აჭარაში 25 პირის ტესტის პასუხს ელოდებიან

ბათუმში კორონავირუსი ტრაილერის მძღოლს დაუდასტურდა. იგი თურქეთის მოქალაქეა. პაციენტი თავისი სურვილით ცხელების კლინიკიდან თურქეთში გადაიყვანეს. უწყების ინფორმაციით, მას სხვა პირებთან შემხებლობა არ ჰქონია. ბოლო 24 საათში აჭარაში 596 ტესტი ჩატარდა, აქედან მხოლოდ ერთი პასუხი იყო დადებითი. ბათუმის რესპუბლიკური საავადმყოფოს კოვიდ ცენტრში მკურნალობის კურსს გადის 10 პაციენტი. ცხელების კლინიკებში მოთავსებულია 25 პირი, მათი კვლევის პასუხები ხვალ გახდება ცნობილი.