დაავადებათა კონტროლის ცენტრის ხელმძღვანელის, პაატა იმნაძის თქმით, რამდენიმე დღის წინ გამოქვეყნდა ახალი მონაცემები, რომლის მიხედვითაც მუტაცია, რომელიც კორონავირუსმა განიცადა, შესაძლოა მას უფრო მარტივად გადამდებს ხდიდეს. მან აღნიშნა, რომ შესაძლოა, მუტაციის შემდეგ ვირუსი კვლავ დაემართოთ იმ ადამიანებს, ვისაც კორონავირუსი უკვე გადატანილი აქვთ. "არის გარკვეული მუტაცია, რომელიც თებერვალ-მარტში წარმოიშვა ევროპაში. კორონას რომ "გამოშვერილები" აქვს, რითაც უჯრედებს ემაგრება და მერე შედის, იმის მუტაცია მოხდა. ამან ვირუსს გაუადვილა უჯრედში შეღწევა - მარტივად, რომ გითხრათ. ეს იმას ნიშნავს, რომ ის შეიძლება უფრო გადამდები იყოს, ვიდრე ის, რაც ჩინეთიდან წამოვიდა", - თქვა იმნაძემ. მსოფლიოში კორნავირუსის პანდემიაა ისევ. დაინფიცირებულთა რაოდენობა 10 მლნ ადამიანს აღემატება, მათგან ნახევარი მილიონი გარდაიცვალა.#ახალი_ამბები#twitter

"შავი ზღვა არის ქვეყნის მომავალი. მეზღვაურის პროფესია კი კიდევ უფრო მეტად უნდა იყოს დაფასებული" - ეს სიტყვები საქართველოს პრემიერ მინისტრმა ბათუმში თქვა. გიორგი გახარია ამ წუთებში მეზღვაურების პროფესიული დღისთვის მიძღვნილ ღონისძიებაზე იმყოფება. გიორგი გახარიას თქმით, მეზღვაურის განათლება ხარისხობრივად უნდა გაიზარდოს. ''გლობალური პანდემიის პერიოდში მეზღვაურის საქმიანობა, გადაზიდვები, საერთაშორისო ვაჭრობის 90%-ზე მეტი მოდის საზღვაო გადაზიდვებზე. თქვენ რომ არ იყოთ ეკონომიკა გაჩერდებოდა. ეს ძაან კარგად გვესმის და მინდა განსაკუთრებით ამ კრიზისში ეს დღე მოგილოცოთ. საქართველოს დღეს დაახლოებით, 12 000 მეტი მეზღვაური ჰყავს, რომლებიც სხვადასხვა ქვეყნების დროშის ქვეშ მცურავ გემებზე მუშაობენ, შრომობენ ჩვენი ქვეყნისთვის. თითოეულს იმ ადამიანს, ვინც ზღვაშია მინდა მივულოცო ეს დღე. საქართველოს რაც შეეხება, ყველას კარგად უნდა გვესმოდეს, რომ შავი ზღვა არის ამ ქვეყნის მომავალი და კარიბჭე. ეკონომიკის სფეროში ვერაფერს მივაღწევთ თუ მეზღვაურის პროფესია არ გახდა დაფასებული და საჭირო. მეზღვაურის განათლება ხარისხობრივად თუ არ განვითარდა. ამიტომ პროფესიაც ჩვენ სულ უფრო და უფრო ამოგვყავს პრიორიტეტებში. ამიტომ ფოთში დავიწყეთ საზღვაო აკადემიის ფილიალის მშენებლობა. იმიტომ, რომ შავი ზღვისპირეთში უნდა გავიშალოთ. საქართველოში რაც უფრო მეტ მეზღვაურს მოვამზადებთ - ეს ჩვენი ეკონომიკის სიძლიერის მაჩვენებელი იქნება და საბედნიეროდ ჩვენი აკადემია ამზადებს ღირსეულ კადრებს, რომლებზეც გლობალურად მოთხოვნა მაღალია. გილოცავთ ამ დღეს და გვახსოვდეს, რომ შავი ზღვა, მეზღვაურის პროფესია არის ამ ქვეყნის მომავალი. ვერაფერს ვერ მივაღწევთ ჩვენ ჩვენი ქვეყნის ძირითადი ფუნქციის, ლოჯისტიკური ჰაბის წარმატებით განხორციელებაში, თუ საზღვაო ინფრასტრუქტურა არ იქნა მძლავრი და არ გვეყოლა მაღალი ხარისხის, პროფესიონალი მეზღვაურები. შავი ზღვა არის ამ ქვეყნის მომავალი. მეზღვაური არის მომავლის პროფესია" - განაცხადა გიორგი გახარიამ.

ამერიკა იმისთვის არ შექმნილა, რომ დახურული იყოს, – ამის შესახებ აშშ-ის პრეზიდენტმა, დონალდ ტრამპმა თეთრ სახლში გამართულ ბრიფინგზე განაცხადა. მისივე თქმით, ადმინისტრაცია იმუშავებს იმაზე, რომ ადგილობრივმა ეკონომიკამ საქმიანობა ფრთხილად განაახლოს. „ჯანდაცვის სფეროში ჩვენი შესანიშნავი ექსპერტები სწავლობენ ამ დაავადებას ქვეყნის მასშტაბით და ჩვენ გამოვიყენებთ ამ მონაცემებს, რათა რეკომენდაცია გავუწიოთ ახალ პროტოკოლებს და საშუალება მივცეთ ადგილობრივ ეკონომიკას ფრთხილად განაახლოს საქმიანობა საჭირო დროს. ჩვენი ქვეყანა იმისთვის არ აშენებულა, რომ დაიხუროს. არ ვაპირებთ, განკურნება პრობლემაზე უარესი გახდეს. პირდაპირ გეტყვით, თვეებს ვერ დაველოდებით, ვაპირებთ, ქვეყანა გავხსნათ,“ – აცხადებს ტრამპი. შეგახსენებთ, ბოლო მონაცემებით, აშშ-ში კორონავირუსით დაინფიცირებულთა რიცხვი 43 734-მდე, გარდაცვლილთა კი – 553-მდე გაიზარდა.

ამერიკა იმისთვის არ შექმნილა, რომ დახურული იყოს, – ამის შესახებ აშშ-ის პრეზიდენტმა, დონალდ ტრამპმა თეთრ სახლში გამართულ ბრიფინგზე განაცხადა. მისივე თქმით, ადმინისტრაცია იმუშავებს იმაზე, რომ ადგილობრივმა ეკონომიკამ საქმიანობა ფრთხილად განაახლოს. „ჯანდაცვის სფეროში ჩვენი შესანიშნავი ექსპერტები სწავლობენ ამ დაავადებას ქვეყნის მასშტაბით და ჩვენ გამოვიყენებთ ამ მონაცემებს, რათა რეკომენდაცია გავუწიოთ ახალ პროტოკოლებს და საშუალება მივცეთ ადგილობრივ ეკონომიკას ფრთხილად განაახლოს საქმიანობა საჭირო დროს. ჩვენი ქვეყანა იმისთვის არ აშენებულა, რომ დაიხუროს. არ ვაპირებთ, განკურნება პრობლემაზე უარესი გახდეს. პირდაპირ გეტყვით, თვეებს ვერ დაველოდებით, ვაპირებთ, ქვეყანა გავხსნათ,“ – აცხადებს ტრამპი. შეგახსენებთ, ბოლო მონაცემებით, აშშ-ში კორონავირუსით დაინფიცირებულთა რიცხვი 43 734-მდე, გარდაცვლილთა კი – 553-მდე გაიზარდა.