7 votes
0 comments
0 shares
Save
იუვენტუსი ბუფონს ახალ კონტრაქტს სთავაზობს
168 views
Roma Ratiani
Tbilisi · 3 months ago

Corriere della Sera-ს ცნობით, ჯანლუიჯი ბუფონი იუვენტუსში კიდევ ერთი წლით დარჩება. ლეგენდარული იტალიელის ამჟამინდელი ხელშეკრულება მიმდინარე წლის ზაფხულში იწურება. სავარაუდოდ, ტურინული გრანდი 42 წლის მეკარეს ერთ სეზონზე გათვალისწინებულ ახალ კონტრაქტს შესთავაზებს.

შეგახსენებთ, ლეგენდარული ჯიჯი "ბებერი ქალბატონის" ღირსებას 2001-2018 წლებში იცავდა, რის შემდეგაც პსჟ-ში გადავიდა. პარიზში გატარებული ერთი წლის შემდეგ ის კვლავ ტურინში დაბრუნდა.

წლევანდელ სეზონში ბუფონმა 11-ჯერ ითამაშა და კარი მშრალად 3-ჯერ შეინახა.

#ბუფონი #იუვენტუსი #სერიაა #იტალია #ტურინი #პსჟ #ფეხბურთი #სპორტი #სიახლე #buffon #juventus #seriaa #italy #turin #psg #football #sport #news
Roma Ratiani
Tbilisi · 3 months ago
Similar Posts
Roma Ratiani
Tbilisi, Georgia · 3 months ago
იუვენტუსი ჰოლანდის გაფორმებას გეგმავს
Calciomercato-ს ინფორმაციით, ახალგაზრდა ნორვეგიელი შემტევი, ერლინგ ჰოლანდი იუვენტუსის ინტერესთა სფეროში მოხვდა. იტალიელ ჟურნალისტთა ცნობით, ტურინული გრანდი 19 წლის ფორვარდის გაფორმებას ზაფხულში გეგმავს. როგორც ცნობილია, "ბებერი ქალბატონის" სპორტული დირექტორი, ფაბიო პარატიჩი, გასული ზამთრის სატრანსფერო ფანჯრის დროს ჰოლანდის გაფორმებას პირადად ცდილობდა, თუმცა ფეხბურთელმა გერმანული კლუბი აირჩია. ამჯერად იტალიური კლუბის მესვეურები განსხვავებულ გარანტიებსა და გაუმჯობესებულ პირად კონტრაქტს ამზადებენ, რათა ნორვეგიელი შემტევი საბოლოოდ მოთაფლონ. შეგახსენებთ, ბუნდესლიგის მიმდინარე სეზონში ჰოლანდმა 8-ჯერ ითამაშა, 9 გოლი გაიტანა და 2 საგოლე პასი შეასრულა.#ჰოლანდი #დორტმუნდი #იუვენტუსი #ტურინი #ბორუსია #გერმანია #იტალია #ფეხბურთი #სპორტი #სერიაა #ბუნდესლიგა #ტრანსფერი #სიახლე #haaland #dortmund #borussia #juventus #turin #borussia #germany #italy #football #sport #seriaa #bundesliga #transfers #news
კონემიკა სპორტი
Tbilisi, Georgia · 2 months ago
გიორგი ჩაკვეტაძით ცნობილი ფრანგული გუნდი დაინტერესდა
საქართველოს ნაკრებისა და ბელგიური „გენტის“ შემტევ ნახევარმცველ გიორგი ჩაკვეტაძეს კიდევ ერთი მსურველი ჰყავს. ამჯერად საფრანგეთიდან, სადაც ჟირონდას „ბორდოა“ დაინტერესებული. როგორც გამოცემა Leerosportnews-ი წერს, ცნობილი ფრანგული გუნდი ახალგაზრდა ჩვენებურის შეძენას აპირებს. „ბორდოს“ თვალთახედვის არეში ჩაკვეტაძესთან ერთად „როსტოვის“ უზბეკი ლეგიონერი ელდორ შომუროდოვიც იმყოფება. ფრანგული მედია ამ ეტაპზე შესაძლო ტრანსფერის დეტალებზე არაფერს წერს. გეტყვით, რომ „ბორდო“ საფრანგეთის ერთ-ერთი ყველაზე პოპულარული გუნდია და 2009 წელს ჩემპიონი გახდა (ისტორიაში ექვსჯერ), ხოლო 2009-2010 წლების სეზონში ჩემპიონთა ლიგის მეოთხედფინალში გავიდა. რაც შეეხება 2019-2020 წლების სეზონს, ლიგა 1-ში 28 ტურის შემდეგ 37 ქულით მე-12 ადგილზეა. ჟირონდელთა რიგებში რამდენიმე ცნობილი ფეხბურთელი თამაშობს, მათ შორის ლორან კოშელნი და ჯიმი ბრიანი, ხოლო მთავარ მწვრთნელად პორტუგალიელი პაულუ სოუზა მუშაობს. შეგახსენებთ, ჩაკვეტაძეს „გენტში“ სეზონის შეწყვეტამდე 12 მატჩში 2 საგოლე პასი ჰქონდა მითვლილი, ჩვენებურს ბელგიელებთან კონტრაქტი 2023 წლამდე აკავშირებს.
Roma Ratiani
Tbilisi, Georgia · 3 months ago
პუიოლმა რონალდინიოს ციხეში დაურეკა
ბრაზილიის ნაკრების ყოფილი მოთამაშე, რონალდინიო, საბუთების გაყალბების ბრალდებით პარაგვაის ციხეში სასჯელს იხდის. ესპანური მედიის ინფორმაციით, აღნიშნულ დაწესებულებაში ლეგენდარული ბრაზილიელი ყველაზე პრივილეგირებული პატიმარია. El Mundo Deportivo-ს ცნობით, სხვა პატიმრებისგან განსხვავებით, რონალდინიოს გაცილებით მეტი შესაძლებლობა აქვს. როგორც წყარო იუწყება, ბრაზილიელს ყოფილ თანაგუნდელთან, კარლეს პუიოლთან სატელეფონო საუბრის საშუალება მისცეს. თანაგუნდელებმა დიდ ხანს ისაუბრეს - პუიოლმა რონალდინიოს მხარდაჭერა გამოუცხადა და მომავალ დახმარებას დაჰპირდა. შეგახსენებთ, პუილი პირველი კატალონიელი არაა, რომელიც ლეგენდარულ ბრაზილიელს ეხმარება. ცოტა ხნის წინ ლიონელ მესიმ რონალდინიოს მხარდასაჭერად 4 მილიონი ევრო გამოჰყო. არგენტინელმა მის გადასარჩენად ძვირადღირებული ადვოკატები დაიქირავა.#რონალდინიო #პუიოლი #ფეხბურთი #პარაგვაი #ბრაზილია #ბარსელონა #ფეხბურთი #სპორტი #ronaldinho #puyol #football #barcelona #foootball #sport #news
Tbilisi Daily
Tbilisi, Georgia · 2 months ago
ყოფილი ფეხბურთელი, რომელიც 4 წელი გარდაცვლილი ეგონათ, ცოცხალი აღმოჩნდა
გერმანული საფეხბურთო კლუბ „შალკეს“ ყოფილი მცველი, ჰიანიკ კამბა, რომლის გარდაცვალების შესახებ ინფორმაცია 2016 წელს გავრცელდა, ცოცხალი აღმოჩნდა. როგორც გამოცემა Bild-ი წერს, ის რურის რეგიონში ოჯახთან ერთად ცხოვრობს. გავრცელებული ინფორმაციით, სპორტსმენმა დაზღვევის თანხის მიღების მიზნით, საკუთარი სიკვდილის ინსცენირება მოაწყო. გამოძიების მთავარი ფიგურანტი ფეხბურთელის ცოლია. როგორც გაირკვა, ქალმა ქმრის ავტოკატასტროფაში გარდაცვალების შესახებ სადაზღვევო კომპანიას ყალბი დოკუმენტები წარუდგინა. #სპორტი #ფეხბურთი #dailytbilisi
Nano Sport
Kutaisi, Georgia · 1 month ago
კაზემირომ მადრიდის "რეალთან" კონტრაქტი 2023 წლამდე გაახანგრძლივა ✅ 📰Marca #news #photo #sport
Blogsport.ge
Kvemo Marghi, Georgia · 3 weeks ago
ლაშა დვალი უნგრეთის ჩემპიონია!
🏆🇬🇪 საქართველოს ეროვნული ნაკრების წევრი ლაშა დვალი უნგრეთის ჩემპიონია. "ფერენცვაროშმა" ოქროს მედლები გათამაშების დასრულებამდე 3 ტურით ადრე მოიპოვა და ქვეყნის ჩემპიონი ოცდამეთერთმეტედ გახდა ! 🥇🎉 Budapest Tbilisi #blognews #georgia #sport #სპორტი #ახალიამბები
Roma Ratiani
Tbilisi, Georgia · 4 months ago
იუვენტუსი კეინს უმიზნებს
ზამთრის სატრანსფერო ფანჯრის დროს ტურინის იუვენტუსის ბოსები შეტევის გაძლიერებას გეგმავენ. იტალიური პრესის ინფორმაციით, ტურინული გრანდი ტოტენჰემის შემტევს, ჰარი კეინს უმიზნებს. დიდი ალბათობით, მაურიციო სარის გუნდს ზაფხულში გონსალო იგუაინი დატოვებს - სეზონის ბოლოს არგენტინელ ფორვარდს „ბებერ ქალბატონთან“ კონტრაქტი უმთავრდება. იუვენტუსი სწორედ მის გრძელვადიან შემცვლელს ეძებს. წყაროს ცნობით, კეინის გარდა ტურინელები მილანის ინტერის შემტევით, მაურო იკარდით არიან დაინტერესებული. მიმდინარე სეზონში ის იჯარით პსჟ-ის ღირსებას იცავს. სავარაუდოდ, ფრანგები მას გამოისყიდიან, ამიტომ იუვენტუსის შანსები საგრძნობლად მცირდება. ცნობილია, რომ ტოტენჰემი საკუთარ ლიდერს 150 მილიონ ფუნტად (172 მილიონი ევრო) აფასებს. მისი გაფორმება ასევე მანჩესტერ იუნაიტედსაც სურს. აღსანიშნავია, რომ ლონდონელებს სხვა ჩემპიონატში მისი გასხვისება ურჩევნიათ, რათა პირდაპირი კონკურენტი არ გააძლიერონ. ტურინული გრანდი ამ გარემოების სათავისოდ გამოყენებას ეცდება. ჯერჯერობით უცნობია, ინგლისელი შემტევი თავად რას მოიმოქმედებს. როგორც კეინმა ცოტა ხნის წინ განაცხადა, ამ ეტაპზე ის მხოლოდ მიმდინარე სეზონზე ფიქრობს, რის შემდეგაც ევროპის ჩემპიონატზე გამგზავრება სურს. შეგახსენებთ, იანვარში მიღებული დაზიანების გამო კეინს ქირურგიული ოპერაცია ჩაუტარდა. სავარაუდოდ, 26 წლის ფორვარდი მინდორზე აპრილის შუა რიცხვებში დაბრუნდება. ინგლისის პრემიერლიგის მიმდინარე სეზონში კეინმა 20-ჯერ ითამაშა, 11 გოლი გაიტანა და 2 საგოლე პასი შეასრულა. კიდევ 6 გოლი მან ჩემპიონთა ლიგის 5 შეხვედრაში გაიტანა.#ფეხბურთი #ტრანსფერები #ტოტენჰემი #იუვენტუსი #პრემიერლიგა #სერიაა
Headline Sport
Tbilisi, Georgia · 1 month ago
ბარსელონა და იუვენტუსი შეთანხმდნენ.
ესპანური წყაროების მიხედვით, ბარსელონა და იუვენტუსი საბოლოოდ შეთანხმდნენ პირალემ პიანიჩის ტრანსფერთან დაკავშირებით. ბარსელონა პიანიჩის გარდა, იუვენტუსის კიდევ ერთ ფეხბურთელს, დე შილიოსა და 25 მილიონ ევროს მიიღებს. იუვენტუსში კი ესპანური კლუბის მარჯვენა მცველი, ნელსონ სემედუ გადავა. ხელშეკრულების ოფიციალური გაფორმება უახლოეს საათებში მოხდება, თუმცა ბოლო სიტყვა, ბარსელონას უკანახაზელს ეკუთვნის. ნელსონ სამედუსაგან არ ელოდებიან ფეხბურთელი არტურის მსგავს ქმედებას, რომელმაც გუნდის დატოვებაზე კატეგორიული უარი განაცხადა. ნელსონ სემედუ ბარსელონაში 2017 წელს ბენფიკადან გადავიდა. მას შემდეგ, კატალონიელთა მაისურით 111 მატჩში მიიღო მონაწილეობა, გაიტანა 1 გოლი და განახორციელა 10 საგოლე პასი.#headlinesport #sport #barcelona #juventus #football #transfer #Semedo #pjanic
Roma Ratiani
Tbilisi, Georgia · 3 months ago
კასანომ კაპელოსთან დაპირისპირება გაიხსენა
იტალიის ნაკრების ყოფილმა შემტევმა, ანტონიო კასანომ მადრიდს რეალში ფაბიო კაპელოსთან მომხდარი კონფლიქტი გაიხსენა. "დონ ფაბიოს მეთვალყურეობის ქვეშ რეალში ერთ-ერთი საუკეთესო წინასასეზონო პერიოდი მქონდა. 10 კგ-მდე დავიკელი, შესანიშნავ ფორმაში ჩავდექი და 82 კგ-ს ვიწონიდი. სეზონის საწყის ორ შეხვედრაში მან ძირითად შემადგენლობაში მათამაშა, თუმცა შემდეგ სათადარიგოთა სკამზე გადამიყვანა. მასზე ძალიან გავბრაზდი, რის გამოც ერთმანეთს დავუპირისპირდით. მსურს, რომ მას ამ ამბის გამო ბოდიში მოვუხადო. ვაღიარებ, რომ ყველაფერი ჩემი ბრალი იყო", - თქვა კასანომ. მადრიდელთა ღირსებას ის 2006/07 წლების სეზონში იცავდა, რის შემდეგაც იტალიაში დაბრუნდა. რეალში წასვლამდე მას კაპელოსთან კონფლიქტი რომაშიც მოუვიდა.#კასანო #რეალი #მადრიდი #ესპანეთი #იტალია #ფეხბურთი #სპორტი #კაპელო #cassano #realmadrid #spain #italy #football #sport #news #opinion
სპორტლაბი • SportLab
Tbilisi, Georgia · 1 week ago
ბუფონი და კიელინი ახანგრძლივებს!
ტურინის „იუვენტუსმა“ გუნდის ვეტერან მცველსა და მეკარეს კონტრაქტები გაუხანგრძლივა. იტალიური კლუბის ოფიციალური ვებ-გვერდის ინფორმაციით, ჯანლუიჯი ბუფონმა და ჯორჯო კიელინიმ გუნდთან კონტრაქტი 2021 წლის ზაფხულამდე გააფორმეს. ბუფონი „იუვენტუსში“ 2001 წელს, „პარმადან“ გადაბარგდა, 2018 წლის ზაფხულში ლეგენდარული ჯიჯი „პსჟ-ში“ თავისუფალი აგენტის სტატუსით გადავიდა, თუმცა ერთი წლის შემდეგ ტურინში, ისევ უფასოდ დაბრუნდა. რაც შეეხება კიელინის, ის „იუვეს“ ღირსებას 2005 წლიდან იცავს, როდესაც გუნდმა ის „ფიორენტინადან“, 7.7 მილიონ ევროდ შეიძინა.