შანსი გაჩნდა, რომ ეპიდემიამ საქართველოში ნაკლები დანაკარგით გადაიაროს, – ამის შესახებ ლუგარის ლაბორატორიის ბიოუსაფრთხოებისა და განსაკუთრებით საშიში პათოგენების დეპარტამენტის უფროსმა, შოთა ცანავამ საქართველოს პირველი არხის საინფორმაციო გამოშვებაში „მოამბე“ განაცხადა. მისი თქმით, ეპიდემია გადაივლის, მაგრამ რის ხარჯზე, რა დანაკარგებითა და რა შენაძენით, ამას სპეციალისტები განსაზღვრავენ. „ეს შანსი გაჩნდა, რომ ნაკლები დანაკარგით გამოვიდეთ. რაც შეეხება საკითხსმ ეპიდემიამ გადაიარა თუ არა, ახლა პიკზე ვართ თუ არა და ა.შ, ეს პროფესიული საკითხებია. ამას ჩვენ – ეპიდემიოლოგები, ექიმები განვსაზღვრავთ და გეტყვით. საზოგადოებას არ ვუმალავთ ჩვენ არც ერთ ნაბიჯ. ეპიდემიამ უნდა გადაიაროს, სხვა გზა არ არის, უნდა გადაიაროს, მაგრამ რის ხარჯზე, რა ხარჯზე, რა დანაკარგებით, რა შენაძენით, ამას განვსაზღვრავთ“,- განაცხადა ცანავამ.#კორონავირუსი #პანდემია შოთაცანავა #დარჩისახლში #tbilisidaily

ყველა ფიზიკური და იურიდიული პირი ვალდებულია დაიცვას საგანგებო მდგომარეობის რეჟიმი - ამის შესახებ საქართველოს პრემიერ-მინისტრმა, გიორგი გახარიამ საგანგებო მდგომარეობის გამოცხადებასთან დაკავშირებით გამართულ ბრიფინგზე განაცხადა. „ყველა ფიზიკური და იურიდიული პირი ვალდებულია დაიცვას საგანგებო მდგომარეობის რეჟიმი. წინააღმდეგ შემთხვევაში, საგანგებო მდგომარეობის რეჟიმის დარღვევა გამოიწვევს ადმინისტრაციულ პასუხისმგებლობას - ჯარიმას ფიზიკურ პირზე 3000 ლარის ოდენობით და იურიდიულ პირზე 15 000 ლარის ოდენობით. იგივე ქმედება განმეორებით გამოიწვევს სისხლის სამართლის პასუხისმგებლობას სამ წლამდე ვადით. სამართალდამცავმა ორგანოებმა საგანგებო მდგმარეობის რეჟიმის დაცვის მიზნით, უნდა გამოიყენონ საქართველოს კანონმდებლობით გათვალისწინებული იძულების ღოსნიძიებები. მოგეხსენებათ, ზოგიერთი ეს ქმედება უკვე შემოღებულია, მაგრამ გასათვალისწინებელია, რომ ამ ქმედებებს მთავრობის მხრიდან ჰქონდა მხოლოდ სარეკომენდაციო ხასიათი. მას შემდგომ, რაც პრეზიდენტი დაეთანხმება გადაწყვეტილებას და ეს იქნება დამტკიცებული პარლამენტში, ამ ქმედებებს ექნება სავალდებულო ხასიათი“, - აღნიშნა გახარიამ.

ბრიტანეთის საგარეო მდივანმა დომინიკ რააბმა განაცხადა, რომ ახალ კორონავირუსზე ჩინეთს რთულ კითხვებზე პასუხის გაცემა მოუწევს - როგორ გავრცელდა კორონავირუსი და შესაძლებელი იყო თუ არა მისი პრევენცია. "ეჭვგარეშეა - ამ კრიზისის შემდეგ ჩვენ ვერ გვექნება ძველებური თანამშრომლობა და ჩვენ უნდა დავსვათ რთული კითხვები, თუ როგორ წარმოიშვა იგი და როგორ შეიძლებოდა, მისი ადრე შეჩერება," - 16 აპრილს რააბმა ბრიტანეთი-ჩინეთის მომავალ ურთიერთობაზე საუბრისას განაცხადა. აშშ ჩინეთს ვირუსზე ინფორმაციის დამალვაში და სტატისტიკის გაყალბებაში ადანაშაულებს. აშშ-ს სახელმწიფო მდივანმა მაიკ პომპეომ ისიც განაცხადა, რომ ჩინეთის კომუნისტური პარტია მსოფლიოს კვლავ უმალავდა ინფორმაციას, რაც ვირუსით დაინფიცირების შემდგომი შემთხვევების თავიდან არიდებაში სჭირდებოდათ.

ანრი ოხანაშვილის განცხადებით, გარკვეულმა ჯგუფებმა სცადეს საზოგადოების შეცდომაში შეყვანა, თითქოს საქართველოს პარლამენტმა მიიღო ცვლილებები, რომლის მიხედვითაც საგანგებო მდგომარეობის რეჟიმის განმეორებითი დარღვევისთვის სანქციად 6 წლამდე თავისუფლების აღკვეთა განისაზღვრა. მისი თქმით ეს სრული სიცრუე და დეზინფორმაცია. ,,არავითარი გამკაცრება არ მომხდარა და არსებული საგანგებო მდგომარეობის ფარგლებში არ მოხდება ჩვენს მიერ მიღებული კოდექსის გამოყენება, არამედ მოქმედებს და ძალას ინარჩუნებს საქართველოს პრეზიდენტის დეკრეტი, რომელიც ითვალისწინებს პასუხისმგებლობას თავისუფლების აღკვეთის სახით მაქსიმუმ 3 წლამდე და ისიც ადმინისტრაციული სამართალდარღვევის ჩადენის შემდგომ თუკი განმეორებით ჩაიდენს პირი ქმედებას,” - განაცხადა ოხანაშვილმა. მისი განმარტებით, პარლამენტმა სისხლის სამართლის კოდექსში შეიტანა ცვლილებები, რომელიც შეეხება არამხოლოდ საგანგებო მდგომარეობის რეჟიმის დარღვევას, არამედ საომარი მდგომარეობის რეჟიმის დარღვევასაც. ,,ამისთვის გავითვალისწინეთ პასუხისმგებლობა ერთხელ ჩადენის შემთხვევაში, თუკი პირი განმეორებით ჩაიდენს, თავისუფლების აღკვეთა ვადით 6 წლამდე. საზოგადოებამ უნდა იცოდეს რას ნიშნავს საგანგებო ან საომარი რეჟიმის დარღვევა, რისთვისაც ჩვენ დავაწესეთ თავისუფლების აღკვეთა 6 წლამდე. ეს იმას ნიშნავს, რომ თუკი პირი განზრახ გადასდებს ვინმეს დაავადებას, თუკი ამ ქმედებას ჩაიდენს ორგანიზებული ჯგუფი ან ჯგუფი, თუკი დაავადებული პირი განახორციელებს საგანგებო ან საომარი მდგომარეობის რეჟიმის დარღვევას ან პირი დაარღვევს საგანგებო ან საომარი მდგომარობის რეჟიმს, რაც გამოიწვევს ძალიან მძიმე შედეგებს, რასაც შეიძლება მოჰყვეს ადამიანის სიცოცხლის მოსპობაც კი, ამ შემთხვევაში გამოიყენება მხოლოდ თავისუფლების აღკვეთა 6 წლამდე,“- განაცხადა ანრი ოხანაშვილმა.#პარლამენტი #საგანგებომდგომარეობა #ოხანაშვილი #გამკაცრებულიზომები #tbilisidaily

საგანგებო მდგომარეობის გამოცხადებას, რომ არ ჩქარობს სახელმწიფო, ეს სწორი მიდგომაა, რადგან ეს ნიშნავს, მთელი რიგი სამოქალაქო უფლებების შეზღუდვას - ამის შესახებ განცხადება, დამოუკიდებელმა დეპუტატმა თამარ ჩუგოშვილმა ჟურნალისტებთან საუბრისას გააკეთა. „ვინაიდან, ქვეყანაში და მთლიანად მსოფლიოში ახალი ვირუსის გამო არასტანდარტული მდგომარეობაა და ვინაიდან, ჩვენი მოქალაქეების და მოსახლეობის ჯანმრთელობის და სიცოცხლის დაცვა უპირატესი ინტერესია ნებისმიერ სხვა ინტერესთან შედარებით, ბუნებრივია, გარკვეული გამკაცრებული ზომების გამოყენება სახელმწიფოს მოუწევს. საგანგებო მდგომარეობის გამოცხადებას რომ არ ჩქარობს სახელმწიფო, ეს ჩემი აზრით სწორი მიდგომაა, იმიტომ რომ ჩვენს შემთხვევაში საგანგებო მდგომარეობის გამოცხადება ნიშნავს მთელი რიგი სამოქალაქო უფლებების შეზღუდვას და სახელმწიფო ცდილობს, რომ ისე გაუმკლავდეს ამ ვითარებას , რომ სამოქალაქო თავისუფლებებს მაქსიმალური შეზღუდვები არ დაუწესოს. ჩემი აზრით ეს სწორი მიდგომაა და კონკრეტულ ინტერესი, რომ ვინც შეიძლება რისკის მატარებელი იყოს, მათ მიმართ გამკაცრდეს ზომები, სწორი ინიციატივაა და საჭირო და აუცილებელი“ , - განაცხადა თამარ ჩუგოშვილმა.