აგრეთვე მედია საშუალებებით საქართველოს შინაგან საქმეთა მინისტრისა და თბილისის მერის მიერ გაჟღერებულ მოწოდებებს, 4 მსგავსი ღონისძიებები არ უზრუნველყოფს შეკრების მონაწილეთა სრულფასოვან ინფორმირებას და არ აკმაყოფილებს ძალის გამოყენებამდე მათი სათანადო გაფრთხილების სტანდარტს. კერძოდ, ეუთოს/დემოკრატიული ინსტიტუტებისა და ადამიანის უფლებების ოფისის მითითებით, ძალის გამოყენებამდე, მონაწილეთა გაფრთხილება შესაბამისი ხმის გამაძლიერებელი აპარატურის მეშვეობით, შეკრებაზე რამდენჯერმე უნდა განხორციელდეს, უნდა იყოს მკაფიო, გასაგები და არ იფარებოდეს სხვა ბგერებით. საჭიროების შემთხვევაში, გაფრთხილება რამდენიმე ადგილიდან უნდა გაკეთდეს, რათა იგი ყველა მონაწილემ გაიგოს. 5 6. რამდენი ადამიანი დაშავდა? - საქმეზე დანიშნული სასამართლო-სამედიცინო ექსპერტიზის ჩამტარებელ დაწესებულებას გაეგზავნა 273 პირის დაზიანებების ამსახველი სამედიცნო დოკუმენტები, რომელთა მცირე ნაწილზე მიღებული დასკვნების თანახმად, ფიქსირდება დაზიანებები სხეულის სხვადასხვა არეში, მათ შორის, თავსა და სახეზე, ასევე, ცხვირის, შუბლის, ქალას და სახის ძვლების მოტეხილობები, ქალა-ტვინის დახურული ტრავმა, ხოლო 2 პირს სიცოცხლისთვის სახიფათო მძიმე ხარისხის ჯანმრთელობის დაზიანება დაუდგინდა. სახალხო დამცველის წარმომადგენლებმა მოინახულეს აქციის დაშლის შემდგომ ადმინისტრაციული წესით დაკავებული 116 პირი. მათგან 35 მიუთითებდა ძალადობაზე პოლიციის მხრიდან, 12 პირს დაზიანებებიც აღენიშნებოდა. 3 შეკრების მიმდინარეობისას, პარლამენტში შესაძლო შეჭრის შესახებ განცხადება 21:08 საათზე გაჟღერდა, ხოლო ადგილზე სიტუაცია პირველად 21:50 საათიდან გამწვავდა, როდესაც აქციის მონაწილეთა ნაწილმა პოლიციის კორდონის გარღვევა და პარლამენტის ეზოში შესვლა სცადა, თუმცა ძალის გამოყენება მოხდა აღნიშნული ინციდენტიდან 2 საათის გასვლის შემდეგ. ამასთან, სიტუაციის პირველი ესკალაციიდან ძალის გამოყენებამდე, დაახლოებით 40 წუთის განმავლობაში, შეკრების მონაწილეებს შეწყვეტილი ჰქონდათ ძალადობრივი ქმედებები. 4 იხ. საზოგადოებრივი მაუწყებლის პირდაპირი ეთერი (22:39 საათიდან და 22:59 საათიდან) ხელმისაწვდომია ვებგვერდზე: 5 ეუთო/დემოკრატიული ინსტიტუტებისა და ადამიანის უფლებებს ოფისი (OSCE/ODIHR), ადამიანის უფლებების სახელმძღვანელო შეკრებების დროს პოლიციის მიერ წესრიგის დაცვის შესახებ, 2016, გვ. 133-134, ხელმისაწვდომია: 4 7. რამდენი ჟურნალისტი დაშავდა? - ჟურნალისტური ეთიკის ქარტიის ცნობით, დაშავდა მედიის 40-მდე წარმომადგენელი. 6 რამდენიმე მათგანის განცხადებით, პოლიცია მათ რეზინის ტყვიებს დამიზნებით ესროდა მას შემდეგაც კი, როდესაც სამართალდამცავებს ეუბნებოდნენ, რომ მედიის წარმომადგენლები იყვნენ. 7 მიუხედავად ამისა, მედიის არც ერთ წარმომადგენელს ამ დრომდე არ მინიჭებია დაზარალებულის სტატუსი. 8. რატომ ითხოვს სახალხო დამცველი გდდ-ს იმჟამინდელი დირექტორის მიმართ სისხლისსამართლებრივი დევნის დაწყებას? - გდდ-ს დირექტორის მიმართ ხელმძღვანელმა პირებმა - მინისტრმა და მოადგილეებმა - ორჯერ გასცეს ბრძანება არ გამოეყენებინა რეზინის ტყვიები. დამატებით ერთხელ კი თავად გდდ-ს დირექტორმა ითხოვა ნებართვა რეზინის ტყვიების გამოყენების თაობაზე, რაზეც კვლავ უარი მიიღო. რეზინის ტყვიების გამოყენებაზე სამჯერ (23:36, 00:36 და 02:34 საათები) უარყოფითი ბრძანების მიღების მიუხედავად, ბრძანება არ შესრულდა და რეზინის ტყვიები გამოიყენებოდა აქტიურად. უფრო მეტიც, დაწყებული სროლების მიუხედავად, გდდ-ს დირექტორმა 21 ივნისის 00:16 წუთზე ხელმძღვანელობას მოახსენა მცდარი ინფორმაცია, რომ თოფებს არ იყენებენ. 9. რა საგამოძიებო მოქმედებებია ჩატარებული? - პროკურატურამ მოიპოვა8 ვიდეო-ჩანაწერები, მათი ნაწილი უკვე შეისწავლა/დაათვალიერა. 9 გამოძიებამ შსს-დან ამოიღო გარკვეული მასალები და დოკუმენტაცია. 10 გამოძიების პროცესში გამოიკითხა 625 პირი. 11 დაინიშნა ექსპერტიზები. 12 ცალკე გამოყოფილ საქმეებში დევნა დაიწყო 3 პირის მიმართ. 13 დაზარალებულად ცნეს 8 მოქალაქე. 14 6 ინფორმაცია ხელმისაწვდომია ვებგვერდზე: 7 ინფორმაცია ხელმისაწვდომია ვებგვერდზე: 8 პასუხები წარმოდგენილია 2020 წლის 3 თებერვლის მდგომარეობით სახალხო დამცველის აპარატის თანამშრომლებისთვის წარდგენილი საქმის მასალების გაცნობის შედეგებზე. 2020 წლის 10, 17 და 18 ივნისს კვლავ გაეცნენ აპარატის თანამშრომლები საქმის გარკვეულ ნაწილს. 9 იხ. < > გვ. 10. რა არ არის ამ დრომდე გარკვეული/ჩატარებული? – არ არის გარკვეული რა ღონისძიებები იქნა გატარებული უშუალოდ აქციის დაშლის პერიოდში პოლიციის თანამშრომელთა მხრიდან უფლებამოსილების გადამეტების შესაძლო ფაქტების აღკვეთის მიზნით შსს იმჟამინდელი მინისტრისა და მისი მოადგილეების, ასევე, ღონისძიების ჩატარებაზე პასუხისმგებელი და ხელმძღვანელი პირების მიერ; არ არის მოპოვებული საპროტესტო აქციის მართვაში მონაწილე ყველა რგოლის სამართალდამცავი პირის რაციის ჩანაწერი; არ ამოუღიათ მობილური ტელეფონები და არ დანიშნულა ექსპერტიზები სატელეფონო შეტყობინებების, სოციალური ქსელების საშუალებით განხორციელებული მიმოწერის მოპოვების მიზნით.
Tbilisi Daily
Tbilisi · 4 months ago
თბილისი მერია იმ საწარმოებსა და ობიექტებს აჯარიმებს, რომლებიც პოლიეთინელის პარკებს იყენებს
პოლიეთინელის პარკების მოხმარება უკვე აკრძალულია და მისი მოხმარება კანონმდებლობით დადგენილ წესებს ეწინააღმდეგება. დედაქალაქის მერია იმ საწარმოებისა და ობიექტების დაჯარიმება დაიწყო, რომლებიც ჯერ კიდევ პოლიეთინელის პარკებს იყენებს. გათვალისწინებული ვადის ამოწურვის შემდეგ, თბილისის მუნიციპალურმა იქნსპექციამ 350 ობიექტი შეამოწმა და სამართლადარღვევის 48 ოქმი გამოწერა. დაჯარიმდნენ ის მეწარმეები, რომლებმაც კაონით გათვალისწინებულ ვადაში არ მოახდინეს შესაბამისი რეაგიება და მათი საქმიანობა კანონით გათვალისწინებულ წესებსა და პროცედურებს ეწინააღმდეგებოდა. შემოწმების შედეგად ამოღებული იქნა 9 ათასი პოლიეთინელის პარკი. დედაქალაქის მერმა მეწარმეებს მიმართა და განაცხადა, რომ სანამ მათაც შეამოწმებენ და დააჯარიმებენ, მანამდე დროულად მოახდინონ ამ პროდუქციის ამოღება. მისივე თქმით ადგილობრივ ბაზარზე კანონთან შესაბამისობაში არსებული ალტერნატიული პარკების წარმოება უკვე ხდება. ყველას აქვს იმის შესაძლებლობა, რომ არსებული პოლიეთილენის პარკები ჩაანაცვლონ.#თბილისისმერია #პოლიეთინელი #დაჯარიმებულისაწარმოები #tbilisidaily
Sokhumi Daily
Sokhumi · 2 months ago
20 აპრილს აფხაზეთში საგანგებო მდგომარეობა დასრულდა
თითქმის ერთ თვიანი კარანტინის შემდეგ, აფხაზეთში საცალო ობიექტების ნაწილი გაიხსნა. 17 აპრილს ე.წ პრეზიდენტის მოვალეობის შემსრულებელმა ვალერი ბგანბამ, საკარანტინო ღონისძიებების გატარება განაგრძო პირველ მაისამდე. უსაფრთხოების ზომების გათვალისწინებით, კორონავირუსის პანდემიის ჭრილში, სავაჭრო ობიექტებს, მათ შორის ტანსაცმლის მაღაზიებს, ტექნიკის მაღაზიებს, სამშენებლო მასალებს და საყოფაცხოვრებო ქიმიკატებს, შეუძლიათ განაახლონ თავიანთი საქმიანობა. მათ საქმიანობას არ მოიცავს მაისის დასაწყისამდე გაგრძელებული საკარანტინო ზომები. 20 აპრილიდან დაიწყო აფხაზეთის ყველა რეგიონში ბაზრის გახსნა. ე.წ მთავრობის გადაწყვეტილებით, ბაზრები კვირაში სამი დღე იმუშავებენ. კორონავირუსის საკოორდინაციო შტაბის წევრის რაულ ლოლუას თქმით, ბოლო დღეებში კორონავირუსით ინფიცირების არცერთი შემთხვევა არ დაფიქსირებულა, ამიტომ შემზღუდველი ზომები ნაწილობრივ მოხსნეს. სამომავლოდ, ეს ყველაფერი დამოკიდებულია იმაზე, თუ რა მდგომარეობა იქნება აფხაზეთში. კვების ობიექტები, კოსმეტოლოგიის ცენტრები, სილამაზის სალონებისა და საქორწილო დარბაზების მუშაობა კვლავ აკრძალულია. 21 აპრილიდან გაუქმდა გაგრასა და გალის რაიონებში შესვლის შეზღუდვები. ასევე გაუქმდა კომენდანტის საათი, რომელიც გალის რაიონში 31 მარტიდან მოქმედებს და გაგრაში 8 აპრილიდან. ამავე დროს, სამედიცინო ლაბორატორია ჯერ კიდევ მუშაობს გალის რაიონში, "კანალის" პოსტზე. ვლადიმერ ჟენიას თქმით მიუხედავად იმისა, რომ გაგრაში მოხსნილია შემზღუდველი ზომები, პოლიციელები მკაცრად შეამოწმებენ მანქანების მოძრაობას და მგზავრების ტემპერატურას. "მიუხედავად იმისა, რომ კორონავირუსის საკონტროლო შტაბი ყოველდღიურად მოუწოდებს მოსახლეობას დარჩეს სახლში, ქუჩებში მაინც შესამჩნევად მეტი ხალხი იყო. და რაც ყველაზე მნიშვნელოვანია, რა თქმა უნდა საზღვრების კონტროლი" - თქვა რაულ ლოლუამ. 21 აპრილს, გუდაუთის საავადმყოფოდან კორონავირუსისგან გამოჯანმრთელებული პირველი პაციენტი გაწერეს. COVID-19– ის დიაგნოზის მქონე კიდევ ორი ​​პაციენტი საავადმყოფოში რჩება.#კორონავირუსი #პაციენტი #კარანტინი #SokhumiDaily
Tbilisi Daily
Tbilisi · 1 week ago
რა წესები უნდა დაიცვათ ზღვაზე
ჯანდაცვის სამინისტრომ ზღვის სანაპირო ზოლისთვის ახალი კორონავირუსით გამოწვეულ ინფექციასთან დაკავშირებული ზოგადი რეკომენდაციები გამოაქვეყნა. ძირითადი რეკომენდაციები: პლაჟის ტერიტორიაზე განთავსებული ინფრასტრუქტურის განკუთვნილ სათავსებში თვალსაჩინო ადგილას განათავსეთ ინფორმაცია COVID-19-ის გავრცელების პრევენციული ღონისძიებების შესახებ; მიზანშეწონილია, განისაზღვროს სანაპირო ზოლზე ფეხით მოსიარულეთა ბილიკები. ასევე განიხილეთ პლაჟების ზონებად დაყოფის შესაძლებლობა. უზრუნველყავით სანაპირო ზოლის დასუფთავება ნარჩენებისგან პერიოდულად, ერთჯერად პარკებში, საიდანაც დახურული სახით მოხვდება ნაგავსაყრელ ყუთებში. სანაპირო ზოლის დასუფთავებაში მონაწილე პირი აღჭურვეთ: ხელთათმანებით; სახის დამცავი ფარით/ნიღბით; პლაჟის ტერიტორიაზე არსებულმა ყველა ინფრასტრუქტურულმა ობიექტმა ოპერირებისას იხელმძღვანელოს ,,სამუშაო ადგილებზე ახალი კორონავირუსის (COVID - 19) გავრცელების თავიდან აცილების მიზნით რეკომენდაციების დამტკიცების თაობაზე“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 29 მაისის 01-227/ო ბრძანებით განსაზღვრული შესაბამისი რეკომენდაციებით. ვალდებულებები საპლაჟო ინფრასტრუქტურისთვის (საზღვაო ტრანსპორტი, შეზლონგი/ქოლგა, სკუტერი, ველოსიპედი და სხვა): უზურნველყავით დასაქმებულ პირთა თერმოსკრინინგი, რათა სამუშაოს დაწყების წინ გაკონტროლდეს პერსონალის ჯანმრთელობის მდგომარეობა ტემპერატურის გაზომვით. ცხელების დაფიქსირების შემთვევაში მოახდინეთ აღრიცხვა და დაუყოვნებლივ მიმართეთ 112-ის ცხელ ხაზს; უზრუნველყავით დასაქმებულები სულ მცირე 60%-70% ალკოჰოლის შემცველი ხელის დასამუშავებელი ჰიგიენური საშუალებებით; უპირატესობა მიანიჭეთ უნაღდო ანგარისსწორებას, წინააღმდეგ შემთხვევაში გამოიყენეთ ხელთამანები; დაიცავით უსაფრთხო დისტანცია (გამონაკლისის გავრცელება შესაძლებელია 12 წლამდე მოზარდზე); აკრძალეთ შეზლონგებისთვის განკუთვნილი რბილი, შეწოვადი გადასაფარებლების გამოყენება; წყლის ტრანსპორტის - სკუტერის, ველოსიპედის, ნავის, ასევე შეზლონგის, ქოლგის და სხვა ატრიბუტის გამოყენების შემდგომ, უზრუნველყავით მათი დეზინფექცია სათანადო წესით; დახურული სივრცის შესასვლელში განათავსეთ დეზობარიერი, შესაბამისი სავალდებულო ნიშნის მითითებით; მოთხოვნები ღია სივრცეში განთავსებული საშხაპეებისა და საპირფარეშოებისათვის ინფექციის გადაცემის რისკების შემცირების მიზნით, სანიტარიული კვანძების და საშხაპეების დალაგება/დასუფთავება/დეზინფიცირება ხორციელდება დაბინძურების შესაბამისად, მაგრამ არანაკლებ 2 საათიანი ინტერვალებით; დადგენილი წესით („ახალი კორონა ვირუსით (SARS-Cov-2) გამოწვეული ინფექციის (COVID-19) გავრცელების პრევენციისა და მართვის უზრუნველყოფის მიზნით გასატარებელ ღონისძიებათა შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2020 წლის 25 მარტის №01-123/ო ბრძანების მე-6 დანართით (ახალი კორონავირუსით (SARS-cov-2) გამოწვეული ინფექციისადმი (COVID19) ექსპოზირებული არასამედიცინო ობიექტების დასუფთავების დროებითი რეკომენდაციები); სანიტარიული კვანძის დეზინფექციისთვის გამოიყენება საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული სსიპ „ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის“ მიერ რეგისტრირებული საშუალებები; სანიტარიული კვანძის დასუფთავებისათვის გამოყენებული საყოფაცხოვრებო ქიმიისა და სადეზინფექციო საშუალებები უნდა ინახებოდეს სპეციალურად ამ მიზნისათვის განკუთვნილ, ჩაკეტილ სათავსში/კარადაში, პირვანდელი/მწარმოებლის შეფუთვით, რათა შესაძლებელი იყოს დიფერენცირება მარკირების მიხედვით და არ იყოს ხელმისაწვდომი ობიექტის ვიზიტორებისა და იმ პერსონალისთვის, რომელთა საქმიანობა არ უკავშირდება მათ გამოყენებას. დამლაგებლის ეკიპირებისათვის აუცილებელია ნიღაბი; ერთჯერადი ხალათი სპეციალური/სქელი ხელთათმანები (მრავალჯერადი); თვალის დამცავი (სათვალე ან სახის ფარი). დასაქმებულთა ვალდებულებები: დაიცავით ჰიგიენის წესები თქვენს სამუშაო ადგილზე; სამუშაოს შესრულებისას სრულად გამოიყენეთ ის ინდივიდუალური დაცვის საშუალებები, რომლებიც დამსაქმებელმა მოგაწოდათ; სამუშაოს დასრულების შემდეგ სადეზინფექციო საშუალებებით დაასუფთავეთ ის ადგილები და ხელსაწყოები, რომლებსაც იყენებთ მუშაობისას; ხელის ჰიგიენა ჩაიტარეთ ხშირად; გამოიყენეთ სულ მცირე 60-70%-იანი სპირტის შემცველი ხელის საწმენდი საშუალებები იმ შემთხვევაში, თუ ვერ ახერხებთ ხელების დაბანას და გამშრალებას. გახსოვდეთ, რომ ხელების დაბანა საპნითა და წყლით არის უპირატესი; მოერიდეთ ხელებით თვალებზე, ცხვირსა და პირზე შეხებას. მუშაობის პერიოდში მჭიდროდ დაიმაგრეთ თმა, რათა მაქსიმალურად შეიზღუდოს თმისა და სახის შეხება. მოთხოვნები ვიზიტორთა მიმართ: დაიცავით ამ რეკომედაციით განსაზღვრული და ვირუსის გავრცელების პრევენციულ ღონისძიებებთან დაკავშირებული წესები. დახველების და დაცემინების დროს მიიფარეთ სუფთა ხელსახოცი ან იდაყვში მოხრილი მხარი. გამოყენებული ერთჯერადი ხელსახოცი კი გადააგდეთ ურნაში.
Primetime
Tbilisi · 2 months ago
რა წესები უნდა დაიცვან სამშენებლო კომპანიებმა, თუ ხვალიდან საქმიანობას გააგრძელებენ
რა წესები უნდა დაიცვან სამშენებლო კომპანიებმა, თუ ხვალიდან საქმიანობას გააგრძელებენ - Primetime
რა წესები უნდა დაიცვან სამშენებლო კომპანიებმა, თუ ხვალიდან საქმიანობას გააგრძელებენ - Primetime
რა წესები უნდა დაიცვან სამშენებლო კომპანიებმა, თუ ხვალიდან საქმიანობას გააგრძელებენ - Primetime
Mediamall
Tbilisi · 3 months ago
ობიექტების ჩამონათვალი, რომლებიც მუშაობას განაგრძობენ
სურსათის ეროვნული სააგენტო ავრცელებს ობიექტების ჩამონათვალს, რომლებიც მუშაობას განაგრძობენ. აღნიშნულთან დაკავშირებით საქართველოს გარემოს დაცვისა და სოფლის მეურნეობის სამინისტროს სსიპ სურსათის ეროვნული სააგენტოს უფროსის ბრძანებაშია აღნიშნული. ბრძანების მიხედვით, ფუნქციონირება უნდა განაგრძონ შემდეგმა ბიზნესოპერტორებმა: სურსათის/ცხოველთა საკვების საცალო/საბითუმო ვაჭრობის ობიექტებმა (მაღაზიები, საბითუმო/საბაჟო საწყობები, აგრარულიბაზრები); სურსათის სამაცივრე მეურნეობებმა; სურსათის წარმოება/გადამამუშავებელმა საწარმოებმა (მათ შორის, პურფუნთუშეულის საცხობებმა, ცხოველთა სასაკლაოებმა (სააგენტოსთან დადებული ხელშეკრულების საფუძველზე)); საზოგადოებრივი კვების ობიექტებმა, მხოლოდ მიწოდების სერვისით; ცხოველის საკვების გადამამუშავებელმა საწარმოებმა; სურსათის/ცხოველთა საკვების დისტრიბუტორებმა (მათ, შორის იმპორტიორებმა); ვეტერინარულმა კლინიკებმა; ცოცხალი ცხოველების ბაზრებმა/ბაზრობებმა; ცხოველთა ფერმებმა; ვეტერინარულმა აფთიაქებმა/ვეტერინარული პრეპრატების საბითუმო ვაჭრობის ობიექტებმა; ზოომაღაზიებმა; პესტიციდებისა და აგროქიმიქატების აღიარებულმა საცალო/საბითუმო ობიექტებმა; სურსათის/ცხოველთა საკვების ლაბორატორიებმა; საყოფაცხოვრებო ქიმიისა და ჰიგიენის მაღაზიებმა. „დაევალოს თბილისის საქალაქო სამსახურის და რეგიონული სამმართველოების უფროსებს, მათი სამოქმედო ტერიტორიების ფარგლებში, უზრუნველყონ ამ ბრძანების პირველ პუნქტში მითითებული​ბიზნესოპერატორებისთვის შემდეგი რეკომენდაციების გაცემა. ბიზნესოპერატორებმა, რომლებიც აწარმოებენ/გადაამუშავებენ სურსათს, მკაცრად უნდა დაიცვან შემდეგი პირობები: სურსათის გაციების, გაყინვის და თერმული დამუშავების დროს მკაცრად იქნეს დაცული ტემპერატურული რეჟიმები; პერსონალის მიერ გამოყენებული იქნეს ერთჯერადი პირბადე, თავსაბურავი და ხელთათმანი; პერსონალის მიერ ხელების დაბანა მოხდეს ხშირად, თხევადი საპნით და წყლით; ერთჯერადი ხელსახოცით ხელის გამშრალების შემდეგ მოხდეს ხელების დეზინფექცია არანაკლებ 70% სპირტის შემცველი ხსნარით ან ანალოგიური ეფექტის მქონე სხვა სადეზინფექციო ხსნარით; ყველა იმ ზედაპირის და ინვენტარის, რომელსაც შეხება აქვს სურსათთან,​ რეცხვა-დეზინფექცია მოხდეს გაზრდილი სიხშირით და სადეზინფექციო და სარეცხი საშუალებებისათვის დაშვებული მაქსიმალური კონცენტრაციით; სამუშაოს დაწყების წინ გაკონტროლდეს პერსონალის ჯანმრთელობის მდგომარეობა (ხველა, სუნთქვის უკმარისობა, ტემპერატურა); ბიზნესოპერატორებმა, რომლებიც უზრუნველყოფენ მომხმარებლისთვის ე.წ. მიწოდების სერვისით სურსათის მიწოდებას, მკაცრად უნდა დაიცვან შემდეგი პირობები: პერსონალი, რომელიც მონაწილეობას იღებს სურსათის მიწოდებაში, აღჭურვილი უნდა იყოს ერთჯერადი პირბადით და ხელთათმანით; სურსათი მოთავსებული უნდა იყოს ერთჯერად ტარაში, ხოლო მრავალჯერადად გამოსაყენებელი კონტეინერების რეცხვა-დეზინფიცირება უნდა მოხდეს ყოველი გამოყენების შემდეგ, სადეზინფექციო და სარეცხი​ საშუალებებისათვის დაშვებული მაქსიმალური კონცენტრაციით; სურსათის ტრანსპორტირებისას დაცული უნდა იქნეს სურსათის ტემპერატურული რეჟიმი. ბიზნესოპერატორებმა, რომლებიც ახორციელებენ საცალო/საბითუმო ვაჭრობის ობიექტებში მომხმარებლისთვის პროდუქციის მიწოდებას,მკაცრად უნდა დაიცვან შემდეგი პირობები: ა) პერსონალი, რომელიც მონაწილეობას იღებს პროდუქციის მიწოდებაში, აღჭურვილი უნდა იყოს ერთჯერადი პირბადით და ხელთათმანით; ბ) რეცხვა-დეზინფექცია მოხდეს გაზრდილი სიხშირით და სადეზინფექციო და სარეცხი საშუალებებისათვის დაშვებული მაქსიმალური კონცენტრაციით; უზრუნველყონ მომხმარებლების მიერ დისტანციის (არანაკლებ ერთი მეტრი) დაცვის გაკონტროლება“, – აღნიშნულია ბრძანებაში. ქვეყნის მასშტაბით დახურულია ყველა სავაჭრო ობიექტი, გარდა სასურსათო მაღაზიებისა, სააფთიაქო, ბენზინგასამართი ქსელებისა, საფოსტო გზავნილების ქსელისა და ასევე საბანკო განყოფილებებისა. როგორც საქართველოს პრემიერ-მინისტრმა, გიორგი გახარიამ უსაფრთხოების საბჭოს გუშინდელი სხდომის დასრულების შემდეგ განაცხადა, ქვეყანაში სოციალური დისტანციის დაცვისა და მობილურობის ხარისხი უნდა შეიზღუდოს. მისივე თქმით, ეს არის მოქალაქეების ჯანმრთელობისთვის მიღებული აუცილებელი ნაბიჯი, რომელიც იქნება დროში შეზღუდული, მაგრამ აუცილებელი იმისთვის, რომ ვირუსის შიდა გადაცემა შეფერხდეს.#კორონავირუსი #კოვიდ19 #საქართველო #food #covid19 #georgia
Mediamall
Tbilisi · 3 months ago
სენაკის აგრარული ბაზარი დაიხურა, ორშაბათიდან კი ფუნქციონირებას ზუგდიდის და ფოთის ბაზრებიც შეწყვეტენ
სენაკის აგრარული ბაზარი დაიხურა, ორშაბათიდან კი ფუნქციონირებას სავარაუდოდ, ზუგდიდის და ფოთის ბაზრებიც შეწყვეტენ. შესაბამისი გადაწყვეტილების შესახებ ჟურნალისტებს სამეგრელო-ზემო სვანეთის გუბერნატორმა, ალექსანდრე მოწერელიამ განუცხადა. „ჩვენ გუშინ გვქონდა სამართალდარღვევის 26 ფაქტი, დღეს კი გამოირკვა, რომ რეგიონის ერთ-ერთ მცხოვრებს, რომელსაც კორონავირუსი დაუდგინდა და ახლა თბილისში მკურნალობს, 27 მარტს კონტაქტი ჰქონდა ჩვენს რეგიონში, რამდენიმე ლოკაციასთან როგორც ზუგდიდში, წალენჯიხის რაიონის ორ სოფელში, ასევე, ჩხოროწყუს რაიონში. კონტაქტების უმრავლესობა უკვე გამოვლენილია და მოქალაქეები აუცილებლად გადავლენ კარანტინში. შესაბამისად, მინდა კიდევ ერთხელ მოვუწოდო ჩვენს მოქალაქეებს, თავი შეიკავონ სახლიდან გამოსვლისაგან, კონტაქტისაგან. ასევე მინდა შევეხო აგრარული ბაზრების მდგომარეობას, გუშინ ჩვენ შტაბის სხდომაზე მივიღეთ გადაწყვეტილება, სენაკის აგრარული ბაზრის დახურვასთან დაკავშირებით. მინდა მოქალაქეებს მოვუწოდო იმისაკენ, რომ ეს ღონისძიება არ არის ის, რაც სახელმწიფის ინტერესებში შედის, რომ გინდა თუ არა დაიკეტოს, ეს არის მხოლოდ და მხოლოდ იმისათვის, რომ თქვენი უსაფრთხოება იქნას დაცული. სავარაუდოდ, ალბათ ყველა აგრარულ ბაზარს შეეხება და სამივე აგრარული ბაზარი ჩვენს რეგიონში იქნება დახურული. მხოლოდ დისტანციის დაცვა არაა საკმრისი, აქ არის ნაღდი ფულის მოძრაობაშიც პრობლემა და იცით, რომ ბევრი შემთხვევა გვაქვს, როდესაც ფულით იქნა დაინფიცირებული. ამდენად ჩვენ ვერ დავაყენებთ ვერავის რისკის ქვეშ. შესაბამისად, მივიღებთ გადაწყვეტილებას, დაიხუროს ბაზრები. ორშაბათიდან შესაძლოა, ზუგდიდის და ფოთის ბაზრებიც დაიხუროს“, - განაცხადა გუბერნატორმა. რაც შეეხება ცხელების ცენტრებს, მისი ინფორმაციით, ამჟამად 23 პაციენტის მიღების საშუალება გააჩნია ფოთს. „ზუგდიდში ცხელების ცენტრი ამჟამად არ გვაქვს, მაგრამ ამ დღეებში გაიხსნება რუხის საავადმყოფო, რომელიც შეძლებს 100 პაციენტის მიღებას და შემდგომ დამატებით 140-ს“, - აღნიშნა მან.
Pirveliradio Ge
Tbilisi · 2 months ago
ავიაკომპანია Ryanair 2020 წლის პირველი ივლისიდან ფრენების საერთო რაოდენობის 40%-ს აღადგენს
ავიაკომპანია Ryanair 2020 წლის პირველი ივლისიდან ფრენების საერთო რაოდენობის 40%-ს აღადგენს, მას შემდეგ, რაც მოიხსნება შეზღუდვა ფრენებზე ევროკავშირს შიგნით და აეროპორტში მიღებული იქნება უსაფრთხოების ზომები. კომპანია დღეში დაახლოებით 1000 ფრენის აღდგენას გეგმავს, რაც პანდემიამდელი მიმართულებების 90%-ს მოიცავს. Ryanair ფრენებს ევროპის 80 ბაზის უმრავლესობიდან განაახლებს. როგორც კომპანიაში ამბობენ, მათი პრიორიტეტია მიმართულებების ფართო ქსელი მოიცვან, ნაცვლად იმისა, რომ მცირე რაოდენობის მარშრუტებზე მეტი ფრენა შედგეს. როგორც Ryanair-ის განცხადებაშია ნათქვამი, აეროპორტებსა და თვითმფრინავებში მიღებული იქნება შემდეგი ზომები: ნაკლები ჩასაბარებელი ჩანთა, ონლაინ check in-ები, აეროპორტის შესასვლელში ტემპერატურის გაზომვა და პირბადეების ტარება. ამასთან, კომპანია შეეცდება, უზრუნველყოფილი იყოს სოციალური დისტანცირებაც სადაც შესაძლებელია. ასევე, თვითმფრინავის ბორდზე ნაღდი ფულით ანგარიშსწორება შესაძლებელი აღარ იქნება. არ იქნება დაშვებული ტუალეტის რიგში დგომაც. ტუალეტში გასვლა ცალკეულ მგზავრებს მოთხოვნის შემდეგ შეეძლებათ. 1 ივლისის შემდგომი ფრენების ბილეთები Ryanair-ის ვებგვერდზე უკვე ხელმისაწვდომია.
Tbilisi Daily
Tbilisi · 2 months ago
რა როდის გაიხსნება ევროპის ქვეყნებში
როგორია შეზღუდვების შემსუბუქების სამოქმედო გეგმა ევროპის ქვეყნებში? გთავაზობთ მას დაწვრილებით რამდენიმე ქვეყნის მაგალითს, რომელსაც Bloomberg-ი ავრცელებს: იტალია 4 მაისი: აღდგა სამშენებლო, საწარმოო პროცესი. რესტორნებს ე.წ take-away სერვისის უფლება აქვთ; 18 მაისი: რითეილერები, მუზეუმები გაიხსნება; 1 ივნისი: ბარები, რესტორნები, სილამაზის სალონები სავარაუდოდ განაახლებენ მუშაობას. სკოლები კი სექტემბრამდე დახურული იქნება. ესპანეთი 28 აპრილი: პრემიერ-მინისტრმა პედრო სანჩესმა განაცხადა, რომ მომდევნო რვა კვირის განმავლობაში ქვეყანა ცხოვრების ჩვეულ რიტმს დაუბრუნდება. 2 მაისი: მოქალაქეებს მისცეს უფლება სეირნობის და ვარჯიშის. ბავშვების ქუჩაში გაყვანის შესაძლებლობა კი 26 აპრილიდან აქვთ ესპანელებს. 4 მაისი: ცალკეული ბიზნესები, მაგალითად სალონები გაიხსნა. ბარებს და რესტორნებს ე.წ take-aways სერვისის უფლება აქვთ. ასევე რამდენიმე კუნძულზე ბარებს აქვთ უფლება მომხმარებელს გაუმასპინძლდნენ შეზღუდული რაოდენობით. 6 მაისი: მთავრობამ უნდა გადაწყვიტოს გაახანგრძლივებს თუ არა საგანგებო მდგომარეობას, რომელიც 9 მაისს სრულდება. გერმანია 20 აპრილი: მცირე ზომის მაღაზიებმა, ავტოდილერებმა განაახლეს მუშაობა; 4 მაისი: ნაწილობრივ აღდგა სკოლებში სასწავლო პროცესი, სალონებმა განაახლა მუშაობა; 6 მაისი: მერკელმა შეზღუდვების კიდევ უფრო შემსუბუქების შესახებ უნდა განაცხადოს; 31 აგვისტოს შემდეგ: მასშტაბური ღონისძიებები, მაგალითად ფეხბურთის მატჩები, ფესტივალები და კონცერტები შესაძლოა დაშვებული გახდეს. საფრანგეთი 11 მაისი: ოფიციალურად დაიწყება საკარანტინე შეზღუდვების შემსუბუქება. შვეიცარია 27 აპრილი: გაიხსნა სილამაზის სალონები, ტატუს სალონები, მაღაზიების ნაწილი; 11 მაისი: ცალკეული სკოლები განაახლებენ მუშაობას. რითეილ-სერვისი ნაწილობრივ აღდგება, ასევე მუზეუმები და ბიბლიოთეკები გაიხსნება. სოციალური დისტანციის დაცვით, გაიხსნება რესტორნები და სპორტული ობიექტები. 8 ივნისი: უნივერსიტეტები გაიხსნება სავარაუდოდ, პროფესიონალური ფეხბურთის მატჩებიც აღდგება, თუმცა, მაყურებლის გარეშე. ავსტრია 14 აპრილი: მცირე ზომის მაღაზიები და მებაღეობის მაღაზიები გაიხსნა; 2 მაისი: უფრო დიდი ზომის მაღაზიები გაიხსნა; 15 მაისი: რესტორნები და ტაძრების გახსნა დაიწყება; 18 მაისი: სტუდენტების ნაწილი დაუბრუნდება სასწავლო პროცესს; 29 მაისი: სასტუმროები გაიხსნება. ნიდერლანდები: 11 მაისი: დაწყებითი სკოლები ნაწილობრივ გაიხსნება, მოზარდები ცალკეულ სპორტულ ვარჯიშებს დაუბრუნდებიან. 2 ივნისი: სკოლები და უნივერსიტეტები განაახლებენ მუშაობას; 1 სექტემბერი: მასშტაბური ღონისძიებები, მათ შორის ფეხბურთის მატჩები და მუსიკალური ფესტივალები შესაძლოა აღდგეს. პორტუგალია 4 მაისი: მცირე ზომის მაღაზიები, სილამაზის სალონები, წიგნების მაღაზიები, ავტოდილერები გაიხსნა. მთავრობა აცხადებს, რომ მოქალაქეებმა სახლიდან მუშაობა მაისის ბოლომდე უნდა განაგრძონ. პირბადეები სავალდებულოა საზოგადოებრივ ტრანსპორტსა და მაღაზიებში. 18 მაისი: რესტორნები გაიხსნება, 50%-იანი დატვირთვით. მუზეუმები გაიხსნება. სკოლები გაიხსნება მხოლოდ იმ მოსწავლეებისთვის, რომლებიც დამამთავრებელ ბოლო ორ კლასში არიან. 1 ივნისი: უფრო დიდი ზომის მაღაზიები, სავაჭრო ცენტრები, კინო-თეატრები და საბავშვო ბაღები გაიხსნება.