უკრაინაში კარანტინი 31 ივლისამდე გახანგრძლივდა

უკრაინაში კორონავირუსის ეპიდემიის გამო დაწესებული კარანტინი 31 ივლისამდე გაახანგრძლივეს. ამის შესახებ ქვეყნის პრემიერ-მინისტრმა დენის შმიგალმა განაცხადა. უკრაინაში საკარანტინო რეჟიმი პირველად 12 მარტს გამოცხადდა და მას შემდეგ რამდენჯერმე გახანგრძლივდა. ქვეყანაში კორონავირუსის 33 ათასზე მეტი შემთხვევაა დადასტურებული. ათასამდე ადამიანი გარდაიცვალა, 15 ათასამდე პაციენტი კი გამოჯანმრთელდა.