ზაზა ფაჩულიამ კიდევ ერთი ტიტული მოიპოვა „გოლდენ სტეიტთან“ ერთად

საქართველოს საკალათბურთო ნაკრებისა და „გოლდენ სტეიტ უორიორზის“ ყოფილმა მოთამაშემ ზაზა ფაჩულიამ ნაციონალურ საკალათბურთო ასოციაციაში კიდევ ერთი წარმატება მოიპოვა. NBA-ის ორგზის ჩემპიონმა ქართველმა ცენტრმა წინა შემთხვევებში გამარჯვებას კალათბურთელის რანგში მიაღწია. ამჯერად კი კლუბში საკალათბურთო და ბიზნეს ოპერაციათა კონსულტანტია. 2+1 - ასეთი მინაწერი დაურთო ფაჩულიამ სოციალურ ქსელში გავრცელებულ ფოტოს, რომელზეც საჩემპიონო თასით ხელში ზეიმობს თავისი გუნდის გამარჯვებას. „გოლდენ სტეიტმა“ დღეს დილით, საკუთარ მოედანზე, ანგარიშით 103:90 მოუგო „ბოსტონს“, ფინალურ სერიაში ანგარიში 4:2 გახადა და მეშვიდედ გახდა NBA-ის ჩემპიონი. https://www.radiotavisupleba.ge/a/31902459.html