მთავრობა პრეზიდენტს საგანგებო მდგომარეობის 22 მაისის ჩათვლით გაგრძელების წინადადებით მიმართავს. ამის შესახებ განცხადება რამდენიმე წუთის წინ, მთავრობის ადმინისტრაციაში გამართულ ბრიფინგზე გაკეთდა. „ფართოვდება კლასტერები და სულ უფრო მძიმდება წყაროს დადგენა... ანალიზის საფუძველზე ჩვენ შეგვიძლია ვთქვათ, რომ შემდეგი 2-3 კვირის განმავლობაში ვიქნებით ვირუსის გავრცელების პიკურ ფაზაში“, - განაცხადა ბრიფინგზე პრემიერის პრესსპიკერმა ირაკლი ჩიქოვანმა.

საქართველოს პრემიერ-მინისტრის მრჩეველის, ირაკლი ჩიქოვანის განცხადებით, საქართველოში საგანგებო მდგომარეობა 22 მაისის ჩათვლით გახანგრძლივდება. კორონავიურსის პანდემიის გამო, საგანგებო მდგომარეობა საქართველოში ერთი თვის ვადით, 21 აპრილამდე გამოცხადდა. 14 აპრილს მთავრობამ პრეზიდენტს საგანგებო მდგომარეობის 10 მაისამდე გახანგრძლივების თაობაზე მიმართა. თუმცა, მთავრობის დღევანდელი გადაწყვეტილების თანახმად, საგანგებო მდგომარეობა ქვეყანაში 22 მაისამდე გაგრძელდება.#საგანგებომფომარეობა #22მაისი #კორონავირუსი #პანდემია #tbilisidaily

დღეს, 14 მაისს, სომხეთის მთავრობის სხდომაზე, ქვეყნის ტერიტორიაზე არსებული საგანგებო მდგომარეობის კიდევ ერთი თვით გახანგრძლივების გადაწყვეტილება მიიღეს. აქამდე არსებული მოცემულობით, 16 მარტს მიღებულ გადაწყვეტილებას ვადა დღეს, 14 მაისს (17:00 სთ-ზე) გასდიოდა და 30 დღით გახანგრძლივების შემდეგ ის 13 ივნისს (17:00 სთ-ზე) დასრულდება. მიღებული გადაწყვეტილების მიხედვით, კორონავირუსული პანდემია კვლავ უქმნის ადგილობრივი მოქალაქეების ჯანმრთელობასა და სიცოცხლეს საფრთხეს, რაც უფრო ფართო ჭრილში არღვევს ადამიანთა ნორმალური ცხოვრების დღისწესრიგს და ამასთან, ჯერჯერობით ვერ ხერხდება COVID-19-ით ინფიცირების შემცირება. როგორც სომხეთის პრემიერ-მინისტრი ნიკოლ ფაშინიანი აცხადებს, აქამდე არსებულმა თვითიზოლაციისა და საგანგებო მდგოამარეობის რეჟიმმა ჯანდაცვის სისტემის შესაძლებლობები 5-ჯერ გაზარდა. მომზადებულია რატი ერისთავის მიერ.#coronavirus #Armenia #restrictions #emergency #state #headline

#politics #news

საქართველოს პარლამენტმა ქვეყანაში საგანგებო მდგომარეობის 22 მაისამდე გახანგრძლივებას მხარი დაუჭირა. საკითხი დღეს პარლამენტის საგანგებო სესიის პლენარულ სხდომაზე განიხილეს და კენჭი უყარეს. საგანგებო მდგომარეობის 22 მაისამდე გახანგრძლივებას 97-მა დეპუტატმა დაუჭირა მხარი, 10 კი წინაღმდეგი წავიდა. კენჭისყრაში მონაწილოება არ მიუღიათ ,,ერთიანი ნაციონალური მოძრაობის” წევრებს. ენმ-ის წარმომადგენლები მთავრობისგან საგანგებო ბიუჯეტისა და ანტიკრიზისული გეგმის წარმოდგენას მოითხოვდნენ. მათი თქმით, მთავრობამ ეს ვერ შეძლო, რის გამოც ქვეყანაში შექმნილ მდგომარეობაზე პასუხისმგებლობას მთლიანად ხელისუფლებას აკისრებენ. შეგახსენებთ, რომ მთავრობამ პრეზიდენტს საგანგებო მდგომარეობის 22 მაისის ჩათვლით გადავადების თხოვნით გუშინ მიმართა. შესაბამისი ბრძანება პრეზიდენტმა გუშინვე გამოსცა, დღეს კი, პარლამენტმა საბოლოო გადაწყვეტილება მიიღო და პრეზიდენტის დეკრეტი დაამტკიცა.#პარლამენტი #საგანგებომდგომარეობა #ენმ #კენჭისყრა #tbilisidaily

საქართველოს პრემიერ-მინისტრმა გიორგი გახარიას განცხადებით, საქართველოში საგანგებო მდგომარეობა 10 მაისამდე უნდა გახანგრძლივდეს. პრემიერი პრეზიდენტს მოუწოდებს პარლამენტს ამ წინადადებით უახლოეს დღეებში მიმართოს. „ჩვენ მივმართავთ პრეზიდენტს, უახლოესი დღეების განმავლობაში მიმართოს პარლამენტს ქვეყნის მასშტაბით საგანგებო მდგომარეობის 10 მაისამდე გაგრძელების თაობაზე. ეს გახლავთ ის აუცილებელი ნაბიჯები, რომლებიც მისაღებია სასწრაფოდ იმისთვის, რომ ვირუსის, როგორც გეოგრაფიული გავრცელების, ისე მისი სისწრაფის შენელების ახალ ეტაპზე გადავიდეთ,“- განაცხადა გიორგი გახარიამ.#გიორგიგახარია #საგანგებომდგომარეობა #პრეზიდენტი #კორონავირუსი #tbilisidaily