9 votes
0 comments
1 shares
Save
ჩინეთში კორონავირუსის ახალი შემთხვევები ფიქსირდება
1336 views
Headline
Tbilisi · 3 months ago

ჩინეთში 1 დღეში COVID-19- ის 108 ახალი შემთხვევა გამოვლინდა

ჩინეთში 1 დღეში COVID-19- ის 108 ახალი შემთხვევა გამოვლინდა. ინფიცირებულთა ასეთი მაღალი მაჩვენებელი ქვეყანაში ერთი თვეა არ დაფიქისირებულა. ოფიციალური ინფორმაციით ყველა შემთხვევა იმპორტირებულია.

გლობალურმა პანდემიამ 114,000-ზე მეტი ადამიანი იმსხვერპლა. ამჟამად ყველაზე რთული ვითარებაა შეერებულ შტატებში, სადაც ნახევარ მილიონზე მეტი ინფიცირებული და 22 000-ზე მეტი გარდაცვლილია. რთული ვითარებაა იტალიასა და ესპანეთშიც. საფრანგეთში კი ვირუსის გავრცელების ტემპი იკლებს.

წყარო - BBC

#pandemic #covid19 #coronavirus #headline
Headline
Tbilisi · 3 months ago
Similar Posts
Tbilisi Daily
Tbilisi, Georgia · 3 months ago
რეანიმაციულ განყოფილებაში მოთავსებული 4 პაციენტის ჯანმრთელობის მდგომარეობა მძიმეა - ლევან რატიანი
რეანიმაციულ განყოფილებაში მოთავსებული 4 პაციენტის ჯანმრთელობის მდგომარეობა მძიმეა, ხოლო სამის კრიტიკული. ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა განცხადა. მისი თქმით, კლინიკა დატოვა 24 კვირის ორსულმა, ხოლო მეორე ფეხმძიმის მდგომარეობა სტაბილურია. რატიანმა ჟურნალისტებთან საუბრისას ასევე აღნიშნა, რომ კლინიკაში მოთავსებული სამი მოზარდის ჯანმრთელობის მდგომარეობაც სტაბილურია. „რეანიმაციაში მყოფი 4 პაციენტის ჯანმრთელობის მდგომარობა მძიმეა, ხოლო სამი კრიტიკული რჩება. ასევე მინდა გითხრათ, რომ გუშინ ჩვენგან 24 კვირის ორსული ქალბატონი გაეწერა. მეორე, 9 კვირის ორსულის ჯანმრთელობის მდგომარეობა სტაბილურია. პაციენტი 14 დღის გავლას ელოდება, რომ პროტოკოლის მიხედვით, ტესტირება ჩაუტარდეს. ასევე, იცით, რომ კლინიკაში გვყავს სამი მოზარდი და მათი ჯანმრთელობის მდგომარეობა ამ ეტაპზე სტაბილურია“,- განაცხადა რატიანმა.#კორონავირუსი #პაციენტები #ლევანრატიანი #tbilisidaily
Headline
Tbilisi, Georgia · 2 months ago
კორონავირუსის გავრცელების მიუხედავად პოლონეთი ეკონომიკურ შეზღუდვებს ამცირებს
პოლონეთის ხელისუფლება ქვეყნის ტერიტორიაზე კორონავირუსის გავრცელების გამო დაწესებული შეზღუდვების მოხსნას მიმდინარე კვირას გეგმავს. აღნიშნულის შესახებ ინფორმაციას სააგენტო Reuters ადგილობრივ ხელისუფლებაზე დაყრდნობით ავრცელებს. მმართველი პარტია „კანონი და სამართალის“ (PiS) მიერ გაკეთებული განცხადებით, პანდემიური მდგომარეობა ეკონომიკაზე მნიშვნელოვან უარყოფით ზეგავლენას ახდენს და საზოგადოებრივი ცხოვრების შეზღუდვა ქვეყანას ყოველდღიურად 10 მლრდ. ზლოტამდე (დაახლოებით $2,42 მლრდ.) შემოსავალს აკარგვინებს. რამდენიმე ევროპულმა სახელმწიფომ, მათ შორის ჩეხეთის რესპუბლიკამ, უკვე დაიწყო ეკონომიკური შეზღუდვების შერბილება, იქიდან გამომდინარე, რომ კორონავირუსით ინფიცირების შემთხვევები თანდათანობით შენელდა. პოლონეთში ვირუსით ინფიცირების ახალი შემთხვევები ზრდის ტემპი არ შეცვლილა. სამშაბათის, 14 აპრილის მდგომარეობით, პოლონეთში კორონავირუსით ინფიცირებულთა რაოდენობა 7000 ადამიანს აჭარბებს, ხოლო დაღუპულთა რიცხხი 250-ზე მეტია. „ჩვენ თანდათანობით ვიწყებთ ეკონომიკის ამუშავებას, რაც უკვე კარგი სიახლეა“, - განაცხადა ქვეყნის ჯანდაცვის მინისტრმა ლუკაშ შუმოვსკიმ. შეზღუდვების შერბილების მიუხედავად, ყველა პოლონელი ვალდებულია საზოგადოებრივი თავშეყრის ადგილებში სამედიცინო ნიღაბი ატაროს. დამატებით, პოლონეთის ტერიტორიაზე საჯარო სკოლები 26 აპრილამდეა დახურული, ხოლო სამეწარმეო საქმიანობა 19 აპრილამდე არის აკრძალული. რაც შეეხება საზღვრებს, ის 3 მაისამდე არის დაკეტილი. წყარო: Reuters #Coronavirus #Poland #Economy #Headline
Headline
Tbilisi, Georgia · 2 months ago
გერმანიაში ბოლო 24 საათში კორონავირუსის 1 251 შემთხვევა გამოვლინდა
გასული დღე-ღამის განმავლობაში, გერმანიაში „კოვიდ-19“-ის 1 251 ახალი შემთხვევა გამოვლინდა. გერმანიაში კორონავირუსის შედეგად ბოლო 24 საათში 147 ადამიანი დაიღუპა. „კოვიდ-19“-ის გავრცელებიდან დღემდე, გერმანიაში ვირუსით ინფიცირების 168 551 შემთხვევაა დაფიქსირებული, გარდაიცვალა 7 369 ადამიანი. ანგელა მერკელი შეზღუდვების მოხსნაზე საუბრობდა. გერმანია კი ერთ-ერთ უსაფრთხო ქვეყანად ითვლებოდა. #კორონა #კორონავირუსი #კოვიდ19 #ჰედნაილი
Headline
Tbilisi, Georgia · 2 months ago
ჩინეთში ვირუსით გარდაცვლილთა რიცხვი განახლდა
ჩინეთი კორონავირუსის გავრცელების პირველწყაროდ ითვლება. ქვეყანა დღემდე აკეთებს განცხადებას ვირუსით გარდაცვლილთა განახლებულ მაჩვენებელთან დაკავშირებით. ჩინეთის საგარეო საქმეთა სამინისტრომ გამოაქვეყნა განცხადება, სადაც წერია, რომ მოხდა გარდაცვალების შემთხვევების სტატისტიკური ვერიფიკაცია, რაც უკვე დიდი ხანია პრაქტიკაში აქვს მსოფლიოს. ქვეყანაში ვირუსით გარდაცვლილთა ოფიციალური მონაცემები განაახლდა და ახლა ეს რიცხვი 2 579-ის ნაცვლად 3 869 წარმოადგენს. სამინისტრო ამტკიცებს, რომ ჩინეთის მხრიდან ფაქტების დამალვის შემთხვევა გამორიცხულია. მათივე ინფორმაციით განახლებული მონაცემები საავადმყოფოებში გარდაცვლილი პაციენტების გარდა აღირიცხა ადამიანები , რომლებმაც საავადმყოფოები დატოვეს ან საერთოდ ვერ მოხვდნენ იქ და სახლში დაიღუპნენ. ამერიკის შეერთებული შტატების პრეზიდენტმა, დონალდ ტრამპმა არაერთხელ დასდო ბრალი ჩინეთს ფაქტების დამალვაში. დონალდ ტრამპი აცხადებს, რომ მიმდინარეობს ამ საკითხის გამოძიებ. ჩინეთში უკვე ასზე მეტი კორონავირუსის ახალი შემთხვევა დაფიქსირდა. წყარო - routers.com#china #usa #coronavirus #covid19
Tbilisi Daily
Tbilisi, Georgia · 2 months ago
თუ ასეულები არ იქნება და იქნება ათეულები, ადვილად გადავლახავთ - მარინა ეზუგბაია
თუ ყოველდღიურად კორონავირუსის ასეული შემთხვევა არ დაფიქსირდება და იქნება ათეულები, ამ პრობლემას შედარებით ადვილად გადავლახავთ. ამის შესახებ, თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განცხადა. ეზუგბაიამ ჟურნალისტებთან საუბრისას ასევე აღნიშნა, რომ დღეს საღამოს ისინი კიდევ 10 პაციენტის პასუხს ელოდებიან. „შიდა გავრცელების ეტაპზე ჩვენ უკვე გადასულები ვართ. დღეს არის პირველი დღე, როცა ტესტირების შედეგად 30 ინფიცირებული შემოგვემატა. მე ვიმედოვნებ, რომ ხვალ და ზეგ ეს მაჩვენებელი 30-ზე მეტი არ იქნება. საერთოდ შემიძლია ვთქვა, რომ, რა თქმა უნდა, მოსალოდნელია დაავადების მატება, მაგრამ თუ ეს ასე გაგრძელდება, ასეულები არ იქნება და იქნება ათეულები, ამ პრობლემას, ალბათ, ადვილად გადავლახავთ. ამისთვის აუცილებელია დავრჩეთ სახლში“,- განაცხადა მარინა ეზუგბაიამ.#მარინაეზუგბაია #კორონავირუსი #პანდემია #დარჩისახლში #tbilisidaily
Batumi Daily
Batumi, Georgia · 3 months ago
შიდა გადაცემის შემთხვევა ბათუმში
ნინო ნიჟარაძის, აჭარის ჯანდაცვის მინისტრის მოადგილის, განცხადებით, დღეს ბათუმში კორონავირუსით დაინფიცირების ახალი შემთხვევა დაფიქსირდა. ინფექციის პირველწყარო ჯერ-ჯერობით უცნობია. "ეს ქალბატონი გახლავთ ბათუმში მცხოვრები, მან გასული ორი დღის განმავლობაში მიმართა ორ სხვადასხვა სამედიცინო დაწესებულებას, მას არ ჰქონდა კორონავირუსისათვის დამახასიათებელი ცხელებით რესპირაციული ჩივილები, ის აღნიშნავდა მხოლოდ მუცლის ტკივილს და დიარეას. ეჭვის მიტანის შემდეგ გადაყვანილი იქნა კლინიკა „მედალფაში“ დიაგნოსტიკისათვის, სადაც შემთხვევა დადასტურდა" - განმარტავს ნიჟარაძე. ეს აჭარაში შიდა გადაცემის მეორე შემთხვევაა. სულ "მედალფაში" 10 პაციენტი მკურნალობს, აქედან ერთის მდგომარეობა სტაბილურად მძიმეა.#შიდაგადაცემა #კორონავირუსი #BatumiDaily
ამერიკის ხმა
Tbilisi, Georgia · 11 hours ago
პანდემიის რეკორდული მაჩვენებლები - ცვალებადი მონაცემები და საფრთხე, რომელიც არსად წასულა
თითქმის 4 თვის მანძილზე პირველად, ნიუ-იორკში კოვიდ-19-ით გარდაცვალების არცერთი შემთხვევან არ ფიქსირდება. ახალი კორონავირუსის პანდემიის პიკის შემდეგ შტატიც და ქალაქი ნიუ-იორკიც ეტაპობრივად იხსნება, პარალელურად კი მცირდება როგორც ინფიცირების მაჩვენებლები, ასევე გარდაცვალებისა და იმ პაციენტების რაოდენობაც, რომლებიც რეანიმაციულ განყოფილებაში არიან მოთავსებულები. პანდემიის პიკი ნიუ-იორკში მარტი-აპრილის თვეებში დაფიქსირდა. მაშინ შტატის მასშტაბით, დღეში საშუალოდ 900 ადამიანი იღუპებოდა. შტატში ექიმების დასახმარებლად ფედერალურმა მთავრობამ სპეციალური ხომალდი და სასწარაფო დახმარების მანქანებიც გაგზავნა. შტატში გარდაცვლილთა და ინფიცირებულთა რაოდენობის მკვეთრი კლება მაისის დასაწყისიდან დაიწყო და ივლისში რეკორდულ მაჩვენებლამდე დაეცა. სწორედ შემცირებული მაჩვენებლებიდან გამომდინარე შტატი ნიუ-იორკი ეტაპობრივად გახსნის მესამე ეტაპზე გადავიდა, თუმცა ამ დრომდე ნიუ-იორკელები მკაცრად რეგულირებადი წესებით მოქმედებენ. საუბარია სოციალურ დისტანცირებაზე და პირბადის გამოყენებაზე. ამ დრომდე ნიუ-იორკში არ ჩქარობენ საუბარს სკოლებისა და საბავშვო ბაღების გახსნაზე. "მნიშვნელოვნად მცირდება დაინფიცირების და მძიმე პაციენტების რაოდენობა. ასევე, მცირდება გარდაცვალების შემთხვევები და ჩვენ ვაგრძელებთ შტატის ეკონომიკების გახსნას. სკოლებთან დაკავშირებით მინდა კიდევ ერთხელ განვაცხადო, რომ ამ დაგაწყვეტილებას მიიღებს შტატი ქალაქების მერებთან და სპეციალისტებთან კონსულტაციების საფუძველზე. ეს ჩვენი პრეროგატივაა მივიღოთ სკოლების გახსნის გადაწყვეტილება," - ამბობს ნიუ-იორკის გუბერნატორი ენდრიუ კუომო. გასული კვირის განმავლობაში პრეზიდენტმა დონალდ ტრამპმა არაერთხელ განცხადა და მოუწოდა შტატების გუბერნატორებს, რომ სკოლების გახსნა დაიწყოს. პრეზიდენტმა სპეციალური შეხვედრაც გამართა სპეციალისტებთან. თუმცა როგორც ეპიდემიოლოგები ამბობენ, გადაწყვეტილება ფედერალურ დონეზე და ერთობლივად მიღებული არ უნდა იყოს. სპეციალისტები ფიქრობენ, რომ შტატებში, სადაც ინფიცირების შემთხვევები კლებულობს, "ფრთხილი ნაბიჯებით" შესაძლებელია სასწავლო პროცესის აღდგენა. ნიუ-იორკთან ერთად ვითარება გაუმჯობესდა ნიუ-ჯერსში და კონექტიკუტშიც. შემცირებული მაჩვენებლების ფონზე კი სამივე შტატმა მიიღო გადაწყვეტილება იმ 30 შტატიდან, სადაც პანდემიის პიკია, ადამიანების მიღება შეზღუდოს. ფლორიდიდან და ნიუ-იორკში ჩასულ მოქალაქეები ვალდებული არიან 14 დღიანი საკარანტინო პერიოდი გაიარონ. სამი შტატის მაჩვენებლების გაუმჯობესების პარალელურად, კოვიდ-19-ით ინფიცირებით რეკორდულად მაღალი მაჩვენებლები ფიქსირდება ფლორიდის შტატსა და ტეხასში. ინფიცირების მაჩვენებლები მატულობს, დაახლოებით, აშშ-ის 30 შტატში. რეკორდული მაჩვენებლები ფიქსირდება ფლორიდაში, სადაც 15 000 ინფიცირებული მხოლოდ ერთ დღეს გამოვლინდა. შტატში საავადმყოფოებში ათასობით ადამიანი გადის მკურნალობას. დახურულია თავშეყრის ადგილები და სანაპირო ზოლები. მძიმე ვითარებაა ტეხასშიც. შტატში ექიმები ნიუ-იორკის სცენარის განვითარებას ელოდებიან და ამბობენ, რომ საავადმყოფოების დიდი ნაწილი უკვე გადავსებულია. ისინი ფიქრობენ, რომ სხვა შტატებიდან და ფედერალური მთავრობიდან დახმარების მიღება დაჭირდებათ. უკვე 4 თვეა რთული ვითარებაა კალიფორნიაში. შტატში შეზღუდვები მარტში დააწესეს, რომლებიც მაისში მოიხსნა. ინფიცირების მაჩვენებლების ზრდა ივნისის ბოლოს კვლავ დაიწყო. სწორედ ამიტომ კალიფორნიამ გარკვეული შეზღუდვები კვლავ დააწესა. ამერიკის დაავადებათა კონტროლის ცენტრთან ბოლო დღეების განმავლობაში კითხვის ნიშნები გაუჩნდა პრეზიდენტ ტრამპს. ამერიკის შეერთებული შტატების პრეზიდენტი ამბობს, რომ მონაცემები არასწორია და ინფიცირებულთა რაოდენობის ზრდა ამერიკაში დიდი რაოდენობით ჩატარებული ტესტირების შედეგია. აღსანიშნავია, ისიც რომ ინფიცირებულთა რეკორდული მაჩვენებლების მიუხედავად, შტატებში გარდაცვლილთა მნიშვნელოვანი ზრდა არ ფიქსირდება. ჯონ ჰოპკინსის უნივერსიტეტის მონაცემებით ამერიკის შეერთებული შტატები კოვიდ-19-ით ინფიცირებულთა რაოდენობით მსოფლიოში პირველ ადგილზეა. ამ დროისთვის ქვეყანაში ახალი კორონავირუსი უკვე დაუდასტურდა 3 მილიონზე მეტ ადამიანს, რაც დაახლოებით, ორჯერ მაღალია ბრაზილიის მონაცემებზე, რომელიც მსოფლიოში კოვიდ-19-ით ინფიცირებულთა რაოდენობით მეორე ადგილზეა. კოვიდ19-ით ინფიცირებულთა რაოდენობა ქვეყნების მიხედვით: აშშ - 3,308,312 ბრაზილია - 1,864,681 ინდოეთი - 878,254 რუსეთი - 732,547 პერუ - 326,326 ამერიკის შეერთებულ შტატებში კოვიდ-19-ით გარდაიცვალა 135 200-ზე მეტი ადამიანი, რაც ასევე, დაახლოებით, ორჯერ მეტია ბრაზილიასთან შედარებით. კოვიდ19-ით გარდაცვლილთა რაოდენობით ქვეყნების ჩამონათვალი: აშშ - 135 219 ბრაზილია - 72 100 დიდი ბრიტანეთი - 44 904 მექსიკა - 35 0006 იტალია - 34 954 *ქვეყნების მონაცემები სრულად პარალელურად ცნობილი ხდება, რომ ჩინეთში ჯანდაცვის მსოფლიო ორგანიზაციის სპეციალისტები ჩავიდნენ, რომლებმაც უნდა დაადგინონ კოვიდ-19-ის გავრცელების საწყისი ადგილი და ისიც, თუ რომელი ცხოველიდან მოხდა ვირუსის გავრცელება. ამ ეტაპზე ვუჰანში ჯანდაცვის მსოფლიო ორგანიზაციის ორი თანამშრომელი იმყოფება, რომლებმაც მუშაობა დღეიდან დაიწყეს. უახლოეს პერიოდში მათ კოლეგები შეუერთდებიან. პანდემიის დაწყების შემდეგ, ეს პირველი დამოუკიდებელი გამოძიებაა. ვითარება შედარებით გაუმჯობესდა რუსეთში, თუმცა ინფიცირების მაჩვენებლები კვლავ მნიშვნელოვნად იზრდება. მხოლოდ ბოლო 24 საათში ინფიცირების 8 000-მდე შემთხვევა დაფიქსირდა. მეორე კვირაა ჯანდაცვის მსოფლიო ორგანიზაცია კოვიდ19-ის პანდემიის შესახებ რეკომენდაციების შეცვლაზე მუშაობს, მიზეზი ახალი კვლევაა, რომლითაც ირკვევა, რომ ახალი კორონავირუსი შესაძლოა არა მხოლოდ ჰაერწვეთოვანი გზით არამედ ჰაერითაც გადაიცემოდეს. ფაქტების შესწავლა ჯანმომ გასულ კვირას დაიწყო. პანდემიას მსოფლიოში ნახევარ მილიონზე მეტი ადამიანის სიცოცხლე უკვე შეეწირა და მონაცემები, სამწუხაროდ, ყოველდღიურად იზრდება. კოვიდ-19 მსოფლიოში დღეისათვის ჯამში 12 მილიონზე მეტ ადამიანს დაუდასტურდა. გრძელდება მუშაობა წამლებზე და ვაქცინებზე. სპეციალისტების აქტიური მუშაობით შესაძლოა პირველი ვაქცინა 2021 წლის იანვარში უკვე მზად იყოს, თუმცა დაზუსტებით ამაზე საუბრისგან ექიმები და ეპიდემიოლოგები თავს იკავებენ. მსოფლიოს მასშტაბით, მიმდინარეობს მუშაობა 10-მდე ვაქცინაზე.#ახალი_ამბები
Headline
Tbilisi, Georgia · 2 months ago
ჩინეთში კორონა ვირუსით ინფიცირებულთა ახალი შემთხვევები
ჩინეთში კორონავირუსით ინფიცირების 12 ახალი შემთხვევა გამოვლინდა. აქედან 6 საზღვარგარეთ მოგზაურობას უკავშირდება, კიდევ 6 კი - შიგა გადაცემით დაინფიცირდა. მთლიანობაში ქვეყანაში პანდემიის დაწყებიდან დღემდე 82 874 დაინფიცირდა. ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით. 21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა. ჩინეთმა სულ ცოტა ხნის წინ გარდაცვლილთა რაოდენობა 50% -ით გაზარდა. ამან ძალიან დიდი გამოხმაურება გამოიწვია. ასევე გაამწვავა ჩინეთის პასუხისმგებლობის საკითხი. წყარო-BBC#coronavirus #pandemic #covid19 #headline
Batumi Daily
Kutaisi, Georgia · 3 months ago
ბათუმში კორონავირუსის მორიგი შემთხვევა დაფიქსირდა
ბათუმში კორონავირუსით დაინფიცირების მორიგი შემთხვევა დაფიქსირდა დღეს, 5 აპრილს. ეს შიდა გადაცემის შემთხვევაა, რაც იმას ნიშნავს, რომ პაცინეტი საზღვარგარეთიდან კიარ შემოვიდა, არამედ ბათუმში დაინფიცირდა სხვა პირისგან. "ეს არის 80 წლამდე პირი, რომელსაც მსუბუქი რესპირაციული ჩივილები აქვს, ის კლინიკა „მედალფაშია“ გადაყვანილი" - განაცხდა აჭარის ჯანდაცვის მინისტრმა. ეს უკვე მეცხრე პაციენტი იქნება, ვინც აჭარაში იმკურნალებს. ერთი პაციენტი კი უკვე გამოჯანმრთელდა. დღევანდელი მონაცემებით, ქვეყნის მასშტაბით 170 პირია დაინფიცირებული, აქედან 36 კი უკვე გამოჯანმრთელდა.#შიდაგადაცემა #კორონავირუსი #BatumiDaily
რადიო თავისუფლება Radio Tavisupleba
Tbilisi, Georgia · 1 week ago
მსოფლიოში 11 მილიონს უახლოვდება კორონავირუსით ინფიცირებულთა რიცხვი
მსოფლიოში კორონავირუსით უკვე დაინფიცირდა 10 900 000 -ზე მეტი ადამიანი. მათგან გამოჯანმრთელდა 6 მილიონზე მეტი. COVID-19-ით გარდაცვლილთა რიცხვი 524 000 აჭარბებს. მსოფლიო ჯანდაცვის ორგანიზაციის განცხადებით, კორონავირუსის გავრცელების ტემპი გაზრდილია. აშშ-ში, რომელიც ინფიცირებულების და გარდაცვლილების რაოდენობით მსოფლიოში პირველ ადგილზეა, 24 საათში დადასტურდა 53 ათასზე მეტი ახალი შემთხვევა, რაც პანდემიის დაწყებიდან ყველაზე მაღალი მაჩვენებელია. ინფიცირებულთა საერთო რიცხვი 2 700 000-ს აჭარბებს. გარდაცვლილია 128 ათასზე მეტი ადამიანი. ზოგიერთმა შტატმა ისევ კარანტინი შემოიღო. ამ ეტაპზე ყველაზე რთული ვითარებაა ტეხასში, ფლორიდასა და კალიფორნიაში. აშშ-ის მთავარი ეპიდემიოლოგის, ენტონი ფაუჩის განცხადებით, თუ კორონავირუსის გავრცელების შეკავების მექანიზმს სწრაფად არ მიაგნეს, ეპიდემია კატასტროფულ მასშტაბს მიიღებს. ფაუჩიმ BBC-სთან ინტერვიუში თქვა, რომ იმ ფონზე, როცა მთავრობა ცდილობს ქვეყნის შედარებით ნორმალურ რეჟიმში დაბრუნებას და ბიზნესი ნაწილობრივ ამუშავდა, სხვადასხვა შტატში ინფიცირებულთა რიცხვმა მკვეთრად მოიმატა. კორონავირუსის გავრცელების მასშტაბით მსოფლიოში მეორე ადგილზე მყოფ ბრაზილიაში ინფიცირებულთა რიცხვმა 1,5 მილიონს გადააჭარბა, გარდაცვლილთა რიცხვი კი 62 ათასს უახლოვდება. მესამე ადგილზე ისევ რუსეთია, სადაც ოფიციალური სტატისტიკით, უკვე დაინფიცირდა 660 ათასზე მეტი ადამიანი და 9 600-ზე მეტი გარდაიცვალა.#ახალი_ამბები#twitter