ერთი კვირის ვადაში, პატიმრებს ექნებათ არა მხოლოდ 15 უფასო წუთი, არამედ 30 უფასო წუთი იმ პაემნების აკრძალვის ნაწილობრივ კომპენსირების მიზნით, - ამის შესახებ იუსტიციის მინისტრმა თეა წულუკიანმა განაცხადა.
„საპატიმროების თვალსაზრისით კარგი სიახლე გვაქვს. იცით, რომ პატიმრებს 16 მარტს, 15 წუთიანი უფასო სასაუბრო დრო დავუმატეთ. ეს მთლიანად არის იმ მოლაპარაკებების შედეგი და იმ კერძო კომპანიის დამსახურება, რომელიც ციხეებს ემსახურება. მათ მადლობას კიდევ ერთხელ ვეუბნები, რადგან მათ ეს 15 წუთი უფასოდ ყველა პატიმარს მისცეს.
გუშინ, ამ 15 წუთს დაემატა კიდევ ახალი პერსპექტივა, რომელიც ერთი კვირის ვადაში ტექნიკურად გაიმართება. ეს არის წითელი ჯვრის საერთაშორისო კომიტეტის დონაცია. მინდა, მათ და მათ ხელმძღვანელს საქართველოში მადლობა ვუთხრა, რადგან ისინი დამატებით 15 წუთს დააფინანსებენ.ერთი კვირის ვადაში, ჩვენს პატიმრებს ექნებათ არა მხოლოდ 15 უფასო წუთი, არამედ 30 უფასო წუთი იმ პაემნების აკრძალვის ნაწილობრივ კომპენსირების მიზნით, რომელიც დავაწესეთ და სხვა გამოსავალი ვირუსთან ეფექტურად ბრძოლის მიზნებიდან გამომდინარე არც გვქონდა“, – განაცხადა თეა წულუკიანმა.
#თეაწულუკიანი
#პატიმრები
#სასაუბროდრო
#tbilisidialy