სასაფლაოების მიმართულებით დამატებითი უფასო მარშრუტები დაინიშნა

აღდგომის დღესასწაულთან დაკავშირებით, მოქალაქეებს სასაფლაოების მიმართულებით გადაადგილება უფასოდ შეეძლებათ. თბილისის სატრანსპორტო კომპანიის ინფორმაციით, 16 და 17 აპრილს სასაფლაოების მიმართულებით, დამატებითი მარშრუტები დაინიშნა. მეტროსადგური „დიდუბე“ -მუხათგვერდისა და ვაშლიჯვრის სასაფლაოების მიმართულებით; მეტროსადგური „დელისი“ - საბურთალოს სასაფლაოსკენ; მეტროსადგური „მარჯანიშვილი“ და „სადგურის მოედნიდან“ კუკიის სასაფლაოს მიმართულებით; ჭიჭინაძის ქუჩა - ვერის სასაფლაოსკენ; „სარაჯიშვილის“ მეტრო - თბილისის ზღვის სასაფლაომდე; შუა მთის ქუჩა და „ვარკეთილის“ მეტრო - ვარკეთილის სასაფლაომდე. დამატებითი მარშრუტებით სარგებლობა მგზავრებს დილის 08:00-დან საღამოს 20:00 საათამდე უფასოდ შეეძლებათ. https://www.radiotavisupleba.ge/a/32365948.html