რესპუბლიკური საავადმყოფოში ერთ პაციენტს კორონავირუსი დაუდასტურდა. კლინიკის დირექტორის ლევან გოფოძის განცხადებით, პაციენტი საავადმყოფოში მოთავსებულ ცხელების ცენტრში იყო შეყვანილი. „რესპუბლიკურ საავადმყოფოში ამჟამად არის 11 კოვიდინფიცირებული. აქედან ერთი პაციენტი დაგვემატა დღეს, რამდენიმე საათის წინ. ჩვენს მიერ გატესტილი პაციენტი იყო. გუშინ ორი ინფექციურმა საავადმყოფომ გადმოგვიყვანა. დანარჩენი ყველა ჩვენი ძველი პაციენტი იყო. სულ არის 53 პაციენტი. მდგომარეობა ყველას დამაკმაყოფილებელია. ერთი პაციენტია რეანიმაციაში, რომელიც კოვიდისგან უკვე განიკურნა, თუმცა რჩება სხვა მძიმე დაავადებები“, – განაცხადა ლევან გოფოძემ. მისი თქმით, ე.წ. საბურთალოს კლასტერიდან რესპუბლიკურ საავადმყოფოში პაციენტი არ შესულა. „ინფექციურიდან გამოყვანილი ორი პაციენტი არის მარნეულის სოფლებიდან, ცოლ-ქმარი, რომლებიც კარდიოლოგიური პრობლემებით იყვნენ და ჩვენთან რადგან კარდიოლოგიური სამსახურია, მოხდა მათი გადმოყვანა. დღეს დადასტურებული ჩვენთან შემოვიდა ცხელების ცენტრში, საიდან არის ინფიცირებული, ჯერ არ გვაქვს ინფორმაცია. დავიწყებთ გამოკვლევას და ზუსტად გვეცოდინება. ჯერ რამდენიმე საათის დადასტურებულია. ამ რვა პაციენტიდან უახლოეს დღეებში ველოდებით, რა თქმა უნდა, გამოჯანმრთელებულ პაციენტებს. ჩვენ 15-ში გვაქვს დედლაინი, რომ უნდა გავხსნათ, როგორც ჩვეულებრივი საავადმყოფო, თუმცა ამ ახალმა ტალღამ ცოტა შეგვაშფოთა. ვნახოთ, როგორ წავა საქმე. ამას ველოდით. პანიკის საფუძველი არ გვაქვს“, – აღნიშნა ლევან გოფოძემ.

რესპუბლიკურ საავადმყოფოში იმყოფება 74 პაციენტი. გუშინ გაგზავნილი ტესტებიდან, 10 მათგანზე პასუხი დადებითია. ახალი პაციენტების მდგომარეობა საშუალო სიმძიმისაა და ათივესთან ორმხრივი პნევმონია აღინიშნება, - ამის შესახებ რესპუბლიკური საავადმყოფოს კლინიკურმა დირექტორმა, დევი ტაბიძემ განაცხადა. „რესპუბლიკურ საავადმყოფოში იმყოფება 74 პაციენტი. გუშინდელი ტესტებიდან 10 პასუხი მოვიდა დადებითი. ახალი პაციენტების მდგომარეობა საშუალო სიმძიმისაა, ჟანგბადდამოკიდებული არიან, ორმხრივი პნევმონიაა პრაქტიკულად ყველგან. ამ ეტაპზე გვყავს 21 პაციენტი კოვიდინფექციით. დღეს ვაპირებთ 30 ანალიზის გაგზავნას. სამწუხაროდ, მზარდი ტენდენციაა და ეს მაქსიმალურად მიუთითებს იმაზე, რომ კიდევ ერთხელ უნდა დავიცვათ წესები, რომ თავიდან ავირიდოთ ძალიან არასასურველი შედეგები. ჩვენ მაქსიმალურად ვცდილობთ, რომ ყველა პაციენტს აღმოვუჩინოთ შესაბამისი დახმარება და მზად ვართ ამისთვის, ოღონდ ეს უნდა იყოს გონივრულ ჩარჩოებში და არ უნდა გასცდეს კატასტროფულ მდგომარეობას. ჩვენს მოსახლეობას ვთხოვ, გაითვალისწინონ, რომ ყველა კლინიკაში არის შედარებით მომატებული რაოდენობა და ეს ნიშნავს იმას, რომ დაინფიცირებულთა რიცხვი იზრდება. ვიყოთ მობილიზებული და დავიცვათ ერთმანეთი“, - განაცხადა დევი ტაბიძემ. #კორონავირუსი #ინფიცირებული #რესპუბლიკური #tbilisidaily

რესპუბლიკური საავადმყოფოს დირექტორის, ლევან გოფოძის ინფორმაციით, კორონავირუსი კიდევ ერთ ადამიანს დაუდასტურდა. „მისი მდგომარეობა დამაკმაყოფილებელია, ჯერჯერობით რენტგენოლოგიურად პნევმონია არ ვლინდება, თუმცა ინფექცია არის და მოთავსებულია ინტენსიური თერაპიის პალატაში, მიმდინარეობს დანარჩენ პაციენტებთან ერთად მისი მკურნალობა. ეს არის ერთ-ერთი ჩვენი პაციენტის შვილი, ანუ დედა-შვილს აქვს დადასტურებული. ის სრულწლოვანია”, - განაცხადა გოფოძემ.#კორონავირუსი #ინფიცირებული #ლევანგოფოძე #tbilisidaily

რესპუბლიკურ საავადმყოფოში კორონავირუსი დაუდასტურდა პაციენტს, რომელიც თბილისის ინფექციურ საავადმყოფოში მოთავსებული სასულიერო პირის ოჯახის წევრია. ლევან გოფოძის განცხადებით, ინფიცირებული რესპუბლიკურიდან სწორედ ინფექციურში გადაიყვანეს, ვინაიდან მისი ოჯახის წევრი იქ მკურნალობს. „სასულიერო პირი ჩვენთან არ შემოსულა. მე როგორც ვიცი, ის თავიდანვე ინფექციურ საავადმყოფოში იყო. ჩვენთან მოხვდა მისი ოჯახის წევრი, რომლის ტესტირების შემდგომაც აღმოჩნდა, რომ დადებითია კოვიდ ინფექცია და გუშინ სწორედ ამ ადამიანის გადაყვანა მოხდა ინფექციურ საავადმყოფოში, რადგან ბუნებრივია, ოჯახის წევრია იქ“, - განაცხადა ლევან გოფოძემ.

რესპუბლიკური საავადმყოფოს დირექტორის ლევან გოფოძის განცხადებით, რესპუბლიკურ საავადმყოფოში ამჟამად 45 პაციენტი იმყოფება. როგორც კლინიკის დირექტორმა ჟურნალისტებს განუცხადა, საავადმყოფოში მყოფ ხუთ პირს ლუგარის ლაბორატორია დღეს აუღებს ანალიზს. „რესპუბლიკურ საავადმყოფოში ამჟამად 45 პაციენტია. დღის განმავლობაში რამდენიმე პაციენტი წავიდა. გუშინ ჯამურად ექვს პაციენტს ჩაუტარდა კვლევა „კოვიდ-19“-ზე და ყველა ნეგატიური პასუხი მივიღეთ. დღეს ხუთ პაციენტს უღებს ლუგარი ანალიზს და მის პასუხებს დაველოდებით. ყველა პაციენტის მდგომარეობა დამაკმაყოფილებელია, ორს აღენიშნება პნევმონიის ნიშნები, მიმდინარეობს მკურნალობა, თუმცა ეს პნევმონია არ არის „კოვიდთან“ ასოცირებული“, – განაცხადა ლევან გოფოძემ. მისივე ინფორმაციით, დამაკმაყოფილებელია რესპუბლიკური საავადმყოფოს დაქვემდებარებაში მყოფი საკარანტინო სივრცეებში მყოფი პირების ჯანმრთელობის მდგომარეობაც. „რაც შეეხება სხვა საკარანტინო სივრცეებს, რომელთაც კურირებს რესპუბლიკური საავადმყოფო, მოგეხსენებათ, ასეთი სამია: ისანი, დიღომი და რუსთავი. ამ საკარანტინო სივრცეებში მყოფი მოქალაქეების მდგომარეობა სრულიად დამაკმაყოფილებელია. თუ ვინმეს რაიმე პრობლემა უჩნდება, სასწრაფო წესით გადაგვყავს სხვადასხვა კლინიკაში, თუ საჭიროა ჩვენთანაც. გააჩნია, რა კლინიკური სიმპტომები ექნებათ გამოხატული. მათგან ბევრი ითხოვს უკვე, რომ გავიდეს კარანტინიდან თვითიზოლაციაზე, მაგრამ ეს არ არის ჩვენზე დამოკიდებული. ამას სათანადო ორგანოები ამოწმებენ და ამის მიხედვით იღებენ გადაწყვეტილებას. რუსთავში, სადღაც 88 ადამიანია, 60-მდეა თითქმის ისანში და დაახლოებით 80-მდეა დიღმის საკარანტინე ზონაში“, – განაცხადა ლევან გოფოძემ.#კორონავირუსი #საქართველო

თბილისის ინფექციურ საავადმყოფოში გუშინ გამოკვლეული ოთხი პაციენტიდან კორონავირუსი არც ერთს არ დაუდასტურდა. ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა. მისივე ინფორმაციით, კლინიკაში 34 ინფიცირებული პაციენტი აგრძელებს მკურნალობას, რომელთაგან სამის მდგომარეობა კვლავ მძიმეა. „ჩვენს კლინიკაში იყო 35 პაციენტი, ერთი გამოჯანმრთელდა და გაეწერა. ახლა გვყავს 34 დადასტურებული პაციენტი. გუშინდელი ოთხი შესაძლო შემთხვევიდან არც ერთი არ დადასტურდა და ყველაზე მიღებული იყო უარყოფითი პასუხი. ამ ეტაპზე, ერთი შესაძლო შემთხვევა გვყავს და მისი კვლევა ახლა წარმოებს. ჩვენი პაციენტების მდგომარეობა უცვლელია, კვლავ გვყავს სამი მძიმე პაციენტი, კრიტიკული უკვე არც ერთი აღარ არის. ჩვენი პაციენტების მდგომარეობა გაუმჯობესებულია, მაგრამ ჯერ პროგრესიულად მძიმედ რჩებიან არსებული მძიმე პნევმონიის და გარკვეული სინდრომალური მდგომარეობის გათვალისწინებით, თუმცა ამ ეტაპზე ჟანგბადდამოკიდებული, ასეთი პაციენტი არ გვყავს“, – განაცხადა ეზუგბაიამ.

ქუთაისის ინფექციურ საავადმყოფოში გუშინ შესულ პაციენტებს კორონავირუსი არ დაუდასტურდათ. კლინიკაში პასუხი ხუთ პაციენტზე მიიღეს. პაციენტები გამოჯანმრთელებამდე მკურნალობას კლინიკაში გააგრძელებენ. #news #coronavirus #coronaviruslive Kutaisi