4 votes
comments
shares
Save
ჰოსპიტალური სექტორის მონიტორინგი ჩატარდება სამეგრელოში, რაჭა-ლეჩხუმში და სვანეთში - ხუნდაძე
167 reads
Pirveliradio Ge
Tbilisi · 3 months ago
http://pirveliradio.ge/index.php?newsid=141268

ჰოსპიტალური სექტორის მონიტორინგი ჩატარდება სამეგრელოში, რაჭა-ლეჩხუმში და სვანეთში - ამის შესახებ განცხადება, პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ, დიმიტრი ხუნდაძემ ტელეკომპანია „იმედის“ ეთერში“ ქვეყნის რეგიონებში კორონავირუსთან ბრძოლის პროცესში განხორციელებულ ღონისძიებებზე საუბრისას გააკეთა.

„ახლა მივემართებით სამეგრელოში. შემდეგ, რა თქმა უნდა, იქნება რაჭა-ლეჩხუმი, ქვემო სვანეთი და ასე ყველა რეგიონს შევამოწმებთ და ვნახავთ. ჩვენ არა მხოლოდ რევიზიას ვაკეთებთ, არამედ ადგილზე ვაკეთებთ ხარვეზების იდენტიფიცირებას, ვაძლევთ რეკომენდაციებს და რჩევებს. ჩვენ ახალი მექანიზმი შევიმუშავეთ დღეს. კერძოდ, ყველა რეგიონს ეყოლება ლიდერი ამ მიმართულებით, რომელიც მთელი ამ პროცესის განმავლობაში, ზედამხედველობის კუთხით, მონიტორინგს გაუწევს ჰოსპიტალური სექტორის მზაობას. ამ ვერტიკალში ე.წ ლიდერები, ძირითადად, დეპუტატები იქნებიან. ისინი შევლენ პარლამენტის ჯანდაცვის კომიტეტის მართვის რგოლში და შემდეგ, რა თქმა უნდა, საკოორდინაციო საბჭოს ფორმატში, პირდაპირი კომუნიკაცია გვექნება პრემიერმინისტრთან“, – განაცხადა დიმიტრი ხუნდაძემ.

როგორც პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ აღნიშნა, ჰოსპიტალური სექტორი მზად უნდა იყოს ყველაზე რთული სცენარისათვის, რომ ამას ნამდვილი მზაობა ერქვას.

„ჩვენ ვამოწმებთ პერსონალის მზაობას. მათ უტარდებათ კონსულტაციები. ისინი გადიან გადამზადებას, ტრენინგებს, რომ ამ სიტუაციაში იცოდნენ როდის, სად და როგორ უნდა მოიქცნენ. ვამოწმებთ ინდივიდუალური დაცვის საშუალებებს, რომ მათ ჰქონდეთ მარაგები, ასევე, რომ არ იყო ინფექციის კვეთები კლინიკებში და სწორად იყოს გამოყოფილი სივრცეები. ჩვენ ძალიან დიდი მნიშვნელობას ვანიჭებთ სასუნთქი აპარატების მზაობას“, – განაცხადა დიმიტრი ხუნდაძემ.


Pirveliradio Ge
Tbilisi · 3 months ago
4
Write a comment