ზუგდიდის ცენტრში, გამსახურდიას ქუჩაზე საცხოვრებელი კორპუსის მესამე სართულზე მდებარე საცხოვრებელი ბინა ხანძრის შედეგად დაიწვა.ხანძრის შედეგად არავინ დაშავებულა, ხოლო გამომწვევ მიზეზებს გამოძიება დაადგენს. კორპუსიდან მოსახლეობა ევაკუირებულია. შემთხვევის ადგილზე ამ წუთებში ხანძრის სალოკალიზაციო სამუშაოები მიმდინარეობს, ადგილზე მობილიზებულია სახანძრო-სამაშველო ბრიგადები, საპატრულო პოლიცია და სასწრაფო დახმარების ეკიპაჟები.

ზუგდიდში, თაბუკაშვილის ქუჩაზე სახლი იწვის. ხანძარი გაუჩნდა საცხოვრებელ სახლს თაბუკაშვილის ქუჩაზე. ადგილზე მობილიზებულია სახანძრო-სამაშველო და სამედიცინო სამსახურის ბრიგადა. საცხოვრებელი სახლი, რომელსაც ხანძარი გაუჩნდა მჭიდრო უბანში მდებარეობს, მაგრამ ხანძრის გავრცელების საშიშროება არ არსებობს. თვითმხილველების თქმით ხანძარი სახურავს გაუჩნდა. ხანძრის შედეგად არავინ დაშავებულა. ოჯახის წევრება სახლიდან გამოსვლა მოასწრეს. ამ წუთებში სამაშველო სამსახური ცდილობს ხანძრის ჩაქრობას.#ზუგდიდი #ხანძარი #თაბუკაშვილი #სამაშველო #სახანძრო #სამედიცინო #zugdididaily

#saakashvili #stopcovid19 #covid19

საქართველოს თავდაცვის ძალების დასავლეთ სარდლობის II ქვეითი ბრიგადა ზუგდიდში შვიდ საკონტროლო გამშვებ პუნქტს 24-საათიან რეჟიმში აკონტროლებს. თავდაცვის სამინისტროს პრესსამსახურის ინფორმაციით, ბრიგადის პირადი შემადგენლობა ქალაქში შემავალი და გამომავალი ყველა სატრანსპორტო საშუალების კონტროლსა და სპეციალურად მოწყობილ ადგილას სადეზინფექციო ხსნარით დამუშავებას უზრუნველყოფს. უწყების ცნობით, სამხედრო სამედიცინო ჯგუფის მიერ კი საგუშაგოებზე მოქალაქეების თერმოსკრინინგი მიმდინარეობს. „ტემპერატურის დადასტურების შემთხვევაში თავდაცვის ძალების წარმომადგენლები შსს-თან კოორდინაციით შეტყობინებას საგანგებო სიტუაციების მართვის ცენტრსა და დასავლეთ სარდლობის მართვის ცენტრში აგზავნიან. ამის შემდეგ კი, მოქალაქე შესაბამის სამედიცინო ცენტრში გადაჰყავთ. დასავლეთ საქართველოში თავდაცვის ძალების დასავლეთ სარდლობის დაქვემდებარებული ქვედანაყოფების მიერ სულ 25 გადაადგილების კონტროლისა და გადაადგილების შეზღუდვის პუნქტია მოწყობილი. თავდაცვის ძალების წარმომადგენლები ზუგდიდის საკონტროლო გამშვებ პუნქტებს საგანგებო მდგომარეობის გამკაცრებული პირობებიდან გამომდინარე, შინაგან საქმეთა სამინისტროს ძალების მხარდაჭერის მიზნით აკონტროლებენ“,- აღნიშნულია თავდაცვის სამინისტროს ინფორმაციაში.#საქართველო #ზუგდიდი #კორონავირუსი #კოვიდ19

ხანძარი იყო გვიან ღამით დიდ დიღომში - ცეცხლის შედეგად, ეზოში არსებული ნაგებობის 30 კვადრატულამდე ფართი დაიწვა. ადგილობრივების თქმით, თავდაპირველად, ცეცხლი მრიცხველს გაუჩნდა, რის შემდეგაც ადგილზე გაზმა გაჟონა. ხანძრის დროს არავინ დაშავებულა. ადგილზე მუშაობდნენ სახანძრო-სამაშველო სამსახურები, მათ ხანძრის ლიკვიდირება მალევე შეძლეს.