მე ვფიქრობ, ჩვენ ყველამ ვერ შევაფასეთ ის საშიშროება, რასაც კორონავირუსი გამოიწვევდა, - ამის შესახებ ევროკომისიის პრეზიდენტმა, ურსულა ვონ დერ ლეიენმა განაცხადა. „ჩემი აზრით, ყველა ჩვენგანმა, ვინც ექსპერტი არ არის, თავდაპირველად ვერ შეაფასა კორონავირუსი. თუმცა, ახლა აშკარაა, რომ მასთან ბრძოლა კიდევ დიდხანს მოგვიწევს. ჩვენ ვაცნობიერებთ, რომ ზომები, რომელიც ორი-სამი კვირის წინ სასტიკი გვეჩვენებოდა, აცულებლად უნდა მივიღოთ ახლა. მე პირადად შესაძლოა, არ გამოვიყენო ეს ტერმინი, მაგრამ მესმის საფრანგეთის პრეზიდენტის მოტივაცია, როცა ის სახიფათო მტერზე საუბრობდა“,-განაცხადა ვონ დერ ლეიენმა.#stopcovid19 #covid19 #კორონავირუსი

დაავადებათა კონტროლის ეროვნული ცენტრის ხელმძღვანელის, ამირან გამყრელიძის თქმით, მომავალი დღეების განმავლობაში საქართველოში კორონავირუსისგან გამოჯანმრთელებული ადამიანები კიდევ იქნებიან. „იცით, სტანდარტი რაც არის მოქალაქეთა გაწერასთან დაკავშირებით, რომ 24-საათში ზედიზედ ორჯერ „პისიარ“ ტესტი, ანუ კორონავირუსზე ტესტი უნდა ჰქონდეს უარყოფითი. მე ზუსტად არ მინდა, რომ შევცდე, მაგრამ დარწმუნებული იყავით, რომ მომავალ 3-4 დღეში ჩვენ კიდევ გვეყოლებიან გამოჯანმრთელებული ადამიანები“, – განაცხადა ამირან გამყრელიძემ.

პარლამენტის ბიურომ მსვლელობა მისცა კანონპროექტს, რომლის დამტკიცების შემთხვევაში 2021 წლის 1 იანვრამდე გახანგრძლივდება იმ საკანონმდებლო ცვლილების მოქმედების ვადა, რომელიც კორონავირუსის პანდემიის დროს მთავრობას შესაძლებლობებს აძლევს, საგანგებო მდგომარეობის გარეშე დააწესოს შეზღუდვები. საქართველოს პარლამენტმა 22 მაისს, საგანგებო მდგომარეობის ვადის ამოწურვის დღეს, „საზოგადოებრივი ჯანმრთელობის შესახებ“ კანონში ცვლილება შეიტანა და მთავრობას უფლებამოსილება მისცა, რიგი საკონსტიტუციო უფლებები 15 ივლისამდე შეეზღუდა. ამ რეგულაციით მთავრობას უფლება აქვს, შეზღუდოს საკუთრებისა და გადაადგილების უფლება. როგორ დაიტოვებს ხელისუფლება ადამიანების შეზღუდვის უფლებას პარლამენტის გვერდის ავლით ამჟამად ინიცირებული კანონპროექტის განმარტებით ბარათში ვკითხულობთ, რომ ცვლილების მიზანია, „2020 წლის 15 ივლისის შემდეგაც შენარჩუნდეს ის არსებული სამართლებრივი მექანიზმი, რომელიც პანდემიის წინააღმდეგ საბრძოლველად მყისიერი და ეფექტიანი ღონისძიებების გატარების შესაძლებლობას და პროცესების სწორად წარმართვას უზრუნველყოფს. სწორედ ამ მიზნით არის წარმოდგენილი კანონპროექტი, რომელიც პანდემიით გამოწვეული, ქვეყანაში არსებული მწვავე პრობლემის დაძლევის აუცილებელი საშუალებაა".#ახალი_ამბები#twitter