ქობულეთი მძიმე საკარანტინო რეჟიმზე გადავიდა!

0
პოლიცია ქობულეთის მუნიციპალიტეტის ადმინისტრაციულ ერთეულებში სპეციალური საკარანტინო რეჟიმის აღსრულებას უზრუნველყოფს. ამის შესახებ „ინტერპრესნიუსს“ შინაგან საქმეთა სამინისტროდან აცნობეს. მათივე ინფორმაციით, როგორც ცნობილია, უწყებათშორისი საკოორდინაციო საბჭოს მიერ მიღებული გადაწყვეტილების შესაბამისად, მაღალი ეპიდემიოლოგიური რისკის გამო, ქობულეთის მუნიციპალიტეტის ადმინისტრაციულ ერთეულებში - გვარა, მუხაესტატე, ლეღვა, წყავროკა მკაცრ საკარანტინო შეზღუდვები დაწესდა. საგანგებო მდგომარეობის ფარგლებში დაწესებულ მკაცრ საკარანტინო შეზღუდვებს და საზოგადოებრივი წესრიგის დაცვას ადმინისტრაციულ ერთეულებში შინაგან საქმეთა სამინისტროს თანამშრომლები 24 საათის განმავლობაში უზრუნველყოფენ. მათივე ინფორმაციით, საკარანტინო პირობები და სპეციალური რეჟიმი ქობულეთის მუნიციპალიტეტის ადამინისტრაციულ ერთეულებში მოქალაქეთა შესვლისა და გამოსვლის შეზღუდვასაც ითვალისწინებს. გვარას, მუხაესტატეს, ლეღვას და წყავროკას შემსვლელ და გამსვლელ საგანგებოდ მოწყობილ სპეციალურ გამშვებ პუნქტებზე კონტროლს პოლიცია და თავდაცვის ძალები განახორციელებენ. გარდა ამისა, როგორც საკარანტინო ზონებში, ასევე სპეციალურ გამშვებ პუნქტებზე მოხდება მოქალაქეთა პირველადი თერმოსკრინინგი. „შინაგან საქმეთა სამინისტროს თანამშრომლები ადგილობრივ მოსახლეობას საკარანტინო შეზღუდვებს განუმარტავენ და საჭიროების შემთხვევაში მაქსიმალურად დაეხმარებიან. საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. საგანგებო მდგომარეობის ფარგლებში დაწესებულ მკაცრ საკარანტინო შეზღუდვებს და საზოგადოებრივი წესრიგის დაცვას პოლიცია მარნეულის, ბოლნისის და ლენტეხის მუნიციპალიტეტებშიც უზრუნველყოფს“, - ნათქვამია ინფორმაციაში.
#news
#politics
#opinion
#events
#art
#photo
#coronavirus
0