6 votes
0 comments
1 shares
Save
რომის პაპი ფრანცისკე ხალხს მოუწოდებს
1142 views
Headline
Tbilisi · 3 months ago

რომის პაპმა ფრანცისკემ მოუწოდა ხალხს, რომ არ იყვნენ "შიშით" კოროვირუსის გამო, ის იტალიელებს ამხნევებს "სიკვდილის ჟამს ცხოვრების მაცნეები" იყვნენ.

რომის კათოლიკური ეკლესიის ლიდერმა სააღდგომო წირვაზე ისაუბრა შაბათს საღამოს, თითქმის ცარიელი წმინდა პეტრეს ბაზილიკაში.

პრემიერ-მინისტრმა ჯუზეპე კონტემ შეაქო პაპი მისი "პასუხისმგებლიანი ჟესტისთვის". საუბარია აღდგომის დღესასწაულის მრევლის გარეშე აღნიშვნაზეა.

ქრისტიანები მთელს მსოფლიოში აღნიშნავენ აღდგომას, ქრისტიანული კალენდარი ყველაზე მნიშვნელოვან დღესასწაულს, მიუხედავად. თუმცა ახლა ამ დღესასწაულს ეკლესიების უმეტესობა მრევლის გარეშე აღნიშნავს.

წყარო - BBC

#italy #pope #headline #coronavirus #Easter
Headline
Tbilisi · 3 months ago
Similar Posts
Headline
Tbilisi, Georgia · 3 months ago
იაპონიაში საგანგებო მდგომარეობა ჯერ კიდევ არ გამოცხადებულა
7 აპრილს იაპონიაში ახალი კორონა ვირუსის პანდემიის გამო საგანგებო მდგომარეობა გამოცხადდება. ამის შესახებ შინზო აბემ განაცხადა. საგანგებო მდგომარეობა 1 თვეს გასტანს. მოსახლეობას სამთავრობო ადმინისტრაცია სახლში ყოფნისკენ და სიმშვიდისკენ მოუწოდებს. იაპონიაში ეტაპობრივად იხურება ობიექტები. ბიზნესი კი ონლაინ მუშოაბაზე გადადის. ამ დროისთვის იაპონიაში კორონავირუსს 85 ადამიანი ემსხვერპლა, 3 654 კი დაინფიცირდა. წყარო - როიტერსი#იაპონია #კორონავირუსი #covid19 #headline
Headline
Tbilisi, Georgia · 2 months ago
ჯანდაცვის მსოფლიო ორგანიზაციის რჩევები სახელმწიფოებს - ნაწილი III
მთელი მსოფლიოს მასშტაბით, გაეროს სისტემაში მოქცეული ფონდები, სააგენტოები და სხვა ორგანოები, რომლებიც ჯანდაცვასთან, კანონთან და განვითარებასთან არის დაკავშირებული, ხელს უწყობენ ამ ორგანიზაციის გამართულ ფუნქციონირებას. გაეროსთან ასოცირებული International Development Law Organization-ის (IDLO) გენერალური დირექტორის ჯენ ბიგლის განცხადებით, სამართლიანობა და კანონის უზენაესობა უნდა წარმოადგენდეს სახელმწიფოთა მხრიდან COVID-19-ზე ეფექტური რეაგირების საშუალებას. მისი თქმით, ეფექტური სამართლებრივი ჩარჩოები საშუალებას იძლევა, ადგილობრივი მთავრობების მოქმედებები სათანადოდ იყოს მორგებული ინფექციის პრევენციაზე და ამავდროულად ადამიანების სამოქალაქო, პოლიტიკური, ეკონომიკური და სოციალური უფლებების პატივისცემაზე. კანონის უზენაესობა უნდა იყოს მთავარი „სასიცოცხლო ხაზი“ მძიმე, კრიზისულ პერიოდშიც, როდესაც გადაადგილების თავისუფლებაზე დაწესებულმა შეზღუდვებმა, რიგითი ადამიანების ხელთ არსებულმა მწირმა რესურსებმა და სტრესულმა გარემომ არ უნდა გააძლიეროს დისკრიმინაციის შეგრძნება. ამგვარი გამოწვევები განსაკუთრებით მნიშვნელოვანია საზოგადოების ისეთი ჯგუფებისთვის, როგორებსაც ხანდაზმულები, უკიდურეს სიღარიბეში მყოფი ადამიანები, მიგრანტები, ლტოლვილები და ა.შ. წარმოადგენენ. „მსგავსი პერიოდში სასიცოცხლოდ მნიშვნელოვანია ძლიერი სამართლებრივი ინსტიტუტების ხელმისაწვდომობა“, - აღნიშნა ბიგლმა. წყარო: წყარო: "Testing, tracing, and when to lift restrictions: WHO’s latest advice" (April 14, 2020) moderndiplomacy#headline #coronavirus #stopcovid19 #who #stayathome #health
Marneuli Daily
Kachaghani, Georgia · 2 months ago
აშურა - გლოვისა და თანაგრძნობის რიტუალი
საქართველოში მცხოვრები ეთნიკურ აზერბაიჯანელებს აქვთ საინტერესო ტრადიციები , რელიგიური რიტუალები , დღესასწაულები , ადათ-წესები. დღეს გაგაცნობთ აზერბაიჯანელების ტრადიციული გლოვის რიტუალს, აშურას. ეს დღესასწაული ისლამური მთვარის კალენდრის მუჰარამის თვის მეათე დღეს იწყება და ორ დღეს გრძელდება. ყველა სხვა დღესასწაულისგან განსხვავებით, ამ დღესასწაულს არ ულოცავენ, ამ დღეს უსამძიმრებენ. მუსლიმები, განსაკუთრებით შიიტური ტრადიციის მიმდევარები, მუჰარამის თვის პირველ ათ დღეს ქარბალაში მომხდარ ტრაგედიას გლოვობენ. აშურა არაბული სიტყვაა და ქართულად “მეათეს” ნიშნავს. ტრადიციის მიხედვით, აშურას დღეს ადამიანები სხვადასხვა ქალაქების ქუჩებში მსვლელობას აწყობენ და მოთქვამენ, შიგადაშიგ შიშველი ხელით საკუთარ სხეულს ტკივილს აყენებენ და ამით სიმბოლურად იმ ტანჯვას განიცდიან, რაც იმამ ჰუსეინმა გადაიტანა 680 წელს. აშურა წარმოადგენს იმ ბრძოლის გახსენებას რომელიც 680 წელს მოხდა ქარბალაში, დღევანდელი ერაყის მიწაწყალზე. ამ ბრძოლაში წინასწარმეტყველი მუჰამედის შვილიშვილი ჰუსეინი და მისი 72 მხლებელი ვერაგულად მოკლეს. თავისი თალხი და სამგლოვიარო ხასიათით, ეს დღესასწაული გვახსენებს იომ-ქიფურის დღესასწაულს იუდაიზმში და წითელი პარასკევის დღესასწაულს ქრისტიანობაში. თავისი დრამატული ლიტურგიული და რიტუალური გამოხატულებით აშურას სხვა ვერცერთი დღესასწაული ვერ შეედრება შიიტურ ტრადიციაში.#ისლამი #შიიტი #აშურა #გლოვა #რელიგია #ტრადიცია #MarneuliDaily
Tbilisi Daily
Tbilisi, Georgia · 2 months ago
მისტიკით მოცული გოთიკური შენობა
ძველი თბილისის ერთ-ერთ ქუჩაზე, კერძოდ ინგოროყვას 6 ნომერში, მდებარეობს გოთიკური არქიტექტურული სტილით შესრულებული სახლი, რომლის გარშემოც უამრავი ლეგენდა, თქმულება თუ მითი არსებობს. ლეგენდის თანახმად, სახლი სატანისტ, სომეხ ვაჭარს ეკუთვნოდა, რომელსაც კიდევ 10 სახლი ჰქონდა მფლობელობაში, რომელთა განლაგებაც სატანის სიმბოლოს, პენტაგრამას ქმნის. მისმა ქალიშვილმა (ან ცოლმა) სხვენში თავი ჩამოიხრჩო, რის შემდეგაც, თუ საზოგადოებაში გავრცელებულ მითებს დავუჯერებთ, იმის მიუხედავად, რომ სახლი ცარიელია, ხშირად ისმის ნივთების გადაადგილების ხმა და ჩხუბი. რეალურად, შენობა, 1887 წელს, პოლონელმა არქიტექტორმა შინკევიჩმა ააშენა. სახლის შესახებ ინფორმაციას ვაწყდებით სხვადასხვა წყაროებსა და წიგნებში, რომელიც ეროვნულ ბიბლიოთეკაშია დაცული. არქიტექტურა ბევრისათვის შემზარავი აღმოჩნდა, თუმცა მის შემზარაობას, ჩემი აზრით, უფრო მითები ქმნიან. ეს არის გოთიკური სტილი, რომელიც საკმაოდ გავრცელებულია ევროპაში. სახლის შესასვლელთან გამოსახულ რქიან არსებაზე ამბობენ, რომ ეს დემონია, თუმცა რეალურად, ეს არის მითიური პერსონაჟი პანი, რომელიც არა ბოროტების, არამედ სიკეთის მომტანია. ეს არის მწყემსების, ნაყოფიერების მფარველი ღვთაება. ფლობს წინასწარმეტყველების უნარს. ასევე, ცისკრის სხივების ღვთაებად მიიჩნევა. ყველაზე საინტერესო ნაწილი, როგორც მედიის, ასე საზოგადოებისათვის, არის ინტერიერი. ამბობენ, რომ შიგნით ლუციფერის უდიდესი ქანდაკება დგას, რომლის თავიც სხვენში, ხოლო ფეხები სარდაფში მდებარეობს. ლეგენდის თანახმად, აქ სპირიტუალურ რიტუალებს ატარებდნენ. ასევე ამბობენ, რომ ბერია თავისი ვიზიტის დროს, სწორედ ამ სარდაფს იყენებდა გადასაადგილებლად. ხალხს ძალიან უყვარს და იზიდავს მისტიკა, სწორედ ამიტომ გახდა ინგოროყვას 6-ნომერში არსებული შენობა ამდენი ისტორიის პირველწყარო. რეალურად მის შესახებ არცერთი მითი დასტურდება, ხოლო გარე ფასადზე არსებული "დემონები" სინამდვილეში ბერძნული მითოლოგიის დადებითი, თუმცა შესახედავად ცოტა შემზარავი პერსონაჟები არიან. ცენტრალურ ოთახში კი თეთრი ბუხრის თავზე ანგელოზის გამოსახულებებია განთავსებული.#არქიტექტურა #მისტიკა #დემონი #რიტუალი #მითი #რეალობა #TbilisiDaily
Headline
Tbilisi, Georgia · 3 months ago
ნიუ იორკში ცუდი ამბებია
ნიუ იორკში, რომელმაც ყველაზე მძიმე დარტყმა მიიღო ამერიკის შეერთებულ შტატებში, ერთ დღეში კორონავირუსით რეკორდული რაოდენობის, 779 ადამიანი გარდაიცვალა. ჯამში ნიუ იორკის შტატში ვირუსით დაღუპულთა რაოდენობა 6,268 -ს აღწევს. გუბერნატორი ენდრიუ კუომო აღნიშნავს, რომ შტატმა კორონავირუსისგან იმაზე ორჯერ მეტი ადამიანი დაკარგა ვიდრე 2001 წლის 11 სექტემბერის ტერაქტის დროს. ნიუ იორკის შტატის გუბერნატორმა ასევე ისაუბრა გარდაცვლილთა შორის გადანაწილებაზე. ოთხშაბათს გამოტანილი სტატისტიკის თანახმად , ნიუ იორკის მოსახლეობიდან, შავკანიანი და ესპანურად მოსაუბრე ორჯერ მეტი ადამიანი იღუპება, ვიდრე თეთრკანიანი. მისი თქმით, მეტი მონაცემებია საჭირო იმის დასადგენად, თუ რატომ არის დაავადებულთა რიცხვში ფერადკანიანი, ესპანურ ენოვანი და ღარიბი ნიუ იორკელები, განსაკუთრებულად დაზარალდნენ. ”როგორც ჩანს, მძიმე დღეები ღარიბ ხალხს ყოველთვის უფრო ძვირად უჯდებათ” - თქვა ბ-ნ კუომომ. წყარო - New York Times#headline #nytimes #coronavirus #news United States
Headline
Tbilisi, Georgia · 2 months ago
კორონავირუსის საკითხზე კოორდინირებული დეზინფორმაციული კამპანია მიმდინარეობს
ევროკავშირის შესაბამისი სადამკვირვებლო ინსტრუმენტების გამოყენებით დადგინდა კორონავირუსთან დაკავშირებული დეზინფორმაციის გავრცელების ე.წ. სამმხრივი კონვერგენცია (დამთხვევა), რომელიც რუსეთის, ჩინეთისა და ირანის კოორდინირებული ხელშეწყობით, აქტიურად ვრცელდება. 20 აპრილით დათარიღებულ დოკუმენტში ნათქვამია, რომ ზემოხსენებული სამი ქვეყანა ერთი და იმავე ტიპის ინფორმაციას ავრცელებს იმის თაობაზე, რომ COVID-19 აშშ-ის მიერ შექმნილი ბიოლოგიური იარაღია, რომელიც გლობალურ დონეზე რუსეთის, ჩინეთისა და ირანის „ჩამოსაშორებლად“ არის შექმნილი და რომ ეს 3 სახელმწიფო „უკეთ უმკლავდება“ არსებულ პანდემიას, ვიდრე შეერთებული შტატები. აქვე მოხსენიებულია, რომ ირანელი ლიდერები (რომელთა განცხადებებს რუსული პროპაგანდისტული მედია აქტიურად აშუქებს), აშშ-ს მოუწოდებენ გააუქმდეს ოფიციალური თეირანისთვის დაწესებული ეკონომიკური სანქციები, რომელიც ძირს უთხრის ამ ქვეყნის აქტიურ ჰუმანიტარულ და სამედიცინო რეაგირებებს COVID-19-ის წინააღმდეგ ბრძოლაში. ზოგადად ზემოხსენებული მოქმედებები რუსული, ჩინური და ირანული ფართო, კომბინირებული „კონვერგენციის“ ნაწილია, რომლის საბოლოო მიზანი რუსეთზე, ირანზე, სირიასა და ვენესუელაზე დაწესებული ეკონომიკური სანქციების მოხსნის მოთხოვნაა. სირიის შემთხვევაში, კორონავირუსთან დაკავშირებული დეზინფორმაცია გამოიყენება ევროკავშირის საწინააღმდეგო ნარატივის გაღვივებაში, რომლის მიხედვით, თითქოს ევრო-გაერთიანება ამ ახლო აღმოსავლური ქვეყნის წინააღმდეგ „ეკონომიკური ომის“ საწარმოებლად ემზადება. 25 გვერდიანი დოკუმენტი European External Action Service-ს (EEAS) სტრატეგიული კომუნიკაციების სამმართველოს მიერ შეიქმნა. ანგარიშის მიხედვით, რუსეთი და ჩინეთი კორონავირუსული პანდემიის გარშემო აქტიურ სადეზინფორმაციო კამპანიას ეწევიან, რამაც შესაძლოა მავნე შედეგები მოიტანოს მთელი მსოფლიოს საზოგადოებრივი ჯანდაცვისთვის. მარტის მოხსენებაში, ევროკავშირის დამკვირვებლებმა უკვე დაადანაშაულეს პრო-კრემლისტური მედიასაშუალებები, არსებული ეპიდემიის შესახებ დეზინფორმაციის აქტიურ გავრცელებაში, რომლის მიზანს დასავლეთის სახელმწიფოებში საზოგადოებრივი ნდობის შემცირება წარმოადგენს. აპრილის ანგარიშში ნათქვამია, რომ რუსეთი და შედარებით მცირე დოზით ჩინეთი, აგრძელებენ ე.წ. შეთქმულების თეორიების ჩამოყალიბებას, რომელიც მიმართულია როგორც ევროკავშირში მცხოვრები საზოგადოებისკენ, ასევე ამ გაერთიანების სამეზობლო ქვეყნების (საქართველო, უკრაინა და ა.შ.) წინააღმდეგ. აქვე აღნიშნულია, რომ რუსული ოფიციალური წყაროები და სახელმწიფო მედია კოორდინირებულ კამპანიას აგრძელებენ, რომლის მიზანი ევროკავშირის კრიზისზე რეაგირების დაქვეითება და კორონავირუსის გარშემო დაბნეულობის მომატება წარმოადგენს. მსგავსი ტიპისა და შინაარსის ინფორმაცია ძირითადად სოციალური ქსელების - Facebook-ის და Twitter-ის მეშვეობით ფართოდ ვრცელდება. მომზადებულია რატი ერისთავის მიერ. წყარო: EU Monitors See Coordinated COVID-19 Disinformation Effort By Iran, Russia, China (23.04.2020),#coronavirus #EU #Russia #China #Iran #misinformation #headline
Mediamall
Tbilisi, Georgia · 3 months ago
რომის პაპმა კათოლიკური ბზობის დღესასწაული წმინდა პეტრეს ცარიელ ტაძარში აღნიშნა
რომის პაპმა ფრანცისკემ კათოლიკური ბზობის დღესასწაული წმინდა პეტრეს ცარიელ ტაძარში აღნიშნა. მან მრევლს მოუწოდა, კორონავირუსის გამო, იზოლაციაში ყოფნისას არ იფიქრონ იმაზე თუ რა აკლიათ, არამედ იმაზე - თუ როგორ შეუმსუბუქონ სხვებს ტანჯვა. „იქნებ ვიზრუნოთ მათზე, ვინც იტანჯება და ვისაც ყველაზე მეტად უჭირს. იქნებ არ ვიყოთ კონცენტრირებული იმაზე, რაც გვაკლია და ვიფიქროთ, თუ რა სიკეთე შეგვიძლია მოვუტანოთ სხვებს“,- აღნიშნა რომის პაპმა. იერუსალიმში იესო ქრისტეს შესვლასთან დაკავშირებულ დღესასწაულს, როგორც წესი, პალმისა და ზეთისხილის ხის რტოებით ათობით ათასი ადამიანი ერთად ზეიმობს წმინდა პეტრეს მოედანზე, ხოლო მსვლელობაში კარდინალები, მღვდლები და მორწმუნეები მონაწილეობენ, თუმცა ამჯერად სიმბოლურ პროცესიაში მხოლოდ 20-მდე ადამიანმა მიიღო მონაწილეობა და ისინიც საზოგადოებრივი დისტანციის დადგენილ ნორმებს იცავდნენ. ​მესა ტელევიზიებით და ონლაინ არხებით გადაიცემოდა. წელს კათოლიკური სამყარო წმინდა აღდგომის დღესასწაულს 12 აპრილს იზეიმებს.#palmday #rome #pope #stopcovid19 #coronavirus
საბრალდებო დასკვნა
Tbilisi, Georgia · 1 week ago
არუნდატი როი - პანდემია პორტალია
ვისღა შეუძლია წარმოთქვას ფრაზა „ვირუსულად გავრცელდა“ ისე, რომ შიშმა არ აიტანოს? ვისღა შეუძლია შეხედოს საგნებს – კარის სახელურს, მუყაოს ყუთს, ბოსტნეულის ტომარას – ისე, რომ არ წარმოიდგინოს მათზე შემოჯარული უხილავი, უკვდავი, უსიცოცხლო, ჯამისებრი საწოვარებით დაწინწკლული ბურთულები, რომლებიც ჩვენს ფილტვებზე მიმაგრებას ელიან? ნამდვილი შიშის გარეშე ვისღა შეუძლია იფიქროს უცხო ადამიანის კოცნაზე, ავტობუსში ასვლაზე ან ბავშვის სკოლაში გაშვებაზე? ვისღა შეუძლია რისკების გამოთვლის გარეშე იფიქროს ყოველდღიურ სიამოვნებაზე? რომელი ჩვენგანი არ არის ცრუ ეპიდემიოლოგი, ვიროლოგი, სტატისტიკოსი და წინასწარმეტყველი? რომელი მეცნიერი ან ექიმი არ ლოცულობს ფარულად სასწაულისთვის? რომელი მღვდელი არ ემორჩილება – ფარულად მაინც – მეცნიერებას? და თუნდაც ვირუსის გავრცელების ფონზე, ვინ არ ააღელვა დიდ ქალაქებში ჩიტების ჭიკჭიკის გაძლიერებულმა ხმამ, გადასასვლელებზე ფარშევანგების ცეკვამ და დადუმებულმა ზეცამ? მსოფლიოში ინფიცირებულთა რაოდენობამ მილიონს გადააჭარბა. დაღუპულია 50 ათასზე მეტი ადამიანი. შესაძლოა ასობით ათასი ან უფრო მეტი კიდევ დაინფიცირდეს. ვირუსი თავისუფლად გადაადგილდა სავაჭრო გზებთან და საერთაშორისო კაპიტალთან ერთად, და მისმა თანმხლებმა საშინელმა ავადმყოფობამ ადამიანები თავიანთ ქვეყნებში, ქალაქებსა და სახლებში გამოკეტა. თუმცა კაპიტალის მოძრაობისგან განსხვავებით, ეს ვირუსი გავრცელებისკენ ისწრაფვის და არა მოგებისკენ. მან გაუაზრებლად, გარკვეული დოზით დინებას მიმართულება შეუცვალა. მასხრად აიგდო საიმიგრაციო კონტროლი, ბიომეტრია, ციფრული კონტროლი და სხვა ნებისმიერი სახის მონაცემთა ანალიზი. ჯერჯერობით ყველაზე მეტად გავრცელდა მსოფლიოს ყველაზე მდიდარ, ძლიერ ქვეყნებში, მწყობრიდან გამოიყვანა კაპიტალიზმის ძრავა. შესაძლოა, დროებით, მაგრამ საკმაო დროით იმისთვის, რომ მისი ნაწილები შევისწავლოთ, რათა შევაფასოთ და გადავწყვიტოთ, მისი შეკეთება გვირჩევნია, თუ უკეთესი ძრავის ძიება. სამთავრობო პირები, რომლებიც პანდემიის მართვას ხელმძღვანელობენ, გატაცებით საუბრობენ ომზე. ისინი „ომს“ როგორც მეტაფორას კი არა, პირდაპირი გაგებით იყენებენ. და ეს მართლაც რომ ომი იყოს, ვინ მოემზადებოდა აშშ-ზე უკეთ? წინა ხაზის მებრძოლებს ნიღბებისა და ხელთათმანების ნაცვლად – იარაღები, „ჭკვიანი ბომბები“, ბუნკერის ასაფეთქებლები, წყალქვეშა ნავები, რეაქტიული გამანადგურებლები და ატომური ბომბები რომ სჭირდებოდეთ, იქნებოდა კი მათი დეფიციტი? ღამღამობით ნახევარი მსოფლიოს დაშორებით, ზოგიერთი ჩვენგანი ნიუ-იორკის გუბერნატორს გაუგებარი აღტაცებით უყურებს. თვალს ვადევნებთ სტატისტიკას და ვისმენთ ამბებს ამერიკის გადატვირთულ საავადმყოფოებზე, დაბალანაზღაურებად, მუშაობით გადამწვარ ექთნებზე, რომლებსაც ნიღბების ნაგვის ჩანთებისგან და ძველი საწვიმრებისგან დამზადება უწევთ, რომლებიც ყველაფერს რისკავენ ავადმყოფის დასახმარებლად. ვისმენთ ამბებს, როგორ ეცილებიან შტატები ერთმანეთს ვაჭრობაში სასუნთქი აპარატების მისაღებად; ვისმენთ ექიმების დილემის შესახებ, რომლებსაც უწევთ არჩევანი გააკეთონ, ვინ მიიღებს სასუნთქ აპარატს და ვის გაწირავენ სასიკვდილოდ. ჩვენ კი ჩვენთვის ვფიქრობთ, „ღმერთო ჩემო! ეს ამერიკაა!“ ტრაგედია არის უეცარი, ნამდვილი, მასშტაბური და ის ჩვენს თვალწინ იშლება. თუმცა ეს არ არის ახალი. ეს იმ მატარებლის მარცხია, წლების განმავლობაში რომ გზიდან ვარდებოდა. ვის აღარ ახსოვს ვიდეოები „გადაგდებულ პაციენტებზე“ – იმ ავადმყოფებზე, რომლებსაც ჯერ კიდევ საავადმყოფოს პერანგი ეცვათ, საჯდომი მოშიშვლებოდათ და რომლებსაც მალულად იშორებდნენ ქუჩის კუთხეში? საავადმყოფოების კარი ძალიან ხშირად დახურულა ამერიკის უიღბლო მოქალაქეებისთვის, მიუხედავად იმისა, რამდენად სერიოზული იყო მათი ავადმყოფობა ან როგორ იტანჯებოდნენ. ახლა მაინც აღარ ხდება ასე – რადგან ახლა, ვირუსის ხანაში ღარიბი ადამიანის ავადმყოფობამ შეიძლება მდიდრის ჯანმრთელობას ავნოს. და ახლა, ამ პერიოდშიც კი ბერნი სანდერსს, სენატორს, რომელიც საყოველთაო ჯანდაცვის ხისტ კამპანიას ეწეოდა, თავისსავე პარტიაშიც კი თეთრი სახლისთვის შეუფერებლად მიიჩნევენ. ჩემს ქვეყანაზე რაღა ვთქვა, ჩემს მდიდარ-ღარიბ ქვეყანაზე, ინდოეთზე – სადღაც ფეოდალიზმსა და რელიგიურ ფუნდამენტალიზმს, კასტურობასა და კაპიტალიზმს შორის გაჭედილზე, რომელსაც რადიკალი მემარჯვენე ინდუსი ნაციონალისტები მართავენ. დეკემბერში, სანამ ჩინეთი ვირუსს უჰანში ებრძოდა, ინდოეთის მთავრობას ასობით ათასი მოქალაქის საპროტესტო გამოსვლასთან უწევდა გამკლავება. მოქალაქეები მუსლიმთა წინააღმდეგ მიღებულ დისკრიმინაციულ კანონს აპროტესტებდნენ. COVID-19-ის პირველი შემთხვევა ინდოეთში 30 იანვარს დადასტურდა, დელი მხოლოდ რამდენიმე დღის შემდეგ დატოვა რესპუბლიკის დღის აღსანიშნავი აღლუმის საპატიო სტუმარმა, ამაზონის ტყის მშთანთქმელმა და COVID-ის უარმყოფელმა ჯაირ ბოლსონარომ [ბრაზილიის პრეზიდენტი]. თუმცა თებერვალში უამრავი საქმე იყო საიმისოდ, რომ მმართველი პარტიის დღის წესრიგში ვირუსის საკითხი დაეყენებინათ. თვის ბოლოს პრეზიდენტ დონალდ ტრამპის ვიზიტი იყო დაგეგმილი. ის მიიტყუეს იმ დაპირებით, რომ გუჯარათის შტატის სპორტულ მოედანზე მილიონიან აუდიტორიას დაახვედრებდნენ. ამ ყველაფერმა ბევრი დრო და ფული წაიღო. შემდეგ იყო დელის საკანონმდებლო ასამბლეის არჩევნები, რომელშიც პარტია ბჰარატია ჯანატა („ხალხის პარტია“) დამარცხებისთვის იყო განწირული, ძალისხმევის გაორმაგების მიუხედავად – მავნე, ყველაფრის მკადრებელი ინდუსნაციონალისტური კამპანიით. ეს კამპანია ფიზიკური ძალადობისა და „მოღალატეების“ ამოხოცვის მუქარით იყო გაჯერებული. ისინი მაინც დამარცხდნენ [ბჰარატია ჯანატა მეორე ადგილზე გავიდა]. ამიტომ ამ დამცირებაში ბრალდებული მუსლიმები უნდა დაესაჯათ. შეიარაღებული ინდუსი ვიჯილანტების ბრბომ დელიში, მუშათა კლასის დასახლებაში მცხოვრებ მუსლიმებს შეუტია. მათ პოლიციაც უმაგრებდა ზურგს. გადაწვეს სახლები, მაღაზიები, მეჩეთები და სკოლები. საპასუხოდ იმ მუსლიმებმაც შეუტიეს, რომლებიც ამბის ასეთ განვითარებას ელოდნენ. დაიღუპა 50-ზე მეტი ადამიანი. ათასობით ადამიანი ადგილობრივ სასაფლაოებზე მდებარე დევნილთა ბანაკებში გადასახლდა. ჯერ კიდევ დასახიჩრებული გვამებისგან ბინძურ, მყრალ საკანალიზაციო ქსელს ასუფთავებდნენ, როდესაც მთავრობის წევრებმა პირველი შეხვედრა გამართეს COVID-ის შესახებ და ინდოელთა უმეტესობამ პირველად გაიგო „ხელის სანიტაიზერის“ შესახებ. მარტის თვეც დატვირთული იყო. პირველი ორი კვირა დაეთმო ცენტრალურ შტატში, მადჰია-პრადეშში მთავრობის კონგრესს და „ხალხის პარტიის“ მთავრობის დანიშვნას. 11 მარტს ჯანდაცვის მსოფლიო ორგანიზაციამ COVID-19 პანდემიად გამოაცხადა. ორი დღის შემდეგ, 13 მარტს ჯანდაცვის მინისტრმა კი განაცხადა, რომ კორონა „ჯანმრთელობისთვის არ არის საგანგაშო“. საბოლოოდ, 19 მარტს ინდოეთის პრემიერ-მინისტრმა ერს მიმართა. ბევრი არ უვარჯიშია. მან უბრალოდ საფრანგეთისა და იტალიის სტრატეგიები მიითვისა. გაგვაფრთხილა „სოციალური დისტანცირების“ საჭიროებაზე (ეს მარტივი გასაგებია საზოგადოებისთვის, რომელიც ასე ღრმად არის ჩაფლული კასტურ წყობაში) და 22 მარტიდან კომენდანტის საათი გამოაცხადა. არაფერი უთქვამს იმაზე, თუ რის გაკეთებას აპირებდა მთავრობა კრიზისის დროს, თუმცა ხალხს სთხოვა, გამოსულიყვნენ აივნებზე და ჯანდაცვის მუშაკებთან მისასალმებლად ქვაბებსა და ტაფებზე დაეკრათ. პრემიერ-მინისტრს იმ დრომდე არც კი ეხსენებინა, ინდოეთი რომ კვლავ ეწეოდა დამცავი და სასუნთქი აღჭუღვილობების ექსპორტს. ნაცვლად იმისა, რომ ეს აღჭურვილობა საავადმყოფოებისა და სამედიცინო პერსონალისთვის შემოენახათ. გასაკვირი არც იყო, ნარენდა მოდის [პრემიერ-მინისტრის] წინადადებას დიდი ენთუზიაზმით რომ შეხვდნენ. ურტყამდნენ ქვაბებს, ცეკვავდნენ და აწყობდნენ პროცესიებს. მთლად სოციალური დისტანცირებაც არ გამოვიდა. მომდევნო დღეებში კი კაცი წმინდა ძროხის ნაკელის გროვაში ჩახტა, ხოლო „ხალხის პარტიის“ მხარდამჭერებმა ძროხის შარდის სმის წვეულებები გამართეს. ობიექტურობისთვის ისიც უნდა ითქვას, რომ ბევრმა მუსლიმურმა ორგანიზაციამ გამოაცხადა, რომ ყოვლისშემძლე [ღმერთი] იყო პასუხი ვირუსისთვის და მორწმუნეებს მეჩეთებში შეკრებისკენ მოუწოდა. 24 მარტს, საღამოს 8 საათზე მოდი ტელეკრანზე ისევ გამოჩნდა და გამოაცხადა, რომ შუაღამის შემდეგ მთელი ინდოეთი მკაცრი თვითიზოლაციის რეჟიმზე გადაერთვებოდა. მისივე თქმით, იზღუდებოდა კერძო და საზოგადოებრივი ტრანსპორტის გადაადგილება. ისიც დასძინა, რომ ამ გადაწყვეტილებას იღებდა არა როგორც პრემიერ-მინისტრი, არამედ როგორც ჩვენი ოჯახის უხუცესი. ვის შეუძლია გადაწყვიტოს, რომ 1.38-მილიარდიანი სრულიად მოუმზადებელი მოსახლეობა თვითიზოლაზიაში გადავიდეს? თან ისე, რომ ამის შესახებ 4 საათით ადრე ატყობინებ. მან ეს მთავრობასთან შეუთანხმებლად გადაწყვიტა, მთავრობას კი ამ გადაწყვეტილების საზიანო შედეგებთან გამკლავება მოუწევს. ინდოეთის პრემიერ-მინისტრი მოქალაქეებს მოიაზრებს მტრულ ძალად, რომელსაც თავს მოულოდნელად უნდა დაესხა და არასდროს ენდო – მისი მეთოდები სწორედ ასეთ შთაბეჭდილებას ტოვებს. და ვიყავით თვითიზოლაციაში. ჯანდაცვის ბევრი სპეციალისტი და ეპიდემიოლოგი ამ ნაბიჯს მიესალმა. შეიძლება, ისინი თეორიულად მართლები არიან. თუმცა, ცხადია, არცერთ მათგანს არ შეუძლია მხარი დაუჭიროს დამღუპველ რამეს – გეგმის არქონას. ან მზაობას, ანუ მსოფლიოს ყველაზე დიდ, სადამსჯელო იზოლაციას, რომელიც ბოლოს დასახული მიზნების სრულიად საპირისპირო მოვლენად იქცა. კაცმა, რომელსაც სეირის ყურება უყვარს, თვითონვე შექმნა ყველა სეირის სეირი. სანამ შეშფოთებული მსოფლიო აკვირდებოდა, ინდოეთმა ყველა თავისი სირცხვილი გამოააშკარავა – სისასტიკე, სტრუქტურულობა, სოციალური და ეკონომიკური უთანასწორობა, გაუხეშებული ინდიფერენტულობა ტანჯვის მიმართ. იზოლაციამ იმ ქიმიური ექსპერიმენტივით იმუშავა, დამალულ ნივთიერებებს რომ ამჟღავნებს. მაღაზიების, რესტორნებისა და სამშენებლო ინდუსტრიის დახურვასთან ერთად, მდიდარი და საშუალო კლასი გალავანშემორტყმულ დასახლებებში გამოიკეტა. ჩვენმა ქალაქებმა და მეგაქალაქებმა კი მუშათა კლასის თავიდან მოცილება დაიწყო. მიგრანტ მუშებს წანაზარდებივით იშორებდნენ. ბევრი მათგანი დამსაქმებელმა ან მიწათმფლობელმა გაიყვანა ქალაქიდან. ხოლო რადგანაც საზოგადოებრივი ტრანსპორტი არსად ჩანდა, საკუთარ სოფლებამდე ფეხით მსვლელობა დაიწყო მილიონობით ღატაკმა, მშიერმა, მწყურვალმა, ახალგაზრდამ და მოხუცმა, კაცმა, ქალმა, ბავშვმა, სნეულმა, შეზღუდული შესაძლებლობის მქონემ, მათ, ვისაც წასასვლელი აღარსად ჰქონდა. ისინი დღეების განმავლობაში მიაბიჯებდნენ ასობით კილომეტრით დაშორებულ ბადაუნისკენ, აგრასკენ, აზამგარჰისკენ, ალიგარჰისკენ, ლუქნავისკენ, გორაკჰპურისკენ. ზოგიერთი მათგანი გზაში დაიღუპა. მათ იცოდნენ, რომ შინ ბრუნდებოდნენ, რათა შიმშილი დაეოკებინათ. ალბათ ისიც იცოდნენ, რომ შეიძლებოდა ვირუსის გადამტანი ყოფილიყვნენ და ოჯახის წევრებისთვის, მშობლებისა და ბებია-ბაბუებისთვის გადაედოთ. თუმცა მათ საშინლად სჭირდებოდათ სიახლოვის ნამცეცი, საკვებივით სჭირდებოდათ – თუ სიყვარულივით არა – თავშესაფარი და ღირსების გრძნობა. სანამ მიდიოდნენ, ზოგიერთს კომენდანტის საათის წესების დარღვევის გამო სასტიკად უსწორდებოდა და ამცირებდა პოლიცია. ბიჭებს ქუჩაში ხტუნვასა და ბუქნების გაკეთებას აიძულებდნენ. ქალაქ ბარელისთან კი ადამიანები შეაჯგუფეს და ქიმიური სპრეი გადაასხეს. რამდენიმე დღის შემდეგ მთავრობამ ვირუსის გავრცელების შიშით შტატების შესასვლელები ქვეითებისთვისაც ჩაკეტა. ადამიანები, რომლებიც დღეების განმავლობაში სახლებისკენ მიიწევდნენ, შეაჩერეს და აიძულეს ქალაქების იმ ბანაკებში დაბრუნებულიყვნენ, საიდანაც ასევე იძულებით წამოვიდნენ. ხანდაზმულებს 1947 წლის გადასახლების მოგონებები გაუცოცხლდათ, როდესაც ინდოეთი გაიხლიჩა და პაკისტანი დაიბადა. ოღონდ იმ განსხვავებით, რომ ახლანდელი გამოსვლა [ბიბლ.] არა რელიგიამ, არამედ კლასობრივმა დაყოფამ განაპირობა. თუმცა ისინი ინდოეთის უღარიბეს ადამიანებს არ წარმოადგენდნენ. მათ სამსახური მაინც ჰქონდათ (აქამდე მაინც) ქალაქში და სახლი, სადაც დაბრუნდებოდნენ. უსამსახურონი, უსახლკარონი და უიმედონი ისევ იქ რჩებოდნენ, სადაც აქამდე იყვნენ – ქალაქებსა თუ სოფლებში, სადაც დიდ გაჭირვებას ამ ტრაგედიამდე კარგა ხნით ადრე ჰქონდა ფესვი გადგმული. ამ კოშმარული დღეების მიუხედავად, შინაგან საქმეთა მინისტრი ამიტ შაჰი საჯაროდ მაინც არ გამოჩენილა. როცა დელიში მსვლელობა დაიწყო, ღაზიპურამდე მისასვლელად იმ ჟურნალის პრესბარათი გამოვიყენე, რომლისთვისაც რეგულარულად ვწერ. ბიბლიური სცენა იყო. ან შეიძლება არც იყო. ბიბლია ვერ წარმოიდგენდა ადამიანების ასეთ სიმრავლეს. ფიზიკური დისტანცირების მიზნით გამოცხადებულმა თვითიზოლაციამ საპირისპირო შედეგი გამოიღო – წარმოუდგენელი მასშტაბის ფიზიკური სიმჭიდროვე. ინდოეთის ქალაქებშიც კი ეს არის სინამდვილე. მთავარი ქუჩები შეიძლება ცარიელი იყოს, მაგრამ ღარიბები გამოკეტილნი არიან ბარაკებში, ჯურღმულებსა და ქოხმახებში. მსვლელობაში მონაწილეთაგან ვისაც ვესაუბრე, ყველა ღელავდა ვირუსის გამო. თუმცა ის ამ ადამიანების ცხოვრებაში ნაკლებად რეალური, ნაკლებად ხელშესახები იყო, განსხვავებით მოსალოდნელი უმუშევრობისგან, შიმშილისა და პოლიციის ძალადობისგან. ყველა იმ ადამიანს შორის, ვისაც გავესაუბრე (მათ შორის ერთი კვირით ადრე ანტიისლამურ თავდასხმებს გადარჩენილ მუსლიმი მკერავების ჯგუფს), ერთი კაცის სიტყვებმა განსაკუთრებით ამაღელვა. ის დურგალი იყო, მარჯიტი ერქვა და გორახპურამდე, ნეპალის საზღვრის მახლობლად განეზრახა მისვლა. „იქნებ, როცა ბატონი მოდი ამ გადაწყვეტილებას იღებდა, ჩვენ შესახებ არვინ არაფერი უთხრა. იქნებ მან ჩვენზე არ იცის?“, – თქვა მან. ეს „ჩვენ“ დაახლოებით 460 მილიონი ადამიანია. შტატების ადგილობრივმა მთავრობებმა (აშშ-ის მსგავსად) მეტი გულისხმიერება გამოიჩინეს კრიზისის დროს. სავაჭრო გაერთიანებები, კერძო პირები და სხვადასხვა კოლექტივი საკვებსა და განსაკუთრებით საჭირო პროდუქტებს არიგებდნენ. ცენტრალური მთავრობა კი აუჩქარებლად პასუხობდა ადგილობრივ ხელისუფლებათა სასოწარკვეთილ თხოვნებს ფულად სახსრებზე. ირკვევა, რომ პრემიერ-მინისტრის დახმარების ეროვნულ ფონდს არ გააჩნია ხელმისაწვდომი მზა თანხა. ამის ნაცვლად, კეთილისმსურველთა ფული როგორღაც ახალ ამოუცნობ ფონდში PM-CARES-ში გადაუტანიათ. წინასწარ შეფუთულმა საკვებმაც დაიწყო გამოჩენა, შეფუთვებზე პრემიერ-მინისტრის სახე იყო გამოსახული. ამ ყველაფერთან ერთად, პრემიერ-მინისტრმა იოგა ნიდრას ვიდეო გამოაქვეყნა. ვიდეოში კომპიუტერული ანიმაციით შექმნილი, საოცნებო სხეულის მქონე თავისივე პროტოტიპი იოგას მოძრაობებს ასრულებს, რათა ხალხს თვითიზოლაციის სტრესთან გამკლავებაში დაეხმაროს. ნარცისიზმი ძალზედ შემაწუხებელია. შეიძლება, ერთ-ერთი ასანა [იოგას პოზა] სათხოვარი ასანა იყოს, რომლის მეშვეობითაც პრემიერი მოდი საფრანგეთის პრემიერ-მინისტრს სთხოვს: დაგვრთოს ნება, რომ დავარღვიოთ ის პრობლემური შეთანხმება Rafale-ის რეაქტიულ გამანადგურებლებზე [ინდოეთის მთავრობამ საფრანგეთისგან 7,8 მილიარდ ევროდ 36 ახალი საბრძოლო ხომალდი შეისყიდა] და ის 7,8 მილიარდი ევრო სასიცოცხლოდ მნიშვნელოვან საგანგებო ღონისძიებებს მოვახმაროთ მილიონობით მშიერი ადამიანის დასახმარებლად. ფრანგებიც უეჭველად გაგვიგებენ. თვითიზოლაციის მეორე კვირას მომარაგების ჯაჭვი წყდება, წამლები და განსაკუთრებული მნიშვნელობის მარაგები თავდება. ათასობით სატვირთოს მძღოლი ცოტაოდენი საკვებითა და წყლით შუა გზაშია მიტოვებული. მოსამკელად გამზადებული თავთავები ნელ-ნელა ლპება. დგას ეკონომიკური კრიზისი. მიმდინარეობს პოლიტიკური კრიზისი. კორონავირუსის ამბავი მეინსტრიმულმა მედიამ ერთხმად გადააქცია 24-საათიან, ტოქსიკურ ანტიმუსლიმურ კამპანიად. „სუპერგამავრცელებელი“ აღმოჩნდა ორგანიზაცია Tablighi Jamaat. ისინი ინფორმაციას მუსლიმთა სტიგმატიზებისა და დემონიზების მიზნით ავრცელებდნენ. ზოგადი რიტორიკა კი ისეთი იყო, თითქოს მუსლიმებმა შექმნეს ვირუსი და გაავრცელეს, როგორც ჯიჰადის ფორმა. Covid-ის კრიზისი ჯერ კიდევ წინ არის. ან არ არის. არ ვიცით. თუ/როდესაც ეს კრიზისი დადგება, შეგვიძლია დარწმუნებულნი ვიყოთ, რომ არსებული ცუდი წინასწარგანწყობები რელიგიის, კასტისა და კლასის მიმართ კიდევ უფრო გამძაფრდება. დღეს (2 აპრილს) ინდოეთში კორონავირუსის თითქმის 2 000 დადასტურებული შემთხვევა და 58 გარდაცვლილია. ცხადია, ეს მონაცემები სანდო არც არის, რადგან ის, სამწუხაროდ, ტესტების უმნიშვნელო რაოდენობას ემყარება. ექსპერტთა მოსაზრებები ერთმანეთს არ ემთხვევა. ზოგიერთი მილიონობით ინფიცირებულს წინასწარმეტყველებს. სხვები ფიქრობენ, რომ დანაკარგი გაცილებით ნაკლები იქნება. ჩვენ შეიძლება ვერასდროს დავინახოთ კრიზისის კონტურები, მაშინაც კი, როცა ჩვენ შემოგვიტევს. რაც ვიცით, ის არის, რომ ჯერ საავადმყოფოებზე მოთხოვნა არ გაზრდილა. ინდოეთის სახელმწიფო ჰოსპიტლები და კლინიკები ვერ უმკლავდებიან მილიონამდე ბავშვს, რომლებიც ყოველწლიურად იღუპებიან დიარეის, საკვების უკმარისობისა და ჯანმრთელობის სხვა პრობლემების გამო. ვერ უმკლავდებიან ტუბერკულიოზით დაავადებულ ასობით ათას პაციენტს (მსოფლიოში დაავადებულთა მეოთხედი), ანემიურ და კვების უკმარისობით დასუსტებულ პოპულაციას, რომლისთვისაც ნებისმიერი ავადმყოფობა შეიძლება ფატალური აღმოჩნდეს – აქ ისეთ კრიზისს ვერ გაუმკლავდებიან, როგორიც ამერიკასა და ევროპაშია. მთელი ჯანდაცვა მეტ-ნაკლებად შეჩერებულია, რადგან საავადმყოფოები ვირუსთან ბრძოლაზე გადაერთნენ. ინდოეთის სამედიცინო დისციპლინების ლეგენდარული ინსტიტუტის ტრავმის ცენტრი დახურულია. კიბოთი დაავადებული ასობით პაციენტი კი, რომლებიც საავადმყოფოს გზებზე ცხოვრობენ, ნახირივით გაფანტულა. მათ „კიბოს დევნილების“ სახელით იცნობენ. ადამიანები დაავადდებიან და სახლებში დაიხოცებიან. ჩვენ მათი ამბავი შეიძლება ვერასოდეს გავიგოთ. ისინი შეიძლება სტატისტიკადაც კი ვერ იქცნენ. ჩვენ მხოლოდ იმედიღა გვრჩება, რომ ის მკვლევრები, რომელთა აზრითაც, ვირუსს ცივი ამინდი მოსწონს, არ ცდებიან (თუმცა სხვა მკვლევრებს ამაში ეჭვი ეპარებათ). ასე ძლიერად, ასე ირაციონალურად ხალხს არასოდეს უნატრია მწველი, სასტიკი ინდური ზაფხული. რა არის ეს, რაც ჩვენ დაგვემართა? კი, ვირუსია. მას არ გააჩნია მორალური ღირებულება. თუმცა ის ნამდვილად ვირუსზე მეტია. ზოგიერთს სწამს, რომ ეს უფლის გზაა ჩვენს აზრზე მოსაყვანად. ზოგიერთის აზრით, ეს ჩინური კონსპირაციაა, რათა მსოფლიოზე ბატონობა შეძლონ. #პოლიტიკა #პანდემია #კრიზისი
Headline
Tbilisi, Georgia · 2 months ago
კორონავირუსის გავრცელების მიუხედავად პოლონეთი ეკონომიკურ შეზღუდვებს ამცირებს
პოლონეთის ხელისუფლება ქვეყნის ტერიტორიაზე კორონავირუსის გავრცელების გამო დაწესებული შეზღუდვების მოხსნას მიმდინარე კვირას გეგმავს. აღნიშნულის შესახებ ინფორმაციას სააგენტო Reuters ადგილობრივ ხელისუფლებაზე დაყრდნობით ავრცელებს. მმართველი პარტია „კანონი და სამართალის“ (PiS) მიერ გაკეთებული განცხადებით, პანდემიური მდგომარეობა ეკონომიკაზე მნიშვნელოვან უარყოფით ზეგავლენას ახდენს და საზოგადოებრივი ცხოვრების შეზღუდვა ქვეყანას ყოველდღიურად 10 მლრდ. ზლოტამდე (დაახლოებით $2,42 მლრდ.) შემოსავალს აკარგვინებს. რამდენიმე ევროპულმა სახელმწიფომ, მათ შორის ჩეხეთის რესპუბლიკამ, უკვე დაიწყო ეკონომიკური შეზღუდვების შერბილება, იქიდან გამომდინარე, რომ კორონავირუსით ინფიცირების შემთხვევები თანდათანობით შენელდა. პოლონეთში ვირუსით ინფიცირების ახალი შემთხვევები ზრდის ტემპი არ შეცვლილა. სამშაბათის, 14 აპრილის მდგომარეობით, პოლონეთში კორონავირუსით ინფიცირებულთა რაოდენობა 7000 ადამიანს აჭარბებს, ხოლო დაღუპულთა რიცხხი 250-ზე მეტია. „ჩვენ თანდათანობით ვიწყებთ ეკონომიკის ამუშავებას, რაც უკვე კარგი სიახლეა“, - განაცხადა ქვეყნის ჯანდაცვის მინისტრმა ლუკაშ შუმოვსკიმ. შეზღუდვების შერბილების მიუხედავად, ყველა პოლონელი ვალდებულია საზოგადოებრივი თავშეყრის ადგილებში სამედიცინო ნიღაბი ატაროს. დამატებით, პოლონეთის ტერიტორიაზე საჯარო სკოლები 26 აპრილამდეა დახურული, ხოლო სამეწარმეო საქმიანობა 19 აპრილამდე არის აკრძალული. რაც შეეხება საზღვრებს, ის 3 მაისამდე არის დაკეტილი. წყარო: Reuters #Coronavirus #Poland #Economy #Headline
Mediamall
Tbilisi, Georgia · 3 months ago
რომის პაპი წმინდა პეტრეს ცარიელ მოედანზე ლოცვას აღავლენს
რომის პაპი წმინდა პეტრეს ცარიელ მოედანზე ლოცვას აღავლენს. „ქალაქსა და ქვეყნიერებას“ – ასე ჰქვია პაპი ფრანცისკეს საგანგებო მიმართვას, რომელიც პაპმა კრიზისთან დაკავშირებით დანიშნა. პაპის თქმით, კორონავირუსმა ყველა ერთ გემზე მოაქცია. „ეს კრიზისი არის სოლიდარობის ტესტი და მთავარი ღირებულებების გახსენების შესაძლებლობა“,- აღნიშნა პაპმა ფრანცისკემ. პაპმა მადლობა გადაუხადა ექიმებს, მაღაზიების თანამშრომლებს, პოლიციელებს, მოხალისეებს და თქვა, რომ სწორედ ეს ადამიანები წყვეტენ ახლა ჩვენს ბედს. „ურბი ეტ ორბი“ – ამ მიმართვას როგორც წესი ათასობით ადამიანი ესწრება ყოველწლიურად, მაგრამ წელს კორონავირუსის გავრცელების პრევენციისთვის დაწესებული შეზღუდვების გამო წმინდა პეტრეს მოედანზე ხალხი არ დგას. ცერემონიის ტრანსლაცია ვატიკანის ტელევიზიის საშუალებით ხდება.#rome #pope #vatican #stopcovid19 #coronavirus #covid19 #urbietorbi