აშშ-ში ნავთობის კომერციული მარაგების მოცულობა რეკორდულ მაჩვენებლამდე გაიზარდა. ამის შესახებ ინფორმაციას აშშ-ის ენერგეტიკის შესახებ ინფორმაციის სამმართველო ავრცელებს. უწყების ინფორმაციით, 30 მაისიდან 5 ივნისამდე პერიოდში აშშ-ის ნავთობის კომერციული მარაგების მოცულობა 1,1%-ით გაიზარდა და ჯამურად 538 მილიონ ბარელს გაუტოლდა, რაც ამგვარი სტატისტიკის წარმოების ისტორიაში ყველაზე მაღალი მაჩვენებელია. სამმართველოს მიერ მომზადებულ დასკვნაში ნათქვამია, რომ ნავთობის კომერციული მარაგების ამჟამინდელი მოცულობა, დაახლოებით 14%-ით აღემატება ბოლო 5 წლის საშუალო მაჩვენებელს. ხოლო, წინა წლის ანალოგიურ პერიოდთან შედარებით მარაგების მოცულობის ზრდამ 10% შეადგინა. მსოფლიოს ერთ-ერთი უმსხვილესი საინვესტიციო ბანკის, Goldman&Sach-ის ანალიტიკოსები მომდევნო კვირებში ნავთობის ფასის საგრძნობ ვარდნას პროგნოზირებენ. ფასების შესაძლო ვარდნის მიზეზად ანალიტიკოსები რამდენიმე ფაქტორს ასახელებენ, მათ შორის უცნობია თუ რამდენად მაღალი იქნება მოთხოვნა ნავთობზე, ასევე, მნიშვნელოვანი იქნება ნავთობის უკვე დაგროვილი მარაგები, რომელიც მაქსიმალურ ნიშნულზეა.

ერთი ბარელი ნედლი ნავთობის ღირებულებამ 2002 წლის შემდეგ ისტორიულ მინიმუმს მიაღწია - მისი ფასი 22,77 დოლარს შეადგენს. ანალიტიკოსთა აზრით, ნავთობის ფასის ვარდნა რუსეთსა და საუდის არაბეთს შორის ჩაშლილი შეთანხმების ბრალია - ქვეყნები ნავთობის მოპოვების დონეზე ვერ შეთანხმდნენ. ამის გამო, საუდის არაბეთი წლევანდელი აპრილიდან ნავთობის მოპოვებას აქამდე არნახულ ნიშნულამდე - 13 მილიონ ბარელამდე გაზრდის. სპეციალისტების აზრით, ნავთობის ფასი კლებას განაგრძობს. მათი მოსაზრებით, ერთი ბარელის ღირებულება სულ მცირე 20 დოლარამდე დაიწევს. ამასთან ერთად, ხაზგასასმელია კორონავირუსის ეფექტიც - COVID19-მა მსოფლიო სრულ შოკში ჩააგდო. სწორედ ამიტომ, ეკონომისტები ნავთობის ფასის უფრო დიდ შემცირებას არ გამორიცხავენ. #ნავთობი #oil #ეკონომიკა #სიახლე #რუსეთი #საუდისარაბეთი #პოლიტიკა # #politics #news #economics

Forbes-ის მიხედვით, Amazon-ს დამფუძნებლის ჯეფ ბეზოსის ქონება 182,6 მლრდ დოლარს შეადგენს. გამოცემის ინფორმაციით, 1,54 ტრილიონ დოლარამდე გაიზარდა Amazon-ს კაპიტალიზაციაც. Bloomberg-ის თანახმად, ჯეფ ბეზოსის ქონება ამერიკის მშპ-ს 0,89%-ის ექვივალენტია. ამასთან, ის მსოფლიოში უმდიდრესი 500 ადამიანის საერთო ქონების 3%-ს ფლობს. გთავაზობთ Forbes-ის უახლეს მონაცემებს: ჯეფ ბეზოსი - 182,6 მლრდ დოლარი ბილ გეითსი - 110,7 მლრდ დოლარი ბერნარ არნო - 110,1 მლრდ დოლარი მარკ ცუკერბერგი - 89,6 მლრდ დოლარი სტივ ბოლმერი - 74,1 მლრდ დოლარი ლარი ელისონი - 72,4 მლრდ დოლარი უორენ ბაფეტი - 71,5 მლრდ დოლარი მუკეშ ამბანი - 68,3 მლრდ დოლარი ლარი პეიჯი - 67,1 მლრდ დოლარი სერგეი ბრინი - 65,4 მლრდ დოლარი ამაზონი forbes amazon

თეთრი სახლი და სენატი აშშ-ის ეკონომიკისთვის საჭირო $500 მლრდ-ის დახმარების პაკეტის გამოყოფაზე შეთანხმდნენ, რომელიც კორონავირუსული პანდემიით გამოწვეულ შედეგებს აღმოფხვრის. აქვე პრეზიდენტი დონალდ ტრამპი კონგრესს მოუწოდებს სწრაფ ტემპში შეძლონ ახალი პაკეტის განხილვა, რათა კრიზისის დასაძლევად საჭირო მოქმედებების განხორციელება დროულად მოხდეს. ქვეყნის პირეველი პირის მიერ, წინასწარ დამტკიცებული კანონპროექტი მცირე ბიზნესის დასახმარებლად $321 მლრდ-ის გამოყოფას ითვალისწინებს. გარდა ამისა, მცირე ბიზნესისთვის გათვალისწინებულია $60 მლრდ-ის ოდენობის კრედიტის გამოყოფა, ვირუსით გამოწვეული ზარალის ასანაზღაურებლად. $75 მლრდ. გამოიყოფა საავადმყოფოებისა და კლინიკების მხარდასაჭერად, ხოლო $25 მლრდ. კორონავირუსის ტესტირების ეროვნული პროგრამის განსახორციელებლად. პროექტისთვის ხმის მიცემის პროცედურა სენატში, მომდევნო სამშაბათს, 28 აპრილს გაიმართება, ხოლო 2 დღის შემდეგ კონგრესში. 21 აპრილს, თეთრ სახლში შეთანხმებული კანონპროექტი იქნება რიგით მე-4 მსხვილი საკანონომდებლო აქტი, რომელიც პანდემიის დასაძლევად არის მიმართული. 22 აპრილის მდგომარეობით, აშშ-ში კორონავირუსით ინფიცირები 819 000-ზე მეტი შემთხვევაა, საიდანაც 45 000-ზე მეტი სიკვდილით დასრულდა. ხოლო უმუშევრად ამერიკის 22 მლნ. მოქალაქე დარჩა. მომზადებულია რატი ერისთავის მიერ. წყარო: $500 billion coronavirus aid package passes U.S. Senate, headed to House (22.04.2020), #coronavirus #USA #economy #crisis #headline#stopcovid19

G20-ის ლიდერები შეთანხმდნენ, კორონავირუსთან საბრძოლველად $5 ტრილიონი გამოყონ. Reuters-ის ინფორმაციით, მათ ეს გადაწყვეტილება ვიდეოკონფერენციის შემდეგ მიიღეს, რადგან პანდემიის გამო შეხვედრა ვერ შეძლეს. აღნიშნული თანხა გამოიყო კორონავირუსის პანდემიის დასამარცებლად და მსოფლიო ეკონომიკის სტიმულირებისათვის. ასევე, ლიდერებმა განაცხადეს, რომ იზრუნებენ პირველადი საჭიროების ნივთებისა და მედიკამენტების დეფიციტის აღმოსაფხვრელად. კორონავირუსით ინფიცრებულთა რიცხვმა მსოფლიოში ნახევარ მილიონს გადააჭარბა ბოლო მონაცემებით, ინფიცირებულია 524 007 ადამიანი. კორონავირუსისგან გარდაიცვალა 23 670, გამოჯანმრთელდა — 123 322 პირი. ონ.ჯი

ორშაბათს, 8 ივნისს ნავთობზე ფასები 3%-ით დაეცა, საუდის არაბეთის განცხადების შემდეგ, რომ OPEC -ის ქვეყნების მიერ ნავთობპროდუქტებზე მიწოდების შემცირება არ მოიცავს სპარსეთის ყურის ქვეყნების მხრიდან დამატებითი მიწოდების ნებაყოფლობითი შემცირების უზრუნველყოფას. მიყოლებით შვიდი სესიის ზრდის შემდეგ ე.წ. ბრენტის მარკის ნავთობის ფიუჩერსი $1,30-ით, ანუ 3,15%-ით შემცირდა და ბარელი $41 შეადგინა. რაც შეეხება ე.წ. WTI-ის მარკის ნავტობის ფასს, ის $1,35-ით (3,4%-ით) შემცირდა და ბარელზე $38,20 შეადგინა. მომზადებულია რატი ერისთავის მიერ.OPEC oil Saudi headline