მარნეულში კორონავირუსის დაინფიცირების ახალი შემთხვევა გამოვლინდა. პაციენტი მარნეულის "ჯეო ჰოსპიტალის" კლინიკაში გადაიყვანეს. გავრცელენული ინფორმაციით, ინფიცირებული 62 წლის მამაკაცია, ის ბოლნისიდან კლინიკაში, ხველით, მაღალი სიცხის სიმპტომებით შეიყვანეს. როგორც "ჯეო ჰოსპიტალსის" ექიმი ამბობს, მამაკაცს მოგზაურობის ისტორია არ აქვს და რამოდენიმე საათში პაციენტს თბილისის კლინიკაში გადაიყვანენ.

საქართველოში კორონავირუსით დაინფიცირების 2 ახალი ახალი შემთხვევა დაფიქსირდა. ამის შესახებ ინფორმაციას ინფექციური საავადმყოფო ავრცელებს. კლინიკის პრესსამსახურის განმარტებით, ერთ პაციენტს კორონავირუსი ორჯერ ჩატარებული ტესტით დაუდგინდა, მეორე პაციენტთან მიმართებაში კი დადებითი პასუხი პირველმა ტესტმა აჩვენა, განმეორებითი ტესტი კი მას ამჟამად უტარდება. საავადმყოფოს სამედიცინო დირექტორის, მარინა ეზუგბაიას განცხადებით, პირველი პაციენტი ბოლო სამი შემთხვევიდან ერთ-ერთის კონტაქტია, მეორე პაციენტთან დაკავშირებით კი ჯერჯერობით დამატებითი ინფორმაცია ცნობილი არ არის. „ეს პაციენტი გახლავთ ბოლო სამი შემთხვევის ერთ-ერთი კონტაქტი. ამ ეტაპზე ჩვენთან დადასტურებული წევს 29 შემთხვევა. შემოსული ახალი პაციენტის მდგომარეობა ჯერჯერობით, გამოხატული კლინიკით ფასდება, როგორც საშუალო სიმძიმის. დღეს ჩაუტარდება მას დამადასტურებელი კვლევები კიდევ განმეორებით. დანარჩენი პაციენტების მდგომარეობა სტაბილურია,” - აღნიშნა მარინა ეზუგბაიამ. საქართველოში კორონირუსით დაინფიცირების 35 შემთხვევა დადასტურდა. აქედან ერთი, პირველი პაციენტი, რომელიც საქართველოში ირანიდან შემოვიდა, გამოჯანმრთელდა. იგი გუშინ საავადმყოფოდან გაწერეს.#კორონავირუსი #ინფიცირება #ინფექციურისაავადმყოფო #tbilisidaily

აზერბაიჯანში​ კორონავირუსით ინფიცირების 127 ახალი შემთხვევა გამოვლინდა. აზერბაიჯანის მედია წერს, რომ ბოლო ერთ დღეში კოროანვირუსს სამი ადამიანი ემსხვერპლა, 107 კი გამოჯანმრთელდა. ეპიდემიის დაწყების შემდეგ აზერბაიჯანში „კოვიდ-19“ 4 000-მდე ადამიანს დაუდგინდა, 2 500-ზე მეტი გამოჯანმრთელდა, 49 კი, დაიღუპა. ამ დროისთვის, საგანგებო რეჟიმის საავადმყოფოებში 1 427 ადამიანი მკურნალობს, რომელთაგან 44-ის ჯანმრთელობის მდგომარეობა მძიმეა. აზერბაიჯანში საერთო ჯამში 265 000-ზე მეტი ტესტი გაკეთდა.

სომხეთში ბოლო დღე-ღამეში კორონავირუსით ინფიცირების 580 ახალი შემთხვევა გამოვლინდა. ამის შესახებ ინფორმაციას სომხური მედია ქვეყნის ჯანდაცვის სამინისტროს დაავადებათა კონტროლის და პროფილაქტიკის ეროვნულ ცენტრზე დაყრდნობით ავრცელებს. ეპიდემიის დაწყების შემდეგ, სომხეთში კორონავირუსული ინფექცია უკვე 27 900 ადამიანს დაუდასტურდა. ბოლო 24 საათში სომხეთში „კოვიდ-19“-ს რვა ადამიანი ემსხვერპლა. ეპიდემიის დაწყების შემდეგ საერთო ჯამში სომხეთში კორონავირუსული ინფექციით 477 ადამიანი დაიღუპა. გასული დღე-ღამის განმავლობაში სომხეთის ერთი მოქალაქე სხვა დაავადებით დაიღუპა, რომელსაც კორონავირუსული ინფექცია ჰქონდა. ასეთი შემთხვევების რიცხვი სომხეთში 157-ს აღწევს. ამ დროისთვის სომხეთის საავადმყოფოებში 11 331 ადამიანი მკურნალობს, 15 935 კი უკვე გამოჯანმრთელდა.

საქართველოში კორონავირუსით ინფიცირების შემთხვევათა რაოდენობა ბოლო 24 საათში 3-ით გაიზარდა და 638 გახდა.ამის შესახებ ინფორმაცია მთავრობის მიერ შექმნილ სპეციალურ ვებ-გვერდზე stopcov.ge-ზე არის განთავსებული. გამოჯანმრთელებულთა რაოდენობა კი 8-ით გაიზარდა და 317 გახდა. კარანტინის რეჟიმშია 4896 ადამიანი, ხოლო სტაციონარში მეთვალყურეობის ქვეშ - 444 პირი. ინფორმაციისთვის, ადამიანიდან გამოჯანმრთელებულია, ხოლო 10 გარდაიცვალა. ამასთან, უცხოეთიდან სამკურნალოდ გადმოყვანილია საქართველოს 3 მოქალაქე.

გერმანიაში გასული დღე-ღამის განმავლობაში კორონავირუსის 687 ახალი შემთხვევა გამოვლინდა. ინფორმაციას გამოცემა „გარდიანი“ რობერტ კოხის ინსტიტუტზე დაყრდნობით ავრცელებს. გერმანიაში კორონავირუსით ინფიცირებულთა საერთო რაოდენობა 193 243-ია. ამასთან, გასული დღე-ღამის განმავლობაში ქვეყანაში ვირუსით ექვსი ადამიანი გარდაიცვალა. საერთო ჯამში, ვირუსის გავრცელებიდან დღემდე, გერმანიაში „კოვიდ-19“-ით 8 954 ადამიანი გარდაიცვალა.